হকশেল অমসুং য়াইফ-য়ুম্বাল মন্ত্রালয়
ভারতনা মশক থোকপা মায় পাকপা কয়া ফংলে
অনৌবা কেস মশিং থা ৩লোমগী মতুংদা অহানবা ওইনা ৫০,০০০গী মখাদা লৈরে
এক্তিব কেস অপুনবা কেস মশিংগী চাদা ১০দগী হন্থরে
এক্তিব কেস মখা তানা হন্থরক্লি; হৌজিক লাখ ৭.৫গী মখাদা লৈরে
Posted On:
20 OCT 2020 11:09AM by PIB Imphal
ভারতনা কোবিদগী লান্থেংদা মশক থোকপা মায় পাকপা কয়া ফংবা ঙমখ্রে।
থা অহুমলোমগী মতুংদা অহানবা ওইনা হৌখিবা পুং ২৪ থেংনখিবা অনৌবা কেস মশিং ৫০,০০০ (৪৬,৭৯০)গী মখাদা লৈরে।
নুমিৎ খুদিংগী মশিং য়াম্লবা কোবিদ নাবা মী নাবা ফরকপা অমদি মী শিবগী চাং লেপ্তনা হন্থরকপগা লোয়ননা ভারত্তা এক্তিব কেস মশিং তপ্না-তপ্না হন্থরকপগী ফীভম মখা চত্থরি।
অতোপ্পা মায় পাকপা অমদা, এক্তিব কেসকী পর্সেন্তেজ চাদা ১০গী মখাদা লৈরে। ঙসি লৈবাকসিগী অপুনবা পোজিতিব কেস মশিং লাখ ৭.৫গী (৭,৪৮,৫৩৮) মখাদা লৈরে অমদি অপুনবা কেসকী চাদা ৯.৮৫খক্তমক ওইরি।
মসি কেন্দ্রগী শুপচিল্লবা অমদি লৈবাক শিনবা থুংনা চৎনরিবা চাং ৱাংনা তেস্ত তৌবা, খুৎলৈ থুনা অমদি মওং চুম্না য়েংশিনবা, খোঙ্গুল লীবা, থুনা অনা লায়েংশঙদা পুবা অমদি কেন্দ্র লৈঙাক্না পীবা স্তেন্দর্দ ত্রীতমেন্ত প্রোতোকোল ইন্দুনা স্তেত/য়ু.তি লৈঙাকশিংনা পুন্না চৎমিন্নদুনা, অহেনবা মীৎয়েঙ চঙদুনা অমদি মওং চুম্না থবক লৌখৎপনা ওইরকপনি। মায় পাকপগী ফীভম অসি লৈবাক শিনবা থুংবদা লৈরিবা দোক্তরশিং, মাঙজিন থাবা থৌমীশিং অমসুং অতৈ কোবিদ-১৯ লান্মীশিং পুম্নমক্কী ওইজবা থিদবা অমদি কত্থোকপগী থৌদাংগী মহৈনি।
এক্তিব কেস মশিং হন্থরক্লিবা অসিদা ফগৎলকপগী চাং অসুম অসুম ৱাংখৎলকপনসু মতেং পাংলি। অপুনবা ফগৎলক্লবা কেস মশিং লাখ ৬৭ (৬৭,৩৩,৩২৮) লান্থোক্লে। এক্তিব কেস অমসুং ফখ্রবা কেস অনিগী মরক্তা লৈরিবা খেন্নবা চাং নাইনা হেনগৎলক্তুনা ঙসি ৫৯,৮৪,৭৯০ ওইরে।
হৌখিবা পুং ২৪দা অনাবা মশীং ৬৯,৭২০ ফদুনা দিসচার্জ তৌখ্রে। লৈবাক্কী ফগৎলকপগী চাং মখা তানা চাদা ৮৮.৬৩ ফাওবা য়ৌখ্রে।
নৌনা ফগৎলকখিবা মীশিংগী চাদা ৭৮দি স্তেত/য়ু.তি. ১০দা থেংনখি।
মহারাস্ত্রনা নোংমদা ফগৎলকপা মশিং ১৫,০০০ হেন্দুনা মকোক চিংলি অদুগা কর্নাতকানা মীওই ৮,০০০গী মথক্তা ফগৎলক্তুনা মতুং ইল্লি।
অনৌবা কনফার্ম কেসশিংগী চাদা ৭৫দি স্তেত অমসুং য়ু.তি. ১০দগীনি। মহারাস্ত্র, কর্নাতকা অমসুং কেরলানা নৌনা থেংনবা কেস মশিংদা ৫,০০০ হেন্না হাপচিল্লি।
হৌখিবা পুং ২৪দা মীওই ৫৯৭ লৈখিদবগী রিপোর্ত তৌরকখি। মসিগী মনুংদা চাদা ৮১গী ময়াদি স্তেত/য়ু.তি. ১০দগীনি। থংন-থংননা নুমিৎ নিনি চুপ্না নৌনা শিবা মীশিং ৬০০গী মখাদা লৈরি।
মহারাস্ত্রদা নোংমদা শিবা মীশিং খ্বাইদগী য়াম্না (মীওই ১২৫ শিদুনা) রিপোর্ত তৌরকখি।
খ্বাইদগী মীশিং য়াম্না ফগৎলকপা অমদি মী শিবগী চাং খ্বাইদগী নেমবা লৈবাক মালেমগী মনুংদা ভারতখক্তমক ওইরি। ঙসি ফাওবগী ওইনা মী শিবগী চাং অসি চাদা ১.৫২ ওইরি। ফীভমসি এক্তিব কেস মশিং লেপ্পা নাইদনা হন্থরকপগা চাননা চৎলি।
****
(Release ID: 1666058)
Visitor Counter : 237
Read this release in:
English
,
Urdu
,
Hindi
,
Marathi
,
Assamese
,
Bengali
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam