কেন্দ্রগী হোম এফিয়র্সকী রাজ্য মন্ত্রী শ্রী জি. কিশন রেদীনা ইন্দো-তিবেতান বোর্দর পুলিস (আই.তি.বি.পি.)গী ৫৯শুবা রাইজিং দে নুমিৎকী গ্রেতর নোইদাদা পাঙথোকপা রাইজিং দে থৌরমদা ঙসি শরুক য়াখ্রে অমসুং পরেদতা সেলুৎ তৌখ্রে। মহাক্কী ৱারোলদা শ্রী জি. কিশন রেদীনা হায়খি, ঐখোয়গী কলচরনা বসুদেবা কুতুম্বকমবু শক তাক্লি মসিনা মালেমদা শন্তিগী পাউজেল শন্দোক্লি। মসিগা লোয়ননা ঐখোয়গী কলচরনা য়েক্নবনা ওইহল্লকপা ফীভম মখল খুদিংমক্তা ঐখোয় ইশানা ইশাবু থৌনা পীজনবা লাইৱা তাকপীরি। শ্রী রেদীনা হায়খি ১৯৬২দগী হৌদোকখিবা আই.তি.বি.পি.না ঐখোয়গী ঙমখৈ ঙাকশেন্দুনা লাকখি। খুদোংচাদবা কয়া মায়োক্নরবসু আই.তি.বি.পি. জৱানশিংনা থৌনা লৈনা অমদি মরৈবাক নিংবগা লোয়ননা মথৌ পাঙথোক্তুনা ভারত ইমাগীদমক শেবা তৌরি।

আই.তি.বি.পি.না পাঙথোক্লিবা থৌদাংশিংবু শকখঙবা ওইনা শ্রী রেদীনা হায়খি ফোর্স অসিনা থৱায় য়াওনা অমদি মথৌ মশক খঙনা অৱাবা অমদি য়াম্না খুদোংচাদবা ঐখোয়গী চিংগী লমদা লৈরিবা ঙমখৈশিদা মথৌ পাঙথোক্লি। জম্মু অমসুং কাশ্মির নত্ত্রগা ছত্তিসগরগী লেফ ৱিং এক্ত্রিমিজমদা লালহৌবগা লান্থেংনবা ওইরবসু আই.তি.বি.পি.না মাই পাক্না মথৌ পাঙথোকখি হায়না মহাক্না হায়খি।

শ্রী জি. কিশন রেদীনা হায়খি প্রধান মন্ত্রী শ্রী নরেন্দ্র মোদীগী লুচিং মখাদা কেন্দ্র সরকারনা আই.তি.বি.পি. মপুং ফানা থৌনা হাপনবা হোৎনখি। কেন্দ্রগী গৃহ মন্ত্রী শ্রী অমিৎ শহাগী অফবা লুচিং মখাদা হোম এফিয়র্স মন্ত্রালয়না আই.তি.বি.পি.বু হেন্না ফগৎহনবা অমসুং মতম অসিগা চান্নবা মওংদা পুখৎনবা মখল কয়াগী মরু ওইবা খোঙথাংশিং লৌখৎখ্রে। শ্রী রেদীনা হোম এফিয়র্স মন্ত্রায়না আই.তি.বি.পি.গী বোর্দর আউৎপোস্ত ৪৭ শেমগৎনবা অয়াবা পীখ্রে। আই.তিবি.পি.গীদমক লুপা করোর ৭,২২৩গী বজেৎ এলোকেৎ তৌখ্রে লুপা করোর ১৫ হেন্না মেনেজমেন্তগীদমক সেঙ্কসন তৌখ্রে।

শ্রী জি. কিশন রেদীনা হায়খি লৈবাক অসি প্রধান মন্ত্রী শ্রী নরেন্দ্র মোদীগী লুচিং মখাদা কোরোনাগী লায়চৎ অসি লান্থেংনবা মতমদা আই.তি.বি.পি.গী পর্সনেলশিংনসু শরুক য়াখি। লোকদাউনগী মনুংদা অরাপ্পা মফমশিংদা লৈবা মীয়ামদা আই.তি.বি.পি.না তঙাই ফদবা পোৎলমশিং সপ্লাই তৌখি। লৈবাক অসিদা কোবিদ-১৯ শন্দোকপা থিংনবা তোঙান তোঙানবা খোঙথাংশিং লৌখৎপদা আই.তি.বি.পি.না মশাগী ওইজবা থাদোক্তুনা মথৌ পাঙথোকখি হায়না মহাক্না ফোঙদোকখি। শ্রী অমিৎ শহাগী লুচিং মখাদা আই.তি.বি.পি.না মীওইবা জাতিগী শেবা তৌনবগীদমক খুদম অমা ওইনা লিংখৎখিবা সদার পতেল কোবিদ হোস্পিতাল হায়না মিংথোনবা ছতরপুরদা লৈবা মালেমগী খ্বাইদগী চাউবা কোবিদ-১৯ হোস্পিতাল চল্লাইবদা আই.তি.বি.পি.দা থৌদাং শিন্নখি। শ্রী রেদীনা হায়খি ছত্তিসগরদা হৌরক্লিবা নহাশিংবু স্পোর্তকী লমদা পুশিনবা, প্রজা মীয়ামদা অফবা থক্নবা ঈশিং ফংহনবা নত্ত্রগা অরাপ্পা মফমশিংদা মেদিকেল কেম্পশিং লিংখৎপদা ওইরবসু আই.তি.বি.পি.গী. জৱানশিংনা চোকথবা লৈতনা হোৎনখি। মখোয়না খোংনা কিলোমিতর কয়া শাংনা চৎতুনা হোস্পিতালশিংদা অনাবা মীওইশিং পুথোক পুশিন তৌদুনা মীওই কয়াগী মমল য়াম্লবা পুন্সি কনখি।

হোম এফিয়র্সকী কেন্দ্রগী রাজ্য মন্ত্রীনা হায়খি ভারত সরকারগী স্কিমশিংদা মাইপাকপা পুরক্নবা আই.তি.বি.পি.গী পর্সনেলশিংনা থৱায় য়াওনা থৌদাং য়ারি। কেন্দ্রগী গৃহ মন্ত্রী শ্রী অমিৎ শহাগী অপাম্বগী মতুং ইন্না মহৌশাবু কন্নবা উ-চারা মশিং কয়া থাখি। আই.তি.বি.পি.গী জৱানশিংনা মপুং ওইনা প্রজা মীয়ামদা ফিৎ ইন্দিয়া মুফমেন্তগী খুত্থাংদা হকচাং ফনা লৈনবা ঈথিল পীখি। লৈবাক অসিগী শেন্মীৎলোনগী চাউখৎ থৌরাংদা আই.তি.বি.পি.না চাউনা মতেং পাংলি। ঙমখৈগী মফমশিংদা ঐখোয়গী শেম্মীৎলোনগী চাউখৎ থৌরাংদা থিন্থহল্লিবা কয়া অসি কোকহন্নবা হোৎনবদা আই.তি.বি.পি.না থৌদাং লৌখি। 

আই.তি.বি.পি.গী লৈবাক অসিগী থৱায় থাখ্রবশিংবু ইকাই খুম্নবা উৎলদুনা শহরী রেদীনা থৱায় থাখ্রবা মীওইশিংগী ইমুং মনুংশিংদা লৈবাক অসিনা অমদি সরকার অসিনা মখোয়গীদমক লেপ্লি হায়না থাজবা পীনিংবা ফাওই হায়না ফোঙদোকখি।

শ্রী রেদীনা আই.তি.বি.পি. পর্সনেলশিংদা প্রসিদেন্সিএল পুলিস মেদল তরুক অমসুং শীংথানিংঙাই ওইবা সর্ভিস তৌবগীদমক পুলিস মেদল ২৩পীখি। মহাক্কী ৱারোল পীবা লোইশিনবদা মহাক্না হায়খি আই.তি.বি.পি. পর্সনেলনা কত্থোকখিবা অমসুং মখোয়গী থৌনাগীদমক লৈবাক অসিনা মতম পুম্বদা চাউথোকচৈ অমসুং লমন তোনশিলহৌরগনি।

মমাংদা আই.তি.বি.পি.গী দিরেক্তর জেনরেল শ্রী সুর্জিৎ দেস্বালনা কেন্দ্রগী রাজ্য মন্ত্রীদা হন্দক আই.তি.বি.পি.না পাঙথোকখিবা থবক থৌরমশিংগী মতাংদা খঙহনখি। শ্রী দেস্বালনা হায়খি মোদর্ন ভেহিকেলশিং, জেকেৎশিং, হেলমেৎশিং অসিনচিংবা লৈবা য়াওনা আই.তি.বি.পি.বু মতম অসিগা চান্নবা মওংদা পুখৎনবা কন্না হোৎনরি। শ্রী দেস্বালনা হায়খি কোবিদ-১৯না মরম ওইরগা অৱাবা তারিবা মতম অসিদা লেম্না হেল্থ সর্ভিসশিং অমসুং অতোপ্পা সর্ভিসশিং ফংহন্দুনা আই.তি.বি.পি.না লৈবাক অসিগী শেবা তৌবা ফংজবগী খুদোংচাবা অমা ফংবদা মহাক্না চাউথোকচৈ।

থৌরম অসিদা ফোর্স অসিনা চহি অসিগী মনুংদা মাই পাকপা পুরকখিবশিং য়াওবা আই.তি.বি.পি. এন্যুএল স্পেসেল সোবেনিয়র অমা অমসুং উত্তরাখন্দগী লাইনিং লাইশোন অমদি লাইফমশিং, তুরিস্তকী মফমশিং, ইন্সতিত্যুসনশিং, লাইশঙশিংগীমমতাংদা ই-পাউ য়াওবা ‘দেবভুমি উত্তরাখন্দ’ কৌবা লাইরিক অসি থৌরম মপুনা ফোঙখি।

ভারত-চিনাগী লানগী মতমদা ১৯৬২গী ওক্তোবর ২৪দা শেমগৎখিবা আই.তি.বি.পি.না মপুং ওইনা হিমালয়গী বি.ও.পি.দা অল্তিত্যুৎ ফিৎ ৩,০০০দগী ১৮,০০০ ৱাংবা লৈবাক অসিগী কিলোমিতর ৩,৪৮৮ শাংবা ঙমখৈদা ঙাকশেল্লি। ঙমখৈ ঙাকশেনবগী মথক্তা, ফোর্স অসিনা এন্তি নেক্সল ওপরেসনশিংগী অমসুং অতোপ্পা ইন্তর্নেল সেক্যুরিতীগী থৌশিংগীসু দিপ্লোই তৌরি।

*****