ক’ভিডৰ বিৰুদ্ধে যুঁজত ভাৰতে এক গুৰুত্বপূৰ্ণ মাইলৰখুঁটি উপনীত হৈছে৷ ২মাহ(৬৩দিন)ৰ পাছত চিকিৎসাধীন ৰোগীৰ সংখ্যা ৭লাখৰ তললৈ নামিল৷ বিগত ২২ আগষ্টত চিকিৎসাধীন ৰোগী সংখ্যা ৭লাখৰ তলত আছিল(৬,৯৭,৩৩০জন)৷

আজি দেশত চিকিৎসাধীন ৰোগীৰ সংখ্যা ৬,৯৫,৫০৯জন হৈছে৷ অৰ্থাৎ বৰ্তমান মুঠ আক্ৰান্তৰ ৮.৯৬% ৰোগী চিকিৎসাধীন হৈ আছে৷

প্ৰতিদিনে সৰ্বাধিক ৰোগী আৰোগ্য হোৱা, মৃত্যুৰ হাৰ হ্ৰাস পাই থকাটোৱে ভাৰতত ধাৰাবাহিকভাৱে চিকিৎসাধীন ৰোগীৰ সংখ্যা হ্ৰাসত অৰিহণা যোগাইছে৷

ভাৰতত সৰ্বাধিক সংখ্যক ৰোগী আৰোগ্য হৈছে৷ বৰ্তমানলৈকে সুস্থ হোৱা লোকৰ সংখ্যা ৬৯,৪৮,৪৯৭জনলৈ বৃদ্ধি পাইছে৷ আজি চিকিৎসাধীন আৰু আৰোগ্য হোৱা ৰোগীৰ মাজৰ ব্যৱধান ৬২,৫২,৯৮৮জনলৈ বৃদ্ধি পাইছে৷ আৰোগ্যৰ সংখ্যা চিকিৎসাধীনতকৈ ১০গুণ অধিক৷

বিগত ২৪ ঘণ্টাত দেশত ৭৩,৯৭৯জন ৰোগী আৰোগ্য হোৱাৰ বিপৰীতে ৫৪,৩৬৬জন নতুনকৈ আক্ৰান্ত হৈছে৷ ৰাষ্ট্ৰীয় আৰোগ্যৰ হাৰ ৮৯.৫৩%লৈ উন্নীত হৈছে৷

কেন্দ্ৰীয় চৰকাৰে দেশজুৰি বলবৎ কৰা মেডিকেল আন্তঃগাঁথনি, চিকিৎসা পদ্ধতিসমূহ ৰাজ্য আৰু কেন্দ্ৰীয় শাসিত অঞ্চলৰ চৰকাৰ-প্ৰশাসনে সুচাৰুৰূপে পালন কৰা আৰু চিকিৎসক, পেৰামেডিকেল কৰ্মী আৰু আগশাৰীৰ কৰ্মচাৰীসকলৰ সমৰ্পিত কাম-কাজে আৰোগ্যৰ সংখ্যা বৃদ্ধিৰ লগতে মৃত্যুৰ হাৰো হ্ৰাস কৰাৰ ইন্ধন যোগাইছে৷ আজিৰ দিনটোত দেশত ক’ভিড ৰোগীৰ মৃত্যুৰ হাৰ ১.৫১% হৈছে৷ ইফালে, দেশৰ ২৪খন ৰাজ্য/কেন্দ্ৰীয় শাসিত অঞ্চলত ২০,০০০তকৈ কম লোক চিকিৎসাধীন হৈ আছে৷

নতুনকৈ আৰোগ্য হোৱা ৮১% ৰোগী ১০খন ৰাজ্য/কেন্দ্ৰীয় শাসিত অঞ্চলৰ৷ মহাৰাষ্ট আৰু কৰ্ণাটকত সৰ্বাধিক ১৬,০০০ আৰু ১৩,০০০তকৈ অধিক ৰোগী আৰোগ্য হৈছে৷

ইফালে, নতুনকৈ আক্ৰান্ত হোৱা ৫৪,৩৬৬জন ৰোগীৰ ভিতৰত ৭৮%ই ১০খন ৰাজ্য/কেন্দ্ৰীয় শাসিত অঞ্চলৰ৷

ইয়াৰে ভিতৰত মহাৰাষ্ট্ৰ আৰু কেৰালাত সৰ্বাধিক ৭,০০০ আৰু কৰ্ণাটকত ৫,০০০তকৈ অধিক লোক আক্ৰান্ত হৈছে৷

বিগত ২৪ ঘণ্টাত দেশত ৬৯০জন ৰোগী ক’ভিডত মৃত্যু হৈছে৷ ইয়াৰে ৮১%ই ১০খন ৰাজ্য/কেন্দ্ৰীয় শাসিত অঞ্চলৰ৷

মহাৰাষ্ট্ৰত সৰ্বাধিক ১৯৮ৰোগীৰ মৃত্যু হৈছে৷

****

MV/SJ/DB