ত্রাইবেল এফিয়র্স মন্ত্রালয়
শ্রী অর্জুন মুন্দানা আর্ত ওফ লিবিংগা লোয়ননা খুৎশম্নদুনা ত্রাইবেলগী য়াইফ থৌরাংগীদমক সেন্তর ওফ এক্সিলেন্স অনি শঙ্গাখ্রে
পি.আর.আই.শিংগী মপাঙ্গল কনখৎহনবনা ৱরেপ লৌবগী অমসুং মখোয়গী কাংলুপকী চাউখৎ থৌরাংগা মরী লৈনবা হিরমশিংদা মখোয়দা কান্নবা পীগনি: শ্রী অর্জুন মুন্দা
Posted On:
27 OCT 2020 4:49PM by PIB Imphal
ত্রাইবেল এফিয়র্স মন্ত্রালয় (এম.ও.তি.এ.) অমসুং আর্ত ওফ লিবিং (এ.ও.এল.)না খুৎশম্বরগা শেমখৎপা ত্রাইবেলগী য়াইফ থৌরাংগী সেন্তর ওফ এক্সিলেন্স অনি ঙসি ভিদিও কনফরেন্সকী খুত্থাংদা ত্রাইবেল এফিয়র্সকী কেন্দ্রগী মন্ত্রী শ্রী অর্জুন মুন্দানা শঙ্গাখ্রে। থৌরম অসিদা গুরুদেব শ্রী শহরী রভিশঙ্কর, আর্ত ওফ লিবিং শরুক য়াখি। ত্রাইবেল এফিয়র্সকী রাজ্যগী মন্ত্রী শ্রীমতি রেনুকা সিংহ সরুতা, এম.ও.তি.এ.গী সেক্রেতরী শ্রী দীপক খন্দেকর অমসুং জে.এস. শ্রী নবলজিৎ কপুরসু শরুক য়াখি ।
থৌরম অসিদা ৱা ঙাংবদা শ্রী অর্জুন মুন্দানা হায়খি সেন্তর ওফ এক্সিলেন্স অনি লোঞ্চ তৌনবা এম.ও.তি.এ.গা লোয়ননা আর্ত ওফ লিবিং (এ.ও.এল.)না লৌখৎলিবা থৌরাং অসি শীংথানিংঙাই ওই – অহানবা সি.ও.ই. অসিনা গো-অধারিথ ফার্মিং তেক্নিক্তা য়ুম্ফম ওইবা সস্তেনেবল নেচরেল ফার্মিংগী মতাংদা মহারাস্ত্রগী ঔরঙ্গাবাদ দিস্ত্রিক্তকী ত্রাইবেল লৌমীশিং ত্রেনিং পীনবা লমদা; অমসুং অনিশুবা সি.ও.ই.না ঝার্খন্দগী গ্রাম পঞ্চায়ত ৩০ অমসুং খুঙ্গং ১৫০ কোনশিন্দুনা জিলা ৫দা ‘পি.আর.আই.শিং মপাঙ্গল কনখৎহন্নবা’ অসিগী লমদনি। আর্ত ওফ লিবিংগী ভোলুন্তীয়রশিংনা থৱায় য়াওনা শরুক য়াবগা লোয়ননা ত্রাইবেলগী য়াইফ থৌরাংগী লমদা মাই পাকপা ঙমগনি। মসিনা প্রধান মন্ত্রীগী আত্মানির্ভর ভারতকী মঙলান অদু মঙফাওনবা ঙম্নবা খোঙথাং অমা ওইরগনি। থবক অসি অথুবদা মাই পাক্কনি অমসুং অসিগুম্বা খোঙথাংশিং অসি মীওই কয়ানা অমদি ইন্সতিত্যুতশিংনা লৌখৎলক্কনি হায়না মহাক্না আশা তৌরি। ত্রাইবেল মীয়াম্না মহৌশাবু ঙাক শেন্নবা অমসুং অকোইবগী ফীভম কন্নবা মপুং ফানা কত্থোক্লি হায়না মন্ত্রীনা ফোঙদোকখি।
শ্রী অর্জুন মুন্দানা হায়খি ত্রাইবেল পঞ্চায়তি রাজ ইন্সতিত্যুসনশিং (পি.আর.আই.শিং)গী মপাঙ্গল কনখৎহনবদা মখোয়গী সংবিধান্না পীরিবা হকশিংগী মতাংদা মখোয়বু তাকপী তম্বীবসু য়াওরি। পি.আর.আই.শিংগী মপাঙ্গল কনখৎহনবনা ৱরেপ লৌবগী অমসুং মখোয়গী কাংলুপকী চাউখৎ থৌরাংগা মরী লৈনবা হিরমশিংদা মখোয়না কান্নবা পীবা ওইরসনু হায়না মহাক্না আশা তৌরি।
শ্রীমতি রেনুকা সিংহ সরুতানা মহাক্কী ৱারোলদা হায়খি মদুদি ত্রাইবেল এফিয়র্সকী মন্ত্রালয়না ত্রাইনেলশিংগী য়াইফ থৌরাংগী প্রোগ্রাম কয়া পাইখৎলি। মন্ত্রালয় অসিনা লম অসিদা শীংথানিংঙাই ওইবা থবক তৌরিবা এন.জি.ও. কয়াগা অমদি সোসিএল ওর্গনাইজেসনশিংগা লোয়ননা খুৎশম্নদুনা থবক পাইখৎলি। প্রোগ্রাম অসি মাই পাকহন্নবা থবক তৌগদবা আর্ত ওফ লিবিংগী ভোলুন্তীয়রশিংগী অচৌবা নেৎৱার্ক অমা লৈ।
গুরুদেব শ্রী শহরী রভিশঙ্করনা মহাক্কী ৱারোলদা ত্রাইবেল মীয়ামদগী ঐখোয়না তমজনীংঙাই ওইবা কয়া লৈ মরমদি মখোয়না অকোইবগী ফীভম লুনান্না থম্নবা অমদি য়োকখৎনবা থৌদাং মপুং ফানা লৌরি হায়না মহাক্কী ৱাখল্লোন ফোঙদোকখি। ঝার্খন্দগী ঘাতশিলাদা এজুকেস্নেল করিকুলমদা স্কিল দিবেলপমেন্ত হাপচিনবা এ.ও.এল. স্কুল চল্লাইবদা থেংনখিবা অৱা নুংঙাই অদু মহাক্না পাউদমখি। এ.ও.এল.না ভারতকী পুম্বদা স্কুল ৭৫০ চল্লাইরি। মহাক্না হায়খি ঐখোয়গী খুঙ্গংশিংদা দেন্তেল হাইজিন অমসুং মেন্তেল হাইজিন অনিমক্তা মীৎয়েং চংবা য়াম্না তঙাই ফদে। এ.ও.এল.গী ভোলুন্তীয়রশিংনা ত্রাইবেলগী য়াইফ থৌাংগী স্কিম অসি মাই পাকপা ঙম্নবা থৱায় য়াওনা হোৎনগনি হায়না মহাক্না থাজবা পীখি।
এম.ও.তি.এ.গী সেক্রেতরী শ্রী দীপক খন্দেকরনা ত্রাইবেলগী মফমশিংদা এ.ও.এল.না হান্নদগী হোৎনরিবশিং অসিবু থাগৎখি। এম.ও.তি.এ. অমসুং এ.ও.এল.না খুৎশম্নদুনা হোৎনবা অসিনা মখা তানা মসিগী য়াইফ থৌরাংগী ওইবা থবক থৌরমশিং অসি পাইখৎপা হেনগৎহনবদা মতেং পাংগনি হায়না মহাক্না হায়খি।
তোঙান তোঙানবা ত্রাইবেল এক্তশিং অমসুং রুলশিং অমদি ত্রাইবেলশিং অসিগী তোঙান তোঙানবা য়াইফ থৌরাংগী স্কিমশিং অমসুং মখোয়দা স্কিমশিং অসি ফংহন্নবা মতেং পীনবগী মতাংদা স্কিমগী স্কিমশিং অমসুং মখো্যয়খনগৎলবা পি.আর.আই.গী মীহুৎশিংগী মরক্তা এৱের্নেস পীনবা অহানবা থৌরাং ’পি.আর.আই.শিং মপাঙ্গল কনখৎহন্নবা’ অসিনা ঝার্খন্দগী গ্রাম পঞ্চায়ত ৩০ অমসুং খুঙ্গং ১৫০ কোনশিন্দুনা জিলা ৫দা হৌদোক্কনি। ত্রাইবেলগী হৌগৎলক্লিবা নহাশিংগী মরক্তা মখোয়গী পর্স্নেলিতী দিবেলপমেন্ত ত্রেনিং পীনবা, মখোয়গী মরক্তা খুন্নাই অসিগী থৌদাং লৌনবগী ৱাখল্লোন পোকহন্দুনা নহা ওইরিবা ভোলুন্তীয়রশিং শেমগৎনবা মোদেল অসি দিজাইন তৌখি অসুম্না কাংলুপ অসিগীদমক এৱের্নেস শন্দোকপগী থবক তৌগদবা ত্রাইবেলগী লুচিংবশিং শেমগনি।
অনিশুবা অসিনা গো-অধারিথ ফার্মিং তেক্নিক্তা য়ুম্ফম ওইবা সস্তেনেবল নেচরেল ফার্মিংগী মতাংদা মহারাস্ত্রগী ঔরঙ্গাবাদতা ত্রাইবেল লৌমী ১০০০০রোমদা ত্রেনিং পীনবগী মতাংদা ওইগনি। লৌমীশিং অসিদা ওর্গানিক সর্তিফিকেৎ পীবদা মতেং পাংগনি অমসুং মখোয় খুদিংমকপু আত্মানির্ভর ত্রাইবেল লৌমীশিং ওইহন্নবা মার্কেতিংগী খুদোংচাবাশিং ফংহনগনি।
![https://static.pib.gov.in/WriteReadData/userfiles/image/BMM_97521AUO.JPG](https://static.pib.gov.in/WriteReadData/userfiles/image/BMM_97521AUO.JPG)
![https://static.pib.gov.in/WriteReadData/userfiles/image/BMM_9842AUDR.JPG](https://static.pib.gov.in/WriteReadData/userfiles/image/BMM_9842AUDR.JPG)
![https://static.pib.gov.in/WriteReadData/userfiles/image/BMM_9811XXKH.JPG](https://static.pib.gov.in/WriteReadData/userfiles/image/BMM_9811XXKH.JPG)
*****
(Release ID: 1667980)
Visitor Counter : 189