কোবিদ-১৯ লায়চৎ অসিনা ওইহল্লক্লিবা ফীভম অসি য়েংলগা ভারত সরকারনা ফেব্রুৱারী ২০২০দগী হৌনা ইন্তরনেস্নেল পেসেঞ্জরশিংনা চংলক্নবা অমসুং থোকখিনবগী চত্থোক চৎশিন তৌবা হন্থহন্নবা খোঙথাং কয়া লৌখৎখি। 

ভারত্তা চংলকপা নত্রগা থোকখিবা পাম্বা মীরৈবাক মচাশিং অমসুং ভারত মচাশিংগী অহেনবা কেতগোরীশিংগী ওইনা ভীজা অমসুং লম চৎপদা অথিংবশিং লৈরম্বা অদু হৌজিক্তি তাঙ্কক নাইবা মওং অমদা কোমথোক্নবা সরকারনা ফিরেপ লৌখ্রে। মরম অসিনা তুরিস্ত ভীজা নত্তনা মরম অমা হেক্তগী ভারত্তা লাকপা পাম্বা ও.সি.আই. অমসুং পি.আই.ও. কার্দ হোল্দরশিং অমসুং অতোপ্পা মীরৈবাক মচাশিংনা ওথোরাইজ তৌরবা এয়রপোর্তশিং অমসুং সীপোর্তকী ইম্মিগ্রেসন চেক পোস্তশিংগী খুত্থাংদা নোংথক্তা নত্রগা ঈশিংগী লম্বেলদা লাকপদা অয়াবা পীনবা ৱারেপ লৌখ্রে। মসিদা ভন্দে ভারত মিসন, এয়র ত্রান্সপোর্ত ববলগী শিল্লি-লাংলিবা অসিগী মখাদা পাইরিবা ফ্লাইৎশিং নত্রগা সিবিল এভিএসন মন্ত্রালয়না অয়াবা পীবা নন সেদ্যুল্দ কম্মর্সিএল ফ্লাইৎশিং য়াওরি। হায়রিবা অসিদা তোংলিবা মীওই পুম্নমক্না অদুম ওইনমক হকশেল অমসুং য়াইফ-য়ুম্বাল মন্ত্রালয়না ক্বারেন্তিন তৌবগী অমদি অতোপ্পা হকশেল/কোবিদ-১৯গী হিরমশিংগী মতাংদা পীবা গাইদলাইনশিং চেকশিন্না ঙাক্না চৎকদবনি।

তাঙ্কক নাইবা মওংদা কোমথোকপা অসিগী মখাদা, ভারত সরকারনা হান্নগী ভীজা পুম্নমক (ইলেক্ত্রোনিক ভীজা, তুরিস্ত ভীজা অমসুং মেদিকেল ভীজা নত্তনা) খুদক্তগী অমুক হন্না চৎনবা হৌনবা ফিরেপসু লৌখ্রে। করিগুম্বা অসিগুম্বা ভীজাশিং অসিগী মতম লোইবা তারবদি, চন্নবা কেতগোরীশিংগী অনৌবা ভীজাশিং মরী লৈনবা ইন্দিয়ন মিসন/পোস্তশিংদগী লৌবা য়াগনি। ভারত্তা অনা লায়েংগীদমক লাকপা পাম্বা মীরৈবাক মচাশিংনা মখোয়গী মেদিকেল এতেন্দেন্তশিংগী য়াওনা মেদিকেল ভীজাগী এপ্লাই তৌরকপা য়াগনি। ফিরেপ অসিনা মরম ওইরগা ললোন-ইতিক্কী, কনফরেন্সশিংগী, থবক্কী, মহৈ তম্বগী, রিসর্চকী, অনা লায়েংগী অসিনচিংবা তোঙান তোঙানবা মরমশিংগীদমক মীরৈবাক মচাশিংনা ভারত্তা লাকপা য়ারগনি।

*****