রাজ্যশিং অমসুং য়ু.তি.শিংগা খুৎশম্নদুনা কেন্দ্র সরকারনা লৌখৎপা লালোংশিং অমসুং কান্নরবা খোঙথাংশিংগা লোয়ননা ভারতনা মালেমগী ওইনা মিলিয়ন অমদা থেংনবা কেস অমসুং মিলিয়ন অমদা শীখিবা মশিং রিপোর্ত তৌরকপদা খ্বাইদগী য়াম্না তাবা লৈবাক অমা ওইরি।

অমরোমদা মালেমগী ওইনা কেস/মিলিয়নগী মশিং অসি ৪,৭৯৪ ওইবদা ভারতনা ৫,১৯৯ ওইরি। য়ু.কে, রুসিয়া, খা অফ্রিকা, য়ু.এস.এ. অমসুং ব্রাজিকনা মশিং হেন্না য়াম্না রিপোর্ত তৌরক্লি।

ভারত্তা শীখিবা/মিলিয়ন অসি ৭৯নি অদুগা মালেমগী ওইবা চাংচৎনা ১৩৮নি।

পুন্না তেস্ত তৌখিবগী হিরমদা ভারতনা লৈবাক পুম্নমক্কী ওইনা খ্বাইদগী মকোক্তা লৈরি। হৌখিবা পুং ২৪দা ১০,৭৩,০১৪ তেস্ত তৌখিবগা লোয়ননা হৌজিক ফাওবদা পুন্না তেস্ত তৌখিবগী মশিং অসি করোর ৮.৮৯ (৮,৮৯,৪৫,১০৭) ওইরি।

লেপ্তনা নুমিৎ খুদিংগী তেস্ত মশিং য়াম্না তৌবনা লায়না অসি ঙন্না খঙদোকপা অমসুং মতম চানা লায়েংবদা মতেং পাংদুনা নাবা ফগৎলকপশিংগী মশিং ৱাংখৎলকপা অমসুং শীবগী চাং হন্থরকপা ঙমহল্লি।

য়ু.এস.এ., য়ু.কে., রুসিয়া, ফ্রাঞ্চ অসিনচিংবা ইনকম ৱাংনা লাকপা লৈবাকশিংগা লোয়ননা ভারতকা চাংদম্নবা হৌনদে মরমদি মখোয়গা ঐখোয়গা থাক অসি মান্নদে। মসিগী মরু ওইবা মরমদি মখোয়গী মশিং য়াম্বা মীশিংগী মরমশিংনা ইসোর্সশিং অসি নাকল অমরোমদা তানা য়েন্থোক্লি। দোক্তরশিং অমসুং নর্সশিং মিলিয়ন অমদা লৈরিবা লোয়ননা হকশেলদা চাদিং তৌরিবা জি.দি.পি.গী পর্সেন্তেজ অসিগুম্বা পেরামিতরশিংদা অতোপ্পা ইনকম ৱাংনা লাকপা লৈবাকশিংগা ভারতকা চাংদম্নবদা মান্নদবা এনলাইসিস অমা পীরক্কনি। পুন্নমক য়েংলকপদা হৌখিবা থা খরা অসিদা ভারতনা কোবিদ-১৯ লাকশিন্নবা লৌখৎলিবা লালোংশিং অমসুং পব্লিক হেল্থকী থৌদাংশিং অসিনা মরম ওইরগা অফবা ফলশিং উবা ফংলে।

ভারত্তা অনৌবা কনফর্ম কেসশিংগী মশিং লেপ্তনা হন্থরকপগী রিপোর্ত লাক্লি। লৈবাক অসিদা হৌখিবা পুং ২৪দা অনৌবা কেস ৫৫,৩৪২ রেজিস্তর তৌখি।

কেন্দ্রগী পাকশন্না অমসুং অকনবা মওংদা তেস্ত তৌবা, খুদক্তা ত্রেক তৌবা অমদি সর্বিলেন্স চত্থবা, হোস্পিতালদা লয়েংবা অমসুং স্তেন্দর্দ ত্রীৎমেন্ত প্রোতোকলশিং ঙাক্না চৎপগী মখাদা রাজ্যশিং/য়ু.তি.শিংগা পুন্না থবক লৌখৎপা অসিনা পব্লিক অমসুং লনাই হোস্পিতালশিং অমসুং হোম আইসোলেসনগীদমক অফবা ক্বালিতীগী মেদিকেল ক্যের ফংহনবা ঙমখিবা অসিনা মরম ওইরগা নুমিৎ খুদিংগী থেংনবা কেসশিংদা নৌনা হন্থরকপা ঙম্লি।

হৌখিবা চয়োল মঙা অসিদগী নুমিৎ খুদিংগী থেংনবা অনৌবা কেসশিংগী চাংচৎ অসি মখা তানা হন্থরক্লি। নুমিৎ খুদিংগী থেংনবা কেসশিংগী চয়োলগী ওইবা চাংচৎ অসি সেপ্তেম্বরগী অনিশুবা চয়োলদা কেস ৯২,৮৩০ ওইরম্বদগী ওক্তোবরগী অনিশুবা চয়োলদা কেস ৭০,১১৪দা হন্থরকখি।

ভারতনা লেপ্পা লৈতনা এক্তিব কেসশিং তপ্না-তপ্না হন্থরকপগী রিপোর্ত তৌরক্লি। হৌজিক্কী ওইনা এক্তিব কেসশিং অসি ৮,৩৮,৭২৯ ওইদুনা অপুনবা পোজিতিব কেসশিংগী ১১.৬৯% খক্তমক ওইরি। থংনা-থংননা নুমিৎ মঙানি শুবা ওইনা এক্তিব কেসশিং অসি লাখ ৯গী মখাদা লৈবা ঙম্লে।

নৌনা কনফর্ম তৌখিবা কেসশিং অসিগী ৭৬%দি রাজ্য অমসুং য়ু.তি. ১০দগি ওইরি। নৌনা রিপোর্ত তৌরকখিবা কেসশিংগী মশিং খ্বাইদগী য়াম্বগা লোয়ননা কর্নাতকানা মহারাস্ত্রদগী হেনখ্রে। অনিমক্তা অনৌবা কেস ৭,০০০ হেন্না লৈরি। কেসশিংগী মশিং হেনগৎলকপগী রিপোর্ত তৌরক্লিবা রাজ্যশিং অদুদি কর্নাতকা, কেরেলা, রাজস্থান, ৱেস্ত বেঙ্গল অমসুং ছত্তিসগরনি।

হৌখিবা পুং ২৪দা ৭৭,৭৬০ নৌনা নাবা ফগৎলকখি। মসিগা লোয়ননা পুন্না নাবা ফগৎলকখিবগী মশিং অসি লাখ ৬২ (৬২,২৭,২৮৫) হেনখ্রে। লৈবাক অসিগী নাবা ফগৎলকপগী চাং অসিদা মখাদা তানা হেনগৎলকপা অসিনা নোংমদা নাবা ফগৎলকপগী মশিং হেন্না ৱাংখৎহল্লি, হৌজিক্কী ওইনা ৮৬.৭৮% ওইরি।

নৌনা নাবা ফগৎলকখ্রবা কেসশিংগী ৭৮%দি রাজ্য/য়ু.তি. ১০দগী ওইরি।

নোংমদা নাবা ফগৎলকপা অসিদা মহারাস্ত্রদগী ১৫,০০০ হেন্না ওইখি অমদি নাবা ফগৎলকপা ১২,০০০গা লোয়ননা কর্নাতকানা মতুং ইল্লি।

কোবিদ-১৯না মরম ওইরগা শীখিবগী মশিং অসি থংনা-থংননা নুমিৎ তরানি অসিদা মশিং ১০০০গী মখাদা লৈহনবা ঙম্লে। হৌখিবা পুং ২৪দা কেস ৭০৬ শীখিবগী রিপোর্ত তৌরকখি। মসিগী মনুংদা ৭৯%গী ময়াদি রাজ্য/য়ু.তি. তরাদগী ওইখি।

নৌনা শীখিবগী রিপোর্ত তৌরকখিবা অসিগী ২৩% হেনবদি মহারাস্ত্রদগী ওইখি (শীখিবা ১৬৫)।

****