(মসিদা হৌখিবা পুং ২৪ দা থোকখিবা কোবিদ -১৯গা মরী লৈনবা চেফোংশিং, ফিল্দ ওফিসশিংদগী ফংবা পাউশিং, অমসুং পি.আই.বি.না লৌখৎপা ফেক্ত চেকশিং য়াওরি )

• অনৌবা কনফার্ম তৌরবা কেস মশিং অসি হৌখিবা পুং ২৪ অসিদা থা অহুমগী মনুংদা ইহান হানবা ওইনা ৩৬,৫০০ (৩৬,৪৭০)গী মখাদা লৈরে
• অপুনবা এক্তিব কেস মশিং অসি লাখ ৬.২৫তা লৈরে, হপ্তা ১১গী মতুমদা খ্বাইদগী নেম্বা ওইরে
• লৈবাক অসিগী অপুনবা পোজিতিব কেস অসি ৬,২৫,৮৫৭ ওইরে অমসুং হৌজিক অপুনবা কেসকী চাদা ৭.৮৮তমক ওইরি
• লৈবাক্কী ওইনা ফগৎলকপগী চাং অসি মখা তানা চাদা ৯০.৬২দা হেনগৎলক্লি
• গৃহ মন্ত্রালয়না ৩০.০৯.২০২০দা থোকখিবা অমুক হন্না হাংনবগী গাইদলাইনশিং অদু ৩০.১১.২০২০ ফাওবা চৎননবা ঙসি ওর্দর অমা থোকখ্রে।

#Unite2FightCorona

#IndiaFightsCorona

ভারত্তা থা ৩গী মতুংদা নোংমগী অনৌবা কেস মশিং খ্বাইদগী নেম্বগী রেকোর্দ লাকখ্রে, অপুনবা এক্তিব কেস মশিং লাখ ৬.২৫তা লৈরি, মসি চয়োল ১১গী মতুংদা খ্বাইদগী নেম্বনি

ভারতনা কোবিদ-১৯ লান্থেংদা তোঙান-তোঙানবা মশক থোকপা মায় পাকপা কয়া ফংবা ঙমখ্রে। অনৌবা কনফার্ম্দ কেস মশিং অসি হৌখিবা পুং ২৪ অসিদা থা অহুমগী মনুংদা ইহান হানবা ওইনা ৩৬,৫০০ (৩৬,৪৭০)গী মখাদা লৈরে। জুলাই ১৮, ২০২০দা অনৌবা কেস মশিং ৩৪,৮৮৪ ওইখি। অতোপ্পা মায় পাকপা অমদনা, এক্তিব কেস মশিং অসি লাখ ৬.২৫তা হন্থরে। লৈবাক অসিগী অপুনবা পোজিতিব কেস অসি ৬,২৫,৮৫৭ ওইরে অমসুং অপুনবা কেসকী চাদা ৭.৮৮তমক ওইরি। এক্তিব কেস মশিংদা হন্থরক্লিবসি নাবা ফগৎলকপগী মশিং খম থেংনা ৱাংখৎলকপননি। অপুনবা নাবা ফখ্রবা কেস মশিং অসি লাখ ৭২ লানখ্রে (৭২,০১,২১৩)। মসিনা এক্তিব কেস অমসুং নাবা ফখ্রবা কেস মশিংগী মরক্তা লৈরম্বা খেন্নবদু হেনগৎহল্লে অমসুং ঙসিদি ৬৫,৭৫,২১৩ খক্তমক ওইরে। হৌখিবা পুং ২৪ অসিদা অনাবা মীওই ৬৩,৮৪২না নাবা ফদুনা দিসচার্জ তৌখি। লৈবাক্কী ওইবা নাবা ফখ্রবগী চাং অসি মখা তানা চাদা ৯০.৬২দা হেনগৎলে। অনৌবা নাবা ফখিবগী চাং চাদা ৭৮না রাজ্য/য়ু.তি. ১০দগী লাকখিবনি। মহারাস্ত্রনা নোংমগী মনুংদা ৯,০০০ নাবা ফদুনা মকোক থংলি অমসুং কর্নাতাকানা ৮,০০০ নাবা ফদুনা অনিশুবদা লৈরি। কনফার্ম্দ কেসকী চাদা ৭৬না রাজ্য/য়ু.তি. ১০দগী লাকখি। কেরলা অমসুং নোংচুপ বেঙ্গাল মখোয় অমমম্না অনৌবা কেস মশিং ৪,০০০ লাক্তুনা খ্বাইদগী য়াম্বা ওইরি। মহারাস্ত্রা, কর্নাতাকানা অনৌবা কেস ৩,০০০ লাক্তুনা মতুংদা ইল্লি। শিবগী মশিং ৪৮৮ হৌখিবা পুং ২৪ অসিদা লাকখি। মসিগী মনুংদগী চাদা ৮০ রোম্না রাজ্য/য়ু.তি.দগী ওইরি। থংন-থংননা অনিশুবা নুমিৎ ওইনা মীওই ৫০০দগী তানা শিরি। মহারাস্ত্রনা নোংমগী মনুংদা খ্বাইদগী য়াম্না শিরি (৮৪ শিবা)। ভারতকী শিংবগী চাং অসি চাদা ১.৫০ ওইরি।

অকুপ্পা ৱারোলগীদমক:

এম.ঐচ.এ.না অমুক হন্না হাংদোক্নবী গাইদলাইনশিং শাংদোকখ্রে, কোবিদকা চুনবা চৎন-লোনচৎশিং ঙাক্না চৎনবা রাজ্যশিং/য়ু.তি.শিংদা য়াথং পীখ্রে

গৃহ মন্ত্রালয় (এম.ঐচ.এ)না ৩০.০৯.২০২০দা থোকখিবা অমুক হন্না হাংনবগী গাইদলাইনশিং অদু ৩০.১১.২০২০ ফাওবা চৎননবা ঙসি ওর্দর অমা থোকখ্রে। এম.ঐচ.এ.না মার্চ ২৪, ২০২০দা লোকদাউনগী খোঙথাংশিংগী অহানবা ওর্দর থোকখিবা হৌবদগী, অয়াম্বা থবক থৌরম পুম্নমক কন্তেনমেন্ত জোনশিংগী ৱাংমদা তপ্না-তপ্না হাংদোরকখি। অয়াম্বা থবক থৌরমশিংগী অয়াবা পীরবসু মীয়াম তিনবা থবক থৌরম খরদি অথিংবা খরগা লোয়ননা হকশেল অমসুং চেকশিল থৌরাংগী মতাংদা পীবা এস.ও.পি.শিং ঙাক্না চৎপগী মতুং ইন্না অয়াবা পীখি। থবক থৌরমশিং অসিদা য়াওরিবা অদুদি- মেত্রো রেল; শোপ্পিং মোলশিং; হোতেল, রেস্তোরেন্তশিং অমসুং হোস্পিতেলিতী সর্ভিসশিং; ধর্মগী লাই খুরুমফমশিং; য়োগ অমসুং ত্রেনিং ইন্সতিত্যুতশিং; জিম্নাসিয়মশিং; সিনেমাশিং; এন্তর্তেনমেন্ত পার্কশিং অসিনচিংবা। কোবিদকী লাইনা অসি শন্দোকপগী চাং য়াম্না ৱাংবা থবক থৌরম খরগী ওইনদি ওইরক্লিবা ফীভম অদুগী এসেসমেন্তদা য়ুম্ফম ওইরগা অমদি এস.ও.পি.শিং ঙাক্না চৎপগী মতুং ইন্না রাজ্য/য়ু.তি. সরকারনা অমুক হন্না হাংবগী ৱারেপ লৌজনবা অয়াবা পীখ্রে। এম.ঐ.এ.না ৩০.০৯.২০২০দা থোকখিবা অকোনবা গাইদলাইনশিংগী মতুংদা থবক থৌরমশিং অসি অথিংবা খরগা লোয়ননা অয়াবা পীখ্রে। তাঙ্কক নাইনা অমুক হন্না হাংদোক্নবগী অমসুং থবক থৌরমশিং মখা চত্থনবগী ৱাখল্লোন অসি মাংলোমদা চংশিন্নবনি। অদুম ওইনমক মসিনা লায়চৎ অসি লোইরে হায়বদি নত্তে। প্রজা খুদিংমক্না নুমিৎ খুদিংগী পাঙথোক্লিবা থবক থৌরমশিংদা কোবিদ-১৯গা চুনবা চৎন-লোনচৎশিং ঙাক্তুনা চেকশিন্নবা চৎপা মথো তাই।

অকুপ্পা ৱারোলগীদমক:

দোক্তর হর্ষ বর্ধন্না পঞ্জাব নেসনেল বেঙ্ককী কোবিদ-১৯গী মায়োক্তা চত্থবা ওল ইন্দিয়া কেম্পেন হৌদোকখ্রে

হকশেল অমসুং য়াইফ য়ুম্বালগী কেন্দ্র মন্ত্রী দোক্তর হর্ষ বর্ধন্না ঙরাং কোমিদ-১৯গী মায়োক্তা চত্থবা পঞ্জাব নেসনেল বেঙ্ককী (পি.এন.বি.) ওল ইন্দিয়া কেম্পেন হৌদোকখ্রে‍। মহাক্না পঞ্জাব নেসনেল বেঙ্ককী দিজিতেল সি.এস.আর. এল্বম অমদি সি.এস.আর. ভিদিওসু ফোঙখি‍। কোবিদ-১৯ লান্থেংদা পি.এন.বি.না সি.এস.আর. থৌওংগী মখাদা পায়খৎলিবা থবকশিংগী তৌবিমল খঙবা উৎলদুনা দোক্তর হর্ষ বর্ধন্না ফোঙদোকখিবদা, “পি.এন.বি.না মখোয়গী ব্রাঞ্চ ১০,০০০ হেনবগী খুত্থাঙদা খুন্নাইগী ফীভম চাদ্রবা কাঙলুপকীদমক লৈবাকসিগী দিস্ত্রিক্ত ৬৬২দা চাউরাক্না মাস্ক অমদি সেনিতাইজর লাখ ১০রোম য়েন্থোক্তুনা লাইচৎ অসি থেংননবা লৈঙাক্কী ইহৌ অসিদা থৌদাং য়াখি‍।”  দিস্ত্রিক্ত ৫০০দা লৈবা খুঙ্গঙ অমদি খরা ফীভম ফবা মফমশিংদা লৈবা লৌমীশিংদা অখন্নবা খুদোংচাবা পীননবগীদমক ওক্তোবর ২, ২০২০দগী থা অহুম চুপ্না বেঙ্ক অসিনা গ্রাম সম্পর্ক য়োজনা চত্থখিবগীদমক্তসু মহাক্না থাগৎখি‍। এইমসতা লাইয়েংনবগীদমক দিল্লীদা চত্থোক চৎশিন তৌবদা অনাবা মীওইশিংদা মতেং পাংননবা গারী অমা লৈনবগীদমক মখোয়গী সি.এস.আর. থৌওংগী শরুক অমা ওইনা ভাওরাও দিওরাস সেবা ন্যাসতা লুপা লাখ ১০.৩৭ পীখিবা পি.এন.বি.গী থৌওং অদুগীদমক মহাক্না তৌবিমল খঙবা উৎখি‍। কোবিদ-১৯গী মায়োক্তা ভারতকী লান্থেংগী মতাঙদা দোক্তর হর্ষ বর্ধন্না ফোঙদোকখিবদা “কোবিদকী লান্থেংদা ভারতনা তরাশুবা থা ফাওবা চঙশিল্লকপগা লোয়ননা ভারতনা হীরম কয়াদা মরোমদোম লেপচবা ঙম্লে‍। অসুম অসুম হেনগৎলক্লিবা ফগৎলকপগী চাং অমদি খোঙজেল লৈনা হন্থরক্লিবা নারিবা মীশিং অসিনা কেন্দ্রনা লুচিংবা কোবিদ-১৯ লাকশিনবগী লাল্লোং অসি মায় পাক্লি হায়বা উৎলি‍। কোবিদ-১৯ লাইয়েংনবা হিদাক অমদি ভেক্সিনগী লমদা চঙশিল্লিবা সাইন্তিফিক দেভেলপমেন্ত অসিদা ঐনা থাজবা থম্লি অমদি অথুবা মতমদা ভারতনা ঐখোয়গী কোবিদ-১৯গী মায়োক্তা চঙশিল্লিবা লান্থেং অসিদা হেন্না মায় পাকপা ফংলগনি‍।”

অকুপ্পা ৱারোলগীদমক:

পি.এম.না য়ু.পি.দগী পি.এম. স্বনিধি য়োজনাগী বেনিফিসরীশিংগা লোয়ননা ৱারী শাখ্রে

প্রধান মন্ত্রীনা ভিদিও কনফরেন্সিংগী খুত্থাংদা উত্তর প্রদেশকী পি.এম.স্বনিধি য়োজনাগী বেনিফিসরীশিংগা লোয়ননা ৱারী শাখ্রে। বেনিফিসরীশিংগা ৱারী শানবদা প্রধান মন্ত্রীনা দিজিতেল পেমেন্তগী কান্নবশিং অমসুং করম্না কেশবেক ফংগনি হায়বগী মতাংদা পাউতাকশিং পীখি। শেল অসি লৈরবদি কনাগুম্বা অমনা মহৈ মশিং তম্বা অমসুং কেরিয়র শেমজবা ঙম্লগনি হায়নসু মহাক্না হায়খি। প্রধান মন্ত্রীনা বেনিফিসরীশিংবু য়াইফবা ওইনবা পাউজেল পীখি অমদি বেঙ্করশিংনা হোৎনরিবশিং অসিবু থাগৎপা ফোঙদোকখি। মহাক্না হাবখি মখোয়না হোৎনরিবশিং অসিনা লাইরবশিংনা মখোয়গী হরাও-কুম্মৈশিং পাঙথোকপদা মতেং পাংলগনি। মহাক্না হায়খি নুমিৎ অসি আত্মানির্ভর ভারত অমা ওইনবগীদমক অমসুং স্ত্রীৎ বেন্দরশিংবু ইকাই খুম্নবা উৎনবা মরু ওইবা নুমিৎ অমনি। মহাক্না হায়খি মখোয়না ভারত অসি মরোমদোম লেপচবা ঙম্নবা হোৎনরিবা অদু লৈবাক অসিনা খংঙি। মহাক্না হায়খি কোরোনাগী লায়চৎ অসি শন্দোরকপা মতমদা অতোপ্পা লৈবাকশিংনা মখোয়গী শিন্মীশিংনা করম্না মায়োক্নগনি হায়না ৱাখি অদুবু ঐখোয়গী লৈবাক অসিদদি ঐখোয়গী শিন্মীশিংনা অৱাবা খুদিংমক থেংনবা ঙম্মি অমসুং মায়োক্নদুনা মাই পাকপা পুরকপা ঙম্মি হায়বা উৎখি।

অকুপ্পা ৱারোলগীদমক:

উত্তর প্রদেশকী পি.এম. স্বানিধি স্কিমগী বিনিফিসিয়রীশিংগা ৱারী-ৱাতায় শানবদা ঙাঙখিবা পি.এম.গী ৱারোল

অকুপ্পা ৱারোলগীদমক:

পি.এম.না ৪শুবা ইন্দিয়া ইনর্জী ফোরমদা থৌরম হৌদোকপগী ৱারোল পীখ্রে

পি.এম.না ৪শুবা ইন্দিয়া ইনর্জী ফোরম সিরা ৱীক্কী থৌরম হৌদোকপগী ৱারোল ভিদিও কনফরেন্সকী খুত্থাংদা পীখ্রে। এদিসন অসিগী হিরম অসি “ইন্দিয়া’স ইনর্জী ফ্যুচর ইন এ ৱর্ল্দ ওফ চেঞ্জ” ওইখি। থৌরম অসিদা ৱা ঙাংলদুনা প্রধান মন্ত্রীনা হায়খি ভারত্তা ইনর্জী য়াম্না লৈ অমসুং ইনর্জীগী তুংলমচৎ অসি আশা লৈ অমসুং সেক্যুর ওই। ইনর্জীগী দিমান্দ শরুক অহুম থোকপগী অমগী ময়াদা হন্থরকপা, মমলদা হোংদোক হোংজিন তৌবা, ইনভেস্তমেন্তকী ওইবা ৱারেপশিংনা অকায়বা পীবা অসিগুম্বা তোঙান তোঙানবা খুদোংচাদবশিং অসি লৈজরবসু গ্লোবেল ইনর্জী দিমান্দ অসি লাক্কদৌরিবা চহিশিং অসিদা কন্ত্রেক্সন তৌগনি হায়না প্রোজেক্ত তৌখি, ভারতনা মাংজিল থারিবা ইনর্জী কঞ্জুমর অমা ওইরক্কনি হায়না প্রোজেক্ত তৌখি অমসুং মতম খরগী মনুংদা ইনর্জী শীজিন্নবা অসি শরুক অনিগী ময়া ওইগনি হায়নসু প্রোজেক্ত তৌখি হায়না মহাক্না ফোঙদোকখি। প্রধান মন্ত্রীনা হায়খি দোমেস্তিক এভিএসন্দা য়েংবদা ভারতকী এভিএসনগী কৈথেল অসি চাউবদা অহুমশুবা অমসুং খ্বাইদগী খুমাং চাউশিনবা ওইরি অমসুং ভারতকী কেরিয়রশিং অসি ২০২৪ ফাওবদা ফ্লীৎ সাইজ ৬০০তগী ১২০০দা হেনগৎকনি হায়না পান্নরি। ইনর্জী শেল চংদনা ফংহনগদবনি অমসুং থাজনীংঙাই ওইগদবনি হায়না ভারতনা থাজৈ হায়না মহাক্না ফোঙদোকখি। মসিদা খক্তনি সোসিও-ইকোনোমিক্তা অহোংবা পুরকপা ঙমগনি। মহাক্না হায়খি, ইনর্জী সেক্তরবু মীয়ামদা শক্তি পী অমসুং মখা তানা "হিংবদা লায়হনগদবা" অমা ওইরি অমসুং সরকারনা মসি ফংহন্নবা লৌখৎলিবা থৌরাংশিং অদু পাউদমখি। মহাক্না হায়খি থৌরাংশিং অসিনা মরুওইনা খুঙ্গংগী মীওই, মিদল ক্লাস অমসুং নুপীশিংগী পুন্সিদা মতেং পাংলি। প্রধান মন্ত্রীনা হায়খি সরকার অসিনা 'আত্মানির্ভর ভারত'কী ৱাখল্লোনগা লোয়ননা মাংজিল থানা চঙশিল্লি। মহাক্না হায়খি মরোমদোম লেপচবা ভারত অমনা মালেমগী শেন্মিৎলোনগী ফোর্স মলতিপ্লাইয়র অমসু ওইগনি অমসুং হোৎনরিবা অসিনা ইনর্জী সেক্যুরিতী ফংহনবদা মীৎয়েং থম্লি।

অকুপ্পা ৱারোলগীদমক:

ইন্দিয়া ইনর্জী ফোরম হৌদোকপগী থৌরমদা প্রধান মন্ত্রীনা পীখিবা ৱারোল

For details:

দি.ও.পি.তি.না অঙাং শেন্নবগী ছুতীগা মরী লৈননা অহোংবা থমখ্রে

মোদী সরকারগী মখাদা দিপার্তমেন্ত ওফ পর্সোনেল এন্দ ত্রেনিং (দি.ও.পি.তি.)না মপুং ওইবা অহোংবা থ্ম্বা অসিদা দিবলপমেন্ত ওফ নোর্থ ইস্তর্ন রিজন (দি.ও.এন.ই.আর.), এম.ও.এস. পি.এম.ও., পর্সোনেল, পব্লিক গ্রীভেন্স, পেন্সনস,এতোমিক ইনর্জি অমসুং স্পেসকী য়ুনিয়ন মিনিস্তর ওফ স্তেত (ইন্দিপেন্দেন্ত চার্জ) দাঃ জিতেন্দ্র সিংহনা ঙসি হায় মদুদি সরকারগী নুপা ইম্প্লোয়িশিংশু হৌজিক অঙাং শেন্নবগী ছুতী অসি পীরগনি। অদুম ওইনমক, দাঃ জিতেন্দ্র সিংহনা হায় মদুদি হায়রিবা চাইল কেয়র লিব (সি.সি.এল.)গী প্রোবিজন অমসুং প্রিবিলেজ অসি নুপা খক্তা লৈবা ইমুংগী নুপা ইম্প্লোয়িশিংদা পীগনি, হায়রিবা অসিদা নুপা ইম্প্লোয়িশিং পাখ্রা ওইহৌরবা নত্ত্রগা খাইনদুনা লৈবা নত্ত্রগা নুপী থিদ্রিবা অদুবু ইমুং অদুগী অঙাং অদু মহাক্না য়েংশিনবা নুপাশিংদা ফংহনগনি। প্রোবিজন অসিগী মখা তানা কোমথোকপা ওইনা দাঃ জিতেন্দ্র সিংহনা হায় মদুদি চাইল কেয়র লিব অসিদা ইম্প্লোয়ি অমনা মরী লৈনবা ওথোরিতি অমগী অয়াবা লৌরগা ছুতী লৌবা য়াগনি।

অকুপ্পা ৱারোলগীদমক:

তুংগী উবা মিৎয়েংগা লোয়ন্না অফবা ৱারেপ লৌবগা পুন্দুনা ভারতনা মপুংফাবা স্তার্দঅপকী ফিবম অমা শেমগৎলে: শ্রী পিয়সু গোয়াল

ঙসি কমর্স অমসুং ইন্দস্ত্রিগী য়ুনিয়ন মিনিস্তর শ্রী পিয়ুস গোয়ালনা হায়খ্রে মদুদি তুংগী উবা মিৎয়েংগা লোয়ন্না অফবা ৱারেপ লৌবা অনি পুন্দুনা ভারতনা মপুংফাবা স্তার্দঅপকী ফিবম অমা শেমগৎলে। অহানবা সংহাই কোর্পোরেসন ওর্গনাইজেসন (এস সি ও) স্তার্দঅপ ফোরম হৌদোকপদা মহাক্না হায়খি নহারোলশিং ঐখোয়গী লন্নি অমসুং খুদোংথিনিংঙাই ওইরবা অমসুং তম্বা ঙমদ্রবা মতম অসিদা মখোয়না খাংবা কনবা, চুশিন্নবা ঙম্বা অমসুং থবক পাংথোকপা ঙম্বা থৌনাগা লোয়ন্না থবক পায়খৎলে। শ্রী গোয়ালনা হায়খি ঐখোয়গী খ্বাইদগী ফবা থবকশিং অমসুং লৌশিং শরুক য়ামিন্নদুনা, কোর্পোরেতশিং অমসুং ইনভেস্তরশিং উন্দুনা, থবক পাংথোক্নবা শেন খোমগৎনবা হোৎনদুনা, ইনকুবেতরশিং লিংখৎতুনা অমসুং অনৌবা কয়া খঙহন্দুনা কোবিদ লাইচৎ অসিদা ভারত্তা নৌরিবা ফার্মশিংনা য়াংনা অমসুং হোংদোক-হোংজিন তৌদুনা থবক পায়খৎলে। হায়রিবা অনৌবা ৱাখল্লোনশিং অসিনা স্তার্দঅপশিংনা হেন্না পাক-চাউনা থবক পাংথোকপা ঙমগনি।

অকুপ্পা ৱারোলগীদমক:

পি.আই.বি. ফিল্দ ওফিসশিংদগী ফংবা পাউ

• পঞ্জাব: পঞ্জাবকী হকশেল অমসুং য়াইফ য়ুম্বালগী মন্ত্রীনা হায়খি মদুদি ভারত সরকার অসিনা রাজ্যশিং অমসুং য়ু.তি.দা হেল্থ কেয়র ৱার্করশিংগী দেতাবেস অমা শেম্ননবা অমসুং মন্ত্রালয়দা পীশিন্নবা হায়খ্রে। সেন্ত্রেল ইন্সতিত্যুশনশিংনা লাইন লিস্তিং অদু তোখায়না পীশিনগদবনি অমসুং দেতা খোমগৎপগী থওং অদু রাজ্যগী জিলাশিংদা মপুং ফানা থবক তৌবা হৌরে। চোবিদ-১৯গী ভেক্সিন অসি অথুবা মতমদা ফংলগনি খল্লদুনা, ভারত সরকারনা মসি ফংবা মতমদা নীংথিজনা অমসুং য়াম্না য়াংনা য়েন্থোকপা য়ানবা লৈবাক অসিদা মসিবু শিজিন্নবা হৌনবগীদমক্তা শেম শাদুনা লৈরি।

• হিমাচল প্রদেশ: মুখ্য মন্ত্রীনা হায়খি মদুদি কনাগুম্বা অমনা করিগুম্বা মখল অমহেক্তগী সীম্তমশিং হেক লৈবগা খুদক্তা হোসপিতালদা কোবিদ-১৯ তেস্ত তৌনবগীদমক্তা ইনফোর্মেশন, এজুকেশন অমসুং কম্যুনিকেশন (আই.ই.সি.)দা অখন্ননা থৌগৎকদবনি। মহাক্না হায়খি মদুদি ভারত সরকারগী ‘মাস্ক অপ কেমপেন’ মাইপাকহন্নবা অখন্নবা মীৎয়েং থমগদবনি।

• অরুনাচল প্রদেশ: অরুনাচল প্রদেশতা হৌখিবা পুং ২৪ অসিদা কোবিদ-১৯গী পোজিতিব কেস ১৪৭ থেংনখি অমসুং পেসেন্ত ২৩১ দিসচার্জ তৌখ্রে। মীওই অনি অমুক কোবিদ-১৯না মরম ওইরগা লৈখিদ্রে, শিখিবশিংগী মশিং অদু ৩৫ য়ৌরে।

• অসাম: অসামদা ঙরাং কোবিদ-১৯গীদমক্তা মীওই ২১৫ অমুক পোজিতিব ওইখ্রে অমসুং পেসেন্ত ২৮৩২ দিসচার্জ তৌখ্রে। অপুনবা কেসশিংগী মশিং অদু ২০৪৩৮৬ য়ৌখ্রে, ১৮৮৫৮৪ দিসচার্জ তৌখ্রে, ১৪৮৯১ এক্তিব ওইরি অমসুং ৯০৮ শিখ্রে।

• মঘালয়া: মঘালয়াদা কোবিদ-১৯গীদমক্তা তেস্ত তৌবদা মীওই ৪৮গী মথক্তা পোজিতিব ওইবা থেংনখি, কনফর্ম তৌখিবা কেসশিংগী অপুনবা মশিং ৯০৬৬ শুরে, ফগৎখিবা কেসশিংগী অপুনবা মশিং ৭৪৭১ শুরে অমসুং ৮১ শিখ্রে।

• মিজোরাম: মিজোরামদা, কোবিদ-১৯গী কেসশিং হেনগৎলকপনা মরম ওইরগা ঙসিদগী নবেম্বর ৩ ফাওবা আইজোলদা লোকদাউন থমজিনখ্রে। মিজোরামদা ঙরাং কোবিদ-১৯গী অনৌবা কেস পুন্না ৩৪ থেংনখি। অপুনবা কেসশিং অদু ২৫২৭দা হেনগৎলকখ্রে অমসুং এক্তিব কেস ৩১৫ লেরি।

• নাগালেন্দ: নাগালেন্দদা পুন্না কোবিদ-১৯ কেস ৬০২৬ লেরি, আর্মদ ফোর্সশিংদগী কেস ৩৮০৭ ওইখি, ত্রেস তৌখিবা কন্তেক্তশিংদগী ২৮০০ ওইখি, হল্লকখিবশিংদগী ১৬৩৫ ওইখি অমসুং ফ্রন্তলাইন ৱার্করশিংদগী ৪২১ ওইখি।

• মহারাস্ত্র: মহারাস্ত্র সরকারনা লনাইগী লেবোরেতরীশিংদা কোবি-১৯ আর.তি.-পি.সি.আর. তেস্ত তৌবগী মমল অদু লুপা ২০০গী চাংদা হন্থহনখ্রে। অনৌবা মমলশিং অদু খোমগৎখিবা মফম অদুগী মতুং ইন্না লুপা ৯৮০দগীনা ১,৮০০গী মরক্তা ওইগনি। মমাংদা হায়রিবা মমলশিং অসি লুপা ১,২০০দগীনা ২,০০০ ফাওবগী মরক্তা ওইরম্মি। হায়রিবা অসি মরিরক শুবা ওইবা সরকারনা রাজ্য অসিদা আর.তি.-পি.সি.আর.গী মমল হন্থহনখি। মরক অসিদা, মহারাস্ত্রদা অনৌবা কেস ৩,৬৪৫ থেংনখি, হায়রিবা অসি হৌখিবা নুমিৎ ১৪৬দা খ্বাইদগী নেম্বা ওইখি। কেন্দ্রগী মন্ত্রী, রামদাস অথাৱলে পোজিতিব ওইখ্রে।

• গুজরাত: গুজরাত্তা কোবিদ-১৯দগী ফগৎখিবা পেসেন্তশিংগী অপুনবা মশিং অদু লাখ ১.৫০ হেনখ্রে। থংনা-থংননা নুমিৎ নিনিশুবা ওইনা, রাজ্য অসিদা নিংথৌকাবা নুমিত্তা কোবিদকী অনৌবা কেস ৯০৮ থেংনখিবগা লোইননা কেস লিশিং অমগী মখাদা থেংনখি। গুজরাত্তা লৈরিবা এক্তিব কেসশিংগী মশিং অসি ১৩,৭৩৮নি।

• রাজস্থান: রাজস্থান সরকারনা মীয়াম তিনবা মফমশিংদা মাস্কশিং উপ্পা হায়বসি কমপলসরী ওইহন্নবা লাক্কদৌরিবা এসেম্বলী সেসনদা বিল অমা পুথোক্লগনি। কোরোনাভাইরস ইনফেক্সনগী মায়োক্তা ঙাকথোক্নবগী য়াম্না তঙাইফদবা অমা ওইরিবা, মাস্কশিং উপ্পগীদমক্তা আইনগী ওইবা মতেং পীরিবা অহানবা রাজ্যনি।

• মধ্য প্রদেশ: মধ্য প্রদেশতা কোবিদ-১৯ শন্দোরকপা অসি রাজ্য অসিদা তপ্না তপ্না হন্থরক্লি। এক্তিব কেসশিংগী মশিং অসি ১১,২৩৭নি অমসুং ফগৎলকখিবশিংগী মশিং অসি লাখ ১.৫৩ হেনখ্রে। অমরোমদনা রাজ্য অসিগী ভোপাল অমসুং ইন্দোরদা নুমিৎ খুদিংগী পেসন্ত ২০০গী মথক্তা থেংনরি, লেমহৌরিবা জিলাশিংদা অনৌবা পেসেন্তশিংগী মশিং অসি ১০০গী মখাদা হন্থরকখ্রে।

• ছত্তিসগর: কোবিদ-১৯গী অনৌবা কেস ১,৬৪৯ অমসুং ৪৩ অমুক শিখিবগা লোইননা, ছত্তিসগরগী ইনফেক্সন তৌখিবশিংগী অপুনবা মশিং অদু নিংথৌকাবা নুমিত্তা লাখ ১.৭৭দা হেনগৎখ্রে অমসুং শিখিবশিংগী মশিংনা ১,৮৬১ য়ৌখ্রে। রাজ্য অসিদা হৌজিক এক্তিব কেস ২২,০৯৩ লৈরি।

• কেরলা: রাজ্য সরকার অসিনা সাবরিমালা পিলগ্রিমেজগী পন্থা অসিগী মনুংদা কোবিদ তেস্ত তৌবগী মওংদা অহোংবা অমা পুরক্নবা খন্নরি। কোবিদ লাকশিন্নবা হৌজিক-হৌজিক থম্লিবা অথিংবশিং অসিগী মরক অসিদা, কেরলাদা প্লস-ৱানগী ক্লাসশিং অদু ক্লাস ১০ ফাওবগী মহৈরোইশিংদা পীরিবা ভর্চুৱল সেসনশিং অদগা মান্ননা ওনলাই ওইনা হৌননবা শেম-শাবা লোইখ্রে। রাজ্য অসিগী প্লাস-ৱানগী মহৈরোইশিংগী অনৌবা বেচকীদমক্তা ক্লাসশিং অদু নবেম্বর ২দগী ওনালিন ওইনা হৌরগনি।

• তামিল নাদু: হৌজিক-হৌজিক কোবিদ-১৯না মরম ওইগা কন্না লাইকন্নরিবা, তামিল নাদুগী লৌউ-শিংউগী মন্ত্রী, দোরাইকন্নু, হোসপিতালগি লিখুন অমগী মতুং ইন্না হৌজিক মহাক্কী হকচাংগী ফিভমদা ফগৎলকপা লৈত্রি হায়না হায়রি। কুম্হৈদা পোৎ-চৈ লৈবা লাক্লিবশিংনা কোরোনাভাইরস ইনফেক্সনদগী মখোয়না থৌশাদদুনা কোমথোকপা তারবদি মসিনা কোবিদকী মায়োক্তা লান্থেংনরিবা অসিদা হেন্না খুদোংথিনিংঙাই ওইহনবা য়াই হায়না হেল্থ সেক্রেতরী, জে. রাধাকৃষ্ণননা চেকশিন্নবা খঙহল্লকখ্রে।

• কর্নাতকা: কোবিদ-১৯গী মতম কুইনদগী ঙাইদুনা লাক্লবা ভেক্সিনেশনগীদমক্তা লৈবাক শিনবা থুংনা য়াম্না চাউনা শেম-শাবা ওইনা, এম.ও.ঐচ.এফ.দবল্যু.না রাজ্যশিং অমসুং য়ুনিয়ন  তেরিতোরিশিংগী হেল্থ দিপার্তমেন্তশিংদা সরকার অমসুং লনাইগী হোসপিতালশিংদগী ফ্রন্তলাইন হেল্থকেয়র ৱার্করশিংগী দেতা খোমগৎনবা হায়রদুনা সার্কুলর অমা থাখ্রে। কোবিদ-১৯গী কেসশিং হন্থরকপদা কর্নাতকাদা খরা ৱাবা ফরে; কর্নাতকাদা ওগস্ত, সেপ্তেম্বর অমসুং ওক্তোবর ময়াই চনবা ফাওবা নুমিৎ খুদিংগী ৱাংলবা কোবিদ কেস ৮,০০০দগীনা ১০,০০০গী মথক্তা থেংনখ্রবা মতুং ভাইরস অসিনা হৌজিক্কী ওইনদি খরা তপ্থরকপগুম তৌরি।

• অন্ধ্র প্রদেশ: কোবিদ-১৯গী লৈরিবা ফিভম অসিদা, রাজ্য অসিনা স্কুলশিংদা মিদ-দে মীল স্কীমগী থবক পাইখৎপগা মরী লেননা ইনগদবা মরু ওইবা দাইরেক্তিবশিং অমসুং চেকশিন-থৌরাংগী পাম্বৈশিং কয়া থোকখ্রে। অন্ধ্র প্রদেশ সরকারনা লাউথোকখ্রে মদুদি নবেম্বর ২দগী স্কুলশিং অমুক হন্না হাংদোক্লগনি হায়না পাউগী লিখুন খরদগী খঙবা ঙমখি। মরক অসিদা রাজ্য অসিদা লৈরিবা জিলাগী এদমিনিস্ত্রেশন্না কোবিদ-১৯গী মতাংদা এৱেয়রনেস লৈহন্নবা অমসুং কঞ্জুমরশিংনা সোসিয়েল দিস্তেন্স ঙাক্না চৎপ্রা নত্রগা চত্তব্রা হায়বদু খঙনবা থর্মগী ওইবা এস্তাব্লিশমেন্তশিং অমসুং কমর্সিয়েল এস্তাব্লিশমেন্তশিংদা ‘নো মাস্ক – নো এন্ত্রী’গি দ্রাব অমা চৎথখ্রে।

• তেলঙ্গনা: হৌখিবা পুং ২৪ অসিদা অনোবা কেস ৮৩৭ থেংনখি, ১৫৫৪ ফগৎখি অমসুং ৪ শিখি; কেস ৮৩৭গী মনুংদা জি.ঐচ.এম.সি.দগী কেস ১৮৫ থেংনখি। অপুনবা কেসশিং: ২,৩২,৬৭১; এক্তিব কেসশিং: ১৭,৮৯০; শিখিবশিং: ১৩১৫; দিসচার্জ তৌখিবশিং: ২,১৩,৪৬৬।দোমেস্তিক পেসেঞ্জরশিংদা তশেংনমক্কী এন্দ-তু-এন্দ পেপরলেস ই-বোরদিং পীখিবা  ভারত্তা অহানবা অমসুং অমত্তা ঙাইরবা এয়রপোর্ত ওইখিবা, রাজিব গান্ধি ইন্তর্নেস্নেল এয়রপোর্তনা হৌজিক্তি মসিগী ফেসিলিতী অসি ইন্তর্নেস্নেল ফ্লাইত্তসু পীখ্রে, মসিনা এয়রপোর্ত অসিবু ভারত্তা অসুম্না তৌবা অহানবা ওইহনখি।

*****