প্রধান মন্ত্রী শ্রী নরেন্দ্র মোদীনা থৌরম মপু ওইদুনা পাঙথোকখিবা কেবিনেত কমিতী ওন ইকনমিক্স এফ্যার্সনা নেসনেল মিনরেল্স দেভেলপমেন্ত কোর্পোরেসন (এন.এম.দি.সি.) লিমিতেদতগী নগরনর স্তীল প্লান্ত (এন.এস.পি.) খাইদোকপা অমসুং খাইদোরক্লিবা কম্পেনী (এন.এস.পি.) অসিদা লৈরিবা ভারত লৈঙাক্কী স্তেক পুম্নমক স্ত্রেতেজিক বাইয়র অমদা য়োন্থোক্তুনা স্ত্রেতেজিক দিসইনভেস্তমেন্তকী থবক পায়খৎনবা ৱাফম ‘ইন-প্রিন্সিপল’ ওইনা অয়াবা পীখ্রে‍।

এন.এস.পি. অসি ছত্তিসগরগী বস্তর দিস্ত্রিক্তকী নগরনরদা একর ১৯৮০ পাক চাউবা মফমদা রিভাইস এস্তিমেত কোস্ত লুপা করোর ২৩,১৪০ (১৪.০৭.২০২০ দা) চঙনা এন.এব.দি.সি.না লিংখৎখিবা চহিদা মিলিয়ন তন অহুম (এম.তি.এ.)গী ইন্তিগ্রেতেদ স্তীল প্লান্ত অমনি‍। ঙসি ফাওবদা এন.এম.দি.সি.না প্রোজেক্ত অসিদা লুপা করোর ১৭,১৮৬ থাদখ্রে অমদি মসিগী মনুংদা লুপা করোর ১৬,৬৬২না এন.এম.দি.সি.গী মশাগী ফন্দগীনি অদুগা লুপা করোর ৫২৪না বোন্দ মার্কেত্তগী খোমগৎপনি‍।

অয়াবা অসি পীবগা লোয়ননা, ওক্তোবর ২৭, ২০১৬দা নগরনর স্তীল প্লান্তবু এন.এম.দি.সি.গী য়ুনিত অমা ওইনা দিসইনভেস্ত তৌননবা লৌখৎবা ফীরেপ অদি হোংদোক্লে‍।

এন.এস.পি.বু দিসইনভেস্তমেন্তকী মাংওইননা তোখাইবা কম্পেনী অমা ওইনা দিমর্জ তৌনবা ৱাফম অসিগী মখাগী কান্নবশিং অসি লৈ:

১.     দিমর্জর তৌখিবনা, এন.এম.দি.সি.না মশাগীঈ মাইনিংগী মরুওইবা থৌরমশিংদা পুক্নীং চঙশিনবা ঙম্লগনি;

২.    খাইদোক্লবা মতুংদা, এন.এস.পি. তোখাইবা কম্পেনী অমা ওইরগনি অমদি এন.এম.দি.সি. অমসুং এন.এস.পি.গী  মেনেজমেন্ত মখোয়গী থবক থৌওংশিং অমসুং শেল থুমগী পর্ফোর্মেন্সগীদমক একাউন্তেবল ওইরগনি‍। এন.এম.দি.সি.গী শেয়রহোল্দরশিং খাইদোক্লবা কম্পোনী (এন.এস.পি.)গীসু মখোয়গী শেয়রহোল্দিংগা চানবা চাংদা শেয়রহোল্দর ওইখিগনি‍।

৩.    খাইদোক্লবা মতুংদা, এন.এম.দি.সি. অমসুং এন.এস.পি.গী থৌওংশিং অমসুং শেনগী ফ্লো তোখাই তোখাইনা ইনভেস্তশিংনা নীংথিনা উবা ফংলগনি‍।

৪.    খাইদোক্লিবা অসি কেপিতেল গেনগী মীৎয়েঙদা য়েংলগসু তেক্স ন্যুত্রেল ওইগনি‍।

খাইদোকপা অমদি দিসইনভেস্তমেন্তকী থৌওং মান্ননা চৎমিন্ননবা ৱাফমসু সি.সি.ই.এ.না খন্নখি অমদি খাইদোক্লবা কম্পেনী (এন.এস.পি.)গী দিসইনভেস্তমেন্ত সেপ্তেম্বর ২০২১ ফাওবদা লোইশিল্লবা য়াই‍।

এন.এম.দি.সি. অসি স্তীল মন্ত্রালয় মখাদা লৈবা সি.পি.এস.ই. অমনি অমসুং ভারত লৈঙাক্কী কম্পেনী অসিদা চাদা ৬৯.৬৫গী শেয়রহোল্দিং লৈ‍।

*****