(মসিদা হৌখিবা পুং ২৪ দা থোকখিবা কোবিদ -১৯গা মরী লৈনবা চেফোংশিং, ফিল্দ ওফিসশিংদগী ফংবা পাউশিং, অমসুং পি.আই.বি.না লৌখৎপা ফেক্ত চেকশিং য়াওরি )

• ভারতনা লাখ ৭৫কী মথক্তা নাবা খ্বাইদগী য়াম্না ফাদুনা মালেমগী রেঙ্কিংদা মকোক্তা লৈখ্রে
• হৌখিবা থা ২ অসিদা এক্তিব কেসশিংগী পর্সেন্তেজ অসি শরুক ৩গী মথক্তা হন্থখ্রে
• ভারতনা তেস্ত তৌখিবগী অপুনবা করোর ১১ হেনখ্রে
• লৈবাক অসিগী নাবা ফগৎলকপগী চাং অসি ৯১.৬৮%দা হেনগৎলক্লি
• লৈবাক অসিদা হৌখিবা পুং ২৪দা ৫৩,২৮৫ নাবা ফগৎখিবগী রেজিস্তর তৌখি অমদি কনফর্ম কেস ৪৫,৩২১ রিপোর্ত তৌরকখি
• কেন্দ্রগী হোম সেক্রেতরীনা দিল্লীগী এন.সি.তি.গী কোবিদ-১৯গী ফিবম য়েংশিনখ্রে

#Unite2FightCorona

#IndiaFightsCorona

ভারতনা লাখ ৭৫কী মথক্তা নাবা খ্বাইদগী য়াম্না ফাদুনা মালেমগী রেঙ্কিংদা মকোক্তা লৈখ্রে, হৌখিবা থা ২ অসিদা এক্তিব কেসশিংগী পর্সেন্তেজ অসি শরুক ৩গী মথক্তা হন্থখ্রে, ভারতনা তেস্ত তৌখিবগী অপুনবা করোর ১১ হেনখ্রে

ভারতনা নাবা ফগৎলকপগী মশিং খ্বাইদগী য়াম্বগা লোয়ববা মালেমগী মকোক থোংবা লৈবাক ওইখ্রে। ঙসি পুন্না নাবা ফগৎখিবা অসি লাখ ৭৫ (৭,৫৪৪,৭৯৮) হেনখ্রে । লৈবাক অসিদা হৌখিবা পুং ২৪দা ৫৩,২৮৫ নাবা ফগৎখিবগী রেজিস্তর তৌখি। এক্তিব কেসশিং অসি লেপ্তনা হন্থরক্লি। ভারতকী অপুনবা এক্তিব কেস অসি ৫,৬১,৯০৮ শুখ্রে। লৈবাক অসিগী অপুনবা পোজিতিব কেসশিংগী ৬.৮৩% খক্তনা এক্তিব কেসশিং ওইরি। থা অনি খক্তগী মতম অসিদা এক্তিব কেসশিংগী পর্সেন্তেজ অসি শরুক ৩গী মথক্তা হন্থখ্রে। সেপ্তেম্বর দা এক্তিব কেসশিংগী পর্সেন্তেজ অসি ২১.১৬% ওইখি। তেস্ত তৌবা হেনগৎপনা ঙন্না খঙদোকপা অমসুং চুনবা লায়েং লৌখৎপা ঙমহনখি। ঙসিদি পুন্না তেস্ত তৌখিবা অসি করোর ১১ (১১,০৭,৪৩,১০৩) হেনখ্রে। লৈবাক শিনবা থুংনা লেব ২০৩৭ লৈবগা লোয়ননা অমসুং কেন্দ্র অমদি রাজ্য/য়ু.তি. সরকারশিংনা পুন্না হোৎনবা অসিনা লৈবাক অসিগী তেস্ত তৌবা ঙম্বগী চাংশিং অসি শরুক কয়া থোক্না হেনগৎখ্রে। লৈবাক অসিগী নাবা ফগৎলকপগী চাং অসিদা লেপ্তনা হেনগৎলকপা অসিনা নাবা ফগৎলকপগী মশিং য়াম্না ৱাংঙি হায়বসু তাক্লি, হৌজিক্কী ওইনা ৯১.৬৮%দা লৈরি। হৌখিবা পুং ২৪ অসিদা নৌনা নাবা ফগৎলকখিবা কেসশিংগী ৭৮%দি রাজ্য/য়ু.তি. ১০দগীনি। কেরেলা অমসুং কর্নাতকানা কেস ৮,০০০/৮,০০০কী মথক্তা থেংনবগা লোয়ননা মশিং খ্বাইদগী য়াম্না য়াম্বা ওইরি। দিল্লী অমসুং ৱেস্ত বেঙ্গলনা কেস ৪,০০০গী মথক্তা থেংনবগা লোয়ননা মতুং ইন্নখি। হৌখিবা পুং ২৪দা শীখিবা ৪৯৬ রেজিস্তর তৌখি। হৌখিবা পুং ২৪ অসিদা শীখিবগী ৮২%দি রাজ্য অমসুং য়ু.তি. ১০দগী ওইখি। ঙৱাংগী নুমিৎতা শীখিবগী রিপোর্ত তৌরকখিবা অসিদা শীখিবা ১১৩গা লোয়ননা মহারাস্ত্রদগী ২২% ওইখি অমদি শীখিবা ৫৯গা লোয়ননা ৱেস্ত বেঙ্গলনা মতুং ইনখি।

অকুপ্পা ৱারোলগীদমক:

কেন্দ্রগী হোম সেক্রেতরীনা দিল্লীগী এন.সি.তি.গী কোবিদ-১৯গী ফিবম য়েংশিনখ্রে

কেন্দ্রগী হোম সেক্রেতরী শ্রী অজয় ভাল্লানা চাং নাইনা পাঙথোক্লকপা থৌওংগী শরুক অমা ওইনা দিল্লীগী কোবিদ-১৯গী ফিবম ঙসি য়েংশিনখ্রে। মীফম অদুদা দা. ভি.কে. পোল, মেম্বর নি.তি. আয়োগ, সেক্রেতরী হকশেল অমসুং য়াইফ-য়ুম্বাল মন্ত্রালয়, দিরেক্তর জেনরেল, আই.সি.এম.আর., চীফ সেক্রেতরী অমসুং দিল্লীগী এন.সি.তি.গী সরকারগী মকোক থোংবা ওফিসরশিং (জি.এন.সি.তি.দি.) অমসুং দিল্লী পুলিসকী কম্মিসনরসু শরুক য়াখি। জি.এন.সি.তি.দি.না কেসকী অহুমশুবা তাংকক্কী হেনগৎলকপা থেংনরিবা দিল্লীগী হৌজিক ওইরিবা কোবিদ-১৯গী ফিবমগী মতাংদা প্রজেন্তেসন অমা পীখি। অনৌবা কোবিদ কেস অমসুং অপুনবা এক্তিব কেস মশিং হেনগৎলকপগা লোইননা, একমিনিস্ত্রেসন অসিনা তেস্তিং, কন্তেক্ত ত্রেসিং, অমসুং ত্রিৎমেন্ততা মীৎয়েং চঙনবা হোৎনরি।  হোস্পিতালগী ফমুংগী ফিবমদি অখন্নবা ফমুং ১৫,৭৮৯গী মনুংদা চাদা ৫৭ হাংবগা লোইননা নুংনাংনিংঙাই ওইদে। জি.এন.সি.তি.দি.গী ওফিসিএল অমসুং কম্মিসনর ওব পুলিস, দিল্লীনা পনখি মদুদি ঙাক শেনবা অমসুং মীয়াম ৱাখল তাহন্নবা হোৎনবদা হন্থবা অমত্তা লৈত্রি। কুম্হৈগী কুমগী ফিবম য়েংদুনা অমসুং পোলুসন হেনগৎলকপগা লোইননা অইং অশা হন্থরকপা য়েংদুনা দিল্লীদা কোবিদ-১৯ শন্দোকপা লাকশিন্নবগী লাল্লোংশিং এম.ও.ঐচ.এফ.দব্ল্যু.গী মীহুৎশিং অমসুং মীফম অদুদা শরুক য়াখিবা হকশেলগী অখঙ অহৈশিংগা মতম লৌদুনা খন্ন-নৈনখি। মরুওইবা মফমশিংদা হায়বদি সেন্সিতিব অমসুং ক্রিতিকেল ওইবা জোনশিং হায়বদি রেস্তোরন্ত, কৈথেল, শম ককফম/সেলোন অসিনচিংবা মফমশিংদা তার্গেতেদ আর.তি.-পি.সি.আর. তেস্তিং পাঙথোকপা; ফমুং, আই.সি.য়ু. অমসুং ভেন্তিলেতর য়াওনা মেদিকেল রিসোর্স ফংবগী চাং হেনগৎহনববু প্রি এম্পতিব ওইবা খোঙথাং ওইনা লৌখৎপা; ক্বারেন্তিন্দ কন্তেক্তশিংগা শন্দোকপগী চেন থদৎনবগীদমক কন্তেক্ত ত্রেসিং অমসুং মোনিতরিং তৌবগুম্বদা মীৎয়েং চঙনবা ৱারেপ লৌখি। অখন্নবা মফমশিং লৌখত্তুনা ইনফোর্স্মেন্ত হেনগৎপগা লোইননা তার্গেতেদ আই.ই.সি. (ইনফোর্মেসন, এজুকেসন অমসুং কম্ম্যুনিকেসন) কেম্পেনগী থোঙদা অহেনবা মীয়াম ৱাখল তাহন্নবা হোৎনবা; হোম আইসোলেসন্দা লৈরিবা কেস খুদিংমক মখোয়গী মেদিকেল কন্দিসশিং ফিবম লুশিল্লক্ত্রিঙৈদা য়েংশিনবা অমসুং মতম চানা হোস্পিতালদা পুবা। মসিমসু খন্নখি মদুদি, মেত্রোদা চৎপা খুদিংমক চেকশিন্না কাংলোন অমত্তা কায়হন্দনা, হীরম অসিগী মতাংদা থোকখিবা স্তেন্দার্দ ওপরেতিং প্রোসিজ্যুর (এস.ও.পি.) ঙাক্না চৎপা। হোম সেক্রেতরীনা জি.এন.সি.তি.দি.গী ওফিসিএলশিংনা হোৎনরিবশিংবু থাগৎপা ফোংদোক্লদুনা পুক্নিং চিংশিনখি মদুদি, দিল্লীদা কোবিদ-১৯ শন্দোকপা লাকশিন্নবগী থৌরাংশিং অসি অকনবা মওংদা চৎনহনগদবনি। মহাক্না দিল্লীদা লৈরিবা মীয়ামদা কোবিদতগী শাফবা লোনচৎশিং আর.দব্ল্যু.এ.শিং, মোহালা অমসুং মার্কেৎ কম্মিতীশিং, পব্লিক ইনাউন্সমেন্ত সিস্তেম, পুলিসকী গারীশিংদা পাউজেল পুদুনা চৎপা, অসিনচিংবগী থোঙদা খঙহনগদবনি হায়খি।

অকুপ্পা ৱারোলগীদমক:

স্ত্রেতেজিক পোলিসী য়ুনিৎঃ আয়ুশ মন্ত্রালয়না আয়ুশ সেক্তরবু তুংগী শাম শানবগীদমক লৌখৎলকপা খোঙথাংশিংগী মনুংদা অমা

আয়ুশ মন্ত্রালয় অমসুং এম./এস. ইনভেস্ত ইন্দিয়ানা আয়ুশ সেক্তরবু প্লান তৌরবা সিস্তেমেতিক ওইনা চাউখৎপা পুরক্নবগীদমক "স্ত্রেতেজিক পোলিসী অমসুং ফেসিলিতেসন ব্যুরো (এস.পি.এফ.বি.)" কৌবা স্ত্রেতেজিক পোলিসী য়ুনিৎ অমা শেম্নবগীদমক অপুনবা খোঙথাং অমা লৌমিন্নগনি। হায়রিবসি আয়ুশ সেক্তরগী স্তেক হোল্দিং গ্রুপশিংগা লোইননা তুংদা মখা তানা চঙশিনবা য়ানবগীদমক মন্ত্রালয় অসিনা লৌখৎলকপা খোঙথাংশিংগী মনুংদা অমনি। হায়রিবা ব্যুরো অসিনা মন্ত্রালয় অসিবু স্ত্রেতেজিক অসুং পোলিসী শেম্বগী খোঙথাংদা মতেং পাংদুনা সেক্তর অসিগী তৌবা ঙম্বদা মপুং ফাহন্নবা হোৎনবদা মতেং পাংগনি অমসুং গ্রোথ অমসুং ইনভেস্তমেন্ত হেনগৎহনগনি। কোবিদ-১৯ লাইচৎনা মালেমগী মীয়ামগী পুন্সিরোলদা অহোংবা অমা পুরক্নবা মুত্থৎপা য়াদ্রবা খোঙ্গুল অমা থম্লকপা মতমদা অসিগুম্বা লাল্লোং অসি আয়ুশ সেক্তরগী স্তেকহোল্দিং গ্রুপশিংদা চাউনা মতেং পাংগনি।

অকুপ্পা ৱারোলগীদমক:

প্রধান মন্ত্রীনা ইন্দিয়ন সিবিল সর্বিসেসকী ওফিসর ত্রেনীশিংগা ইন্তিগ্রেতেদ ফাউন্দেসন কোর্স, “আরম্ভ”গী অনিশুবা থৌরমদা ৱারী শাখ্রে

প্রধান মন্ত্রীনা থাংজ নুমিৎতা গুজারকী কেৱদিয়াদগী ভিদিও কনফরেন্স অমগী খুত্থাংদা এল.বি.এস.এন.এ.এ. মসুরীদা ইন্দিয়ন সিবিল সর্বিসেসকী ওফিসর ত্রেনীশিং (ও.তি.শিং)গা লোয়ননা ৱারী শাখি। মসি অহানবা ওইনা ২০১৯দা হৌদোকখিবা ইন্তিগ্রেতেদ ফাউন্দেসন কোর্স আরম্ভগী শরুক অমনি। ও.তি.শিংনা পীবা প্রজেন্তেসনশিং য়েংলবা মতুংদা প্রধান মন্ত্রীনা মহাক্কী ৱারোলদা সরদার বল্লভভাই পতেলগী “সিবিল সর্বেন্ত অমগী খ্বাইদগী মরু ওইবা থৌদাংদি লৈবাক মীয়ামগী সেবা তৌবনি” হায়বা ৱাখল্লোন অদুবু প্রোবেস্নরশিংদা ঙাক্না চৎনবা ফোঙদোকখি। শ্রী মোদীনা নহা ওইরিবা ওফিসরশিংনা ৱারেপশিং লৌবদা লৈবাক্কী য়েংলগা লৌগদবনি অমসুং লৈবাক্কী অপুনবা অমসুং পুন্না লৈমিন্নবগী মওংগী মপাঙ্গল হাপ্পা ওইগদবনি হায়না খঙহনখি। মহাক্না হায়খি সিবিল সর্বেন্তশিংনা মখোয়া মথৌ তৌরিবা বিভাগ নত্ত্রগা লমদম অদুগী হিরম অদু নত্ত্রবসু মখোয়না লৌবা ৱারেপশিং অদু মতম পুম্বদা মীচম প্রজাগী য়াইফনবা ওইগদবনি। শ্রী মোদীনা হন্দক্তা সিবিল সর্বিসেস্তা অহোংবা পুরকখিবা মিসন কর্ময়োগী অদু পনখি অমসুং মহাক্না হায়খি মসিনা সিবিল সর্বেন্তশিংবু হেন্না লৌশিং লৈনবা অমদি মশানা মশাবু থাজবা হেনগৎনবা মখোয়গী কেপাসিতী বিল্দিংগী তৌনবা হোৎনরি।

অকুপ্পা ৱারোলগীদমক:

প্রধান মন্ত্রীনা এ.এ.আর.এ.এম.বি.ঐচ. ২০২০দা সিবিল সর্বিস প্রোবেস্নর্শিংগা ৱারী শাবগী ৱারোল

অকুপ্পা ৱারোলগীদমক:

প্রধান মন্ত্রীনা কেৱরিয়াগা অহমদাবাদকী সবর্মতি রিবরফ্রন্তকী মরক্তা চত্থোক চৎশিন তৌনবা সি-প্লেন সর্ভিস শঙ্গাখ্রে

প্রধান মন্ত্রীনা থাজ নুমিৎতা কেৱরিয়াদা ৱাতর এরোদ্রোম অমসুং কেৱরিয়াগী স্তেচ্যু ওফ য়ুনিতীগা অহমদাবাদকী সবর্মতি রিবরফ্রন্তকা ফাওনহনগদবা সি-পলেন সর্ভিস শঙ্গাখ্রে। শ্রী মোদীনা অহমদাবাদকী সবর্মতি রিবরফ্রন্তকী ৱাতর এরোদ্রোম অমসুং সবর্মতি রিবরফ্রন্ততগী কেৱরিয় ফাওবগী সিপ্লেন সর্ভিসসু শঙ্গাখি। মসি লাস্ত মাইল কন্নেক্তিবিতী লৈহন্নবা থৌরাং তৌখিবা ৱাতর এরোদ্রোমশিংগী সিরিজকী শরুক্নি।

অকুপ্পা ৱারোলগীদমক:

প্রধান মন্ত্রীনা গুজরাতকী কেবাদিয়াদা আরোগ্য ভান, আরোগ্য কুতির, এক্তা মোল অমসুং অঙাংশিংগী ন্যুত্রিসন পার্ক শঙ্গাখ্রে

প্রধান মন্ত্রী শ্রী নরেন্দ্র মোদীনা ইরাই নুমিৎতা গুজরাতকী কেবাদিয়াগী ইন্তিগ্রেতেদ দিভেলপমেন্ত মখাদা তোঙান-তোঙানবা প্রোজেক্ত কয়া শঙ্গাখ্রে। শ্রী মোদীনা আরোগ্য ভান অমসুং আরোগ্য কুতির শঙ্গাখিবদা নত্তনা এক্তা মোল অমসুং অঙাংশিংগী ন্যুত্রিসন পার্কসু শঙ্গাখি। আরোগ্য ভান্দা একর ১৭ পাক-চাউবা মফমদা তোঙান-তোঙানবা পাম্বী মখল ৩৮০গী পাম্বী লাখ ৫ লৈ, আরোগ্য কুতিরদা অয়ুর্বেদ, সিধা, য়োগ অমসুং পঞ্চাকর্মদা য়ুম্ফম ওইবা হেল্থকেয়র পীনবা সান্তিগিরি ৱেলনেশ সেন্তর হায়না মিংথোনবা নাৎকী ওইবা অনা-লায়েংগী খুদোংচাবা লৈরি।

অকুপ্পা ৱারোলগীদমক:

প্রধান মন্ত্রীনা সদর বল্লাভাই পতেল জুলোজিকেল পার্ক শঙ্গাখ্রে

প্রধান মন্ত্রী শ্রী নরেন্দ্র মোদীনা ইরাই নিমিৎতা কেবাদিয়াদা সদর পতেল জুলোজিকেল পার্ক অমসুং জিওদেসিক এভিএরী দুম শঙ্গাখ্রে। কেবাদিয়া ইন্তিগ্রেতেদ দিবেলপমেন্তকী মখাদা প্রোজেক্ত ১৭ জাতিদা কত্থোকখ্রে অমসুং অনৌবা প্রোজেক্ত ৪গী উরেপ উয়ুং তমখ্রে। প্রোজেক্তশিং অসিদা নেবিগেসন চেনেল, অনৌবা গোরা থোং, গরুদেশ্বর ৱায়র, সরকারগী ক্বাতরশিং, বস বে তর্মিনস, এক্তা নর্সরী , খালৱানি ইকো তুরজম, ত্রাইবেল হোম স্তে

অকুপ্পা ৱারোলগীদমক:

সরকারনা ইমর্জেন্সী ক্রেদিৎ লাইন গেরেন্তি স্কীম থা অমগী শাংদোকখ্রে

য়ুনিয়ন সরকারনা ইমর্জেন্সী ক্রেদিৎ লাইন গেরেন্তি স্কীম (ই.সি.এল.জি.এস.) অসি ২০২০গী নবেম্বরগী ৩০ফাওবা থা অমগী ওইনা শাংদোকখ্রে নত্ত্রগা পীরিবা মতম অসি লুপা করোর ৩ অসি স্কীম অসিগী মখাদা কায়থরক্ত্রিবা ফাওবা, হায়রিবা অসিগী মমাংদা ইকোনোমি অসিগী মখল কয়াগী সেক্তরশিং হাংদোকপা য়েংলগা অমসুং কুমহৈগী পান্থা অসিদা লাকপা য়াবা য়েংগনি। হায়রিবা খুদোংচাবা অসি পুরিবশিং অসিনা স্কীম অসি ফংদ্রিবা ফাওবা মখোয়বু স্কীম অসিগী মখাদা ফংহন্নবা শাংদোক্কনি। ই.সি.এল.জি.এস. অসি আত্মানির্ভর ভারত পেক্কেজ (এ.এন.বি.পি.)গী শরুক অমা ওইনা মপুং ফানা গুরান্তি তৌরবা অমসুং এম.এস.এম.ই.সিং, ব্যুজিনেস এনর্তপ্রাইসেস, ব্যুজিনেসকীদমক ইন্দিবিজুএল লোন অমসুং মুদ্রা পুবশিং অসিদা লাওথোক্তুনা ২৯.২.২০২০ ফাওবদা ২০% শাংদোকপা অসিনি।

অকুপ্পা ৱারোলগীদমক:

ই-ইনভোইস –অনৌবা মখলগী খোঙথাং অমা ওক্তোবরগী ৩১দা থা অমা ফারে

অনৌবা ই-ইনভোইস অসিগী খোঙথাং অসি ওক্তোবরগী ৩১দা থা অমা মপুং ফাখ্রে, মসিনা ব্যুজিনেস তৌবদা অমগা অমগা পাউ ফাউনদুনা অওনবা অমা পুরক্লগনি। এন. আই.সি.গী মতুং ইন্না হৌদোরকপা অহানবা থা অদুমক্তদা ই-ইনভোইস লাখ ৪৯৫ হেনবা অসি তেক্স থীবা ২৭,৪০০না এন. আই.সি.গী পোর্তেলদা শিজিন্নখি। ই-ইনভোইস সিস্তেম অসি জি.এস.তি. সিস্তেমদা গেম চেঞ্জর অসি ২০২০গী ওক্তোবরগী ৩১দা হৌদোকখিবনি হায়রিবা অসি লুপা করোরর ৫০০ চংনা হৌদোকখিবনি। অসিনা ইন্দিয়াদাগী ব্যুজিনেসকী খোহচৎতা অতোপ্পা অনৌবা মফম অমা য়ৌরগনি। পীরক্লিবা দেতা অসি ইনভোইস রেজিস্ত্রেসন পোর্তেলদা অয়েৎপা লৈতনা জি.এস.তি.আর.১ চংদুনা জি.এস.তি. কমন পোর্তেলদা পোৎলুম হন্থহল্লি। ২০২০গী ওক্তোবরগী ১দা হৌদোকখিবা ই-ইনভোইস লাখ ৮.৪ অসিদগী হৌদুনা, শিজিন্নবা অসি তপ্না-তপ্না হেনগৎলক্লি অমসুং ২০২০গী ওক্তোবরগী ৩১দদি নোংমদা ই-ইনভোইস লাখ ৩৫ ফাওবা শিজিন্নবা থেংনরি। মসিগী শিজিন্নবা অসি ৬৪১দা হেনগৎলকপনা অসিনা নোংমদা ই-ইনভোইস লাখ ৩৫ ফাওবা য়ৌদুনা সিস্তেম অসি য়াম্না লিংবা ওইরি।

অকুপ্পা ৱারোলগীদমক:

হকচাংগী লায়না ঙাকথোকপা ঙম্বা হেনগৎহন্নবা অমসুং হকচাং ফবা পুন্সি মহিংগীদমক কোবিদনা মালেম শীনবা থুংনা য়োগা, অয়ুর্বেদ অমসুং নেচরোপেথি পাম্নবা হেনগৎহল্লে: দোক্তর জিতেন্দ্র সিংহ

দিবলপমেন্ত ওফ নোর্থ ইস্তর্ন রিজন(দোনর)গী রাজ্য মন্ত্রী(মনিংতম্বা), পি.এম.ও, পর্সোনেল, পব্লিক গ্রিভান্সেস, পেন্সন্স, এতোমিক ইনর্জি অমসুং স্পেসকী রাজ্য মন্ত্রী দোক্তর জিতেন্দ্র সিংহনা হায়খি হকচাংগী লায়না ঙাকথোকপা ঙম্বা হেনগৎহন্নবা অমসুং হকচাং ফবা পুন্সি মহিংগীদমক কোবিদনা মালেম শীনবা থুংনা য়োগা, অয়ুর্বেদ অমসুং নেচরোপেথি পাম্নহল্লে। ভর্চুএল ওইনা এসোকেমনা শীনবা মালেমগী অয়ুস মেলা হৌদোকপা ৱা ঙাংবদা মহাক্না হায়খি অলতরনেৎ মেদিসিনগী খ্বাইদগী ফবা লায়েং মখল খঙদোক্নবা হৌখিবা থা ৪-৫ অসিদা নোংচুপকী লৈবাকশিংনা ভারত্তা মাইওনশিল্লক্লে। দোক্তর জিতেন্দ্র সিংহনা হায়খি হকশেলগী চেকশিন-থৌরাংদা অনৌবা ভারত অত্মনির্ভর ওইরগনি অমসুং মহৌশাদগী লৈরক্লবা লায়েং-কাংলোনশিংগী খুৎথাংদা লায়না ঙাকথোকপা ঙম্বগী শক্তি হেনগৎহন্নবা থবকশিং মালেমদা ফংহল্লগনি। অপুনবা অনা-লায়েংগী থবকশিংগী অফবশিং কোবিদনা অমুক নিংশিংহল্লে অমসুং দব্লিউ.ঐচ.ওগী অনা-লায়েংগী থবকশিংগী মনুংচন্না মসি মালেমগী মেদিকেলগী থবকশিংগী শরুক অমা ওইহনবা দরকার ওইরে।

অকুপ্পা ৱারোলগীদমক:

মেদিকেল এজুকেশনদা অহোংবা অমা পুরক্নবগী মাইকৈদা অচৌবা খোংথাং অমা, নেস্নেল মেদিকেল কমিশন্না চহি অমগী এম.বি.বি.এস. এদমিশনশিংগী রেগুলেশন্স (২০২০)গীদমক্তা তঙাইফদনা মথৌ তাবশিং খঙহনখ্রে”

য়াম্না কোম্না মেদিকেল এজুকেশন তম্বা ঙম্নবগী মাইকৈদা য়াম্না মরু ওইবা খোংথাং অমা ওইনা, নেস্নেল মেদিকেল কমিশন (এন.এম.সি.)না মখোয়গী অহানবা মরু ওইবা রেগুলেশন থোকখ্রে। “মিনিমম রিক্ব্যার্মেন্ত ফোর এন্যুৱেল এম.বি.বি.এস. এদমিশন্স রেগুলেশন্স (২০২০)” হায়না মিংথোনবা, ঙসি থোকখিবা নোতিফিকেশন অসিনা হান্নগী মেদিকেল কাউন্সিল ওফ ইন্দিয়া (এম.সি.আই.)গী “মিনিমম স্তেনদার্দ রিক্ব্যার্মেন্ত ফোর মেদিকেল কোলেজেস, ১৯৯৯ (ফোর ৫০/১০০/১৫০/২০০/২৫০ এন্যুৱেল এদমিশন্স)” অসিগী মহুৎ শিল্লগনি। অনৌবা রেগুলেশন অসি ইস্তাব্লিশ তৌনবগীদমক্তা প্রপোজ তৌরক্লিবা অনৌবা মেদিকেল কোলেজশিং, অমসুং একাদেমিক ইয়র ২০২১-২২দগী মখোয়গী চহি অমগী এম.বি.বি.এস. ইন্তেক অদু হেনগৎনবা প্রপোজ তৌরক্লিবা ইস্তাব্লিশ তৌরবা মেদিকেল কোলেজশিংদা চৎনগনি। ত্রাঞ্জিতরী পেরদকী মনুংদা, ইস্তাব্লিশ তৌরবা মেদিকেল কোলেজশিং অদু হন্দক্কী নোতিফিকেশন অসিগী মমাংদা লৈরম্বা মরী লৈনবা রেগুলেশনশিং অদুগী মখাদা লৈগনি।

অকুপ্পা ৱারোলগীদমক:

গ্রোস জি.এস.তি. রিবিন্যুগী লুপা করোর ১,০৫,১৫৫ অমা ২০২০গী ওক্তোবর থাগী ওইনা খোমগৎলে

২০২০গী ওক্তোবর থাগী গ্রোস জি.এস.তি. রিবিন্যু অসি লুপা করোর ১,০৫,১৫৫নি হায়রিবা অসিদা সি.জি.এস.তি.গীনা লুপা করোর ১৯,১৯৩নি, এস.জি.এস.তি.গীনা লুপা করোর ২৫,৪১১নি,আই.জি.এস.তি.গীনা লুপা করোর ৫২,৫৪০নি (মসিদা লুপা করোর ২৩,৩৭৫ অমদি মপালদগী পুশিল্লকপা পোৎশিংদগীনি) অমসুং সেস অসি লুপা করোর ৮,০১১নি (মসিদা লুপা করোর ৯৩২ অমদি মপালদগী পুশিল্লকপা পোৎশিংদগীনি)। থা অসিগী রিবিন্যু অসিনা মমাং চহিগী চপ মান্নবা থাগী জি.এস.তি. রিবিন্যুদগী ১০% হেল্লি। থা অসিগী মনুংদা, মপাল লমদগী পোৎ পুশিল্লকপা অসি ৯% হেল্লি অমসুং দোমেস্তিক ত্রান্সসেক্সন্দগী লাকপা রিবিন্যু ( মপালদগী পুশিল্লকপা য়াওনা) অসিনা মমাং চহিগী চপ মান্নবা থা অসিদা লাকপা রিবিন্যু অসিদগী ১১% হেল্লি। জি.এস.তি. চাওখৎলকপা অসি ২০২০গী জুলাই, ওগস্ত অমসুং সেপ্তেম্বর অসিদা -১৪%,-৮% অমসুং ৫% মথংশিৎনা লৈবা অসিনা ময়েক শেংনা উৎলি।

অকুপ্পা ৱারোলগীদমক:

পি.আই.বি. ফিল্দ ওফিসশিংদগী ফংবা পাউ

•           মহারাস্ত্র: মুম্বাইকরশিংগীদমক্তা ওইনা ঙসিদগী কোবিদ-১৯ তেস্ত তৌবগী ফেসিলিতীশিং লেম্না ‘ৱাক ইন’ বেসিস্তা অয়ুক্কী পুং ১০দগী নুংথিলগী পুং ১২ ফাওবগী মরক্তা নুমিৎ খুদিংগী ব্রিহানমুম্বাই মুনিসিপাল কোরপোরেশন (বি.এম.সি.)গী জুরিস্দি্সন মখাদা মফম ২৪৪দা ফংহল্লগনি। নোংমাইজিং মুমিত্তা মহারাস্ত্রদা অনৌবা কেস ৫,৬৩৩ থেংনখি অমসুং রাজ্য অসিদা লৈরিবা এক্তিব কেসশিং অদু লাখ ১.২৫নি। রাজ্য অসিনা হৌজিক ফাওবদা কোবিদ তেস্ত লাখ ৯০.২৪গী মথক্তা তৌখ্রে।

•          গুজরাত: গুজরাত্তা নোংমাইজিং নুমিত্তা করোনাভাইরসকী অনৌবা কেস ৯০০গী মখাদা থেংনখি. মসিনা হৌখিবা নুমিৎ খরনি অসিদা নোংমদা থেংনখিবা কেসশিংগী মশিংদা হন্থরকপা লৈখিবা অদু উৎলি। নুমিৎ অদুদা রাজ্য অসিদা অনৌবা কেস পুন্না ৮৬০ থেংনখি, হায়রিবা অসি থাংজ নুমিত্তা থেংনখিবা কেস ৯৩৫ অমসুং অদুগী মমাংদা থেংনখিবা ৯৬৯ অদুদগী হন্থখি। নোংমাইজিং নুমিত্তা থেংনখিবা কেস ৮৬০গী মরক্তা ২২০দি সুরত্তগীনি – হায়রিবা অসি অর্বান এরিয়াশিংদগী ১৬৭নি অমসুং রুরলগী শরুক্তগী ৫৩নি। রাজ্য অসিদা ভাইরস অসি থেংনখিবশিংগী অপুনবা মশিং অসি ১,৭৩,৮০৪ য়ৌখ্রে অদুগা নুমিৎ অদুদা মঙা শিখিবগা লোইননা অপুনবা মশিং অদু ৩,৭২৪ ওইখি। এক্তিব কেসশিং অদুদি ১২,৮৩৩নি।

•          রাজস্থান: রাজস্থান সরকারনা কোবিদকী লাইচৎ অসিনা থোকহল্লিবা খ্রাইসিস অসিগী মরকশিদা রাজ্য অসিদা কুম্হৈগী পন্থা অসিগী মনুংদা ফায়রক্রেকরশিং য়োনবদা অথিংবা থম্নবা ৱারেপ লৌখ্রে। সরকার অসিনা রাজ্য অসিদা লৈরিবা স্কুলশিং অমসুং কোলেজশিং নবেম্বরগী ১৬ ফাওবা লোন্দুনা থম্নবা ৱারেপ লৌখ্রে।

•          মথ্য প্রদেশ। হৌখিবা থা অমদা নুমিৎ খুদিংগী, নোংমদা কোবিদ-১৯দগী ফখিবশিং অদুনা পোজিতিব ওইখিবশিং অদুগী মশিংদগী হেনখি- মসিনা রাজ্য অসিদা কোবিদ-১৯ ফখিবশিং অদুগী অপুনবা মশিং অদু ১১%দগী হেন্না ফগৎহনখি। নোংমাইজিং নুমিত্তা, রাজ্য অসিদা অতোপ্পা জিলা ৫০গী মনুংদা ৩৫দা অনৌবা কেস ১০গী মথক্তা থেংনরবসু, ভোপালদা কেস ১০০গী মথক্তা থেংনখিবগা লোইননা অনৌবা কেস ৭৩৫কী মথক্তা থেংনখি।

•          গোৱা: গোৱাগী খ্বাইদগী চাউবা ইশৈ অমসুং জগোইগী কুম্হৈ- সনবর্ন অদু হন্দক্কী চহি অসিদা চাদা ২০গী কেপাসিতীগা লোইননা পাংথোক্লগনি। হায়রিবা অসি খ্রিস্তমাসকী হেক মতুংদা দিসেম্বর ২৭-২৯গী মরক্তা নোর্থ গোৱাদা বাগাতোর বীচতা পাংথোক্লগনি। ওর্গনাইজরসিং অদুনা অকক্নবা কেপাসিতী অমসুং খ্বাইদগী য়ামদনা শোক্না-শম্নবা এন্ত্রীগা লোইননা কুম্হৈ অসিগী মনুংদা চৎকদবা প্রোতোকোলশিং অদু থাদোকখ্রে।

•          কেরলা: রাজ্য অসিগী ইলেক্সন কমিশন্না হাই কোর্ত্তা খঙহল্লকখ্রে মদুদি মখোয়না কোবিদ-১৯গী প্রোতোকোলশিং চেকশিন্না ঙাক্না চত্তুনা লোকল বোদীগী মীখলশিং অদু পাংথোকপা য়ারগনি হায়খি। মীখল অদু য়ৈথোক্নবগী হায়জরদুনা পেতিশন অমদা  কোর্ত্তা পীরকখিবা পাউখুমদা, মীখল অদুগী পেনলসু হায়খি মদুদি মখোয়না রাজ্য অসিদা লৈরিবা রাজনিতী দলশিংগা লোইননা মীখলগী ফিভম অদু তানখি অমসুং মীখল তৌদ্রিঙৈগী মমাংদা শিনগদবশিং অদু অরোইবা তাঙ্কক্তা লৈরে হায়না হায়খি। কোচিদা ঙসি অমা লৈখিদবগা লোইননা, রাজ্য অসিদা কোবিদনা মরম ওইরগা লৈখিদবশিংগী মশিং অদু ১৫১৩দা হেনগৎখ্রে। রাজ্য অসিদা ঙরাং কোবিদ-১৯ কেস ৭০২৫ থেংনখি।

•          তামিল নাদু: চেন্নাইদা লনাইগী হোসপিতাল অমদা থাংজ নুমিত্তা কোবিদ-১৯গা মরী লৈনবা কমপ্লিকেশন কয়া ময়োক্নদুনা লৈখিদ্রবা তি.এন. এগ্রিকলচর মিনিস্তর, আর. দোরাইকন্নুবু নোংমাইজিং নুমিত্তা রাজ্য অসিনা ইকাই খুম্নখিবগা লোইননা থানজাবুর জিলাদা মহাক্কী পোক্নফম খুঙ্গং রাজাগিরি মনাক্তা লৈরোল চনখ্রে। তামিল নাদুনা নোংমাইজিং নুমিত্তা কোবিদ-১৯কী সেমপলশিংগীদমক্তা তেস্ত তৌবা হৌরবা মতুং থা মাপলগী মতুংদা আর.তি.-সি.পি.আর. কিৎশিং শিজিন্নদুনা তেস্ত করোর অমাগী মাইলস্তোন য়ৌখ্রে।

•          কর্নাতকা: ৮,০৫৩ ফখিবগা অমসুং অনৌবা কেস ৩,৬৫২ থেংনখিবগা লোইননা কর্নাতকানা থংনা-থংননা নুমিৎ ১৮নি শুবা ওইনা অনৌবা কেসশিংদগী ফগৎলকখিবশিংনা হেনখিবা থেংনখি। নুমিৎ ১০ খক্কী মনুংদা, ওক্তোবর ২১দগী ৩১ ফাওবগী মনুংদা রাজ্য অসিদা লৈখিবা কোবিদ-১৯ এক্তিব কেসশিংগী মশিং অদু তঙ্খাই ময়া নক্না হন্থখ্রে। ওক্তোবর ২১দা, রাজ্য অসিগী এক্তিব কেসশিং অদু ১,০০,৪৪০ ওইখি অমসুং ওক্তোবর ৩১দা হায়রিবা মশিং অসি ৫০,৫৯২দা হন্থখি। মাইসুরুনা দসরা কুম্হৈগী মনুংদা ফাওবা কোবিদ পেসেন্তশিং দিসচার্জ তৌখিবগী মশিংদা য়াম্না হেনগৎলকপা থেংনখি; এক্তিব কেসশিংগী মশিং অদু জিলা অসিদা হৌখিবা নুমিৎ ১৫নিদা চাদা ৭৫গী মথক্তা হন্থরকখি।

•          অন্ধ্র প্রদেশ: স্কুলশিং অমসুং কোলেজশিং অমুক হন্না হাদোক্নবগীদমক্তা ওইবা সেন্তরগী গাইদলাইনশিং অদু ঙক্না চত্তুনা রাজ্য অসিদা লৈরিবা  রাজ্য সরকারগী স্কুলশিং অদু ক্লাস ৯ অমসুং ১০গীদমক্তা কোবিদকী মায়োক্তা লৌখৎপা চেকশিন-থৌরাংশিংগী নোর্মশিং ঙাক্না চত্তুনা অমুক হন্না হাংদোকখ্রে। স্কুলশিং অদু তাঙ্কক অউম থোক্না খাইদোক্তুনা নোংমা কাল্লগা নোংমদা ক্লাস তঙ্কাই তৌরগনি। কোর্পোরেত অমসুং লনাইগী স্কুলশিংদি হাংখিদে। মল্তিপ্লেক্সশিংনা পেপরলেস তুকেৎশিংগা লোইননা কেশলেস ত্রাঞ্জেক্সনশিংগী খুত্থাংদা চলাইরগনি। ফমফমগী এরেঞ্জমেন্তশিং অদু থীয়েতর খুদিংমক্তা চাদা ৫০ থলহন্দুনা মথৌ তৌরগনি।

•          তেলঙ্গনা। হৌখিবা পুং ২৪দা অনৌবা কেস ৯২২ থেংনখি, ১৪৫৬ ফগৎখি অমসুং ৭ শিখিবা থেংনখি; কেস ৯২২গী মনুংদা জি.ঐচ.এম.সি.দগী কেস ২৫৬ লৈখি। অপুনবা কেসশিং: ২,৪০,৯৭০; এক্তিব কেসশিং: ১৭,৬৩০; শিখিবশিং: ১৩৪৮; দিসচার্জ তৌখিবশিং: ২,২১,৯৯২। অন্ধ্র প্রদেশ অমসুং তেলঙ্গনানা থা তরেতকী মতুংদা ইন্তর-স্তেত বস সার্বিস অমুক হনআ হৌনবগী অয়াবা পীখ্রে। তেলঙ্গনানা মতম কুইনদগী ঙাইরক্লবা ৱান স্তোপ লেন্দ পোর্তল, ধারনি হায়রিবা রাজ্য সরকারগী মরু ওইবা প্রোজেক্ত অসিনা রাজ্য অসিদা ঙসি লাইব ওইরবা মতুংদা প্রোপর্তীশিংগী রেজিস্ত্রেশন অমুক হৌখ্রে।

•          অসাম: অসামদা পোজিতিব ওইবগী চাং ১.৪৩% ওইখিবগা লোইননা তেস্ত ১১,৫৬৭ পাংথোকখিবগী মনুংদা কেস ১৬৬ থেংনখি অদুগা পেসেন্ত ৭৩০ দিসচার্জ তৌখ্রে। অপুনবা কেসশিং: ২০৬৫১৭, ফখিবশিং: ৯৫.২৮% অমসুং এক্তিব কেসশিং: ৪.২৬% ওইখি।

•          মিজোরাম: মিজোরাম-অসাম বোর্দরদা তৌখিবা ব্লোকেদ অদু নুমিৎ মঙানি শুখ্রে। মিজোরামগী তেরিতোরীগী মনুংদা বঙ্কর মান্বা স্ত্রকচরশিং শেমগৎলি হায়না মরাল শিরকখি।

•          নাগালেন্দ: অনৌবা কেস ২৮ থেংনখিবগা লোইননা নাগালেন্দগী কোবিদ-১৯ পোজিতিব কেস অসি ৯,০৭৫ য়ৌখ্রে।

•          সিক্কিম: সিক্কিমদা কোবিদ-১৯গা মরী লৈননা শিখিবশিংগী মশিং অদু ৭৩ য়ৌখ্রে; অপুনবা কেস মশিং ৩,৯৫৮তা হেনগৎখ্রে।

ফেক্ত চেক

*****