ঙসি, ওক্তোবর ২২, ২০২০দা পোখ্রন রেঞ্জতা পুং ০৬৪৫ তাবা মতমদা  ৩শুবা জেনেরেসনগী এন্তি তেঙ্ক গাইদেদ মিসাইল (এ.তি.জি.এম.) এন.এ.জি. শিজিন্ননবগী অরোইবা চাংয়েং পাঙথোকখ্রে। মিসাইল অসিদা অশেঙবা ৱারহেদ অমা হাপখি অমসুং মসিনা য়ৌবা ঙম্বা অরাপ্পগী মনুং চনবা মফমদা তেঙ্ক তার্গেৎ অমসু থমখি। মিসাইল অসি এন.এ.জি. মিসাইল পুরিবা এন.এ.এম.আই.সি.এ.দগী কাপখি। মিসাইল অসিনা তার্গেৎ অসি মাই-পাক্না থোম্বা ঙমখি অমসুং তেঙ্ককী আর্মরবু মাইথীবা পীখি।

এ.তি.জি.এম. এন.এ.জি. অসি দি.আর.দি.ও.না নুংথিল অমসুং নুমিদাংগী মতমদা মপাঙ্গল লৈরবা য়েক্নবগী তেঙ্ককা মায়োক্ননবা শেমখিবনি। মিসাইল অসিদা কম্পোজিৎ অমসুং রীএক্তিব আর্মরনা য়োম্লবা এম.বি.তীশিং মাইথীবা পীনবা পেসিব হোমিং দাইদেন্সকা লোয়ননা “ফাইয়র অমসুং ফোর্গেৎ” “তোপ এতেক্ত”কী তৌবা ঙম্বশিং য়াওই।

এন.এ.জি. মিসাইল পুরিবা এন.এ.এম.আই.সি.এ. অসি ঈশিং অমসুং কংফালদা শিজিন্নবা য়াবা বি.এম.পি. ২দা য়ুম্ফম ওইবনি। ঙসিগী অরোইবা চাংয়েং অসিগা লোয়ননা এন.এ.জি. অসি পুথোকপগী তাঙ্কক্তা চঙলগনি। মিসাইল অসি দিফেন্স পি.এস.য়ু., ভারত দাইনামিক্স লিমিতেদ (বি.দি.এল.)না পুথোক্কনি অমসুং এন.এ.এম.আই.সি.এ. অসিনা ওর্দিনান্স ফেক্তরী মেদক্না পুথোক্কনি।

ঙাক-শেল মন্ত্রী শ্রী রাজনাথ সিংহনা দি.আর.দি.ও. অমসুং ইন্দিয়ন আর্মীবু এন.এ.জি. মিসাইল মাই-পাক্না চাংয়েং তৌবগীদমক্তা থাগৎপা ফোঙদোক্লি।

দি.দি.আর. অমসুং দি.গী সেক্রেতরী অমসুং দি.আর.দি.ও.গী চেয়রমেন, দাঃ জি. সতীশ রেদ্দীনা মিসাইল অসিবু পুথোকপগী তাঙ্কক্তা য়ৌহল্লক্নবগীদমক্তা দি.আর.দি.ও., ইন্দিয়ন আর্মী অমসুং ইন্দস্ত্রীগী থৌওংশিংবু থাগৎখি।

*****