ত্রাইফেদনা ত্রাইবেল এফিয়র্স মন্ত্রালয়গী মখাদা অনৌবা  উমংগী তগৎ-তগৎ তেকপা ওর্গানিক প্রদক্ত ১০০ রোম মখোয়গী পোৎলমশিংগী মরক্তা হাপচিন্দুনা মহৌশাগী খুদোল কয়া পুথোকখ্রে। উমংগী তগৎ-তগৎ তেকপা মহৌশাগী অমসুং ওর্গানিক ওইবা অনৌবা ত্রাইবেলগী পোত্থোকশিং অসি শ্রী প্রবির কৃষ্ণ, মেনেজিং দিরেক্তর, ত্রাইফেদনা ভর্চুএল ওইনা মাইখুম হাংখি। চয়োল খুদিংগী ওইনা, অনৌবা পোত্থোক ১০০ রোম হৌদোক্কনি অমসুং ত্রাইবস ইন্দিয়া কেতালোগতা হাপচিনগনি। অহানবগী পোত্থোক ১০০রোম ঙসি ওনলাইন্দা হৌদোকখি। মসিগী মখা তাবদা পোত্থোকশিং অসি ত্রাইবস ইন্দিয়া আউৎলেৎ ১২৫, ত্রাইবস ইন্দিয়া মোবাইল ভেন অমসুং ত্রাইবস ইন্দিয়া ই-মার্কেৎপ্লেস (tribesindia.com) অমসুং ই রিতেলরশিংদা ফংগনি। মখোয়না ত্রাইবেল আর্তিসান অমসুং ফোরেস্ত দ্বেলরশিংগী আই অমসুং পুন্সি মহিংদা মতেং পাংনবা লেপ্পা লৈতনা চত্থরকপা থৌরাংগী মতুং শরুক ওইনা অনৌবা পোত্থোক মসুং মহৌশাগী পোৎলমশিং অসি লৈবাক অসিদা লৈরিবা ত্রাইবেলশিংদগী খোমদুনা পুথোকপনি।

থৌরম অদুদা ৱা ঙাংলদুনা শ্রী প্রবির কৃষ্ণনা হায়খি, "ঐখোয়না ঐখোয়গী অনৌবা ত্রাইবেলগী পোত্থোক অমসুং পোৎলমশিং ওইনা উমংগী তগৎ তগৎ তেকপা ওর্গানিকশিং অসিবু মাইখুম হাংবদা চাওথোকচৈ। অনৌবা ত্রাইবেলগী পোৎলম ১০০, অয়াম্বনা মহৌশাগী পোৎলম ওইবা অমসুং ইম্ম্যুনিতী বুস্তরশিং, ভারতকী ত্রাইবেল কম্ম্যুনিতীশিংদগী লৌখৎলকপা পোৎলমশিং অসি হাপচিনগনি। ওর্গানিক, তঙাইফদবা মহৌশাগী ইম্ম্যুন কলহনবা পোৎলমশিংবু তোঙান-তোঙানবা চেনেলশিংগী থোংদা পুথোকপনা মীওই কয়ানা হিংনবগী তুং কোইনা চৎপা য়াবা অমসুং নুংঙাইবা মওং অমা লৌখৎপা ঙমজরগনি। মসিনা লৈবাক অসিদা শিন থুংনা লৈরিবা ত্রাইবেল (আর্তিসান অমসুং ফোরীস্ত দ্বেলর অনিমক)বু পুথোকপীবদা অমসুং শক্তি পীবীবদা মতেং পাংলগনি। হায়রিবা পোৎলমশিং অসিগী য়োনবগী থবকশিং অসি করম্বা চেনেলনো থিদনা ত্রাইবেলশিংদা ত্রাইবেলশিংদা হকথেংননা চৎকনি।"

লৈবাক অসিগী তোঙান-তোঙানবা মফমদগী লৌখৎলকপা অনৌবা পোত্থোকশিং অসিনা ত্রাইবস ইন্দিয়াগী পাক চাওরবা অমসুং ইনাক খুল্লবা রিপর্ত্বারাশিংবু মপাঙ্গল হেনগৎহল্লগনি। ঙসি হৌদোকখিবা পোৎলমশিংগী মনুংদা, হিমাচল প্রদেশকী কিনৌরদগী গোল্দন গ্রীন অমসুং রেদ এপ্পল; উত্তরাখন্দদগী মুঞ্জ নাপীনা শাবা পোলাং অমসুং উপু, তমিল নাদুগী নিল্গিরি ত্রাইবসশিংদগী মঙ্গে মরু, লোং, য়ুকেলিপতস ওইল, কোফী পাউদর; রাজস্থানগী মীনা ত্রাইবসশিংনা শাবা ত্রাইবস ইন্দিয়া থাবা মাস্ক; মধ্য প্রদেশকী গোন্দ, ভিল ত্রাইবসশিংদগী ইম্ম্যুনিতী বুস্তর চুরান অমসুং কাধা; মধ্য প্রদেশকী ঝাবুৱাগী ভিলালা ত্রাইবসশিংদগী মাহুৱা ৱাগী কেন্দল; ওর্গানিক ইম্ম্যুনিতী বুস্তিং পাউদর গিলোই পাউদর, জামুন পাউদর; মহারাস্ত্রা অমসুং গুজরাত্তাগী হৱাই-চেঙৱাই অমসুং খিচ্রি মিক্স। অৱাং নোংপোক লমদমদগী লাকপা পোৎলমশিংগী মনুংদা, আচার মখলশিং (থৈবোং অমসুং ওলিব), হৈ মহী (বেল) অমসুং জোহা অমসুং অঙাংবা চেঙ।

হায়রিবা পোৎলম খুদিংমক অসি মমিং ওইনা খরা পল্লবদা ছতিশগর, ঝার্খন্দ, উত্তরাখন্দ অমসুং অৱাং নোংপোক লমদমদা লৈরিবা ভারতকী ত্রাইবেলশিংদগী লৌখৎলকপা ঙাক্তনি। মসিগী মথক্তা, অখন্নবা পোৎলম খরদি এম.এস.পি. স্কিমগী মখাদা লৈবা ত্রাইবেল গেদররশিং অমসুং ফোরেস্ত দ্বেল্লরশিং অমসুং য়ুমদগী চত্থোকপা ঙমদবা ত্রাইবেল আর্তিসানশিংবু থবক পীনবা উপাই অমা ওইনা হৌদোকখিবা ভান ধন ত্রাইএবেল স্তার্ত অপশিংগী মখাদা শেম শাখ্রে অমসুং পেকেজ তৌখ্রে।

হায়রিবা অখন্নবা পোত্থোকশিং অসিবু হাপচিনখিবনা কস্তমর অমসুং অৱাবা তারবা ত্রাইবেল মীয়ামদা মতেং পাংগনি। অতোপ্পা নাকলদনা, মহৌশাগী অশেংবা পোত্থোক, মহৌশাগী খুদোলশিং অসি লৈবাক শিনবা থুংনা য়ৌগনি অমসুং ইমুং কয়াবু বুস্ত তৌগনি অমসুং ত্রাইবেলগী পুন্সিবু মতাং পাংগনি। অসিগুম্বা কোবিদ-১৯না পুন্সি কয়াবু অকাইবা পীদুনা ৱারবা মতম অসিদা, মীয়াম্না হকচাং ফবা পুন্সি অমা অমসুং অশোই অঙাম য়ারিবমখৈ য়াওদবা পুন্সি অমা পাম্নরক্লি।

'গো ভোকেল ফোর লোকেল' হায়বা অৱাবা মতমগী মন্ত্রা অসিবু 'গো ভোকেল ফোর লোকেল গো ত্রাইবেল' হায়না চঙশিল্লদুনা, ত্রাইফেদনা হৌজিক লৈরিবা অৱাবা কোকহন্নবা অমসুং মতেং পাংনবগী থৌরাং ওইনা লৌখৎলিবা অনৌবা থৌরাং অসিগী মথক্তা অৱাবা তারবা ত্রাইবেল মীয়ামগী পুন্সিবু তোঙান-তোঙানবা মশক থোকপা খোঙথাং কয়া লৌখত্তুনা ফিবম ফগৎনবা হোৎনরি।

'আত্মনির্ভরগী খোলাও অসিগা চুন্ননা চঙশিল্লদুনা, ত্রাইফেদনা ত্রাইবেল পোত্থোক পুথোকপশিং – ফোরেস্ত দ্বেল্লর অমসুং আর্তিসানশিংদা এম.এফ.পি., হেন্দিক্রাফ অমসুং হেন্দলুমগী পোত্থোকশিং ওনলাইন্দা য়োনবা য়ানবগীদমক অখন্নবা ই-মার্কেৎপ্লেস অমা হৌদোকখ্রে। ত্রাইবস ইন্দিয়া ই-মার্ত প্লেৎফোর্ম (market.tribesindia.com) অসি ওম্নি চেনেল ওইবা ত্রাইবেলশিংনা মখোয়গী পোত্থোকশিং লৈবাক শিনবা থুংনা অমসুং মালেমগী থাক্তা মখোয় মশাগী ই-শোপ ওইনা য়োনবা য়াবা ই-মার্কেৎপ্লেস অমা ওইরি। ত্রাইফেদনা লৈবাক শিনবা থুংনা ত্রাইবেলগী পোত্থোক লাখ ৫রোম হেন্না য়োন্নবা শিল্লি অমসুং মখোয়গী মহৌশাগী পোত্থোক অমসুং হেন্দিক্রাফকী পোৎলমশিংবু সোর্সিং তৌনবা হোৎনরি।

*****