(মসিদা হৌখিবা পুং ২৪ দা থোকখিবা কোবিদ -১৯গা মরী লৈনবা চেফোংশিং, ফিল্দ ওফিসশিংদগী ফংবা পাউশিং, অমসুং পি.আই.বি.না লৌখৎপা ফেক্ত চেকশিং য়াওরি )

• থা ২গী মতুংদা অহানবা ওইনা এক্তিব ওইবগী কেসলোদ অসি লাখ ৭কী মখাদা লৈরে
• রাজ্য/য়ুনিয়না তেরিতোরী ২৪দা এক্তিব কেস অসি ২০,০০০দগী হন্থরে
• হৌখিবা পুং ২৪সিদা অনাবা মীওই ৭৩,৯৭৯ ফগৎলকখ্রে অমদি দিসচার্জ তৌখিবা মতমদা অনৌবা কনফর্ম কেস অসি ৫৪,৩৬৬ ওইরি
• ভারতকী অপুনবা তেস্ত তৌবগী মশিং অসি করোর ১০ হেনখ্রে, অকোনবগী করোর অমগী তেস্ত অসি নুমিৎ ৯দা পাংথোকখি, পুং ২৪সিদা চাউরাক্না লাখ ১৪.৫মুক কোবিদ তেস্ত তৌখি
• নেস্নেল রিকভরী রেৎ অসি মখা তানা চাদা ৮৯.৫৩দা ফগৎলক্লি

#Unite2FightCorona

#IndiaFightsCorona

ভারতনা মশক থোকপা মায় পাকপা অমা ফংলে, থা ২গী মতুংদা অহানবা ওইনা এক্তিব ওইবগী কেসলোদ অসি লাখ ৭কী মখাদা লৈরে, রাজ্য/য়ুনিয়না তেরিতোরী ২৪দা এক্তিব কেস অসি ২০,০০০দগী হন্থরে

কোবিদকী মায়োক্তা লানথেংনবদা ভারতনা মশক থোকপা মায় পাকপা কয়া ফংখ্র। থা অনি(নুমিৎ ৬৩)দা লৈবাক অসিগী এক্তিব ওইবগী কেসলোদ অসি অহানবা ওইনা লাখ ৭কী মখাদা লৈরে। হৌখিবা অগস্ত ২২ এক্তিব ওইবগী কেসলোদ অসি লাখ ৭(৬,৯৭,৩৩০)গী মখাদা লৈরে। লৈবাক অসিগী অপুনবা পোজিতিব কেসশিং অসি ঙসি ৬,৯৫,৫০৯ ওইরে। মসিদা অপুনবা কেসশিং অসি শুপ্নতগী চাদা ৮.৯৬নি। ভারত্তসু মশিং য়াম্না ফগৎলকপগী রিপোর্ত তৌরক্লি। অপুনবা ফগৎলকখিবা কেস অসি চাউরাক্না লাখ ৭০(৬৯,৫২,৯৮৮) ওইরে। এক্তিব কেসশিং অমদি নারম্বদগী ফগৎলকখিবা কেসশিংগী খেৎনবা অসি লেপ্তনা হেনগৎলক্তুনা ঙসি ৬২,৫২,৯৮৮তা লৈরি। ফগৎলকখিবা কেসশিং অসি এক্তিব ওইবা কেসতগী শরুক ১০রোম হেল্লি। হৌখিবা পুং ২৪সিদা অনাবা মীওই ৭৩,৯৭৯ ফগৎলকখ্রে অমদি দিসচার্জ তৌখিবা মতমদা অনৌবা কনফর্ম কেস অসি ৫৪,৩৬৬ ওইরি। লৈবাক অসিগী ওইনা নারম্বদগী ফগৎলকখিবগী চাং অসি মখা তানা চাদা ৮৯.৫৩ ওইরি। রাজ্য/য়ুনিয়ন তেরিতোরীশিংনা লৈবাক শিন-থুংবগী ওইবা হকশেলগী ইনফ্রাস্ত্রকচর অসি ফগৎহনবা, কেন্দ্রগী স্তেন্দর্দ ত্রিতমেন্ত প্রোতোকোলশিং মথৌ পাংথোকপা অমদি দোক্তরশিং, পেরামেদিকশিং অমসু মমাং থানা থবক পাংথোক্লিবা থৌমীশিংনা নিংথিনা থৱাই য়াওনা থবক তৌবা অমদি ৱা ঙাকপনা শিবগী চাং অসি চুননা হন্থবগা লোয়ননা অপুনবা ফগৎলকপগী মশিং অসি লেপ্তনা হেনগৎহল্লক্লি। ঙসি মসি চাদা ১.৫১দা লৈরে। মসিগীশিংনা পুন্না এক্তিব কেসশিং অসি লেপ্তনা হন্থহনখ্রে। রাজ্য/য়ুনিয়না তেরিতোরী ২৪দা এক্তিব কেস অসি ২০,০০০দগী হন্থনা লৈরে। রাজ্য/য়ুনিয়না তেরিতোরী ১০দা চাদা ৮১ নৌনা ফগৎলকপা কেসশিং থেংনখ্রে। কর্নাতকানা ১৩,০০০ হেন্না ফগৎলক্তুনা মথংদা লৈদুনা মহারাস্ত্রদা নোংমদা ১৬,০০০ হেন্না ফগৎলকখ্রে। হৌখিবা পুং ২৪সিদা ৫৪,৩৬৬ নৌবা ফগৎলকখ্রে। মসিগীশিং অসিদগী চাদা ৭৮দি রাজ্য/য়ুনিয়না তেরিতোরী ১০দগীনি। কর্নাতকানা কেস মশিং ৫,০০০ ওইদুনা মহারাস্ত্র অমসুং কেরলানা অনৌবা কেস মশিং ৭,০০০ ওইদুনা খ্বাইদগী মশিং য়াম্লি। হৌখিবা পুং ২৪সিদা কেস ফেতেলিতী ৬৯০গী রিপোর্ত তৌরকখ্রে। মসিগীশিং অসিগী মনুংদা চাউরাক্না চাদা ৮১দি রাজ্য/য়ুনিয়না তেরিতোরী তরাদগীনি। মহারাস্ত্রনা নোংমখক্তদা খ্বাইদগী য়াম্না(১৯৮ শিবা)শিখিবগী পাও ফংখি।

অকুপ্পা ৱারোলগীদমক:

ভারতকী অপুনবা তেস্ত তৌবগী মশিং অসি করোর ১০ হেনখ্রে, অকোনবগী করোর অমগী তেস্ত অসি নুমিৎ ৯দা পাংথোকখি, পুং ২৪সিদা চাউরাক্না লাখ ১৪.৫মুক কোবিদ তেস্ত তৌখি

জনুৱারী ২০২০দগী কোবিদ-১৯গী অপুনবা তেস্ত তৌবগী মশিং অসি খংহেন-হেনগৎলকখ্রে। ঙসি অপুনবা তেস্ত তৌবগী মশিং অসি করোর ১০(১০,০১,১৩,০৮৫) হেনখ্রে। অতোপ্পা মায় পাকপা অমনা হৌখিবা পুং ২৪সিদা তেস্ত ১৪,৪২, ৭২২ তৌখ্রে। লৈবাক অসিগী তেস্ত তৌবগী চাং অসি লৈবাক অসিগী তেস্ত তৌনবা লেবোরেতরী ২০০০মুক্কা সরকারগী লেবোরেতরী ১১২২ অমদি লন্নাইগী লেবোরেতরী ৮৬৭ য়াওবা লৈবাক অসিগী তেস্ত তৌবগী লেবোরেতরী ১৯৮৯ অসিনা নোংমগী তেস্ত তৌবগী চাং অসি য়াম্না নিংথিজনা মপাঙ্গল হেনগৎহনখ্রে। নোংমদা সেম্পল লাখ ১৫ হেন্না তেস্ত তৌবা ঙম্মে। অপনবা লৈতনা নিংথিনা তেস্ত তৌবগী অৱাংবা থাক অসিনা লৈবাক অসিগী পোজিতিব ওইবগী চাং অসি হন্থহনখ্রে। মসিনা লায়না শন্দোরকপগী চাং অসি লৈহন্দনবা নিংথিনা চত্থরি হায়বা তাক্লি। অপুনবা তেস্ত তৌবগী চাং অসি করোর ১০ হেনখিবগা লোয়ননা অপুনবা পোজিতিব ওইবগী চাং অসি লেপ্তনা তাথরক্লি। লৈবাক অসিগী পোজিতিব ওইবগী চাং অসি ঙসি চাদা ৭.৭৫ ওইরে। রাজ্য অমদি য়ুনিয়ন তেরিতোরী ১৫না লৈবাক অসিগী ওইবা মশিংগা চাংদম্নবদা পোজিতিব ওইবগী চাং অসি ৱাংনা লৈরি, মসিগী মফমশিং অসিদা মপুং ওইবা তেস্ত তৌবগী অৱাংবা থাকশিংগী মথৌ তাই হায়বা তাক্লি। অকোনবগী তেস্ত করোর ১ অসি হৌখিবা নুমিৎ ৯নিদা পাংথোকখি।

অকুপ্পা ৱারোলগীদমক:

দা.হর্শ বর্ধন্না উত্তর প্রদেশতা কোবিদ-১৯গী শেম শারিবা অমসুং কোবিদকা চুনবা চৎন-লোনচৎকী লৌখৎলিবা খোঙথাংশিং য়েংশিনখ্রে

হকশেল অমসুং য়াইফ য়ুম্বাল মন্ত্রালয়গী কেন্দ্রগী মন্ত্রী দা. হর্শ বর্ধন্না ঙসি উত্তর প্রদেশকী মেদিকেল এজুকেসন মন্ত্রীশিং অমসুং অতোপ্পা মকোকথোংবা ওফিসিএলশিংগা লোয়ননা কোবিদ-১৯গী শেম শারিবা অমসুং কোবিদকা চুনবা চৎন-লোচৎকী লৌখৎলিবা খোঙথাংশিং য়েংশিন্নবা ভিদিও কনফরেন্সকী থোংদা মীফম অমা পাংথোকখ্রে। অহানবমক্তদা দা.হর্শ বর্ধন্না কোবিদ-১৯ লান্থেংনবদা কোরোনা ৱারিয়রশিংনা লৌরিবা থৌদাংশিং অদুবু থাগৎপা ফোঙদোকখি। হৌখিবা থা অহুম অসিদা লৈবাক অসিনা কোবিদ পেরামীতরশিংদা শিংথানিংঙাই ওইনা ফগৎলকপা থেংনখ্রে। “নোংমদা কেস ৯৫,০০০ রেকোর্দ তৌরম্বদগী কেসশিং অসি খংহন হন্থরক্তুনা নোংমদা কেস ৫৫,০০০ ওইখ্রে। ভারতকী ফগৎলকপগী চাং অসি ৯০% য়ৌশিল্লক্লে। কেস ফেতেলিতী রেৎসু হন্থরক্লি। সি.এফ.আর. অসি ১.৫১%দা লৈরি অমসুং মসি সি.এফ.আর.১%দগী হন্থহন্নবা পান্দমদা মাংলোমদা চংশিল্লি” হায়না মহাক্না মখা তাখি। দা. হর্শ ৱর্ধন্না ফোঙদোকখি, “ কোবিদ-১৯ লাকশিন্নবা চুনবা খোঙথাংশিং লৌখৎলি। অদুবু লৈবাক অসিগী কোবিদকী ফীভম অসি খঙদোকপদা লাক্কদৌরিবা থা অহুম অসি মরু ওইগনি। লাক্কদৌরিবা হরাও-কুম্মৈ অমসুং নীংথমথা অসিদা করিগুম্বা ঐখোয়না চেকশিল থৌরাং মরাং কায়না লৌখৎতুনা কোবিদকা চুনবা চৎন-লোনচৎ ঙাক্না চৎপা তারবদি, ঐখোয়না কোরোনা মাই পাক্না লান্থেংনবা ঙমগনি।” মহাক্না মখা তারদুনা হায়খি “মীয়াম তিনবা মফমশিংদা মাস্ক/ফেস কভর উপ্পা অমসুং খুৎশা হাম্বা অমসুং লোক-খুবা অমদি হাকথি খনবগী কাঙলোন ঙাক্না চৎপা অসিগুম্বা কোরোনাভাইরসপু ঙাকথোকপা ঙম্বদা কান্নবা ফংলবা অচম্বা চেকশিল থৌরাংশিং অসি উত্তর প্রদেশগুম্বা অচৌবা রাজ্য অমদা য়ারিবা মখৈ ঙাক্না চৎপা মরু ওই।”

অকুপ্পা ৱারোলগীদমক:

প্রধান মন্ত্রীনা ওক্তোবর ২৪দা গুজরাত্তা মরুওইবা প্রোজেক্ত অহুম শঙ্গাগদৌরি

প্রধান মন্ত্রী শ্রী নরেন্দ্র মোদীনা হয়েং ভিদিও কন্ফরেন্সিংগী থোংদা গুজরাত্তা মরুওইবা প্রোজেক্ত অহুম শঙ্গাগনি। প্রধান মন্ত্রীনা গুজরাৎকী লৌমীশিংগীদমক 'কিসান সুর্য়োদয় য়োজনা' হৌদোক্কনি। মহাক্না য়ু.এন. মেহতা ইন্সতিত্যুৎ ওফ কার্দিওলোজী অমসুং রিসর্চ সেন্তরদা এতেচ তৌবা পেদিয়াত্রিক হার্ত হোস্পিতাল শঙ্গাগনি অমসুং অহেমদবাদকী অহেমদবাদ সিভিল হোস্পিতালদা তেলি-কার্দিওলোজীগী মোবাইল এপ্লিকেসন অমা হৌদোক্কনি। মহাক্না থৌরম অসিদা গির্নারদা রোপৱে শঙ্গাগনি।

অকুপ্পা ৱারোলগীদমক:

এ.আই.আই.এ. নই দিল্লীদা নেস্নেল মেদিসনেল প্লান্ত বোর্দকী রিজনেল রো দ্রগ রেপোসিতরি শঙ্গাবা

আয়ুশকী মিনিস্তর ওফ স্তেত (আই.সি.) শ্রী শ্রীপাদ য়েশো নাইক্না ওল ইন্দিয়া ইন্সতিত্যুৎ ওফ আয়ুর্বেদাদা রিজনেল রো দ্রগ রেপোসিতরি (আ.আর.দি.আর.) ঙসি নই দিল্লীদা ভর্চুএল ওইনা শঙ্গাখ্রে। মসিগী আ.আর.দি.আর. অসি নেস্নেল মেদিসিনেল প্লান্ত বোর্দ (এন.এম.পি.বি.), আয়ুশ মিনিস্ত্রীগী অনিশুবা পরিংনি অমসুং হায়রিবা অসি ত্রান্স-গঙ্গা প্লেন রিজন্দা কৎথোকপনি। থৌরম অসি আয়ুশ মিনিস্ত্রীগী সেক্রেতরি বাইদ্যা রাজেশ কোতেচানা ফমফম্লাংদা ফমখি। হায়রিবা অসিদা মহৌশাগী ওইবা অশোকপা ফগৎনবা অমসুং মনা-মশিংগী পোত্থোকশিং মালেম শিনবা থুংনা পাম্লক্লি। কোবিদ অসিনা মরম ওইদুনা মরুওইবা মনা-মশিংগী অপাম্বা হংলক্লি মখোয় অদুদি অসবাগানধা, গিলোই, তুলশি, কালমেঘ, মুলেথি অসি ময়াম্না পাম্বা ওইরি। হায়রিবা মনা-মশিংগী হিদাকশিং অসিগী অপাম্বা হেনগৎলকপনা এন.এম.পি.বি.না হান্ননা আয়ুশ ইন্দস্ত্রীদা রো মেতরিয়েলশিং অসি পীবগী থবক হেনগৎসক্লি অমসুং লোয়ননা রো দ্রগ রেপোসিতরি পীবা হেনগৎলক্লি।

অকুপ্পা ৱারোলগীদমক:

অরুনাচল প্রদেশতা ই.এস.আই. স্কিম য়ৌহনবা

ই.এস.আই. স্কিমগী মখাদা অহেনবা শিন্মীশিং কোনশিন্নবগী থৌরাংগী মনুং চন্না ভারত লৈঙাক্না অহানবা ওইনা অরুনাচল প্রদেশতা এম্প্লোয়ীজ’ স্তেত ইন্স্যুরেন্স (ই.এস.আই.) স্কিম নবেম্বর ১, ২০২০দগী হৌনা য়ৌহল্লে‍। মসিগী মতাঙদা পাপুম পারেবু ই.এস.আই. স্কিমগী মখাদা লাউথোক্নবগীদমক কেন্দ্র লৈঙাক্না খঙহন-চেরোল অমা থোকখ্রে‍। অরুনাচল প্রদেশকী পাপুম পারে দিস্ত্রিক্তা লৈবা মীওই ১০ নৎত্রগা হেনববু থবক পীরিবা ফেক্তরী পুম্নমক ই.এস.আই. এক্ত, ১৯৪৮কী মখাদা কোনশিনবা য়াগনি‍। ই.এস.আই. স্কিমগী মখাদা ওনলাইন রেজিস্ত্রেসন তৌনবগী খুদোংচাবা ক ৱেবসাইত্তা www.esic.in অমদি ভারত লৈঙাক্কী লেবর অমসুং এমপ্লোইমেন্ত মন্ত্রালয়গী “শ্রম সুবিধা পোর্তেল”দসু ফংগনি‍।  হায়রিবা ফেক্তরীশিং অসিদা থবক তৌরিবা থাদা লুপা ২১,০০০ (শোইনাইবা মীওইশিংগীনি থাদা লিশিং ২৫) ফাওবগী চাংদা খুৎশুমল ফংবা শিন্মীশিং ই.এস.আই. স্কিমগী মখাদা কোনশিনবা য়াগনি‍।

অকুপ্পা ৱারোলগীদমক:

পি.আই.বি. ফিল্দ ওফিসশিংদগী ফংবা পাউ

•           কেরলা: রাজ্যগী হকশেল মন্ত্রী, কে.কে. শাইলাজানা নৱরাত্রিগী কুম্হৈগা মরী লৈননা ৱিদ্যারামভম থৌরম  পাংথোকপা মতমদা য়ারিবমখৈ খরা ফাথনবা অমসুং কোবিদ প্রোতোকোলশিং ঙাক্না চৎনবা আপীল তৌখ্রে। মরক অসিদা রাজমোহনউন্নিথান এম.পি.না লাউথোকখি মদুদি মহাক্না কাসারাগোদ জিলাদা নৌনা শারিবা তাতা কোবিদ হোসপিতাল অসি মথৌ তৌবা হৌননবা শিদ্রিবা ফাওবা চরা হেনগনি হায়খি। চরা হেনবা অদু নবেম্বর ১দগী হৌরগনি।

•          তামিল নাদু: রাজ্য সরকারনা কোবিদ-১৯ লাইচৎ অসিনা মরম ওইরগা মার্চতগী লেপতুনা লাকখিবা সবঅর্বান ত্রেন সার্বিসশিং অদু সিতী অসিদা অমুক হন্না চেনবা হৌনবা রেলৱে মন্ত্রালয়দা তকশিনখ্রে, মসিনা মীয়ামদা কান্নবা পীগনি, লোইনা-লোইননা শেনমীৎলোন অমুক হন্না ফগৎহনবদা মতেং পাংগনি। দিসইনফেক্সন তৌবা অমসুং স্কুলশিং অমসুং অতোপ্পা মীয়াম তিনবা মফমশিং লোনবা য়াওনা কোবিদ লাকশিন্নবগী পাম্বৈশিং অসিনা গ্রেতর চেন্নাই কোর্পোরেশনদা চাদা ৯৬গী চাংদা দেঙ্গু হন্থহনখি।

•          কর্নাতকা: রাজ্য অসিদা নবেম্বর ১৭তগী কোলেজশিং অমুক হন্না হাংদোক্লগনি অদুবু মহৈরোইশিংনা লাকপগী মতাংদদি ওপশনেল ওইহনখি। সরকারনা থাদোকখিবা দেতা অদুগী মতুং ইন্না, কর্নাতকাগী কোবিদ-১৯ কেস ফেতেলিতী রেত অসি হৌখিবা থা মরিদা হন্থরক্তুনা ওক্তোবরদা ১% দা হন্থখি। ঙরাং থাদোকখিবা কোবিদ দেতা অদুগী মতুং ইন্না, রাজ্য অসিদা ফগৎলকপগী মশিংনা থংনা-থংননা নুমিৎ ৮নি শুবা ওইনা অনৌবা কেসশিংগী মশিংদগী হেনখি। হাই কোর্তনা রাজ্য সরকারদা মীয়াম তিনবা মফমশিংদা মাস্ক উপ্তবশিং অমসুং সোসিয়েল দিস্তেন্স ঙাক্না চত্তবশিং অদুগী মায়োক্তা অহকপা এক্সন লৌখৎনবা তাক্লকখ্রে।

•          অন্ধ্র প্রদেশ: অন্ধ্র প্রদেশনা কোবিদ-১৯গী কেসশিংদা চাদা ৯৫.১৩ ফগৎলকপগী চাংদা খ্বাইদগী হেন্না ৱাংনা ফংবা ঙমখি। হেল্থ কমিশনর, কাতামেনি ভাস্করগী মতুং ইন্না, হৌবদগী সরকারনা লৌখৎখিবা তি.৩গী স্ত্রেতেজী (ত্রেসিং-তেস্তিং-ত্রীতিং) অসিনা রাজ্য অসিবু হায়রিবা অসি ফংবা ঙমহল্লিবনি।

•          তেলঙ্গনা: হৌখিবা পুং ২৪দা অনৌবা কেস ১৪২১ লৈখি, ১২২১ ফগৎখি অমসুং ৬ শিখি; কেস ১৪২১গী মনুংদা জি.ঐচ.এম.সি.দগী কেস ২৪৯ থেংনখি। অপুনবা কেসশিং: ২,২৭,০০১; এক্তিব কেসশিং: ২০,৩৭৭; শিখিবশিং: ১২৯৮; দিসচার্জ তৌখিবশিং: ২,০৭,৩২৬। তেলঙ্গনাদা কোবিদ-১৯গী অপুনবা কেসশিং অদুগী চাদা ৮.৮ খক্তমক এক্তিব ওইরি; ফগৎলকখিবগী মরু ওইবা মরম অদুদি মাস্ক শিজিন্নবা, ঙন্না খঙদোকপা অমসুং আইসোলেশন অমসুং লাইয়েংবগী প্তোতোকোলশিংগী স্তেন্দার্দাইজেশন তোবনা কেসশিং অসি হন্থহনবদা মতেং পাংখি।

•          অরুনাচল প্রদেশ: মীওই অমমুক শিখ্রে, মসিনা অরুনাচলদা কোবিদ-১৯গা মরী লৈননা শিখিবশিংগী অপুনবা মশিং অদু ৩২ শুহনখ্রে। মরক অসিদা, শগোলশেল নুমিত্তা রাজ্য অসিদা থেংনখিবা অপুনবা অনৌবা কেস ১৬৫ অদুগী ৪৩ ওইখিবগা লোইননা লোহিতনা কোবিদ-১৯ কেসশিংগী মশিং খ্বাইদগী হেন্না য়ামখি, পুন্না এক্তিব পোজিতিব কেস ২৬৩৮ লৈরি।

•          অসাম: অসামদা পোজিতিব ওইবগী চাং ১.৪৮% ওইখিবগা লোইননা তেস্ত ৩৪,৩৭৫ তৌখিবগী মনুংদা কেস ৫০৮ থেংনখি; কামরুপ এম.না কেস ১০১ থেংনখি, পেসেন্ত ১,৫৮৪ দিসচার্জ তৌখ্রে। অপুনবা কেস ২০৩২৮২ ওইখি, ৮৭.৩৯% ফগৎখি অমসুং এক্তিব কেস ১২.১% ওইখি।

•          মনিপুর: মনিপুর সরকারনা, কেমপেন পাকশন্না তৌবগা লোইননা অনৌবা কোবিদ-১৯ এস.ও.পি. চৎনহল্লগনি; রাজ্য অসিদা কোবিদ-১৯গী ৩ অমুক শিখিবা থেংনখি।

•          মেঘালয়া: মেঘালয়াদা, কোরোনাভাইরসতগী মীওই ৩০৭ ফগৎখ্রে। অপুনবা এক্তিব কেস ১,৬৬১নি, বি.এস.এফ. অমসুং আর্মদ ফোর্সশিংগি অপুনবা মশিং ৪৬, অতোপ্পগী অপুনবা মশিং ১,৬১৫ নি অমসুং ফগৎখিবশিংগী অপুনবা মশিং ৬,৯৮১নি।

•          মিজোরাম: অসাম অমসুং মিজোরামগী মরক্তা গারীশিং চৎথোক-চৎশিন তৌবা হৌখ্রে। মিজোরমদা জন আন্দোলন কেমপেনগী মখাদা স্কুল এজুকেশন দিপার্তমেন্তনা কোবিদ-১৯ প্লেদজ তেকিং শিনখ্রে।

•          নাগালেন্দ: অনৌবা কেস ১৫৭ লৈখিবগা লোইননা নাগালেন্দগী কোবিদ-১৯ কেসশিংগী অপুনবা মশিং অদু ৮,২৯৬ য়ৌখ্রে। এক্তিব কেসশিং অদু ১,৭৯৮ ওইখি অমসুং ৬,৩৯৯ ফগৎখি।

•          মহারাস্ত্র: থংনা-থংননা নুমিৎ মঙানি শুবা ওইনা, মহারাস্ত্রদা কেস ১০,০০০গী মখাদা থেংনখি। শগোলশেল নুমিত্তা কোবিদকী আনৌবা কেস ৭,৫৩৯ থেংনখি, অদুগা পেসেন্ত ১৬,১৭৭ ফগৎখি, মসিনা এক্তিব কেসশিংগী মশিং অদু লাখ ১.৫১দা হন্থহনখি।

•          গুজরাত: গুজরাত সরকারনা দিস্ত্রিক্ত এদমিনিস্ত্রেশন্দা মখোয়গী জুরিসদিক্সনগী মখাদা লৈবা হেল্থকেয়র ৱার্করশিং (ঐচ.সি.দবল্যু.শিং) মশিং থিবা হৌনবা হায়খ্রে অমসুং মখোয়না হান্না ভেক্সিনেশন তৌহৌনবা মখোয়গী পার্সোনেল দিতেলশিং অদু খোমগৎনবা হায়খ্রে। রাজ্য অসিদা লৈরিবা হেল্থ ৱার্করশিংনা এক্তিব কেস ১৪,১৪৩ য়েংশিল্লি।

•          রাজস্থান: রাজস্থানদা এক্তিব কেসশিংগা লোইনা-লোইননা কোবিদ কেসশিংগী মশিং লেপ্তনা হন্থরক্লি। ঙরাং অনৌবা কেস ১,৮২২ থেংনখি, অদুগা ইনফেক্সনদগী পেসেন্ত ২,৬৫৪ ফগৎখি। এক্তিব কেস ১৮,৩৪১নি।

•          মধ্য প্রদেশ: কেন্দ্র সরকারগী অনলোক-৫কী ৱারেপ অদু য়েংলগা, হৌজিক মধ্য প্রদেশতা সরকারগী ওফিস পুম্নমক চাদা ১০০গী কেপাসিতীদা থবক তৌরগনি। হৌজিক ফাওবদা চাদা চামা এতেন্দেন্স পীবা অসি ওফিসরশিং খক্তমক তঙাইফদনা ওইরম্মি। এমপ্লোয়ী খুদিমক্কী ওইনদি মাস্কশিং শিজিন্নবা অসি তঙাইফদনা মথৌ তাই।

•          ছত্তিসগর: কোবিদ হোসপিতালশিংদা মেদিকেল ওক্সিজেন ফংহনবা অমসুং মতম চানা সপ্লাই তৌহন্নবা, ছত্তিসগর সরকারনা রাজ্য অসিগী মেদিকেল কোলেজ পুম্নমক্তা অমসুং দিস্ত্রিক্ত হোপিতাল ১৭তা ওক্সিজেন জেনরেশন প্লান্ত থম্নবা ৱারেপ লৌখ্রে। হৌজিক ফাওবগী ওইনদি রাজ্য অসিদা এক্তিব কেস ২৫,২৩৮ লৈরি।

ফেক্ত চেক

*****