নীতি আয়োগ

এ.আই.এম.না ইন্দিয়া-ওস্ত্রেলিয়া সর্কুলার ইকোনোমি হেক্কাথোন (আই.-এ.সি.ই.) লোয়ননা ওস্ত্রেলিয়াগী কমনৱেলথ সাইন্তিফিক এন্দ ইন্দস্ত্রীএল রিসর্স ওর্গানাইজেসন (সি.এস.আই.আর.ও.) হৌদোকখ্রে

Posted On: 26 OCT 2020 5:19PM by PIB Imphal

এ.আই.এম. (অতল ইন্নোভেসন মিসন)না সি.এস.আই.আর.ও.গা লোয়ননা দিসেম্বরগী ৭ অমসুং ৮দা নুমিৎ নিনিগী ওইবা হেক্কাথোন অমা  সর্কুলার ইকোনোমী, ইন্দিয়া-ওস্ত্রেলিয়া সর্কুলার ইকোনোমি হেক্কাথোন(আই.-এ.সি.ই.) শিনখ্রে। (আই.-এ.সি.ই.)গী ৱাখল্লোন অসি ইন্দিয়া অমসুং ওস্ত্রেলিয়াগী প্রধান মন্ত্রীনা জুন ৪দা ফমখিবা ভর্চুএল ওইবা সম্মিত অদুদা ইন্দিয়া অমসুং ওস্ত্রেলিয়া অনিগী অনৌবা সর্কুলার ইকোনোমি অসি হেন্না চাওখৎনবা খন্নখিবনি।   

আই.-এ.সি.ই.না মরুওইনা পান্দম থম্লিবা অসি অনৌবা তেক্নোলোজি অমা মশক খংদোকপা অমসুং চাওখৎ থৌরাংগীদমক লৈবাক অনিমক্কী অফবা মহৈরোয়শিং, স্তোর্তঅপশিং অমসুং এম.এস.এম.ই.শিং অসিদা পীবনি।

হেক্কাথোন অসিগী মরুওইবা থীম মরি মখাদা পীরি:

১.   পেক্কেজিং ৱেস্ত হন্থনবা অনৌবা পেক্কেজিং পুথোকপা

২.   অনৌবা চানবগী চেন সপ্লাই পুথোক্তুনা ৱেস্ত হন্থহনবা

৩.   প্লাস্তিক ৱেস্ত হন্থহনবা খুদোংচাবা পীবা

৪.   য়াম্না লুবা ইনর্জি মেতেলশিং অমসুং ই-ৱেস্ত রিসাইকল তৌবা

খনগৎলবা মহৈরোয় অমসুং স্তার্তঅপশিং/এম.এস.এম.ই.শিং অসি হেক্কাথোনগীদক কৌগনি, হায়রিবা অসিদা মায় পাকপা অনি (মহৈরোয়দা অমা অমসুং স্তার্তঅপ/ এম.এস.এম.ই.দগী অমা) লৈবাক অনি অসিদগী অমমম দিসেম্বরগী ১১দা পাংথোক্কদৌরিবা থৌরম অসিদা থীমশিংগী ওইনা এৱার্দশিং লাওথোক্কনি।

হেক্কাথোন অসি হৌদোকপদা, এ.আই.এম.গী দাইরেক্তর অমসুং এন.আই.তি.আই. আয়োগকী এদিসনেল সেক্রেতরি আর. রামানন্দনা হায় মদুদি, ‘ঐখোয়না য়েংলি মদুদি মতৌ করম্না সর্কুলার ইকোনোমিগী অৱাবা অসি কোক্কদগে, হায়রিবা অসিদা ৱেস্তশিং অসি মাংহনখিবা খক্তা নত্তনা ৱেস্তশিং অসি মতৌ করম্না অমুক শিজিন্নবা য়াগদগে হায়বা অসিনি’।

সি.এস.আই.আর.ও.গী চীফ ওফ দিবিজন ওফ লেন্দ অমসুং ৱাতর দাঃ পোল বর্তচনা হায় মদুদি, ‘ইন্দিয়া অমসুং ওস্ত্রেলিয়া অনিগী মরক্তা দিকেৎ অমগী মমাংদগী য়াম্না কনবা অমসুং কান্নবা মখলগী মরী লৈনৈ অমসুং ঐখোয়গী মরী অসিনা হিরম কয়াদা মশক থোক্না কান্নবা ফংনরি’। মহাক্না মখা তানা উৎখি মদুদি ইন্দিয়া অমসুং ওস্ত্রেলিয়া অনিনা পুন্না রিসর্স অমসুং চাওখৎ থৌরাংদা হোৎনদুনা মীওইব জাতিগী পুৱারিদা লাকপা অৱাবা পুম্বা থেংনগনি।

দাঃ পোল বর্তচ, দাঃ হৈনজ স্কান্দল সি.এস.আই.আর.ও. সেনিয়র সাইন্স লিদর ওফ লেন্দ অমসুং ৱাতর, হায় মদুদি, “সর্কুলার ইকোনোমি মোদেল অসিনা য়াম্না শাংনা লাকপনা মসিদা থবক হেন্না ফংলগনি অমসুং ইকোনোমি অসিশু চাওখৎলগনি। মসিনা মমল অসিশু হন্থরগনি, অনৌবা কয়া অমা পুথোক্লগনি অমসুং মশক থোক্না অকোইবদা কান্নবা পীরগনি’।

থৌরম অসি থাগৎপা ফোংদোক্লদুনা, এন.আই.তি.আই. আয়োগ, ভাইস চেয়রমেন দাঃ রাজিব কুমারনা হায় মদুদি, ‘ঐখোয়গী ইকোনোমি অসি রিসোর্স ইন্তেন্সিব হন্থনবা খোঙথাং লৌখৎপা অসি য়াম্না মরু ওই’।

ওস্ত্রেলিয়াগী রিসর্স অমসুং দিবলপমেন্ত অসিগা পুন্দুনা অনৌবা থৌরম কয়া অমা পায়খৎলিবা অসিগী মরুওইবা অসি উৎলদুনা এন.আই.তি.আই.গী সি.ই.ও.অমিতাব কান্তনা হায় মদুদি, ‘অথিংবা কয়া অমা লৈবনা থবক অমা তৌবদা মতম চংই, মসিনা সর্কুলার ইকোনোমি অসি মাংলোমদা চংশিল্লি’।

মায় পাক্লবা ইন্দিয়াগী মহৈরোয় অমসুং স্তার্তঅপশিং/এম.এস.এম.ই.শিংগী তীমদা প্রাইজ ওইনা লুপা লাখ ২ অমসুং লুপা লাখ ৫ মথংশিৎনা পীগনি। মায় পাক্লবা ওস্ত্রেলিয়াগী মহৈরোয়দা এ.য়ু.দি. দোল্লার ৩৫০০ অমসুং স্তার্তঅপশিং/এম.এস.এম.ই.শিংগী তীমদা প্রাইজ ওইনা এ.য়ু.দি. দোল্লার ৯৫০০ পীগনি।

এপ্লিকেসন থাজিনবগী অরোইবা নুমিৎ অসি ২০২০গী নবেম্বরগী ৬নি। য়াওনিংশিংনা http://aimapp2.aim.gov.in/iace/ দা থাজিনবা য়াগনি।

*****



(Release ID: 1668038) Visitor Counter : 5