ভারতনা কোবিদকী মায়োক্তা লান্থেংনবা অসিদা অচৌবা মাই পাকপা অমা পুরকপা ঙমখ্রে। থা অহুমরোম (নুমিৎ ৮৫) অসিদা অহানবা ওইনা এক্তিব কেসলোদ অসি লাখ ৬কী মখাদা লৈখ্রে। ঙসি ভারত্তা এক্তিব কেস লাখ ৫.৯৪ রেজিস্তর তৌখি। অগস্ত ৬তা এক্তিব কেসলোদ অসি লাখ ৫.৯৫ ওইখি।

হৌজিক্কী ওইনা লৈবাক অসিগী অপুনবা পোজিতিব কেসকী ৭.৩৫% খক্তনা এক্তিব কেস ওইদুনা ৫,৯৪,৩৮৬তা লৈরি। মসিনা লেপ্তনা তপ্না তপ্না হন্থরকপগী খোঙচৎ অসিদা মপাঙ্গল হাপখি।

তোঙান তোঙানবা রাজ্যশিং/য়ু.তি.শিংগী এক্তিব কেসলোদকী ত্রেজেক্তরী অসি খেৎনরি মসিনা মালেমগী ওইবা লাইচৎ অসিগী মায়োক্তা মখোয়না লান্থেংনরিবা অসিদা মখোয়না হোৎনরিবশিং অমসুং তপ্না-তপ্না মাই পাক্লক্লিবা অদু উৎলি।

ভারত্তসু নাবা ফগৎলকপগী মশিং অসি লেপ্তনা ৱাংখৎলক্লি। পুন্না নাবা ফগৎখিবা কেস অসি ৭৩,৭৩,৩৭৫ শুখ্রে। মালেমগী ওইনা নাবা ফগৎলকখ্রবা কেসশিংগী মশিং খ্বাইদগী য়াম্বগা লোয়ননা ভারতনা মখা তানা মকোক থোংবা লৈবাক ওইরি। এক্তিব কেসশিং অমসুং নাবা ফগৎলকখ্রবা কেসশিংগী মরক্তা লৈরিবা খেৎনবা অসি লেপ্তনা হেনগৎলক্লি অমসুং ঙসি ৬,৭৭৮,৯৮৯ শুখ্রে।

হৌখিবা পুং ২৪দা মীওই ৫৭,৩৮৬ নাবা ফগৎখ্রে অমসুং দিসচার্জ তৌখ্রে অমরোমদা অনৌবা কনফর্ম কেসনা ৪৮,৬৪৮ ওইখি। লৈবাক অসিগী নাবা ফগৎলকপগী চাং অসি ৯১.১৫%দা হেনগৎখ্রে।

নৌনা নাবা ফগৎলকখ্রবা কেসশিংগী ৮০%দি রাজ্য/য়ু.তি. ১০দগী ওইখি।

নোংমদা নাবা ফগৎলকপগী মশিংদা ৮,০০০গী মথক ওইবগা লোয়ননা কেরেলানা খ্বাইদগী য়াম্বা ওইখি মতুংদা ৭,০০০/৭,০০০কী মথক ওইদুনা মহারাস্ত্র অমসুং কর্নাতকানা মতুং ইল্লি।

হৌখিবা পুং ২৪দা অনৌবা কনফর্ম কেস ৪৮,৬৪৮ রেকোর্দ তৌখি।

মসিগী মনুংদা ৭৮%দি রাজ্য অমসুং য়ু.তি. ১০দগী ওইখি। অনৌবা কেস ৭,০০০গী মথক্তা ওইবগা লোয়ননা কেরেলানা হৌজিক ফাওবদা মশিং য়াম্না রিপোর্ত তৌরক্লি কেস ৫,০০০/৫,০০০গী মথক্তা রিপোর্ত তৌরকপগা লোয়ননা মহারাস্ত্র অমসুং দিল্লীনা মতুং ইল্লি।

হৌখিবা পুং ২৪দা কেস ৫৬৩ লৈখিদবগী রিপোর্ত তৌরকখি। মসিগী মনুংদা ৮১%দি রাজ্য/য়ু.তি. তরাদগী ওইখি।

মহারাস্ত্রনা নোংমদা লৈখিদবগী মশিং খ্বাইদগী য়াম্না রিপোর্ত তৌরকখি (লৈখিদবা ১৫৬) মতুংদা কেস ৬১গা লোয়ননা ৱেস্ত বেঙ্গল লৈখি।

মিলিয়ন পোপুলেসন অমদা নোংমদা তেস্ত ১৪০ তৌবা হায়বগী দবল্যু.ঐচ.ও.গী পাউতাক অসি ঙাক্না চৎতুনা ভারতনা মাই পাক্না চংশিল্লি। মখোয়গী গাইদেন্স নোৎ “পব্লিক হেল্থ ক্রাইতেরিয়া তু এদজস্ত পব্লিক হেল্থ এন্দ সোসিএল মিজর্স ইন দি কন্তেক্সত ওফ চোবিদ-১৯” অসিদা দবল্যু.ঐচ.ও.না চিংনবা কেসশিংগীদমক মপুং ফানা সর্ভিলেন্স চত্থনবা লালোং অসি লৌখৎনবা খঙহনখি।

অতোপ্পা মাই পাকপা অমদা, রাজ্য/য়ু.তি. ৩৫না তৌ হায়না খঙহনখিবা তেস্ত মশিংদগী হেনখ্রে। লৈবাক অসিগী মিলিয়ন পোপুলেসন অমদা নোংমদা তৌবা তেস্তকী চাংচৎ অসি ৮৪৪ শুখ্রে। দিল্লী অমসুং কেরেলাগী মশিংনা ৩,০০০ হেনখ্রে।

****