নহারোল অমসুং শান্ন-খোৎনবগী মন্ত্রালয়

এস.এ.আই. অমসুং এন.আর.এ.আই.না পুন্না নেস্নেল শুতিং কেম্প অসি বাইও-ববল ওইনা কাইদনা চৎথনবা মথৌদাং লৌখ্রে

Posted On: 13 OCT 2020 1:17PM by PIB Imphal

মরুওইবা ওলেম্পিক্স শুতরশিংগী নেস্নেস শুতিং কেম্প অসি দাঃ কার্নি সিংহ শুতিং রেঞ্জদা মমাং চহিদা থা অনিগী চৎথনবা লাওথোকখ্রে (ওক্তোবর ১৫দগী – দিসেম্বর ১৭ ফাওবা)। বাইও-ববল কাইহনদনা থম্ননবা অমদি কোরোনোভাইরসকী লায়চৎ অসিদগী ঙাকথোক্নবা অমদি স্তেন্দার্দ ওপরেতিং প্রোসেদ্যুর (এস.ও.পি.শিং) ঙাক্নবা স্পোর্ত ওথোরিতি ওফ ইন্দিয়া অমসুং নেস্নেল রাইফল এসোসিএসন ওফ ইন্দিয়ানা পুন্না থৌদাং লৌরগনি।

শুতিং রেঞ্জ অসিদা মথৌদাং ঙাক্না থম্নবা দাঃ কার্নি সিংহ শুতিং রেঞ্জগী এদমিনিস্ত্রেসন্না লৌগনি। মহৌশাগী ওইনা মফম অসিবু শোই-ঙামদনা থম্নবা অমদি কেম্প অসিদা লৈরিবাশিং অসি থেংনবা হন্থনবা রেঞ্জগী পর্সোনেলশিং অসিনা অশংবা, কোম্লা মচু, হঙ্গাম মপাল অমসুং অঙাংবা মচুগী জোন খাইদোক্লি।

এন.আর.এ.আই.না বোর্দিং অমসুং লোদজিংগী মনাক নকপা হোতেলগী মফম অমদা শিনগনি অমদি এস.এ.আই.না হান্ননা লৈরিবা অদুম্না লৈগনি। হোতেলদগীনা শুতিং রেঞ্জ ফাওবা চৎপা অসিদা বাইও-ববল কাইদনবা থৌদাং অসি এন.আর.এ.আই. না এস.ও.পি. ঙাকপগী থবক তৌগনি। এন.আর.এ.আই.না ক্বারেন্তাইনগী থবক অসি তৌদুনা দিল্লী-এন.সি.আর.গী মপালদগী লাকপা শুতর/কোচেসশিং অসি হোতেলদা নুমিৎ ৭নিগী ক্বারেন্তাইন তৌগনি। দিল্লী-এন.সি.আর.গী মনুংদা লৈবা শুতর/কোচেসশিংনা মখোয়গী মফমদা নাইতোম থমদুনা নুমিৎ ৭নিগী ক্বারেন্তাইন তৌগনি অমসুং অদুগী মতুংদা মখোয়না অতোপ্পা কেম্পরশিংগা পুন্না হোতেল অসিদা লৈমিন্নদুনা কেম্প অসি লোইদ্রি ফাওবা লৈগনি।

এন.আর.এ.আই.গী সেক্ত্রেতরি, রাজিব ভাতিয়ানা হায় মদুদি, “এস.এ.আই.না শেম্লিবা শাফনবা শেম্লিবা এস.ও.পি. অসি য়াম্না মওং চুম্মী, মসি লৈবাক অসিগী লোকদাউন মনুংদা তৌবা অহানবা কেম্প অমনি, অদুগা খোঙথাং খুদিং শুতরশিংবু শাফনবা অমসুং মখোয়গী অকোইবদা নুঙাইনবা থম্লি”।   

শুতর/কোচেসশিংনা এন.আর.এ.আই.না হোতেলদা শিল্লিবা কোবিদ-১৯ তেস্ত অসি তৌগদবনি।

*******



(Release ID: 1663999) Visitor Counter : 11