প্রধান মন্ত্রী শ্রী নরেন্দ্র মোদীনা সতর্ক ভারত, সমৃদ্ধ ভারত (চেকশিনবা ভারত, নুংঙাই-য়াইফবা ভারত) হায়বা হীরমদা পাঙথোক্কদবা ভিজিলেন্সদ অমসুং এন্তি করপসনগী নেস্নেল কনফরেন্স ওক্তোবর ২৭, ২০২০গী নুংথিল পুং ৪.৫৫ তাবা মতমদা ভিদিও কনফরেন্সিংগী খুত্থাঙদা হৌদোক্কদৌরি।

মীফম অদুগী হৌদোকপগী থৌরম লাইব স্ত্রীম তৌগনি অমদি পীরিবা লিঙ্ক অসিদা ফংবীগনি।

https://pmindiawebcast.nic.in/

নুংগী ৱাফম:

সেন্ত্রেল ব্যুরো ওফ ইনভেস্তিগেসন্না নেস্নেল কনফরেন্স অসি চহি খুদিংগী ওক্তোবর ২৭তগী নবেম্বর ২ ফাওবা ভারত্তা পাঙথোকপা ‘ভিজিলেন্স এৱ্যারনেস চয়োল’গা মপা চাননা শীনবনি। মীফম অসিদা চত্থগদবা থৌওংশিং মীয়ামদা পাক শন্না খঙহনবা অমদি মীয়াম্না শরুক য়াশিন্দুনা মীয়ামগী পুন্সিদা লিংজেল মান্নবা অমদি অপুনবগী ফিরেপ লেপমিন্নবগী ভারতকী খোঙফমবু অমুক্কা হন্না চেৎশিনমিন্ননবা পান্দমদা থেংনরিবা ভিজিলেন্সকী ৱাফমশিংদা মিৎয়েঙ চঙদুনা পাঙথোক্কনি।

নুমিৎ হুম্নি চত্থগদবা মীফম অসিদা মপান লমদা থিজিন হুমজিনবদা থেংনরিবা শিংনবশিং; শেঞ্জা থুমজা মরুদগী মুত্থৎনবগীদমক মাঙজৌনবা চেকশিন থৌরাংশিং; ফাইনান্সিএল ইনক্লুজন মরুদবগী ফগৎহনবা অমদি বেঙ্ক ফ্রোদশিং মরুদগী থিংহৌবা; চাউখৎপগী ইনোৎ ওইনা মওং চুমবা ওদিৎ; প্রিভেন্সন ওফ করপসন এক্ততা খ্বাইদগী নৌনা শেমদোকখিবসিনা শেঞ্জা থুমজা থেংনবগী ইনোৎ ওইহনবা; কেপাসিতী বিল্দিং অমসুং ত্রেনিং; এজেন্সীশিংগী মরক্তা খুৎশম্ননা চৎমিন্নবা – হেন্না খোঙজেল য়াঙবা অমদি হেন্না মহৈ য়ানগদবা থিজিন হুমজিনবগী থৌওং ঙমহনগদবা ৱাফম অমা; শেন্মিৎলোন্দা চত্থবা অরানবা থৌওংশিংগী ওইরক্লিবা মওং মতৌশিং; সাইবর ক্রাইম অমসুং লৈবাক কয়া য়ৌবা ওর্গনাইজ ক্রাইম-থিংননবা থৌরাংশিং অমদি ক্রিমিনেল ইনভেস্তিগেসন এজেন্সীশিংগী মরক্তা খ্বাইদগী ফবা মওং মতৌশিং তাথোক তাশিন তৌমিন্নবা হায়বা ৱাফমশিংদা খন্ন-নৈনগনি।

মীফম অসিনা খুজিন থৌরাং য়াৎপশিং অমসুং থবক ওইনা পাঙথোক্লিবশিং মান্নবা ফম্পাক অমদা পুরক্তুনা অফবা লৈঙাক অমদি শিংথানবা য়াবা লৈঙাক্লোন পুরক্নবা, মরুদগী ফগৎহন্দুনা মাঙজৌনবা চেকশিন থৌরাংশিংগী খুত্থাঙদা শেঞ্জা থুমজা থেংনবদা ঙমহন্নবা থৌশিল অমা ওইগনি। মসি ভারত্তা লল্লোন ইতিক তৌবদা নুংঙাইবা ফীভম পুরকপদা মশক থোকপা থৌদাং লৌগদবা ৱাফম অমনি।

দিবেলপমেন্ত ওফ নোর্থ ইস্তর্ন রিজন (দোনর)গী কেন্দ্রগী রাজ্য মন্ত্রী (মনীং তম্বা), এম.ও.এস. পি.এম.ও., পর্সোনেল, পব্লিক গ্রিভান্সেস, পেন্সন, এতোমিক ইনর্জী অমসুং স্পেস, দোক্তর জিতেন্দ্র সিংহসু হৌদোকপগী থৌরমদা ৱা ঙাঙগদৌরি।

মীফম অদুদা শরুক য়াগদবশিংগী মনুংদা এন্তি-করপসন ব্যুরোশিং, ভিজিলেন্স ব্যুরোশিং, ইকনমিক ওফেন্স ৱিং/স্তেত/য়ু.তি.শিংদগী সি.আই.দি.গী মকোকশিং; সি.ভি.ও.শিং, সি.বি.আই. ওফিসিএলশিং অমদি তোঙান তোঙানবা কেন্দ্রগী এজেন্সীশিংগী মীহুৎশিং য়াওরি। হৌদোকপগী থৌরম অদু স্তেত/য়ু.তি.শিংগী চীফ সেক্রেতরীশিং অমদি দি.জি.পি.শিংসু শরুক য়াগনি।

****