প্রধান মন্ত্রী, শ্রী নরেন্দ্র মোদীনা ময়াই তাংবল লৌদুনা পাংথোকখিবা কেন্দ্রগী মন্ত্রীমন্দলনা ভারতকী সেন্ত্রেল দ্রগ্স স্তেন্দর্দ ওর্গনাইজেসন (সি.দি.এস.সি.ও.), অমসুং য়ুনাইতেদ কিংদম মেদিসিন্স অমসুং হেল্থকেয়র প্রদক্ত রেগুলেতরী এজেন্সী (য়ু.কে. এম.ঐচ.আর.এ.) অনিগী মরক্তা মেদিকেল প্রদক্ত রেগুলেসনগী মতাংদা তৌনবা য়ানা ৱারোল (এম.ও.য়ু.)দা খুৎয়েক পীননবা অয়াবা পীখ্রে।

এম.ও.য়ু. অসিনা দ্রগ্স স্তেন্দর্দ ওর্গনাইজেসন (সি.দি.এস.সি.ও.), অমসুং য়ুনাইতেদ কিংদম মেদিসিন্স অমসুং হেল্থকেয়র প্রদক্ত রেগুলেতরী এজেন্সী (য়ু.কে. এম.ঐচ.আর.এ.) অনিগী মরক্তা মখোয়গী মালেমগী ওইবা থৌদাং অদুগী মতুং ইন্না মেদিকেল প্রদক্ত রেগুলেসনগী মতাংদা মহৈ য়ান্না তেংবাং পীনবা অমদি ই-পাউ পীথোক-পীশিন তৌননবগীদমক ফ্রেমৱর্ক অমা শেমগৎপদা মতেং ওইনরগনি।

ওথোরিতীশিংগী মনুংদা মখাগীশিং অসি য়াওরিঃ

অ) ফার্মাকোবিজিলেন্স য়াওনা শোইদ-ঙামদবা ই-পাউ পীথোক-পীশিন তৌনবা, মসিদা অতোপ্পা পার্তীগা মরী লৈনবা অখন্নবা শোইদ-ঙামদনবগী মরোল য়াওরি।

আ) ভারত অমসুং য়ুনাইতেদ কিংদম্না শিনবা সাইন্তিফিক অমসুং প্রাক্তিকেল কনফরেন্সশিং, সিম্পোজিয়া, সেমিনারশিং অমসুং মালেমগী ওইবা ফম্বাক্তা শরুক য়াবা।

ই) গুদ (অফবা) লেবোরেতরী প্রাক্তিসশিং (জি.এল.পি.), গুদ ক্লিনিকেল প্রাক্তিসেশিং (জি.সি.পি.), গুদ মেন্যুফেকচরিং প্রাক্তিসশিং (জি.এম.পি.), গুদ দিস্ত্রিব্যুসন প্রাক্তিসশিং (জি.দি.পি.) অমসুং গুদ ফার্মাকোবিজিলেন্স প্রাক্তিসশিং (জি.পি.ভি.পি.)দা ই-পাউ পীথোক-পীশিন তৌনবা।

ঈ) নাকল অনিনা য়ানরবা মফমশিংদা তৌব-ঙম্বা শেমগৎপা।

উ) অমনা অমগী রেগুলেতরী ফ্রেমৱর্ক, মথৌ তাবশিং অমসুং থৌওংশিং পার্তীশিংগী মরক্তা য়োকখৎমিন্নবা অমদি ৱাখল তামিন্নবা; অমসুং পার্তী অনিগীদমক্তা তুংলমচৎকী রেগুলেতরীবু মপাঙ্গল কলহন্নবগী খোংথাংশিং ফংমিন্নবা।

ঊ) মেদিসিন অমসুং মেদিকেল দিভাইসশিংগী মতাংদা চৎন-কাংলোনশিংগী ই-পাউ পীথোক-পীশিন তৌনবা।

ঋ) অয়াবা য়াওদনা মপান্দা থাদোকপা অমদি মপান্দগী পুশিল্লকপা লাকশিনবদা মতেং পাংননবগীদমক ই-পাউ পীথোক-পীশিন তৌনবা।

এ) মালেমগী ওইবা ফম্বাক্তা চুংশিন্নবা।

মসিনা নাকল অনিমক্কী মরক্তা রেগুলেতরী এস্পেক্তশিং হেন্না ৱাখল তাবা ঙমহনগনি অমসুং মেদিকেলগী পোৎথোকশিং লাকশিনবদা অমসুং মালেমগী ওইবা ফম্বাক্তা হেন্না ফবা চুংশিন্নবা পুরকপা ঙম্নবা তেংবাং পীনবদা মতেং ওইরগনি।

*****