ভারত অমসুং কজাখস্তানগী মরক্তা ৱেবিনার অমা ১৫/১০/২০২০দা পাঙথোকখ্রে‍। ৱেবিনার অদুগী হীরমদি “মেক ইন ইন্দিয়া ফোর দি ৱর্ল্দ, ইন্দিয়া – কজাখস্তান দিফেন্স কোওপরেসন: ৱেবিনার এন্দ এক্সপো” হায়বসিনি‍। থৌরম অদু এফ.আই.সি.সি.আই.গী খুত্থাঙদা ঙাকশেল মন্ত্রালয়গী দিপার্তমেন্ত ওফ দিফেন্স প্রদক্সনগী মীয়েঙ মখাদা পাঙথোকখিবনি‍।

ৱেবিনার অদু দিফেন্স এক্সপোর্ত হেনগৎহন্নবা অমদি লাক্কদৌরিবা চহি মঙাসিদা দিফেন্স এক্সপোর্তকী পান্দম দোলর বিলিয়ন ৫ য়ৌহন্নবগীদমক্তা মরূপ মপাঙ ওইবা লৈবাকশিংগা পাঙথোকপা ৱেবিনারগী তাঙ্ককশিংগী শরুক অমনি‍।

লৈবাক অনিমক্কী এম্বেসেদরশিং অমদি মায়কৈ অনিমক্তদগী মকোক থোংবা এম.ও.দি. ওফিসিএলশিংনা ৱেবিনার অদুদা শরুক য়াদুনা পুন্না শেমগৎমিন্নবা অমদি পুন্না পুথোকমিন্নবখক্কী নত্তনা অমনা অমগী মথৌ তাবশিং ফংহন্নবগীদমক খুদোংচাবা লৌহৌনবগী মতাঙদা ৱারী শানখি‍।

এল. এন্দ তি. দিফেন্স, অসোক লেলেন্দ লিমিতেদ, ভারত ফোর্জ, জেন তেক্নোলোজিজ, এল্কোম ইনোভেসন, হিন্দুস্তান এরোনোতিক্স লিমিতেদ, অল্ফা দিজাইন তেক্নোলোজিজ অমসুং ভারত ইলেক্ত্রোনিক লিমিতেদকুম্বা তোঙান তোঙানবা ভারতকী কম্পেনীশিংনা ৱেবিনার অদুদা অর্তিলরী সিস্তেম, রেদার, প্রোতেক্তেদ ভেহিকল, মিসাইল অমসুং এয়র দিফেন্স ইকুইপমেন্তশিং, ত্রেনিং সোলুসন্নচিংবা অচৌবা ফম্পাক/খুৎলায়শিংগী কম্পেনী অমসুং পোত্থোক্কী প্রেজেন্তেসনশিং উৎখি‍। বি.ই.এল.না কজাখস্তান্দা মখোয়গী ওফিস হাংদোক্নবা থৌরাং লাউথোকখি‍।

ৱেবিনার অদুদা মীওই ৩৫০ হেনবনা শরুক য়াখি অমদি এক্সপো অদুদা কজাখ কম্পোনীশিংগী স্তোল ৭ য়াওনা ভর্চুএল স্তোল ৩৯ হাংদোকখি‍।

*************