(মসিদা হৌখিবা পুং ২৪ দা থোকখিবা কোবিদ -১৯গা মরী লৈনবা চেফোংশিং, ফিল্দ ওফিসশিংদগী ফংবা পাউশিং, অমসুং পি.আই.বি.না লৌখৎপা ফেক্ত চেকশিং য়াওরি )

• ভারতনা এক্তিব কেসকী মশিং চাং নাইনা হন্থরকপগী ফিভম ঙাক্লি, নুমিৎ অনি থঙন-থঙনবা এক্তিব কেস অসি লাখ ৭.৫গী মখাদা লৈরি
• হৌখিবা পুং ২৪দা লৈবাক অসিদা মীওই ৬১,৭৭৫ নাবা ফখি অমসুং নৌনা লাকখিবা কেস মশিংনা ৫৪,০৪৪খক ওইখি
• নেস্নেল কেস ফেতেলিতী রেৎ অসি ঙসি ১.৫১%দা তাথখ্রে
• নেস্নেল রিকভরী রেৎ চাদা ৮৮.৮১ য়ৌরে

#Unite2FightCorona

#IndiaFightsCorona

ভারতনা এক্তিব কেসকী মশিং চাং নাইনা হন্থরকপগী ফিভম ঙাক্লি, নুমিৎ অনি থঙন-থঙনবা এক্তিব কেস অসি লাখ ৭.৫গী মখাদা লৈরি, রাজ্য/য়ু.তি. ১৪দা শিবগী চাং অসি ১%দগী তাথনা লৈরি

ভারতনা এক্তিব কেসকী মশিং চাং নাইনা হন্থরকপগী ফিভম ঙাকপা ওইনা নুমিৎ অনি থঙন-থঙননা এক্তিব কেস মশিং অসি লাখ ৭.৫গী মখাদা লৈরি। কোবিদকী অনাবশিংনা নুমিৎ খুদিংগী মশিং য়াম্না নাবা ফগৎলকপগা লোয়ননা ভারতকী নোঙমদা মীশিং য়াম্না নাবা ফবগী ফিভম অসি মখা তানা লেপ্তনা চত্থরি। হৌখিবা পুং ২৪দা লৈবাক অসিদা মীওই ৬১,৭৭৫ নাবা ফখি অমসুং নৌনা লাকখিবা কেস মশিংনা ৫৪,০৪৪খক ওইখি। মসিগী ফিভম অসি হৌখিবা পুং ২৪দা লৈবাক অসিদা তেস্ত মশিং ১০,৮৩,৬০৮ পাঙথোকখ্রবা মতুংদনি। তেস্ত, ত্রেক অমসুং ত্রীৎকী থৌরাংশিং মাই-পাক্না চত্থবগা লোয়ননা মতিক চানা লায়েংহৌবা অসিনা শিবগী চাংদা লেপ্তনা হন্থরকপা ঙম্লিবনি। নেস্নেল কেস ফেতেলিতী রেৎ (সি.এফ.আর.) অসি ঙসি ১.৫১%দা তাথখ্রে। কেন্দ্র সরকারনা রাজ্য/য়ু.তি.শিংদা সি.এফ.আর. অসি ১%গী মখাদা পুরক্নবা পান্দম থম্নবা খঙহনখ্রে। হৌজিক-হৌজিক রাজ্য/য়ু.তি. ১৪দা শিবগী চাং অসি ১%দগী তাথনা লৈরি। ভারতকী নাবা ফবগী অপুনবা মশিং অসি ঙসি ফাওবদা ৬৭,৯৫,১০৩ ওইরি। নোঙমদা নাবা ফবগী মশিং হেনগৎলকপদগী লৈবাক্কী ওইবা নাবা ফবগী চাং অসি লেপ্তনা হেনগৎহল্লিবনি অমসুং মসি য়াম্না থুনা ৮৯% (৮৮.৮১%) য়ৌগদৌরে। অনৌবা নাবা ফবশিংগী ৭৭%তি রাজ্য/য়ু.তি. ১০দগী উবা ফংই। করনাতকানা অনৌবা নাবা ফবগী মশিং ৮৫০০ হেন্না লৈদুনা মহারাস্ত্রাদগী হেনখ্রে। মহারাস্ত্রা অমসুং কেরলানা অনৌবা নাবা ফবগী মশিং ৭০০০ হেন্না লৈদুনা তুং ইল্লি। হৌখিবা পুং ২৪দা লৈবাক অসিদা অনৌবা কেস ৫৪,০৪৪ লাকখি। মসিদগী ৭৮%দি রাজ্য/য়ু.তি. ১০দগীনি। মহারাস্ত্রাদগী অনৌবা কেস ৮০০০ হেন্না লাকখি। কেরলা অমসুং করনাতকানা ৬০০০ হেন্না লাকখি। হৌখিবা পুং ২৪দা মীওই ৭১৭ লৈখিদে। অনৌবা লৈখিদবশিং অসিদগী ৮২%দি রাজ্য/য়ু.তি. ১০দগীনি। ঙরাং লৈখিদবা মীওইশিংদগী ২৯%দি মহারাস্ত্রাদগী মীওই ২১৩ লৈখিদবগা লোয়ননা ওইখি অমসুং করনাতকাদগী মীওই ৬৬ ওইদুনা তুং ইল্লি।

অকুপ্পা ৱারোলগীদমক :

প্রধান মন্ত্রীনা লৈবাক মীয়ামদা পীখিবা অখন্নবা ৱারোল

তেলিভিজন্দা থাদোকখিবা লৈবাক মীয়ামদা পীবা ৱারোল অমদা প্রধান মন্ত্রী শ্রী নরেন্দ্র মোদীনা লৈবাক মীয়াম পুম্নমক্তা লৈবাক অসিনা কোরোনাগী মাইয়োক্তা লান্দারিঙৈ চৈরক্তা মখোয়গী চেকশিনবা হন্থদনবা অমসুং লায়থোক্তনবা অকনবা আপিল তৌখি। শ্রী নরেন্দ্র মোদীনা লোকদাউন লৌথোক্লবসু মসিনা ভাইরস অসি মুত্থৎখ্রে হায়বদি নত্তে হায়খি।
মহাক্না শেন্মিৎলোনগী থবকশিং মহৌশাগী ফিবমদা হঞ্জিল্লকপা অমসুং মীয়াম্না মখোয়গী ময়ুমগী মপান্দা থোক্তুনা মখোয়গী মথৌদাংশিং পাঙথোকপা ঙমজদুনা লৈবাক শিনবা থুংনা ফিবম ফগৎলকপদা শিংথাখি। শ্রী মোদীনা কৈথেলশিংসু কুম্হৈগী মাংওইননা মহৌশাগী ফিবমদা লাক্লে হায়না পনখি। হৌখিবা থা ৭-৮ অসিদা ভারত মচা খুদিংমক্না হোৎনজবনা মরম ওইদুনা ভারতকী ফিবম শাফনা লৈরিবনি অমসুং কনাগুম্বা অমত্তনা ফিবম অসিবু হেন্না শাথিবা মওংদা লাক্নবা হোৎনরোইদবনি হায়খি। প্রধান মন্ত্রীনা পনখি মদুদি লৈবাক অসিগী নাবা ফগৎলকপগী চাং ৱাংলে অমসুং শিবগী চাংনা নেম্লে। শ্রী মোদীনা ইরৈচা লাখ ১০গী মনুংদা মীওই ৫৫০০ কোরোনা নারি অদুগা য়ু.এস. অমসুং ব্রাজিলগুম্বা লৈবাকশিংদদি ফিগর অসি ২৫০০০ য়ৌরিবনি হায়খি। মহাক্না হায়খি মদুদি ভারতকী শিবগী চাং অসি ইরৈচা লাখ ১০গী মনুংদা ৮৩ ওইরি, অদুগা য়ু.এস., ব্রাজিল, স্পেন, বৃতেন অমসুং অতোপ্পা চাওখৎলবা লৈবাকশিংদদি মসি ৬০০ ওইরিবনি। প্রধান মন্ত্রীনা চাওখৎলবা লৈবাকশিংগা চাংদম্নবদা, ভারতনা লৈবাক অসিগী মজাতি কন্নবা হোৎনবদদি হেন্না মায় পাক্লি হায়না শিংথাখি। প্রধান মন্ত্রীনা লৈবাক অসিগী কোবিদ ইনফ্রাস্ত্রকচর ফগৎলকপগী মতাংদা পনখি। মহাক্না হায়খি মদুদি কোরোনা অনাবশিংগীদমক ফমুং লাখ ৯০ লৈ, মসিগা লোইননা লৈবাক অসিদা ক্বারেন্তিন সেন্তর ১২০০০ লৈরি হায়খি। মহাক্না লৈবাক শিনবা থুংনা কোরোনা তেস্ত তৌনবা লেব ২০০০ লৈরি অদুগা তেস্ত তৌবগী মশিং অসি অথুবদা করোর ১০ য়ৌরগনি হায়খি। ভারতনা রিসোর্স মরাং কায়না লৈবা লৈবাকশিংগা চাংদম্নবা মতমদা মজাতি কনবা মায় পাক্না ঙম্লি অমসুং লৈবাক অসিনা কোবিদ লাইচৎ থেংননবা হোৎনবদা তেস্ত তৌবগী মশিং হেনগত্তুনা অদুক্কী মতীক মপাঙ্গল কল্লি হায়খি। প্রধান মন্ত্রীনা য়াম্লবা মীয়াম অসিবু মশাগী ওইজবা থিদনা "সেবা পর্মো ধর্ম"গী লাইৱা তুংইন্নদুনা হোৎনরিবা দোক্তর, নর্স অমসুং হেল্থ ৱার্করশিংবু থাগৎপা ফোংদোকখি। প্রধান মন্ত্রীনা হায়খি মদুদি মীওইবা খুন্নাইবু কন্নবা অথুবদা হোৎনরি অমসুং লৈবাক অসিগী সাইন্তিস্তশিং য়াওনা লৈবাক কয়ানা ভেক্সিন অমা পুথোক্নবা কন্না হোৎনরি। মহাক্না হায়খি মদুদি কোরোনা ঙাকথোক্নবা ভেক্সিন কয়াদা থবক পায়খৎলি অমসুং মসিগী মনুংদগী খরা অমদি এদভান্স স্তেজ য়ৌরে।

অকুপ্পা ৱারোলগীদমক:

প্রধান মন্ত্রীনা লৈবাক মীয়ামদা ঙাংখিবা ৱারোল

অকুপ্পা ৱারোলগীদমক:

প্রধান মন্ত্রীনা পুলিসকী লৈখিদ্রবা মীওইশিংগী নীংশিং নুমিত্তা মথৌ পাঙথোক্লিঙৈদা থৱাই থাখ্রবা পুলিসকী মীওইশিংদা ইকায় খুম্নবা উৎখ্রে

প্রধান মন্ত্রী, শ্রী নরেন্দ্র মোদীনা পুলিসকী লৈখিদ্রবা মীওইশিংগী নীংশিং নুমিত্তা মথৌ পাঙথোক্লিঙৈদা থৱাই থাখ্রবা পুলিসকী মীওইশিংদা ইকায় খুম্নবা উৎখ্রে। লো অমসুং ওর্দর ঙাকপদগী হৌদুনা অকি-তুজুংনীংঙাই ওইরবা ফত্তবা থৌদোক কয়াগী ৱারোইশিন পুরকপা ফাওবা, অমাং-অতা থোকপদা তেংবাংবদগীনা কোবিদ-১৯গা লেন্থেংনবা ফাওবদা ঐখোয়গী পুলিসকী মীওইশিংনা খঞ্জান্নবা লৈতনা মখোয়গী মথৌ নীংথিনা পাঙথোক্লি। মখোয়গী থবক্তা পুক্নীং চঙবা অমসুং মীয়াম্বু তেংবাংনবা শেম-শাদুনা লৈবগী থৌওং অসিদা ঐখোয়না চাউথোকচরি।” হায়না প্রধান মন্ত্রীনা হায়খি।

অকুপ্পা ৱারোলগীদমক:

প্রধান মন্ত্রী শ্রী নরেন্দ্র মোদী অমসুং কোরিয়াগী রাস্ত্রপতি মুন জে-ইন অনিগী মরক্তা তেলিফোন্দা ৱারী শানখ্রে

ঙসি প্রধান মন্ত্রী শ্রী নরেন্দ্র মোদীনা কোরিয়াগী রাস্ত্রপতি মুন জে-ইনগা তেলিফোন্দা ৱারী শানখ্রে। কোবিদ-১৯ লাইচৎ থেংননবা পায়খৎলিবা থবকশিং, হৌজিক চৎথরিবা মালেমগী ভেলু চেন মখলশিং, অরোন-অথুপ লৈতবা, চাউখৎপদা য়ুম্ফম ওইবা অমসুং নিয়মদা য়ুম্ফম ওইবা মালেমগী ললোন-ইতিক্কী কাংলোন অমা থম্বগী তঙাইফদবা অমসুং ৱার্ল্দ ত্রেদ ওর্গনাইজেসনগী মরুওইবা থৌদাংগী মতাং য়াওনা মরুওইবা মালেমগী চাউখৎলক্লিবশিংবু লুচিংবা অনিনা হন্না য়েংশিনখি। মথক্কী ৱাফমশিং অসিদা থবক পাংথোকমিন্নবা অমসুং হিরম খুদিংমক্তা নাকল অনি মখা তানা মতেং পাংনবা হেনগৎহনবা হায়না লুচিংবা অনিনা য়ানখি।

অকুপ্পা ৱারোলগীদমক

দা. হর্শ বর্ধন্না কোবিদ-১৯গী রিপর্পোজ দ্রগশিংগী সি.এস.আই.আর.গা খুৎশম্নদুনা চত্থবা ক্লিনিকেল ত্রাইএলশিংগী ৱেবসাইৎ “ক্যুর্দ” হৌদোকখ্রে

সাইন্স অমসুং তেক্নোলোজী, হকশেল অমসুং য়াইফ-য়ুম্বাল অমসুং আর্থ সাইন্সেসকী মন্ত্রী দা. হর্শ বর্ধন্না ঙসি সি.এস.আই.আর.না ইন্দস্ত্রী, অতোপ্পা সরকারগী বিভাগশিং অমসুং মন্ত্রালয়শিংগা খুৎশম্নদুনা পাঙথোকপা মশিং য়াম্লবা কোবিদ-১৯গী ক্লিনিকেল ত্রাইএলশিংগী মরমদা অকুপ্পা ইপাউ পীরিবা ৱেবসাইৎ অমা হৌদোকখ্রে। ক্যুর্দ নত্রগা সি.এস.আই.আর. অসর্দ রিপর্পোজ দ্রগস, কৌবা ৱেবসাইৎ অসিনা হৌজিক চত্থরিবা ত্রাইএলশিংগী স্তেজ, চুংশিন্নরিবা ইন্সতিত্যুসনশিং অমসুং ত্রাইএলশিং অসিদা মখোয়না লৌরিবা থৌরাং অমসুং অতোপ্পা অকুপ্পা মরোলশিং য়াওবা লোয়ননা দ্রগশিং, দাইগ্নোস্তিকশিং অমসুং দিভাইসশিংগী ই-পাউ ফংহল্লি। হৌজিক কোবিদ-১৯গী মায়োক্তা লান্থেংনরিবা অসিদা সি.এস.আই.আর.না মাং থাদুনা হোৎনরিবশিং অমসুং ক্লিনিকেল ত্রাইএলশিং হেন্না মরু ওইনা লৌরিবা, মখোয়গী রিগুলেতরী এপ্রুবেলগীদমক দেতা জেনরেৎ তৌরিবা অমসুং কৈথেলদা দ্রগশিং অমসুং দাইগ্নোস্তিকশিং পুথোকপদা মতেং পাংলিবা অসি মন্ত্রীনা থাগৎখি। মহাক্না রিপর্পোজ দ্রগশিং শীজিন্নবগী খোঙথাং অমসুং অনৌবা প্রোসেসশিং অমসুং ইন্দস্ত্রীদা শিন্নবগী খুত্থাংদা কোবিদ-১৯ দ্রগশিং সিন্থেসাইজ তৌরিবা অসিবু থাগৎখি। সি.এস.আই.আর.না কোবিদ-১৯বু লায়েংবা ঙম্নবা এন্তি-ভাইরেলশিং লোয়ননা হোস্ত-দিরেক্তেদ থেরাপীশীংগী মখল কয়াগী অপুনবা ক্লিনিকেল ত্রাইএলশিং পাঙথোক্লি। সি.এস.আই.আর.না আয়ুশ মন্ত্রালয়গা লোয়ননা আয়ুশ দ্রগশিংগী ক্লিনিকেল ত্রাইএলশিংসু পাঙথোক্লি অমসুং তোঙান তোঙানবা পাম্বীদা বেজ তৌবা কম্পাউন্দশিং অমসুং কম্বিনেসনশিংদা য়ুম্ফম ওইবা আয়ুশ প্রোফাইলেক্তিক্স অমসুং থেরাপিয়োতিক্সকী খুদোংথিবা থোক্তনবা অমসুং কান্নবা ফংনবা ত্রাইএলশিং চত্থখ্রে।

অকুপ্পা ৱারোলগীদমক :

কোবিদ-১৯গী মনুংদা রাজ্য অমসুং য়ূ.তি.শিংনা পায়খৎলিবা নেস্নেল আয়ুশ মিসন (নাম)গী থবকশিং আয়ুশ মন্ত্রালয়না অৱাংবা থাক্তা য়েংশিনবা

সেক্রেতরী আয়ুশ মন্ত্রালয় বাইদ্য রাজেশ কোতেচানা হৌখিবা থা খরসিদা মন্ত্রালয় অসিনা পায়খৎখিবা তোঙান-তোঙানবা কোবিদ-১৯ ঙাকথোক্নবগী খোঙথাং অমসুং মেনেজমেন্তশিংদা মশক থোক্না মতেং পাংখিবা থবক থৌরমশিং য়েংশিন্নবা অৱাংবা থাক্কী য়েংশিন মীফম অমগী ময়াই তাংবল লৌখি। আয়ুশ অমসুং তোঙান-তোঙানবা রাজ্য অমসুং য়ু.তি.শিংগী হকশেলগী বিভাগশিংগী প্রিন্সিপাল সেক্রেতরী অমসুং সেক্রেতরীশিংনা পাঙথোকখিবা মীফম অসিদা ভিদিও কন্ফরেন্সিংগী থোংদা শরুক য়াখি। শ্রী কোতেচানা রাজ্য/য়ু.তি.শিংবু হন্দক্তা নৌনা কোবিদ-১৯ য়েংশিন্নবা ফোংখিবা নেসনেল আয়ুর্বেদ অমসুং য়োগা প্রোতোকোল, নেসনেল আয়ুশ মিসন (নাম)গী মখাদা অয়াবা পীখিবা আয়ুশ হেল্থ ৱেলনেস সেন্তরশিংগী থবক থৌরমশিং অমসুং নামগী মখাদা রাজ্য/য়ু.তি.গী থাক্তা চাদিং অমসুং ফন্দ অথুবদা ফগৎনবা হোৎনবগী তঙাই ফদবগী মতাংদা খন্নখি। সেক্রেতরীনা আয়ুশ মন্ত্রালয়না কোবিদ-১৯গা মরী লৈননা লৌখৎখিবা মরুওইবা খোঙথাংশিংগী মতাংদা ফোংদোকখি। অদুবু মহাক্না, প্রোতোকোলশিং অসিনা সেক্যুরিতীদা অরানবা ৱাখল্লোন অমা শাগৎহল্লোইদবনি হায়না চেকশিন-ৱা থমখি। মহাক্না হায়জখি মদুদি কোবিদ-১৯ লাইচৎ অসিবু নম্থনবগী প্রোতোকোলশিং অসি থবক ওইনা পায়খৎনবা হোৎনবা মতমদা রাজ্য/য়ু.তি.শিংনা মপুং ফানা মতেং পাংবীনবা হায়খি। মহাক্না অসিগুম্বা নেসনেল প্রোতোকোল অমা ফোংবা হায়বসি আয়ুশ সিস্তেম্বু মীয়াম হুপ্না খঙহন্নবা হোৎনবদা মরুওই হায়না শন্দোক্না তাকখি। মীফম অদুগী মনুংদা তোঙান-তোঙানবা রাজ্য/য়ু.তি.শিংনা মখোয়না কোবিদ-১৯গা মরী লৈননা পায়খৎখিবা থবকশিং অমসুং এক্সপরিএন্সশিং পুখৎনখি। পুন্না হোৎনমিন্নবা অমসুং এক্সপরিএন্সশিং লান্নবা হায়বসিনা আয়ুশকী সিস্তেম অসিবু লাইচৎ থেংননবগীদমক লৈবাক পুম্বা শিনবা থুংনবা পায়খৎপদা মতেং পাংগনি হায়না পুম্নমক্না য়ানখি।

অকুপ্পা ৱারোলগীদমক

কেন্দ্রগী গৃহ মন্ত্রী শ্রী অমিৎ শাহনা ভারত মচাশিংগী চেকশিল্লবা অমসুং হকশেল ফরবা পুন্সিদা মোদী সরকারনা খ্বাইদগী মরুওইনা থম্লি

কেন্দ্রগী গৃহ মন্ত্রী শ্রী অমিৎ শাহনা হায়খি মদুদি ভারত মচাশিংগী চেকশিল্লবা অমসুং হকশেল ফরবা পুন্সিদা মোদী সরকারনা খ্বাইদগী মরুওইনা থম্লি। প্রধান মন্ত্রী শ্রী নরেন্দ্র মোদীনা লৈবাক মীয়ামদা ৱারোল পীখ্রবা মতুংদা থাগৎপা মহাক্কী ত্বীত্তা শ্রী শাহনা হায়খি, "মোদী সরকারনা খল্লি মদুদি মসিগী শোইফদ্রবা থৌদাংদি কোরোনা ভাইরস্কা থেংনরিবা লানফম অসিদা ইরৈচাশিংগী পুন্সি কনবনি। ঙসি লৈবাক মীয়ামদা পীখিবা ৱারোলদা প্রধান মন্ত্রী শ্রী নরেন্দ্র মোদীনা মসিগী ৱারেপ অসি নৌহৌননা ফোংদোকখি।" কেন্দ্রগী গৃহ মন্ত্রী মসিমসু হায়খি মদুদি "ঐহাক্না মীপুম খুদিংমক্তা প্রধান মন্ত্রী, শ্রী নরেন্দ্র মোদীজিগী 'ভেক্সিন অমা পুথোক্ত্রিবফাওবা মখোয়না চেকশিঞ্জরিবশিং হন্থদনবা হোৎনবা' হায়বা আপিল অসিবু লমজিংগদবা মোতো অমা ওইনা তুংইন্নদুনা চৎনবা অমসুং মখোয়গী ইমুং মনুংবু শোইঙামদনা থম্নবা হায়জরি"। মহাক্না হায়খি, "অপুনবা অমসুং ফিরেপ চেৎপা ভারত অমা ওইবখক্তনা লাইচৎ অসিদগী মায় পাকপা ঙমগনি।"

অকুপ্পা ৱারোলগীদমক :

২০১৯-২০২০গী ওইনা প্রদক্তিবিতী লিঙ্ক বোনস অমসুং নন-প্রদক্তিবিতী লিঙ্ক বোনসতা মন্ত্রী মন্দলনা অয়াবা পীখ্রে

প্রধান মন্ত্রী শ্রী নরেন্দ্র মোদীনা ময়াই তাংবল লৌদুনা ফমখিবা কেন্দ্রগী মন্ত্রী মন্দলগী মীফম্না রেলৱেজ, পোস্ত, দিফেন্স, ই.পি.এফ.ও., ই.এস.আই.সি. অসিগুম্বা কম্মর্সিএল ইস্তাব্লিশমেন্তশিংগী নন-গেজেতেদ কর্মচারী লাখ ১৬.৯৭তা চহি ২০১৯-২০২০গী ওইনা প্রদক্তিবিতী লিঙ্ক বোনস (পি.এল.বি.) পীরগনি অমসুং ফাইনান্সিএল ইম্প্লিকেসন্না লুপা করোর ২,৭৯১ ওইগনি। নন-পি.এল.বি. নত্ত্রগা এদ-হোক বোনস অসি কেন্দ্র সরকারগী নন-গেজেতেদ কর্মচারীশিংদা পী। কর্মচারী লাখ ১৩.৭০না কান্নবা ফংগনি অমসুং হায়রিবা অসিগী ফাইনান্সিএল ইম্প্লিকেসন্না লুপা করোর ৯৪৬ ওইগনি।

অকুপ্পা ৱারোলগীদমক :

ভর্চুএল ওইনা ২০২০গী দিসেম্বর ২২দগী ২৫ ফাওবা ৬সুবা ইন্দিয়ান ইন্তরনেসনেল সাইন্স ফেস্তিবেল পাংথোক্লগনি

২০২০গী দিশেম্বর ২২দগী ২৫ ফাওবা ৬সুবা ইন্দিয়ান ইন্তরনেসনেল সাইন্স ফেস্তিবেল(আই আই এস এফ) পাংথোক্লগনি। ঙসি নিউ দিল্লিদা পাংথোকখিবা হন্না য়েংশিনবা মীফম অমদা ৱাফম অসি সাইন্স অমসুং তেক্নোলোজি, আর্থ সাইন্সেস অমসুং হেল্থ অমসুং ফেমিলি ৱেলিফয়ারগী য়ুনিয়ন মিনিস্তর দোক্তর হর্স ভরধন্না লাউথোকখিবনি। মীফম শরুক য়াখিবশিংদা য়ুনিয়ন মিনিস্তরনা হায়খি মমাংদা মহৌশাগী মতমদা পাংথোকখিবা অদুগী হেন্না পাক-চাউবা থাক অমদা ভর্চুএল ওইনা আই.আই.এস.এফ ২০২০ পাংথোক্কনি। চহি অসিদা অতোপ্পা মরী লৈনবা মিনিস্ত্রিশিং অমসুং দিপার্তমেন্তশিংগী মতেংগা লোয়ন্না আই.আই.এস.এফ ২০২০ পাংথোক্নবা সি.এস.আই.আরনা মাংজিল থাগনি। কোবিদ-১৯ লাকশিন্নবা ভারতনা লৌরিবা থৌদাং খঙহন্নবা অমসুং পাম্বৈশিং মশক খঙদোক্নবা অমসুং কোকচুংশিন্ননবা শরুক য়াগদবশিংদা মিনিস্তরনা খঙহনখি।

অকুপ্পা ৱারোলগীদমক :

পেরোল দেতা: অগস্ত ২০২০দা ই.পি.এফ.ওনা অপুনবা সবস্ক্রাইবর লাখ ১০.০৬ হাপচিল্লে

ওক্তোবর ২০, ২০২০দা ই.পি.এফ.ওনা ফোঙখিবা পেরোল দেতাগী মতুংইন্না শেনবা চহি ২১গী অহানবা থা মঙাদা ই.পি.এফ.ও সবস্ক্রাইবর চাউরাক্না লাখ ২০ রোম হেনগৎলে হায়রি। চৎলিবা শেনবা চহি অসিগী অহানবা ক্বাতর মনুংদা মিং চনবগী থবকশিং লৈবাক শীনবা থুংনা কোবিদ-১৯ লাইচৎ অমসুং মতুং তারকপা লোকদাউনশিংনা শোকহনখি। অদুবু ২০২০গী জুলাই অমসুং অগস্ত থাশিংগী পেরোল মশিংনা কোবিদ-১৯ লাইচৎকী চৈথেংদগী তপ্না-তপ্না ফগৎলকপা অমসুং কোবিদ মমাংগী থাকশিংদা অমুক হন্না য়ৌরকপা অদু উবা ফংখি। জুলাই ২০২০ মনুংদা অনৌবা সবস্ক্রাইবর পুন্না লাখ ৭.৪৯ রোম হাপচিনখি, মসি হৌখিবা ২০১৯গী জুলাইদা অপুনবা ওইনা হাপচিনখিবা মশিংগী চাদা ৬৪ রোম্নি। অগস্ত ২০২০দা মিং চনবগী ফিবম অমুক হন্না ফগৎলক্লে অমসুং ২০১৯গী অগস্ত থাদা অপুনবা ওইনা মিং চনখিবা মশিংগী চাদা ৯৩ ওইখি। ই.পি.এফ.ওগী সবস্ক্রাইবর মশিং হেনগৎলকপা মহৌশাগী ফিবমদা হঞ্জিল্লকপা অদু মসিনা উৎলে।

অকুপ্পা ৱারোলগীদমক :

আই.আই.তি. খরগপুরগী তেক্নোলোজীগী ওইবা ইনোবেসন অসিনা ভারতকী খুঙ্গংগী মীয়ামদা কান্নবা পীরগনি হায়না এজুকেসন মন্ত্রীনা ফোঙদোকখি

কোবিদ-১৯ খঙদোকপদা মপুং ফানা খঙবা ঙম্নবগীদমক আই.আই.তি. খরগপুরগী রিসর্চরশিংনা পুথোকপা দাইগ্নোস্তিক মেছিন, ‘কোবিরাপ’ ইন্দিয়ন কাউন্সিল ওফ মেদিকেল রিসর্চ (আই.সি.এম.আর.)না মাই পাক্না ভেলিদেৎ তৌখ্রে। লৈবাক অসিদা শিনবা থুংনা লৈরিবা মীচম প্রজাশিংদা ইনোবেসন অসি অথুবদা য়ৌহন্নবা ইন্সতিত্যুত অসিদা তেক্নোলোজীগী লাইসেন্স পীনবা তোঙান তোঙানবা কম্মর্সিএল য়ুনিৎশিংনা হায়জরকখ্রে। ওথোরাইজ তৌরবা আই.সি.এম.আর.গী লেবোরেতরী অমনা মখোয়গী গাইদলাইনশিং চেকশিন্না ঙাক্তুনা অনাবা মীওইগী সেম্পলশিংগা লোয়ননা চেকশিন্না তেস্ত তৌরবা মতুংদা হৌজিক আই.সি.এম.আর.না কোবিদ-১৯ দাইগ্নোস্তিক তেস্ত অসিগী সর্তিফিকেৎ পীবদা অয়াবা পীখ্রে। তেস্ত অসি অরাইবা মওংদা পাঙথোকপা য়ানবা শাখি অমসুং মমল হোংঙি লোয়ননা রিজল্তশিং অসি কস্তম-দিবেলপ মোবাইল ফোন এপ্লিকেসন অমদা পুং অমগী মনুংদা পীগনি। কোল ওইনা প্রেস কনফরেন্স অমদা ৱারোল পিক তেস্ত বিদ-১৯গী মায়োক্তা লৈবাক অসিনা লান্থেংনবা অসিদা অচৌবা কান্নবা ওইরগদবা অসি লাউথোক্নবা ঙসি ভর্চ্যুএল ওইনা প্রেস কনফরেন্স অমদা ৱারোল পীবদা কেন্দ্রগী এজুকেসন মন্ত্রী দা. রামেশ পোখ্রিয়ল নিশঙ্কনা হায়খি, “আই.আই.তি. খরগপুরগী রিসর্চরশিংনা মেদিকেল তেক্নোলোজী ইনোবেস অসিগী খুত্থাংদা আত্মনির্ভর ভারতকী পান্দম মাই পাকপা অসিদা ঐহাক নুংঙাইবা পোকই। দিভাইস অসি পুথোক পুশিন য়াবা অমসুং য়াম্না নেম্বা ইনর্জী সপ্লাইদা চল্লাইবা য়াবা অসিনা ভারতকী খুঙ্গংগী মীয়ামদা কান্নবা পীরগনি। ত্রেন খরা তৌরবা খুঙ্গংগী নহাশিংনা দিভাইস অসি চল্লাইবা য়াগনি।”

অকুপ্পা ৱারোলগীদমক:

দা. হর্শ বর্ধন্না মধ্য প্রদেশতা প্রধান মন্ত্রীগী জন অন্দোলন ইমপ্লিমেন্ত তৌনবা খন্নখ্রে

হকশেল অমসুং য়াইফ-য়ুম্বালগী কেন্দ্রগী মন্ত্রী দা. হর্শ বর্ধন্না মধ্য প্রদেশকী জিলা পুম্নমক্কী দিস্ত্রিক্ত কলেক্তরশিং অমসুং কেন্দ্রগী হকশেল মন্ত্রালয়গী মকোক থোংবা ওফিসিএলশিং য়াওদুনা মধ্য প্রদেশকী মকোক থোংবা ওফিসএলশিংগা লোয়ননা ঙসি খন্ন-নৈনখ্রে। লৈবাক অসিগী কোবিদ ত্রেজেক্তরী অসিগা মধ্য প্রদেশকী লৈরিবা অদুগা চাংদম্নদুনা দা. হর্শ বর্ধন্না হায়খি মদুদি “ভারতকী নাবা ফগৎপগী চাং অসি হৌজিক ৮৯%রোম ওই অমরোমদা মধ্য প্রদেশকীনা ৯০.৫৫% ওইরি। এম.পি.গী শীখিবা কেসকী চাং অসি ১.৭৩% ওইবগা লোয়ননা লৈবাক অসিগী লৈরিবা চাংচৎতগী খরা খজিক হেল্লি।” কেসশিংগী মশিং তপ্না-তপ্না হন্থরক্লি অসিদা মহাক্কী ৱাখল্লোন অদু নৌহৌনা ফোঙদোক্লদুনা হায় করিগুম্বা মীয়াম্না কোবিদকা চুনবা চৎন-লোনচৎ ঙাক্না চৎলবদি কোবিদ শন্দোক্লিবা অসি লাকশিনবা ঙমগনি।

অকুপ্পা ৱারোলগীদমক:

পি.আই.বি. ফিল্দ ওফিসশিংদগী ফংবা পাউ

•           মহারাস্ত্র: মহারাস্ত্র সরকারনা কোবিদ-১৯ লাইচৎ অসিগী থোরকপনা মরম ওইরগা সপ্লাইয়রশিং অমসুং লনাইগী হোসপিতালশিংগীদমক্তা এন-৯৫, দবল অমসুং ত্রিপল লেয়র মাস্কশিংগী মমলদা অকক্নবা মমল লেপখ্রে। এন-৯৫ মাস্কশিং অদু রাজ্য অসিদা লুপা ১৯দগীনা লুপা ৪৯ ফাওবগী চাংদা সপ্লাই তৌগদবনি, অদুগা দবল অমসুং ত্রিপল লেয়র মাস্কশিং অদুনা য়ুনিৎ অমদা লুপা ৩দগীনা লুপা ৪ ফাওবগী চাংদা ফংগনি। থংন-থংননা নুমিৎ নিনিশুবা ওইনা রাজ্য অসিদা কেস ৮,১৫১ লৈদুনা ১০,০০০গী মখাদা থেংনখি। মুম্বাইদা অনৌবা কেস ১,২৩৩ থেংনখি। রাজ্য অসিদা লৈরিবা এক্তিব কেসশিংগী অপুনবা মশিং অদু হৌজিক লাখ ১.৭৪দা লৈরি।

•          রাজস্থান: থংন-থংননা নুমিৎ তরেতনি শুবা ওইনা রাজ্য অসিদা অনৌবা ইনফেক্সনশিংদগী ফগৎলকপনা হেনবা থেংনখি, মসিনা এক্তিব কেসশিংগী মশিংদা হন্থরক্তুনা ২০,২৫৪দা লৈহনখ্রে, মসি নুমিৎ ২২গী মনুংদা খ্বাইদগী হেন্না নেম্বা ওইখি। লৈবাকপোকপা নুমিত্তা কোবিদকী অনৌবা ইনফেক্সন ১,৮৯৭গীমীওই ২,৫২২ ফগৎখি। ফগৎখিবশিংগী মশিং অদু ১,৫৫,০৯৫দা হেনগৎখি, অদুগা অপুনবা মশিংনা ১,৭৭,১২৩ য়ৌখি, মসিনা ফগৎলকখিবগী চাং অসি ৮৭.৫%দা য়ৌহনখি।

•          মধ্য প্রদেশ: থা অনি হেল্লবা মতম অসিগী মতুংদা, মথ্য প্রদেশতা লৈবাকপোকপা নুমিত্তা নোংমগী ওইবা কোবিদ-১৯গী কেসশিং অসি ১,০০০গী তাঙ্কক্কী মখাদা লৈখি। পুন্না মীওই ৯৭৫ লাইনা অসি পোজিতিব ওইখি, মসিনা পোজিতিব কেসশিংগী মশিং অদু হোজিক ফাওবদা ১,৬২,১৭৮ য়ৌহনখি।

•          ছত্তিসগর: অনৌবা কোরোনাভাইরস কেস ২,৫০৭ অমসুং ৫০ অমুক লৈখিদবা থেংনকিবগা, ছত্তিসগরগী কেসকী মশিং অদু লৈবাকপোকপা নুমিত্তা ১,৬৫,২৭৯ ওইখি অমসুং শিখিবগী মশিংনা ১,৫৮৪ ওইখি। নুমিৎ অদুদা হোসপিতাল কয়া অমদগী মীওই ৩৭৮ দিসচার্জ তৌখ্রবা মতুং অদুগা পেসেন্ত১,৯১০না মখোয়গী হোম আইসোলেশন লোইশিনখিবদগী ফগৎলকখিবা মীওইশিংগী মশিং অদু ১,৩৭,৯৮৬তা হেনগৎলকখ্রে। রাজ্য অসিদা হৌজিক এক্তিব কেস ২৫,৭০৯ লৈরি।

•          অরুনাচল প্রদেশ: রাজ্য অসিদা কোবিদ-১৯গা মরী লৈনবা অরুবা ফিভম খরা লৈবদগী অমমুক লৈখিদ্রে, মসিনা শিবগী মশিং অদু ৩১ য়ৌহনখ্রে। অরুনাচলদা নুমিৎ অদুদা ভাইরস কেস অনৌবা ১৩৫ লৈখিবা অদুগী ময়োক্তা কোবিদ-১৯গী পেসেন্ত ২৫৫ ফগৎলকখিবা থেংনখি। ফগৎলকপগী চাং অসি হৌজিক চাদা ৮০.০৯ ওইখি।

•          অসাম: অসামদা হৌখিবা পুং ২৪ অসিদা পোজিতিব ওইবগী চাং ১.৭৩% ওইবগা লোইননা পাংথোকখিবা তেস্ত ৩৫৫৮৫কী মনুংদা কোবিদ-১৯গী কেস ৬৬৬ থেংনখি।

•          মেঘালয়া: রাজ্য অসিদা ঙসি কোরোআভাইরসতগী মীওই ১০৫ ফগৎখি। অপুনবা এক্তিব কেস ২০২০ য়ৌখ্রে, মসিগী মনুংদা ৯৮তি বি.এস.এফ. অমসুং আর্মদ ফোর্সশিংদগীনি।

•          মিজোরাম: মিজোরামদা ঙরাং কোবিদ-১৯গী অনৌবা কেস কুন্থ্র কনফর্ম তৌখি। অপুনবা কেস ২৩১০ য়ৌখ্রে অদুগা এক্তিব কেসনা ১৪৫তা লৈরি।

•          কেরলা: রাজ্য অসিদা লোকল বোদী পোলশিংগীদমক্তা কেমপেন তৌবগীদমক্তা কোবিদকা মরী লৈনবা গাইদলাইনশিং থোকখ্রে: কেন্দিদেত য়াওনা মীওই অহুম খ্ক্তমক নোমিনেশন ফাইল তৌবআ মতমদা শরক য়াবা য়াগনি; কেন্দিদেতনা লৈ পরেংশিং, বুকেশিং, শেলগি পরেং নত্রগা শোলশিং লৌরোইদবনি; কেন্দিদেত য়াওনা মীওই মঙা খক্তমক কেমপেন অসিগী শরুক অমা ওইনা য়ুমশিংদা চঙপা য়াগনি; কেমপেন তৌবগীদমক্তা সোসিয়েল মীদিয়া শিজিন্নগদবনি। রাজ্য সরকার অসিনা  প্রাইভেত সেক্তর লেবোরেতরীশিংদা কোবিদ-১৯ তেস্ত তৌবগী মমল হন্থহল্লদুনা ওর্দর অমা থোকখ্রে। ঙসি পাংথোকখিবা রাজ্যগী কেবিনেতকী মীফম অদুদা সরকারগী কর্মচারিশিং অমসুং ওজাশিংশিংগীদমক্তা সি.এম.গী দিস্ত্রেস রিলীফ ফন্দদা শোইহন্দনা মখোয়গী থাগী তোলোপ্তগী শরুক খায়বা অদু তোক্নবা ৱারেপ লৌখ্রে।

•          তামিল নাদু: কুম্হৈগী পন্থা অসিনা মপুং ফানা হৌরক্লবদা, তামিল নাদু সরকারনা দুকান পুম্নমক নুমিদাংগী পুং ১০ ফাওবা হাংবগী অয়াবা পীখ্রে; কোমথোক্লবা হোজিক্কী লোকদাউন অসি ওক্তোবর ৩১দা লোইরগনি। লোকদাউনগী চৎনা-কাঙলোনশিং অদুদা কোমথোকপনা মাইগ্রেন্ত ৱার্করশিংবু কোইম্বাতোরদা অমুক হন্না হল্লক্নবগী পুক্নিং চিংশিল্লদুনা, হেল্থ দিপার্তমেন্তনা হল্লক্লিবশিং অদুগীদমক্তা তঙাইফদনা নুমিৎ ১৪নিগী ক্বারন্তিন তৌদবা য়াদবা ওইহনখ্রে। এন.পি.আর. এক্সরসাইজ অদু কোবিদ-১৯ লাইচৎ অসিগী মরক অসিদা মার্চতগী লোকদাউন্না মরম ওইরগা মতম কক্তনা য়ৈথোকখ্রে। ওনরশিং অদুনা সি.এম. পলানিস্বামিদা মুভী হোলশিং অমুক হন্না হাংদোকপা য়াহন্নবা তকশিনখ্রে; মখোয়না লাইচৎ অসিনা মরম ওইরগা মখোয়গী মাংখিবশিং অদু হন্থহনবদা মতেং পআংনবা এন্তরতেনমেন্ত তেক্সঅদুসু লৌথোকপীনবা তকশিনখি।

•          কর্নাতকা: কর্নাতকাগী হাইকোর্তনা রাজ্য সরকারদা শিজিন্নরবা মাস্কশিং অদু লংথোকপগী মতাংদা অখন্নবা রুলশিং থোক্ননবা খঙহল্লকখ্রে। বেঙ্গলুরুদা কোবিদ-১৯ হোসপপিতালশিংনা হৌখিবা নুমিৎ তরেত্তা চাদা ৪০দা এদমিশনশিং হন্থরকপা থেংনখি; তৌইগুম্বশুং, হোসপিতাল কয়া অমদা আই.সি.য়ু.শিং অদু হৌজিক ফাওবা অদুমক থন্দুনা লৈরি। করিগুম্বা ফিভম অসি ফগৎলক্ত্রবদি লোকদাউন অসিনা মরম ওইরগা রাজ্য অসিদা লৈরিবা এম.এস.এম.ই.শিং অয়াম্বা লোনবা য়ানা লৈরি; লোকদাউন অসিনা ইন্দস্ত্রীশিংগী চাদা ২০দি শোকহল্লি অমসুং মসিগী মনুংদা চাদা ১০গী মখা খক্তমক অমুক হন্না হাংদোরকখি।

•          অন্ধ্র প্রদেশ: রাজ্য অসিনা কোরোনা শন্দোরকপা থিংনবগীদমক্তা এৱেয়রনেস প্রোগ্রাম কয়া অমা হৌদোকখ্রে, হায়রিবা অসি ওক্তোবর ৩১ ফাওবা মখা তাখিগনি। মসিগা মরী লৈননা, ৱিজয়াৱাদাদা ঙসি চীফ সেক্রেতরীনা রেলী অমা হৌদোকখি। সরকার অসিনা লাক্কদবা নুমিৎ তরানি অসিদা কোবিদ পরিপেয়র্দনেসকী মতাংদা অখন্নবা দ্রাইব অমা পাংথোক্লগনি। কিং জোর্জ হোসপিতাল (কে.জি.ঐচ.) ৱিশাখাপতনম অমসুং অন্ধ্র মেদিকেল কোলেজ (এ.এম.সি.)না ২-দিওক্সী-দি-গ্লুকোসকী ত্রায়ল মাইপাক্না লোইশিনখ্রে, হায়রিবা অসি কোরোনাভাইরসকী ইমপেক্ত হন্থহন্নবা অমসুং ফগৎলকপগী থৌওং অসি হেন্না য়াংশিন্নবা এদজনঙ্ক থেরাপী অমা ওইনা ময়াই ওইরপ ওইবদগীনা খরা হেন্না লুরবা লাইওংশিং লৈরবা কোরোনাভাইরসকী পেসেন্তশিং লাইয়েংনবা দি.আর.দি.ও.না পুথোরকপা দ্রগনি। দ্রগ অসি দি.আর.দি.ও.না পীবা প্রোতোকোলশিং অদুগী মতুং ইন্না ভোলন্তীয়র মাপলদা কাপখ্রে অমসুং মসিগী রিপোর্ত অদু মখাতাবা ইভাল্যুৱেশনগীদমক্তা মখোয়দা থাখি।

•          তেলঙ্গনা: হৌখিবা পুং ২৪দা অনৌবা কেস ১৫৭৯ থেংনখি, ১৮৯১ ফগৎখি অমসুং ৫ শিখিবগী পাউ লৈখি; কেস ১৫৭৯গী মনুংদা জি.ঐচ.এম.সি.দগী কেস ২৫৬ থেংনখি। অপুনবা কেসশিং: ২,২৬,১২৪; এক্তিব কেসশিং: ২০,৪৪৯; শিখিবশিং: ১২৮৭; দিসচার্জ তৌখিবশিং: ২,০৪,৩৮৮ ওইখি।

•          রাজ্য সরকার অসিনা, অহুমলক শুবা ওইনা দসরা (ওক্তোবর ২৫) ফাওবা য়ুনিভর্সিতীশিংগী হৌজিক তৌরিবা য়ু.জি. অমসুং পি.জি. একজামশিং অদু য়ৈথোকখ্রে। ভারত সরকারনা তেলঙ্গনাদা হন্দক্কী নোং অমসুং মদুনা মরম ওইরগা থোকখিবা ঈশিং-ঈচাউ অদুনা থোকহনখিবা অমাং-অতাগী ওন-দি-স্পোত এসেমেন্ত তৌনবগীদমক্তা মেম্বর ৫গী ইন্তর মিনিস্তরিয়েল সেন্ত্রেল তীম অমা শেমখ্রে। হায়রিবা তীম অসিনা ওক্তোবর ২২দগী নুমিৎ ২গী খোংচৎ হৌরগনি।

*****