কেমিকেল্স অমসুং ফর্তিলাইজর মন্ত্রালয়

বল্ক দ্রগ লমদম অসিদা পুথোকপা অমসুং মেদিকেল দিভাইস শাবা হেনগৎনবগীদমক পি.এল.আই. স্কিমগী চৎন-পথাপশিং 'নৌনা শেমদোকখ্রে'

'মিনিমম থ্রেসোল্দ' ইনভেস্তমেন্ত রিক্বাইর্মেন্তপু 'কম্মিতেদ ইনভেস্তমেন্ত'না মহুৎ শিনখ্রে

পোত্থোক অমদগী অমদা খেন্ননা ফংলিবা তেক্নোলোজীগী অপাম্বা ফংবগী মতাংদা য়েংশিনলগনি

মতীক চাবা ইনভেস্তরশিংনা এপ্লিকেসন থাজিনবগী অরোইবা মতম ৩০.১১.২০২০ ফাওবা চয়োল অমা শাংদোকখ্রে

Posted On: 29 OCT 2020 12:48PM by PIB Imphal

কেন্দ্রগী ফার্মাস্যুতিকেল বিভাগ, কেমিকেল অমসুং ফর্তিলাইজর মন্ত্রালয়না প্রদক্সন লিঙ্ক ইন্সেন্তিব (পি.এল.আই.) স্কিম্বু বল্ক দ্রগ অমসুং মেদিকেল দিভাইসশিং লমদম অসিদা পুথোকপা অমসুং শাবা হেনগৎনবগীদমক ইন্দস্ত্রীদগী ফংবা সজেসন অমসুং কম্মেন্তশিং য়েংদুনা শেমদোকখ্রে। মসিগী মতুং ইন্না 'মিনিমম থ্রেসোল্দ' ইনভেস্তমেন্ত রিক্বাইর্মেন্তপু পোত্থোক অমদগী অমদা লৈরিবা তেক্নোলোজীগী অপাম্বা ফংবগী মখা পোন্না 'কম্মিতেদ ইনভেস্তমেন্ত'না মহুৎ শিনখ্রে।

ফার্মাস্যুতিকেল বিভাগনা অঙনবদা মখাগী প্রদক্সন লিঙ্ক ইন্সেন্তিব স্কিম অনিসিগা লোইননা থোক্লকখি-

ভারত্তা মরুওইবা স্তার্তিং মতিরিএল, দ্রগ ইন্তর্মেদিএৎ অমসুং এক্তিব ফার্মাস্যুতিকেল ইনগ্রিদিএন্ত লমদম অসিগী ওইনা পুথোকপা হেনগৎনবা প্রদক্সন লিঙ্ক ইন্সেন্তিব স্কিম

মেদিকেল দিভাইসশিং লমদম অসিদা পুথোকপা হেনগৎনবগীদমক প্রদক্সন লিঙ্ক ইন্সেন্তিব স্কিম

স্কিম অনিমক অসি মন্ত্রী মন্দলনা ২০.০৩.২০২০দা অয়াবা পীখি অমসুং স্কিমশিং অসিবু থবক ওইনা পায়খৎনবগী অকুপ্পা চৎন-পথাপনা বিভাগ অসিনা ২৭.০৭.২০২০দা থোকখি।

অকুপ্পা চৎন-কাংলোন অসি থোক্লবা মতুংদা, বিভাগ অসিনা স্কিম অনি অসিদা ইন্দস্ত্রীদা মতীক চানা শরুক য়াবা য়ানবগীদমক স্কিম অসিদা শেমদোক শাদোকপা পাম্বা ফার্মাস্যুতিকেল অমসুং মেদিকেল দিভাইস ইন্দস্ত্রীশিংদগী সজেসন অমসুং ইনপুৎ কয়া ফংখি। সজেসনশিং অসি স্কিম অসিগীদমক শেমখিবা মরী লৈনবা তেক্নিকেল কম্মিতীশিংনা য়েংশিনখি। তেক্নিকেল কম্মিতীশিংগী রকমেন্দেসনশিং অসি নিতি আয়োগকী সি.ই.ও.না লুচিংবা স্কিম অসিগী এম্পাৱর্দ কম্মিতীশিংদা লানখৎখি। তেক্নিকেল কম্মিতীশিং অসিগী রকমেন্দেসনশিং অসি য়েংশিল্লবা মতুংদা, ই.সি.না স্কিম অনিসিগী চৎন-পথাপশিং অসি শেমদোকপদা অয়াবা পীখি। মসিগী মতুং ইন্না, শেমদোক্লবা চৎন-পথাপশিং অসি ঙসি, ২৯.১০.২০২০দা থোকখি অমসুং হায়রিবসিমক ফার্মাস্যুতিকেল বিভাগকী ৱেবসাইত্তা "স্কিম্স" হায়বা তেব অসিদা ফংলে।

প্রদক্সন লিঙ্ক ইন্সেন্তিব (পি.এল.আই.) স্কিমগী মরুওইবা স্তার্তিং মতিরিএল, দ্রগ ইন্তর্মেদিএৎ অমসুং এক্তিব ফার্মাস্যুতিকেল ইনগ্রিদিএন্তশিং ভারত্তা পুথোকপা হেনগৎনবা শেমদোক্লবা চৎন-পথাপশিং অসিদা য়াওরিবা মরুওইবা অহোংবশিংদু মখাদা পীরিঃ

অখন্নবা এপ্লিকেন্তশিংনা 'মিনিমম থ্রেসোল্দ' ইনভেস্তমেন্তকী ক্রাইতরিয়াশিং 'কম্মিতেদ' ইনভেস্তমেন্তনা মহুৎ শিনবা। অহোংবসি পুথোক্নবগী অখন্নবা থাক অমা য়ৌনবগী তঙাইফদবা ইনভেস্তমেন্ত অসি তেক্নোলোজীগী চোইস্তা মখা পোনবা অমসুং হায়রিবসিমক পোত্থোক অমদগী অমদা খেন্নবনা প্রদক্তিব কেপিতেল অদু মতীক চানা শীজিন্নবা হেনগৎনবা পুরকখিবনি। ক্সিম অসিগী মখাদা ইন্সেন্তিব পীনবা অখন্নবা এপ্লিকেন্তনা থাদরিবা অকক্নবা ইনভেস্তমেন্তকী ভেরিফিকেসন মখা চত্থখিগনি।

অয়াবা পোত্থোক য়োনবদা দোমেস্তিক সেল খক্তমক ওইহল্লম্বা প্রোবিজনবু ইন্সেন্তিব ফংনবগীদমক, স্কিম অসি অতোপ্পা পি.এল.আই. স্কিমশিংগা মান্নবা থাক্তা পুখৎনবা অমসুং মার্কেৎ দাইভর্সিফিকেসন পুক্নিং থৌগৎনবা মুত্থৎপা।

তেত্রাসিক্লাইন, নিওমাইসিন, পেরা এমিনো ফেনোল (পি.এ.পি.), মেরোপেনেম, আর্তেসুনেৎ লোসার্তান, তেল্মিসার্তান, এসাইক্লোভির, সিপ্রোফ্লোক্সাসিন অমসুং এস্পিরিন হায়রিবা পোত্থোক ১০ অসিগী চহী অমদা খ্বাইদগী য়ামদনা পুথোকপগী চাংদা অহোংবা থম্বা। চহী অমগী খ্বাইদগী য়ামদবা চাং অসি স্কিম অসিগী মখাদা লৈবা ইলিজিবিলিতী ক্রাইতরিয়াগী শরুক অমনি।

স্কিম অসিগী মখাদা ইপ্লিকেসন থাজিনবগী অরোইবা মতম অসি ৩০.১১.২০২০ (ইনক্লুসিব) ফাওবা চয়োল অমা শাংদোকখ্রে।

মসিগা মান্ননা, প্রদক্সন লিঙ্ক ইন্সেন্তিব স্কিমগী মেদিকেল দিভাইসশিং পুথোকপা হেনগৎনবগীদমক শেমদোক্লবা চৎন-পথাপশিংদা য়াওরিবা মরুওইবা অহোংবশিং মখাদা পীরি –

অখন্নবা এপ্লিকেন্তশিংনা 'মিনিমম থ্রেসোল্দ' ইনভেস্তমেন্তকী ক্রাইতরিয়াশিং 'কম্মিতেদ' ইনভেস্তমেন্তনা মহুৎ শিনবা।  অহোংবসি পুথোক্নবগী অখন্নবা থাক অমা য়ৌনবগী তঙাইফদবা ইনভেস্তমেন্ত অসি তেক্নোলোজীগী চোইস্তা মখা পোনবা অমসুং হায়রিবসিমক পোত্থোক অমদগী অমদা খেন্নবনা প্রদক্তিব কেপিতেল অদু মতীক চানা শীজিন্নবা হেনগৎনবা পুরকখিবনি। ক্সিম অসিগী মখাদা ইন্সেন্তিব পীনবা অখন্নবা এপ্লিকেন্তনা থাদরিবা অকক্নবা ইনভেস্তমেন্তকী ভেরিফিকেসন মখা চত্থখিগনি।

স্কিম অসিগী মখাদা ইন্সেন্তিব ফংনবগীদমক প্রোজেক্তেদ দিমান্দ, তেক্নোলোজী ত্রেন্দ অমসুং মার্কেৎ দিবেলপমেন্তগা চুন্ননা মিনিমম সেল থ্রেসোল্দগী ইলিজিবিলিতী ক্রাইতেরিয়াদা অহোংবা পুরকপা।

স্কিমসিগী মতম অসি কেপিতেল এক্সপেন্দিচর অসি অখন্নবা এপ্লিকান্তশিংনা শেনবা চহী ২০২১-২২গী ওইনা তৌগদবা য়েংলগা চহী অমা শাংদোকপা। মসিগী মখা পোন্না, ইন্সেন্তিব ফংনবগীদমক য়োনবগী থবক অসি শেনবা চহী ২০২১-২২গী মহুত্তা শেনবা চহী ২০২০০-২০২৩ ফাওবা চহী ৫ ফাওবা ওইবা।

স্কিম অসিগী মখাদা ইপ্লিকেসন থাজিনবগী অরোইবা মতম অসি ৩০.১১.২০২০ (ইনক্লুসিব) ফাওবা চয়োল অমা শাংদোকখ্রে।

ভারতকী ফার্মাস্যুতিকেল ইন্দস্ত্রী অসি ভোলুমদা য়েংবদা মালেমগী ওইনা অহুমশুবদা লৈ অমসুং ভারতকী শেন্মিৎলোন চাউখৎহনবদা অমসুং মপান্দা থাদোকপদগী তাল্লকপা শেলদা চাউনা মতেং পাংলি। মেদিকেল দিভাইসকী ইন্দস্ত্রী অসি দাইভর্সিফিকেসন অমসুং থবক পীবদা চাউনা মতেং পাংবনা সনরাইজ সেক্তর ওইনা লৌরি। ভারত সরকারনা ফার্মস্যুতিকেল অমসুং মেদিকেল দিভাইস ইন্দস্ত্রীবু লাক্কদবা চহীশিং অসিদা মখোয়গী মপুং ফাবা ফংবা ঙমজনবা মতেং পাংনবগীদমক থৌরাং কয়া অমা হৌদোকখ্রে।

*****



(Release ID: 1668875) Visitor Counter : 91