ঙাকশেল মন্ত্রালয়
সি.দি.এফ. কেনিয়া – ভারত্তা চয়োল অমগী খোঙচৎ
অফ্রিকাগী মপান্দা খোঙশানবা অহানবা লৈবাক ওইগদৌরি
Posted On:
02 NOV 2020 4:00PM by PIB Imphal
জেনরেল রোবর্ত কিবোচি, চীফ ওব দিফেন্স ফোর্সেস ওব কেনিয়ানা ভারত্তা নবেম্বর ০২দগী ০৬, ২০২০ ফাওবা ঙাকশেল মন্ত্রালয়গী চেবাওগীদমক লাক্কদৌরি। সি.দি.এফ. কেনিয়ানা কম্মান্দ অসি চহী অসিগী মে থাদা হেক পায়খিবদগী অফ্রিকাগী মপান্দা খোঙশানবা লৈবাক ভারতনা ওইগদৌরি। চয়োল অমগী খোঙচৎ অসিগী মনুংদা মহাক্না ঙাকশেল মন্ত্রী, নেসনেল সেক্যুরিতী এদভাইজর, সর্বিস চীফ অমসুং এক্সতর্নেল এফিয়র্স মন্ত্রালয়গী মকোক থোংবা ওফিসিএলশিংগা নৈ দিল্লীদা উন্নগনি।
২. জেনরেল ওফিসর অসিনা মহাক্কী খোঙচৎ অসিগী মনুংদা আগ্রা, মৌ অমসুং বেঙ্গলুরুদা চৎকনি। পনবা য়াই, সি.দি.এফ. ওফিরসর অসিনা ভারত্তা লাক্কদৌরিবসি হন্দক্কী অসিনা অহানবা নত্তে, মহাক্কী সিগনেল ওফিসর্স দিগ্রী তেলিকম্ম্যুনিকেসন্স ইঞ্জিনীয়রিং কোর্স অদু ভারত্তা মিলিতরী কোলেজ ওব তেলিকম্ম্যুনিকেসন ইঞ্জিনীয়রিং মৌদা ১৯৮৪-৮৭ ফাওবা নহা ওইরিবা ওফিসর অমা ওইনা লোইশিনখি।
৩. জেনরেল ওফিসর অসিগী খোঙচৎ অসি ভারত অমসুং কেনিয়াগী লৈবাক অনিগী মরী অসি হেন্না মনুং জঞ্জিন্না চেৎশিনহন্নবগী থাক্তা লাক্কদৌরি। ইকাইখুম্নজরিবা প্রধান মন্ত্রী শ্রী নরেন্দ্র মোদীনা কেনিয়াদা ২০১৬দা চৎলুরবা মতুং অমসুং হিজ এক্সিলেন্সী রাস্ত্রপতি কেনিয়াত্তানা ২০১৭দা হন্দুনা লাক্লম্লবা মতুংদা মরী অসি হেন্না হেন্না চেৎশিল্লকখি। হৌজিক চৎলিবা ঙাকশেলগী মতেং অসিদা কেপাসিতী অমসুং কেপেবিলিতী শাগৎপা, কাউন্তর তেরোরিজম, য়ু.এন. পিস কীপিং ওপরেসন, মেদিকেল হেল্থ কেয়র অমসুং সাইবর সেক্যুরিতী য়াওরি।
৪. ভারত অমসুং কেনিয়া অসি মপুং ফারবা গনতন্ত্র চৎপা লৈবাক অমা ওই হায়না লৌরদুনা অমসুং প্রোফেসনেল আর্ম্দ ফোর্সেস লৈ হায়না লৌরদুনা লৈবাক অনি অসিগী মরক্তা লান্নবা য়াবা ৱাখল্লোন কয়া অমা লৈরি। খোঙচৎ অসিনা হান্নদগী লৈরক্লবা লৈবাক অনিগী মরক্তা লৈরিবা মরী অসিবু হেন্না মখোঙ চেৎহল্লগনি। জেনরেল ওফিসর অসিনা নবেম্বর ৭, ২০দা থাদোকখিগনি।
![](https://static.pib.gov.in/WriteReadData/userfiles/image/Photo2DUT.jpg)
*****
(Release ID: 1669501)
Visitor Counter : 172