ভারত সরকারগী ‘মেক ইন ইন্দিয়া’ পোলিসী অসিগী মখাদা, শিপ্পিংগী মন্ত্রালয়না মথৌ তাবা মখল পুম্নমক্কীদমক্তা তেন্দরগী খুত্থাংদা ভেসেলশিং/জহাজশিং শান্দোকপগীদমক্তা আর.ও.এফ.আর. (রাইত ওফ ফার্স্ত রেফ্যুজল) লাইসেন্সিং কন্দিশনশিং অদু রিভ্যু তৌখ্রে।

ভারত্তা শাবা জহাজশিংগী দিমান্দ হেনগৎহন্নবা, ভেসেলশিং অসিবু শান্দোকপগী মতাংদা প্রায়োরিতী অসি আর.ও.এফ.আর. (রাইত ওফ ফার্স্ত রেফ্যুজল)গী গাইদলাইনশিং অদুদা য়াওরিবা আমেন্দমেন্তশিং অদুগী মখাদা ভারত্তা শাবা, ভারতকী ওইবা অমসুং ভারত মচাশিংনা মপু ওইবা ভেসেলশিংদা পীরগনি।

হৌজিক্তি মসিগী মতাংদা অরেপ্পা অমা লৈখ্রে মদুদি তেন্দরগী থৌওংগী খুত্থাংদা ভেসেল অমা শান্দোকপগী মখল অমা হেক্তগীদমক্তা, রাইত ওফ ফার্স্ত রেফ্যুজল (আর.ও.এফ.আর.) অদু মখাদা পীরিবা মওং অসিদা চৎনরগনি:

1. ভারত্তা শাবা, ভারতকী ওইবা অমসুং ভারত মাচানা মপু ওইবা
2. মীরমদা শাবা, ভারতকী ওইবা অমসুং ভারত মচানা মপু ওইবা
3. ভারত্তা শাবা, মীরমগী ওইবা অমসুং মীরম্না মপু ওইবা।

অসুম্না পীরম্লি মদুদি:

ক. শিপ্পিংগী দাইরেক্তর জেনরেলনা অনৌবা সার্কুলর অমা থোকখিবগী তাং অদু ফাওবা ভারতকী ফিরাল থেৎলিবা ভেসেল পুম্নমক (হায়বদি ভারত্তা রেজিস্তর তৌখিবা) অদু ভারত্তা শাবা চেসেলশিংনি হায়না লৌগনি অমসুং মথক্তা পীরিবা কেতেগোরী (i) অসিগী মনুং চনগনি অমসুং

খ. ভারতকী প্রজা/কমপনী/সোসাইতী অমনা ৱাইবগীদমক্তা মর্চেন্ত সিপ্পিং এক্ত, ১৯৫৮কী সেক্সন ৪০৬কী মখাদা দি.জি. (শিপ্পিং)না অয়াবা পীরবা মীরমগি ওইবা ভেসেলশিং, হায়রিবা অসিনা ভারতকী ফিরালগী মখাদা রেজিস্ত্রেশন তৌনবগীদমক্তা ভারতকী শিপয়ার্দতা জহাজ অমা শারিবা, মতম খরগীদমক্তা শাদুনা লৈরিবা ভারতকী জহাজ অমগী মহুত ওইনা শিজিন্ননবা, মখাদা পীরিবা কন্দিশন অনি অসি ওইরবদি মখোয় অদু মথক্তা পীরিবা কেতেগোরী (i)গী মনুং চনগনি।

১. কন্ত্রেক্ত তৌবগী শেনফম অদুগী ২৫%দি ভারতকী শিপয়ার্দতা পীগনি

২. মশক খঙলবা ওর্গনাইজেশন্না সর্তিফাই তৌখিবা অদুগী মতুং ইন্না হল ফেব্রিকেশন অদুগী ৫০% লোইশিনখ্রে।

অসিগুম্বা অৱাংইবা ভেসেলদা পীবা লাইসেন্সকী মতম অদু শিপবিল্দিং কন্ত্রেক্ততা পনখিবা অদুগী মতুং ইন্না জহাজ অদুগী শাবগী মতম ফাওবদু খক্তমক ওইগনি।

খঙজিনবা য়াবদি, শিপ্পিংগী মন্ত্রালয়না শিপবিলইং ফাইনান্সিয়েল এসিস্তেন্স পোলিসী (২০১৬-২০২৬)কী মখাদা সিপবিল্সিংগী থবক-থৌরমশিংগীদমক্তা মতম কুইনগী ওইবা সবসিদীগীদমক্তা প্রোভিজন শেমখ্রে। মন্ত্রালয় অসিনা পোলিসী অসিগী মখাদা হৌজিক ফাওবদা লুপা করোর ৬১.০৫কী শেনফম অমা হান্নদগী থাদোকখ্রে। মসি সরকারগী মাইকৈদগী ভারত্তা শাবা জহাজশিংদা অহেনবা মার্কেতকী খুদোংচাবা অমসুং বিজেনেসকী ওইবা তেংবাং পীদুনা শিপবিল্দিংবু মখাতানা ইন্সেন্তিভাইজ তৌনবা হোৎনরিবনি।

নৌনা শেমদোক্লবা গাইদলাইনশিং অসিনা দোমেস্তিক শিপবিল্দিং অমসুং শিপ্পিং ইন্দস্ত্রীশিংদা ইনোৎ হাপকনি। মসিনা দোমেস্তিক শিপ্পিং ইন্দস্ত্রীদা মতেং পাংনবা দোমেস্তিক শিপ্পিং ইন্দস্ত্রীদা পুক্নিং থৌগৎকনি।

শিপ্পিংগী রাজ্য মন্ত্রি (আই./সি.), শ্রী মন্সুখ মান্দৱিয়ানা হায়খি, “শিপ্পিংগী মন্ত্রালয় অসি ঐখোয়গী ইকাইখুম্নরবা প্রধান মন্ত্রী, শ্রী নরেন্দ্র মোদিগী মঙলান আত্মানির্ভর ভারতকী মতুং ইন্না শিপবিল্দিং য়োকখৎননবগী মীৎয়েং থম্বা খোংথাংগা লোইননা থবক তৌরি। আর.ও.এফ.আর. লাইসেন্সিং কন্দিশনশিংগী রিভিজন তৌবা অসিনা আত্মানির্ভর শিপ্পিংগী মাইকৈদা য়াম্না চাউবা খোংথাং অমনি। মসিনা ইরোমদোম লেপচদুনা ‘মেক ইন ইন্দিয়া’গী অনৌবা খোংথাং অসি য়োকখৎকনি অমসুং দোমেস্তিক শিপ বিল্দিং ইন্দস্ত্রিশিংদা লাল্লোংগী ওইবা ইনোৎ অমা হাপকনি, মসিনা ভারতকী তুং কোইনগী ওইবা শিনমীৎলোন চাউখৎপগী মাইকৈদা শরুক য়াগনি”।

*****