মাইক্রো, স্মোল অমসুং মেদিয়ম ইন্তর্প্রাইজেস মন্ত্রালয়
খাদিনা কার্গিল-লেহদা থবক ফংহন্দুনা হরাও-মিনোক তমহল্লি
Posted On:
02 NOV 2020 3:51PM by PIB Imphal
কার্গিল অমসুং লেহগী ইং-চিক্লবা অমসুং পুক্নিং হুরবা হিমলয়গী চিংশং-নাপোমশিং অসি খাদি এন্দ ভিলেজ ইন্দস্ত্রীস কম্মিসন (কে.ভি.আই.সি.)না লমদম অসিদা সেল্ফ-সস্তেনেবল ইমপ্লোইমেন্তনা পীবা মহৈ ওইনা পোত্থোক পুথোকপগী থবক থৌরমশিংনা পিক থল্লি।
![https://static.pib.gov.in/WriteReadData/userfiles/image/image001QBIP.jpg](https://static.pib.gov.in/WriteReadData/userfiles/image/image001QBIP.jpg)
২০১৭-১৮গী চহি অসিদগী হৌদুনা কে.ভি.আই.সি.না মখোয়গী প্রধান মন্ত্রী ইমপ্লোইমেন্ত জেনরেসন প্রোগ্রাম (পি.এম.ই.জি.পি.) স্কিমগী মখাদা কার্গিল অমসুং লেহদা তোঙান তোঙানবা স্মোল অমসুং মীদিয়ম মেন্যুফেকচরিং য়ুনিৎ ১০০০গী ময়াদা লিংখৎতুনা চহি অহুম-মখায় খক্তদা লোকেলগী নহাশিংদা থবক ৮২০০গী মথক্তা ফংহল্লি অমসুং য়ুনিৎশিং অসি শৌগৎনবা ২০১৭-১৮দগী হৌনা লুপা করোর ৩২.৩৫গী মখাদা মার্জিন মনী কাইথখি।
সিমেন্তগী ব্লোকশিং শাবদগী হৌরগা য়োৎ অমসুং স্তীলগী পোৎলমশিং শাবা ফাওবা,ওতোমোবাইল রিপিয়র ৱার্কশোপশিং, ফী তুনবা য়ুনিৎশিং, উগী ফর্নিচর শানবা য়ুনিৎশিং, উনা হক্তুনা শানবা য়ুনিৎশিং, সাইবর কেফে, ব্যূতী পার্লরশিং অমসুং সনাগী লিক-কোল শাবা অসিনচিংবা অসি কে.ভি.আই.সি.না শৌগৎখি অমদি মসিনা লোকেলশিংনা হিংনবগী পাম্বৈ ওইহনবা ঙম্লি। কোবিদ-১৯গী লোকদাউন্না অপনবা থোকহনখিবা ২০২০-২১গী অহানবা থা তরুক অসিগী মনুংদসু কে.ভি.আই.সি.না তোঙান তোঙানবা সেক্তরশিংদা কার্গিলদা অনৌবা প্রোজেক্ত ২৬ অমসুং লেহদা অনৌবা প্রোজেক্ত ২৪ লিংখৎতুনা লোকেলশিংবু মতেং পাংদুনা লমদম অনি অসিদা থবক ৩৫০ পীবা ঙমখি।
নীংশিংবা য়াবদি, কে.ভি.আই.সি. অসি পি.এম.ই.জি.পি. স্কিমগী নোদেল ইমপ্লিমেন্তিং এজেন্সীনি। ২০১৭-১৮দগী ২০২০-২১ ফাওবা (সেপ্তেম্বর ৩০ ফাওবা), কে.ভি.আই.সি.না কার্গিলদা প্রোজেক্ত ৮০২ অমসুং লেহদা প্রোজেক্ত ১৯১ লিংখৎতুনা মথং শিৎনা কার্গিলদা থবক ৬৭৮১ অমসুং লেহদা ১৪২১ ফংহনবা ঙমখ্রে। অমরোমদা কে.ভি.আই.সি.না হায়রিবা মতম অসিগী মনুংদা লুপা করোর ২৬.৬৭ প্রোজেক্তশিং অসিগীদমক কার্গিলদা মার্জিন মনী ওইনা থাদখি, মসিনা লেহদা লুপা করোর ৫.৬৮ থাদখি।
চহি অমদা থা তরুক খক্তা ফাওনবা য়ারিবা মহৌশানা খুদিংচাদবা মফম অমা ওইরিবা লেহ-লদাখকী লমদম অসিদা হিরম পুম্নমক্তা চাউখৎ থৌরাং পুরক্নবা প্রধান মন্ত্রীগী ৱাখল্লোন্না মতেং পাংশিন্দুনা কার্গিল অমসুং লেহদা থবক কয়া পীবা ঙম্লিবনি হায়না কে.ভি.আই.সি.গী চিয়রমেন শ্রী বিনাই কুমার সক্সেনানা ফোঙদোকখি। “কার্গিল অমসুং লেহনা মখল কয়াগী মেন্যুফেকচরিংগী থবক থৌরমশিং মতম শাংনা চত্থবা ঙমগদবা অচৌবা পোতেন্সিএল অদু উৎলি। লেহ অমসুং কার্গিল অসি লৈবাক অসিগী লেমহৌরিবা শরুকশিংগা থা তরুকরোম ফাওন্দনা লৈ। অদুম ওইনমক প্রদক্সন য়ুনিৎশিং অসিনা চহি চুপ্পা লমদমশিং অসিদা পোৎলমশিং মফম অসিদা ফংহনবা ঙম্লগনি,” হায়না সক্সেনানা ফোঙদোকখি।
কার্গিল অমসুং লেহগী বেনিফিসরীশিংনা হরাওবা ফোঙদোক্লদুনা হায়খি মখোয়না মশাগী প্রদক্সন য়ুনিৎশিং হৌদোকচরবা মতুংদা মখোয়না অতোপ্পা রাজ্যশিংদা চৎতুনা থবক থিবগী মথৌ তাদ্রে। অমসুং মসিনা মখোয়বু মশানা মশা থবক পীজবা খক নত্তনা লমদম অসিদা লৈরিবা অতোপ্পা নহা কয়াদসু থবক্কী খুদোংচাবা কয়া পীরি।
কার্গিলগী মিঞ্জি খুঙ্গংগী খুঞ্জা অমা ওইরিবা মোহম্মদ বকিরনা অহানবগী লোন ওইনা লুপা লাখ ১০গা লোয়ননা সিমেন্ত ব্লোক ব্রিকশিংগী প্রদক্সন য়ুনিৎ হৌদোকখিবা অদু হৌজিক্তি এন্যুএল তর্নওভর লুপা লাখ ৫২ রেজিস্তর তৌরি। মহাক্কী মেন্যুফেকচরিং য়ুনিৎতা মীওই ৮ থবক পীখি। মসিগা মান্ননা য়োৎ অমসুং স্তীলগী পোৎলমশিং পুথোকপগী থবক তৌরিবা ইসমাইল নাসিরিনা লুপা লাখ ২৫গা লোয়ননা কার্গিলগী পোয়েন খুঙ্গংদা মহাক্কী য়ুনিৎ হৌদোক্তুনা মীওই ১০ থবক পীখি অমসুং তর্নওভর লুপা লাখ ৭৬ লাকপগী রেজিস্তর তৌরি।
থবক পীবগী খোঙচৎ অসিনা হান্না মপান থোকপা পাম্লমদবা অমসুং মরোমদোম থবক শুরমদবা লোকেলগী নুপীশিংনা মশানা মশাবু থবক পীজনবা কন্না হোৎনরি। কে.ভি.আই.সি.না শৌগৎতুনা নুপীশিংগী ওন্তর্প্রিনোরশিংগী মশিং কয়ানা মাই পাক্না ফী ককপগী, তুবগী য়ুনিৎশিং অমসুং ব্যুতী পার্লরশিং জিলাশিংদা চল্লাইরি।
বরোগী নুপী ওন্তর্প্রিনোর অমা ওইরিবা হমিদা বনোনা ফী ককপা তুবগী থবক তৌবা হৌখি অমসুং মহাক্কী য়ুনিৎতা অতোপ্পা নুপী ৩সু থবক পীখি। হমিদাগী এন্যুএল তর্নওভর অসিসু লাখ ১২ য়ৌখ্রে।ক্ক তুবগ ফ নুপী ওন্তর্প্রিনোর ং না িএল লজেক্ত
মরু ওইনা পনবা য়াবদি লেহ-লদাখকী লমদম চাউখৎহনবা হায়বা অসিনা কেন্দ্র সরকারগী মপুং ওইবা পান্দম ওইখি। ২০১৯দা জম্মু অমসুং কাশ্মির শরুক অনি থোকখিবা অদুদগী হৌদুনা লমদম অসিদা লোকেলগী থবক পীনবা অখন্নবা খোঙথাং লৌখৎলি।
২০১৭-১৮দগী ২০২০-২১ (সেপ্তেম্বর ৩০ ফাওবদা) ফাওবদা কার্গিল অমসুং লেহদা পাইখৎখিবা প্রোজেক্তশিং অমসুং থবক পীখিবগী মশিং
সিরিএল নম্বর
|
চহি
|
প্রোজেক্ত মশিং
|
থাদখিবা মর্জিন মনী (লুপা লাখতা )
|
থবক ফংহনখিবা
|
০১
|
২০১৭-১৮
|
১৭২
|
৪১৭.১২
|
১০৯৯
|
০২
|
২০১৮-১৯
|
৪৬২
|
১৪৯১.৬৩
|
৪২৫২
|
০৩
|
২০১৯-২০
|
৩০৯
|
১১২২.৯৪
|
২৫০১
|
০৪
|
২০২০-২০
(৩০.০৯.২০২০ ফাওবা)
|
৫০
|
২০৪.০০
|
৩৫০
|
০৫
|
অপুনবা
|
৯৯৩
|
৩২৩৫.৬৯
|
৮২০২
|
******
(Release ID: 1669542)
Visitor Counter : 194