প্রধান মন্ত্রী শ্রী নরেন্দ্র মোদীনা ময়াই তাংবল লৌদুনা ফমখিবা কেন্দ্রগী মন্ত্রী মন্দলগী মীফমনা ভারত অমসুং নাইজেরিয়াগী মরক্তা আউতর স্পেসপু শান্তিগীদমক থিজিন্নবা অমসুং শীজিন্নবদা মতেং পীননবগী মেমোরেন্দম ওব অন্দর্স্তেন্দিং (এম.ও.য়ু.) অমা পুখৎখি। এম.ও.য়ু. অসি ভারতকী ইন্দিয়ন স্পেস রিসর্চ ওর্গনাইজেসন (ইস্রো)না বেঙ্গলুরুদা জুন, ২০২০দা অমসুং নাইজেরিয়াগী নেস্নেল স্পেস রিসর্চ এন্দ দিবেলপমেন্ত এজেন্সী (নাস্রদা)না অবুজাদা ওগস্ত ১৩, ২০২০দা খুৎয়েক পীখিবনি।

অকুপ্পা মরোলশিং:

•           এম.ও.য়ু. অসিনা পৃথিবী রিমোৎ সেন্সিং তৌবা; সেতিলাইৎ কম্ম্যুনিকেসন অমসুং সেতিলাইত্তা য়ুম্ফম ওইবা নেভিগেসন; স্পেস সাইন্স অমসুং প্লানেতরী থিজিনবা; স্পেস্ক্রাফ, লোঞ্চ ভেহিকল, স্পেস সিস্তেম অমসুং গ্রাউন্দ সিস্তেম শীজিন্নবা; জিওস্পাসিএল তুল অমসুং তেক্নিক য়াওনা স্পেস তেক্নোলোজীগী প্রেক্তিকেল এপ্লিকেসন; অমসুং সিগ্নেতরীশিং অসিনা মতেং পাংনবা য়াই হায়না লেপ্পা অতোপ্পা হীরমশিংগুম্বা মতেং পাংনবা য়াবা হীরমশিং পায়খৎপা য়াহনগনি।

•           এম.ও.য়ু. অসিনা দিপার্ত্মেন্ত ওব স্পেস (দি.ও.এস.)/ইস্রো অমসুং নাইজেরিয়াগী নেস্নেল স্পেস রিসর্চ এন্দ দিবেলপমেন্ত এজেন্সী (নাস্রদা)দগী মীহুৎশিং পুনশিন্দুনা জোইন্ত ৱার্কিং গ্রুপ অমা শেমগনি, মসিনা মখা তানা চঙগদবা মতম অমসুং করম্না থবক ওইনা পায়খৎকনি হায়বগী পাম্বৈশিংগী শিন্থোং য়াৎকনি।

স্ত্রেতেজী অমসুং তার্গেৎ থবক্তা ওন্থোকপাঃ

খুৎয়েক পীনরিবা এম.ও.য়ু. অসিনা দিপার্ত্মেন্ত ওব স্পেস (দি.ও.এস.)/ইস্রো অমসুং নাইজেরিয়াগী নেস্নেল স্পেস রিসর্চ এন্দ দিবেলপমেন্ত এজেন্সী (নাস্রদা)দগী মীহুৎশিং পুনশিন্দুনা জোইন্ত ৱার্কিং গ্রুপ অমা শেমগনি, মসিনা মখা তানা চঙগদবা মতম অমসুং করম্না থবক ওইনা পায়খৎকনি হায়বগী পাম্বৈশিংগী শিন্থোং য়াৎকনি।

ইথিলঃ

খুৎয়েক পীনরিবা এম.ও.য়ু. অসিনা পৃথিবীবু রিমোৎ সেন্সিং তৌবা; সেতিলাইৎ কম্ম্যুনিকেসন; সেতিলাইৎ নেভিগেসন; স্পেস সাইন্স অমসুং আউতর স্পেস থিজিনবগী লমদা অনৌবা রিসর্চকী এক্তিবিতী পুথোকপা অমসুং পায়খৎপা য়াবা থবকশিং থিজিনবদা মপাঙ্গল পীগনি।

চঙগদবা চাদিং:

সিগনেতরীশিং অসিগী ৱাখল্লোন্দি নাকল অনিমক্না য়ানরবা থৌরাংশিং অসি মতেং পীনদুনা পায়খৎপা হায়বসিনি। অসিগুম্বা থবকশিং অসিগী শেন্থংগী মতাংদদি সিগ্নেতরীশিং অসিনা অমত্তা ওইনা কেস-কেসকী মতুং ইন্না ৱারেপ লৌগনি। এম.ও.য়ু. অসিগী মখাদা অপুনবা ওইনা পায়খৎপা থবকশিংগী শেন্থং অসি সিগ্নেতরীশিংনা মখোয়দা লৈবা আইন অমসুং চৎন-পথাপ অমসুং অসিগুম্বা থবক অসিগী থাদখিবা ফন্দ লৈবা লৈতবগী মতুং ইন্না লেপকনি।

বেনিফিসরীশিং:

এম.ও.য়ু. অসিগী মখাদা নাইজেরিয়া সরকারগা লোইননা মতেং পীনবনা মীওইবা খুন্নাই অসিদা কান্নবা পীনবগীদমক স্পেস তেক্নোলোজী এপ্লিকেসনগী লমদা অপুনবা থবকশিং পায়খৎমিন্নগনি। অসুম্না, লৈবাক অসিগী কাংলুপ খুদিং অমসুং লম খুদিংনা কান্নবা ফংগনি।

হৌরকপাঃ

ভারত অমসুং নাইজেরিয়ানা চহি তরা হেন্না স্পেসকী মতেং পীননবা হোৎনদুনা লাক্লি। ভারতকী নাইজেরিয়াদা লৈবা হাই কম্মিসনগী থৌরাং মখাদা, স্পেস কোওপরেসনগী দ্রাফ তৌরবা ইন্তর-গবর্ন্মেন্তেল এম.ও.য়ু. অমা নাইজেরিয়াগী ওথোরিতীগা এম.ই.এ.গী থোংদা লান্নখি। দিপ্লোমেতিক চেনেলশিংগী থোংদা ৱারী খরা শানরবা মতুংদা নাকল অনিমক্না থবক ওইনা পায়খৎপা য়াগদবা এম.ও.য়ু. অমগী দ্রাফ অমদা ৱারোইশিন পুরকখি অমসুং হায়রিবসিমক ইন্তর্নেল এপ্রুবেলগীদমক প্রোসেস তৌখি। এম.ও.য়ু. অসিবু সাইন তৌনবগী অয়াবা অসি মতম চঙদনা ফংলবসু, ২০১৯গী অথেংবা অমসুং ২০২০গী অঙনবা শরুক্তা উননবা কেন্সেল তৌখিবা অমসুং মসিগী হেক মতুংদা কোবিদ-১৯ লাইচৎ লাকশিনখিবনা মরম ওইদুনা খুৎয়েক পীনবগী খদোংচাবা নত্ত্রগা থৌরম অদু ফংখিদে।

***