ইন্দিয়াগী স্বিম্মিং সংস্থান্না লৈবাক অসিদা স্বিম্মিং পুলশিং অমুক হাংদোরকপগী ৱারেপ লৌরকপ অসিদা তরাম্না ওকখ্রে। ইরাই নুমিৎতা স্পোর্ত মিনিস্তরনা অহেনবা তান্নরিবা স্বিম্মিং শান্নরোইশিংগী  স্তেন্দার্ত ওপরেতিং প্রোসেদ্যুর (এস.ও.পি.) অমা শেমখ্রে। সেপ্তেম্বর ৩০দী পীখিবা ওর্দর অসিনা য়ুনিয়ন হোম মিনিস্তরনা কন্তেমেন্ত জোন নত্তনা অতৈ মফমদা স্বিম্মিং পুল অমুক হন্না হাংননবা অয়াবা পীখিবনি।

ইন্দিয়াগী স্বিম্মিং ৬কী মনুংদা অমা ওইরিবা অদুগা ওলেম্পিক্স ক্বালিফিকেসনগীদমক বি মার্কতা লৈরিবা অমসুং ২০০৮গী ওলেম্পিক্সতা শরুক য়াখিবা বিরধাৱাল খাদেনা ৱারেপ অসিদা য়াম্না হরাওখি অমসুং মহাক্না হায়খি মদুদি, “মসি খ্বাইদগী ফবা ৱারেপ অমনি। ইহাক্না য়াম্না হরাওই মদুদি স্বিম্মরনা মখোয়গী মফমদা অমুক লৈরগনি অমসুং অমুক থুনা লমজেল তান্নরগনি। ঐহাক্না আশা তৌই মদুদি স্তেত সরকারনা সেন্তরনা লৌরিবা ৱারেপ অসি মপুং ফানা য়াম্না থুনা অমসুং ১০০% শৌগৎতুনা লমজেল তান্নরিবা স্বিম্মরশিং অসিবু ত্রেনিং অসিদা অমুক হৌবদা মতেং পাংবা”  

ওগস্ততা এস.এ.আই.না দুবাইদা থা অনিগী ত্রেনিং কেম্প পীখি, হায়রিবা অসিদা স্বিম্মর অনি শ্রীহারি নাত্রাজ অমসুং কুশাগ্রা রাৱাৎ অনিমক ক্বালিফিকেসনগীদমক বি মার্কতা লৈরিবা অসি শরুক য়াখি। হায়রিবা অসিদা শাজন প্রকাশসু য়াওখি। মহাক্না দুবইদা ত্রেন তৌজরবসু নাত্রাজনা ইন্দিয়াদা অমুক হন্না ত্রেনিং তৌবদা নুঙাইবা ফাওরি।, “ঐহাক্না ইন্দিয়াদা স্বিম্মিং পুল হাংবা অসি য়াম্না হরাওবা ফাওই, য়ুমদা লৈনা ত্রেনিং পীবা অসি ঐহাক্না য়াম্না নুঙাইবা ফাওই  অদুগা হায়রিবা  স্তাফশিং অসিনা মতেং পাংবদগীনি অমসুং পীরিবী মতম অসি খ্বাইদগী হেন্না কান্নবা মওংদা শেম্বনি”।

 কোবিদ-১৯গী লায়চৎ অসিনা কয়া অমা থেংথহল্লবসু, মসিদা য়ৈথোরকপা অসিনা ইন্দিয়ন স্বিম্মরশিংদা মতেং অমা পীরগনি অমসুং দ্রোনাচার্য়া এৱার্দি কোচ নিহার অমিনা হায় মদুদি ত্রেনিং অমুক হৌদোরকপা অসি য়াম্না ফবা খোঙথাং অমনি, “ঐহাক্না স্বিম্মরশিং অমুক হন্না ত্রেনিং হৌনবগী পাউ অসি তাবদা য়াম্না হরাওবা ফাওই। ঐখোয়গী স্বিম্মর পুম্বা লায়চৎ অসিগী মরম ওইদুনা য়াম্না থিনা শোকখি অদুবু ওলেমপিক্স অমুক হন্না শেমদোরকপা অসিনা ঐখোয়গী স্বিম্মরশিংদা হান্নগী ফিবমদা লাকপা ঙম্লগনি। ঐহাক্না য়াম্না থাজবা লৈ মদুদি ঐখোয়গী ওলেমপিক্সগী বি ক্বালিফাইয়রশিং অসিনা য়াম্না কন্না হোৎনদুনা এ ক্বালিফাই ওইনবা হোৎনরি অমসুং ঐখোয়গী লৈবাক্কী স্বিম্মরশিংনা ত্রেনিং অমুক হৌদোকপদা থৱাই য়াম্না য়াওরি”।  

স্বিম্মিং ফেদেরেসন ওফ ইন্দিয়ানশু লৌরিবা ৱারেপ অমসুং পুথোক্লিবা এস.ও.পি. অসিদা তরাম্না ওকখি। সেক্ত্রেতরি জেনেরেল মোনাল চোকশিনা হায় মদুদি, “ঐখোয়না য়াম্না হরাওই মদুদি সরকারনা স্বিম্মিং তান্নবগী অমুক হৌদোকপদা অয়াবা পীবা অসিদা। এম.ৱাই.এ.এস.গী এস.ও.পি. দোক্যুমেন্ত অসি য়াম্না খুমাং চাওশিনবা অমসুং ফজনা শেম্লবা অমনি। মসিনা অহানবা মরুওইবা ওইনা লৌদুনা ঐখোয়গী শান্নরোইশিংবু তেক্ত-কাইদনবা চৎন-কাংলোন অসি ইনবা মথৌ তাই”।   

*******