2020 ഒക്ടോബർ മാസത്തിൽ 1,05,155 കോടിരൂപയുടെ ജി എസ് ടി വരുമാനം സമാഹരിച്ചു.

ഇതിൽ, കേന്ദ്ര ജി എസ് ടി ഇനത്തിൽ 19,193 കോടിരൂപയും സംസ്ഥാന ജിഎസ്ടി ഇനത്തിൽ 25,411 കോടി രൂപയും സംയോജിത ജിഎസ്ടി ഇനത്തിൽ 52,540 കോടി രൂപയും( ഉൽപ്പന്ന ഇറക്കുമതിയിലൂടെ ലഭിച്ച 23,375 കോടി ഉൾപ്പെടെ) നികുതിയിനത്തിൽ 8,011 കോടി രൂപയും ( ഉൽപ്പന്ന ഇറക്കുമതിയിലൂടെ ലഭിച്ച 932 കോടി ഉൾപ്പെടെ) ഉൾപ്പെടുന്നു.2020 ഒക്ടോബർ മാസത്തിൽ( ഒക്ടോബർ 31 വരെ) 80 ലക്ഷം, GSTR- 3B റിട്ടേണുകൾ ഫയൽ ചെയ്തിട്ടുണ്ട്.

സംയോജിത ഉൽപ്പന്ന സേവന നികുതി ഇനത്തിൽ നിന്നും 25,091 കോടി രൂപ കേന്ദ്ര ജി എസ് ടി യിലേക്കും,19,427 കോടി രൂപ സംസ്ഥാന ജി എസ് ടി യിലേക്കും റെഗുലർ സെറ്റിൽമെന്റ് ആയി ഗവൺമെന്റ് ക്രമപ്പെടുത്തിയിട്ടുണ്ട്. റെഗുലർ സെറ്റിൽമെന്റിന് ശേഷം, 2020 ഒക്ടോബർ മാസത്തിൽ 44,285 കോടി രൂപ കേന്ദ്ര ജി എസ് ടി ഇനത്തിലും 44,839 കോടി രൂപ സംസ്ഥാന ജിഎസ്ടി ഇനത്തിലും, കേന്ദ്ര- സംസ്ഥാന ഗവൺമെന്റ്കൾ വരുമാനമായി നേടിയിട്ടുണ്ട്.

ആകെ ജി എസ് ടി വരുമാനം കഴിഞ്ഞ വർഷം ഇതേ മാസത്തേക്കാൾ 10% അധികമാണ്.

കഴിഞ്ഞ വർഷം ഇതേ മാസത്തെ അപേക്ഷിച്ച് ഉൽപ്പന്നങ്ങളുടെ ഇറക്കുമതിയിലൂടെ ഉള്ള വരുമാനം ഒൻപത് ശതമാനം കൂടുതലും,ആഭ്യന്തര ഇടപാടുകളിൽ നിന്നുള്ള വരുമാനം ( സേവനങ്ങളുടെ ഇറക്കുമതി ഉൾപ്പെടെ)11% കൂടുതലുമാണ്. 2020 ജൂലൈ,ഓഗസ്റ്റ്, സെപ്റ്റംബർ മാസങ്ങളിലെ ജി എസ് ടി വരുമാന വളർച്ച യഥാക്രമം -14%, -8%, 5% എന്നിങ്ങനെയാണ്. സമ്പദ്‌വ്യവസ്ഥ പുന പ്രാപ്തി കൈവരിച്ച് വരുമാന വർധന ഉണ്ടാക്കുന്നതായാണ് ഈ കണക്കുകൾ സൂചിപ്പിക്കുന്നത്.

ഈ വർഷം ഓരോ മാസത്തെയും ജിഎസ്ടി വരുമാന പ്രവണത ചാർട്ടിൽ വ്യക്തമാക്കുന്നു.ഓരോ സംസ്ഥാനവും 2020 ഒക്ടോബറിലും, 2019 ഒക്ടോബറിലും നേടിയ ജി എസ് ടി വരുമാനത്തിന്റെ വിശദാംശങ്ങൾ പട്ടികയിൽ ചേർത്തിരിക്കുന്നു.

Table: State-wise GST collection for April 2020[1]

****