(মসিদা হৌখিবা পুং ২৪ দা থোকখিবা কোবিদ -১৯গা মরী লৈনবা চেফোংশিং, ফিল্দ ওফিসশিংদগী ফংবা পাউশিং, অমসুং পি.আই.বি.না লৌখৎপা ফেক্ত চেকশিং য়াওরি )

• ইহান হানবা ওইনা থা অমদা এক্তিব কেসলোদ লাখ ৯গী মখাদা লৈরে
• অনৌবা নাবা ফখিবনা অনৌবা কন্ফার্ম্দ কেসতগী থংন-থংননা ৩শুবা চয়োলদসু হেনখ্রে
• হৌখিবা পুং ২৪ অসিদা মীওই ৭৮,৩৬৫সু নাবা ফদুনা দিসচার্জ তৌখি, অদুগা অনৌবা কনফার্ম্দ কেসনা ৭০,৪৯৬তা লৈরি
• রিকোবরী রেৎ মখা তানা চাদা ৮৫.৫২দা হেনগৎলে
• প্রধান মন্ত্রীনা হায়খ্রে মদুদি কোবিদ মতুংগী মালেমদা ভারতনা তোঙান-তোঙানবা মখলগী প্রোব্লেমশিং লাকশিনবদা সোলুসনগী লমদম অমগুম শাফোংলগনি

#Unite2FightCorona

#IndiaFightsCorona

লেপ্পা লৈতনা এক্তিব কেস হন্থবগী লম্বীদা ভারতনা চাং নাইনা চঙশিল্লি, ইহান হানবা ওইনা থা অমদা এক্তিব কেসলোদ লাখ ৯গী মখাদা লৈরে, অনৌবা নাবা ফখিবনা অনৌবা কন্ফার্ম্দ কেসতগী থংন-থংননা ৩শুবা চয়োলদসু হেনখ্রে

ভারত্তা এক্তিব কেস মশিং হন্থবগী পাউ লাকপা লেপত্রি। থা অমগী মতুংদা, ইহান হানবা ওইনা এক্তিব কেস মশিং লাখ ৯গী মখাদা লৈরে। ভারত্তা সেপ্তেম্বর ৯দা লাখ ৮.৯৭ লৈখ্রবা মতুংদা ঙসি এক্তিব কেস মশিং লাখ ৮.৯৩ লাকখি। হৌজিক্কী ওইনা লৈরিবা এক্তিব কেস মশিং অসি ৮,৯৩,৫৯২নি অমসুং লৈবাক অসিগী অপুনবা পোজিতিব কেসকী চাদা ১২.৯৪ লৈদুনা অপুনবা কেস মশিং চাং নাইনা হন্থরকপগী ফিবম উৎলি। এক্তিব কেসকী পার্সেন্তেজ হন্থবগী ফিবম অসি নাবা ফরবা কেস মশিং হেনগৎলকপনা ওইহল্লকপনি। অপুনবা নাবা ফরবা কেসনা ৫৯,০৬,০৬৯ ওইরি। নাবা ফরবা কেস অমসুং এক্তিব কেসকী মরক্তা লৈরিবা মশিং অসি লাখ ৫০ (৫০,১২,৪৭৭) ওইরে। নাবা ফগৎলকপগী মশিং হেনগৎলকপগা লোইননা, মরক্তা লৈরিবা খল অসিসু পাকথোক্লক্লি। নাবা ফরবা মশিং হেনগৎলকপা অসিনা নেসনেল রিকোবরী রেৎনা চাদা ৮৫.৫২ লৈহনবদসু মতেং পাংখি। হৌখিবা পুং ২৪ অসিদা মীওই ৭৮,৩৬৫সু নাবা ফদুনা দিসচার্জ তৌখি, অদুগা অনৌবা কনফার্ম্দ কেসনা ৭০,৪৯৬তা লৈরি। অনৌবা নাবা ফরবা কেসকী চাদা ৭৫দি রাজ্য/য়ু.তি. ১০ হায়বদি মহারাস্ত্রা, কর্নাতকা, কেরলা, অন্ধ্র প্রদেশ, তমিল নাদু, উত্তর প্রদেশ, ওরিশা, নোংচুপ বেঙ্গাল, দিল্লী, অমসুং মধ্য প্রদেশতগী লাকখি। মহারাস্ত্রখক্তদগী নোংমখক্তদা ১৫,০০০ হেন্না নাবা ফখি। হৌখিবা পুং ২৪ অসিদা অনৌবা কন্ফার্ম্দ কেস ৭০,৪৯৬ লাকখি। অনৌবা কেসকী চাদা ৭৮না রাজ্য/য়ু.তি. ১০দগী লাকখি। মহারাস্ত্রনা অনৌবা কেস ১৩,০০০দগী হেন্না লাকপা খ্বাইদগী ৱাংবা রাজ্য ওইরি, মসিগী মতুংদা কর্নাতাকানা অনৌবা কেস ১০,০০০গী মথক্তা লাকখি। হৌখিবা পুং ২৪ অসিদা শিবগী মশিং ৯৬৪ লৈখি। মসিগী মনুংদগী চাদা ৮২গী চাংদি রাজ্য/য়ু.তি. তরাদগী লাকখি। নৌনা লৈখিদবগী চাদা ৩৭তি মহারাস্ত্রদগী লাকখি (৩৫৮ লৈখিদবা)।

অকুপ্পা ৱারোলগীদমক:

প্রধান মন্ত্রীনা আই.এফ.এস.কী নুমিত্তা ভারতকী ফোরেন সর্বিস ওফিসরশিংদা য়াইফ পাউজেল পীখ্রে

প্রধান মন্ত্রী শ্রী নরেন্দ্র মোদীনা আই.এফ.এস.কী নুমিত্তা ভারতকী ফোরেন সর্বিস ওফিসরশিংদা য়াইফ পাউজেল পীখ্রে। ত্বীৎ অমদা প্রধান মন্ত্রীনা হায়খি, “ঙসিগী আই.এফ.এস.কী নুমিৎ অসিদা ভারতকী ফোরেন সর্বিস ওফিসর খুদিংদা য়াইফ পাউজেল পীজরি। মখোয়না লৈবাক্কী সেবা তৌবা অমসুং লৈবাক্কী অপাম্ববু মালেমগী থাক্তা পুখৎপগীদমক্তা পাঙথোক্লিবা থবকশিং অসি য়াম্না থাগৎনিংঙাইনি। ঐখোয়গী ভারত মচাশিং অমসুং অতোপ্পা লৈবাকশিংগী তেংবাংবা ওইনা বন্দে ভারত মিসন অমসুং কোবিদকা মরী লৈনবা অতোপ্পা থবকশিংদা মখোয়না হোৎনখিবশিং অসি নীংশিংনিংঙাইনি”।

অকুপ্পা ৱারোলগীদমক:

পুৱারী ওইরগদবা থৌরম অমদা প্রধানমন্ত্রীনা ওক্তোবর ১১দা স্বামিত্ব স্কীমগী মখাদা প্রোপর্তী কার্দশিং ফিজিকেল ওইনা য়েন্থোকপা হৌদোক্লগনি

ভারতকী খুঙ্গংশিংদা অওনবা অমা পুরক্নবা অমদি ভারত্তা লৈরিবা মীওই মিলিয়ন কয়া অমা হেন্না মপাঙ্গল কনখৎহল্লগদবা পুৱারীগী ওইনা লৌখৎপা খোংথাং অমদা প্রধানমন্ত্রী শ্রী নরেন্দ্র মোদীনা ওক্তোবর ১১দা ভিদিও কনফরেন্সকী থোংদা প্রোপর্তী কার্দ অসি ফিজিকেল ওইনা য়েন্থোকপা হৌদোক্কনি। মসিগী হৌদোকপা অসিনা প্রোপর্তী লৈবা মীওই লাখ অমরোম্না মখোয়গী প্রোপর্তী কার্দ অদু মখোয়গী মোবাইল ফোনশিংদা থারকপা এস.এম.এস.কী লিঙ্কতগী দাউনলোদ তৌবা য়ারগনি। মসিগী মথংদা মাগী-মাগী রাজ্যশিংনা প্রোপর্তী কার্দ অদু ফিজিকেল ওইনা য়েন্থোক্কনি। মসিগী বেনিফিসিয়রীশিং অসি উত্তর প্রদেশতগী খুঙ্গং ৩৪৬, হরিয়ানাদগী ২২১, মহারাস্ত্রদগী ১০০, মধ্য প্রদেশতগী ৪৪, উত্তরাখন্দদগী ৫০ অমদি কর্নাতকাদগী ২ য়াওনা রাজ্য তরুক অসিদগী খুঙ্গং ৭৬৩দগীনি। মহারাস্ত্রগী নত্তনা মসিগী রাজ্য পুম্নমক্কী বেনিফিসিয়রীশিং অসিনা নোংমগী মনুংদা প্রোপর্তী কার্দশিংগী ফিজিকেল কোপীশিংদু ফংলগনি-মহারাস্ত্রগী ওইনা প্রোপর্তী কার্দ অসিগী ওইনা মমিংখক্তগী ওইনা রিকোভর তৌবগী মমল চংবগী সিস্তেম অমা লৈ, মরম অসিনা মসিগী ওইনা থা অমা চংগনি। পায়খৎলিবা খোংথাং অসিনা খুঙ্গংগী মীশিংনা লোন অমদি অতৈ শেলগী খুদোংচাবশিং লৌবা য়ানবা শেল-থুমগী ওইবা তেংবাং অসি লৌবা য়ানবা প্রোপর্তী শিজিন্ননবগীদমক্তা লম্বি য়াৎলগনি। অমদি মসি তেক্নোলোজীগী খ্বাইদগী অনৌবা পাম্বৈ য়াওনা অসিগুম্বা মখলগী অচৌবা থাক্তা খ্বাইদগী ইহান হানবা ওইনা থবক পায়খত্তুনা খুঙ্গংদা লৈরিবা প্রোপর্তীগী মপু ওইরিবা মীওই মিলিয়ন কয়াদা কান্নবা ফংহন্নবা তৌরি। থৌরম অসিদা প্রধানমন্ত্রীনা বেনিফিসিয়রী খরগা ৱারী শান্নগনি। পঞ্চায়তী রাজগী কেন্দ্র মন্ত্রীনা থৌরম অসিদা য়াওগনি। থৌরম অসি অয়ুক্কী পুং ১১.০০ তাবা মতমদা হৌগনি।

অকুপ্পা ৱারোলগীদমক:

প্রধান মন্ত্রীনা কনাদাদা ইনভেস্ত ইন্দিয়া কন্ফরেন্সতা মরুওইবা ৱারোল পীখ্রে

প্রধান মন্ত্রী শ্রী নরেন্দ্র মোদীনা কানাদাগী ইনভেস্ত ইন্দিয়া কন্ফরেন্সতা ভিদিও কনফরেন্সকী থোংদা ঙরাং মরুওইবা ৱারোল পীখি। প্রধান মন্ত্রীনা হায়খি মদুদি ভারত্তা রাজনিতীগী তং তাবা, ইনভেস্তমেন্ত তৌবশিংদা নুংঙাইবা, গবর্নান্সতা মনুং মপান ফাওনা উবা, স্কিল লৈরবা তেলেন্ত পুল অমসুং অচৌবা কৈথেল লৈদুনা ইনভেস্তমেন্তকী পেরামিতর খুদিংমক মতীক চানা লৈবা মশক থোকপা লৈবাক অমা য়েৎননিংঙাই লৈতনা ওইরে। মহাক্না হায়খি মদুদি ইন্সতিত্যুসনেল ইনভেস্তর, মেন্যুফেকচরর, ইন্নোবেসন ইকোসিস্তেমশিংগী সপ্পোর্তর অমসুং ইনফ্রাস্ত্রকচর কম্পেনীশিং য়াওনা মীপুম খুদিংমক্কী খুদোংচাবা ফংলগনি। প্রধান মন্ত্রীনা হায়খি মদুদি কোবিদকী মতুংগী মালেমদা, ভারতনা খাঙবা কনবা উৎখ্রে অমসুং মেন্যুফেকচরিং, সপ্লাই চেন, অসিনচিংবা কয়াদা লৈবা খুদোংচাদবশিংবু লোইশিনবা ঙম্বা লৈবাক অমা ওইনা ফাওগৎলকখ্রে। মহাক্না মখা তারদুনা হায়খি, পুথোক পুশিন্দা খুদোংচাদবা লৈজরবসু লৌমী, নুপী, লাইরবা অমসুং লৈজদ্রবা মীওই মিলিয়ন ৪০০ রোমদা নুমিৎ খরনিগী মনুংদা মখোয় মখোয়গী বেঙ্ক একাউন্ততা শেল থাজিনবীখি। লাইচৎ অসিনা থোকহনবা খুদোংচাদবশিং থেংননবা সরকার অসিনা লৌখৎখিবা খোঙথাং কয়া পনখি অমসুং মসিনা হৌখিবা চহী খরা অসিদা শেমগৎলকখিবা গবর্নান্স অসিগী স্ত্রকচর অমসুং সিস্তেমগী মপাঙ্গল উৎলে হায়খি। প্রধান মন্ত্রীনা হায়খি মদুদি লৈবাক শিনবা থুংনা অকনবা লোকদাউন তৌরিঙৈদা, ভারতনা লৈবাক ১৫০ হেন্না হিদাক লাংথক পীদুনা মালেমদা ফার্মাসী অমগী শক্তম লৌখি। মহাক্না মখা তারদুনা হায়খি মদুদি চহী অসিগী মার্চ অমসুং জুন্দা ভারতকী লৌউশিংউগী পোত্থোক এক্সপোর্ত তৌবগী চাং অসি ২৩%নি। মহাক্না হায়খি মদুদি লাইচৎকী মমাংদা, ভারতনা পি.পি.ই. কিৎ অমত্তা শারমদে অদুবু ঙসিদি ভারতনা পি.পি.ই. কিৎ থা খুদিংগী মিল্লিয়ন্দা শাবদা নত্তনা মপান লৈবাকশিংদসু থাদোক্লে। মহাক্না ভেক্সিন পুথোকপগী খোঙজেল য়াঙখৎহন্দুনা মালেমগ পুম্ববু কোবিদ-১৯দগী কন্নবা মতেং পাংগনি হায়না থাজবা পীখি।

অকুপ্পা ৱারোলগীদমক:

কনাদাদা পাঙথোকপা ইনভেস্ত ইন্দিয়া কনফরেন্সতা প্রধান মন্ত্রীনা ঙাংখিবা মরু ওইবা ৱারোলশিং

অকুপ্পা ৱারোলগীদমক:

ই.সি.আই.না পোলিতিকেল পার্তীশিংগী মিং চনবগী পব্লিক নোতিস তাইম পেরদ কোমথোকখ্রে

ইলেক্সন কম্মিসন ওব ইন্দিয়ানা পব্লিক নোতিস ০৭.১০.২০২০দা নত্ত্রগা মমাংদা ফোংখ্রবা পার্তীশিংগী নোতিস পেরদ অসি ৩০দগীনা ৭তা তেনশিল্লে অমসুং কোম্থোকখ্রে। পার্তী খুদিংমক্কী ওইনা, মখোয়গী পব্লিক নোতিস নুমিৎ ৭নিদগী তাদনা তাং ০৭.১০.২০২০গী মমাংদা ফোংখ্রবা য়াওনা করিগুম্বা ওবজেক্সন তৌনিংবা লৈরবসু ওক্তোবর ১০, ২০২০গী নুংথিল পুং ৫.৩০ ফাওবদা নত্ত্রগা মমাংদা পীখিবা নুমিৎ ৩০নিগী মতমগী মনুংদা, য়ারিবমখৈ ঙন্না থাজিনলকপা য়াগনি। ই.সি.আই.না বিহারগী লেজিস্লেতিব এসেমব্লী, ২০২০গী জেনরেল ইলেক্সন সেপ্তেম্বর ২৫, ২০২০দা লাউথোকখ্রবা মতুংদা, কোবিদ-১৯গী অথিংবা কয়া লৈরিবসি য়েংলগা, রেজিস্ত্রেসনগী এপ্লিকেসন দিস্লোকেৎ তৌবা নত্ত্রগা পুথোক পুশিন তৌবদা চোন্থবগী পাউ কম্মিসন্না ফংলে, মসিনা মরম ওইদুনা পোলিতিকেল পার্তীগী মিং চনবদা থেংথহন্নবগী অচাক ওইরে। মরম অসিনা, হীরম অসিগী মতাংদা কুপ্না খন্নরবা মতুংদা, কম্মিসন্না পব্লিক নোতিস তাইম পেরদতা কোম্থোক্লকপনি। কোম্থোক্লিবা অসি বিহারগী লেজিস্লেতিব এসেমব্লীগী জেনরেল ইলেক্সনগী তাংক অহুমগী নোমিনেসন থাজিনবগী অরোইবা মতম ওইরিবা ওক্তোবর ২০, ২০২০ ফাওবা চৎনগনি।

অকুপ্পা ৱারোলগীদমক:

পায়খৎলিবা থৌরাংশিং অপেনবা পোকপগা লোয়ন্না, লোকদাউন মতুংদা শান্নবা অমুক হৌরকপা মতুংদা ভারতকী অর্চরশিংনা ফিবম ফগৎনবা হোৎনরি

কোরোনাভাইরসনা মরম ওইদুনা লোকদাউন থম্লুরবা মতুংদা ভারতকী ওলেম্পিক্তা থাজবা থম্লিবশিংদা অখন্নবা মিৎয়েং থমদুনা, লৈবাক শীনবা থুংনা শান্ন-খোৎনবগী খুদোংচাবশিং হাংদোক্লে। পুনেগী আর্মি স্পোর্তস ইন্সতিতুৎতা ভারতকী নুপা অমসুং নুপীগী রিকর্প অর্চরশিং ত্রেনিং পাংথোক্লি। অর্চরি কাংবুগী কেম্প অসি অগস্ত ২৫দগী হৌখিবনি অমসুং ত্রেনিং অমুক হন্না পাংথোকপদা অর্চরশিং য়াম্না হরাওরে।

অকুপ্পা ৱারোলগীদমক:

এম.ও.আর.তি.ঐচ.না ২০২০-২১গী অহানবা থা তরুক্তা কিঃমিঃ ৩৯৫১ শাংবা লম্বী শেমখ্রে; কোবিদ-১৯গী অৱাবা মরক অসিদা নোংমদা কিঃমিঃ ২১.৬০ লোয়শিনবা ঙমখি

রোদ ত্রান্সপোর্ত অমসুং হাইৱেগী মিনিস্ত্রীনা কিঃমিঃ ৩৯৫১ শাংবা লম্বী চহি অসিগী অহানবা থা তরুক (এপ্রিলদগী সেপ্তেম্বর ফাওবগী মনুংদা) শেম্বা লোইশিনবা ঙমখ্রে। হায়রিবা অসি কোবিদ-১৯গী অৱাবা মরক অসিদা নোংমদা কিঃমিঃ ২১.৬০ লোয়শিনবা ঙমখিবনি। মিনিস্ত্রী অসিনা চহি অসিগী মনুংদা কিঃমিঃ ১১,০০০ শাংবা লম্বী শেম্নবা য়াম্না আশা লৈনা পান্দম থমখ্রে।

অকুপ্পা ৱারোলগীদমক:

কেন্দ্রগী লেবর মন্ত্রীনা লেবর ব্যুরো সর্ভেগী মতাংদা খং-হৈরবা গ্রুপকী অহানবা মীফমদা ৱা ঙাংখ্রে

লেবর অমসুং এমপ্লোইমেন্তকী রাজ্য মন্ত্রী (মনিং তম্বা) শ্রী শন্তোশ কুমার গঙ্গৱরনা লেবর অমসুং এমপ্লোইমেন্ত মন্ত্রালয়, ন্যু দিল্লীদা ঙরাং পাংথোকখিবা লেবর ব্যুরো সর্ভেগী মতাংদা খং-হৈরবা গ্রুপকী অহানবা মীফমদা ৱা ঙাংখ্রে। থৌরম অসিদা মন্ত্রীনা সরকারনা লেবরগী অখন্নবা লমশিংগা মরি লৈনবা ৱাফমশিং অসি খংনবা হোৎনবদা লেবর ব্যুরোগী এম্বিসিয়স ওইবা সর্ভে অহুম পাংথোক্নবা থবক শিন্নখি। লায়চৎ অসিগী মতমদা মাইগ্রেন্ত ৱার্করশিংনা মায়োক্নরিবা অৱাবশিং অসিগী মতাংদা লুনা লৌদুনা ৱাফম ফোংদোকপা মসিগী মাইগ্রেন্ত ৱার্করশিং অমদি মখোয়না মায়োক্নরিবা খুদোংচাদবশিং মরুওইনা কোবিদ-১৯ থোরকপদা থেংনরিবা খুদোংচাদবশিংগীথাজনিংঙাই ওইবা দেতাগী মথৌ তাবগী মতাংদা হায়খ্রে। দেতাবেজ অসিনা সরকারনা মখোয়গী ফীভমশিং অসি ফগৎহন্নবা অমদি থবক্কী খুদোংচাবশিং থৌরাং লাংনবগীদমক্তা থবক ওইনা পাংথোক্কদবা পাম্বৈশিং শেমগৎপা ঙমহনগনি।

অকুপ্পা ৱারোলগীদমক:

পি.আই.বি. ফিল্দ ওফিসশিংদগী ফংবা পাউ

•           কেরলা: কোবিদ পোজিতিব ওইবগী চাং অসি ১৪%দগী ৮%দা খংহন হন্থরকপা অসিনা রাজ্যগী হেল্থ সেক্তরদা দেবেত কয়া অমা থোকহনখ্রে। হেল্থ এক্সপার্তশিংগী ৱাখল্লোনদদি কোবিদ পোজিতিব ওইবগী মশিং অসি চয়োল অমরোম ওবজার্ভেশন তৌরবা মতুংদা তং তাবা ৱাফম অমা খঙবা ঙমগনি। মরক অসিদা রাজ্য অসিদা ঙসি অহুম অমুক শিখিবগী পাউ লৈখি, মসিনা শিখিবশিংগী মশিং অদু ৯৩৩ য়ৌহনখ্রে। অনৌবা কোবিদ কেস ১০,০০০ থেংনরবা মতুং মথংগী নুমিত্তা রাজ্য অসিনা ঙরাং কেস ৫৪৪৫ থেংনখি অমসুং হৌজিক ফাওবদা নোংমদা খ্বাইদগী হেন্না  য়াম্না ৭০০৩ ফখিবগা লোইননা নুমিৎ খুদিংগী থেংনরিবা কোবিদকী মশিংদা খরা হাইথরকপা উখি। হৌজিক্কী ওইনদি পেসেন্ত ৯০,৫৭৯ লাইয়েংদুনা লৈরি অমসুং রাজ্য শিনবা থুংনা মীওই লাখ ২.৭১ ওবজার্ভেশন তৌদুনা লৈরি।

•          তামিল নাদু: লাইচৎ অসি থোরক্লবা মতুং অমসুং মসিগী মতুংদা ইন্দস্ত্রীশিং লোল্লবা মতুংদা লৈবাক অসিগী তোঙান তোঙানবা মফমদা লৈবা মরমদমগীদমক্তা থাদোকখিবা মাইগ্রেন্ত ৱার্কর চাউরাক্না লাখ আনিগী ময়া অসিগী মনুংদা, ৪৭,০০০দি হৌখিবা থা অমদা কোইম্বাতোর জিলাদা অমুক হল্লক্লে। তামিল নাদু ই-গোভর্নেন্স এজেন্সী (তি.এন.ই.জি.এ.)না ইরাই নুমিত্তা  সরকারগী সার্বিসশিং লৌনবা ফোর্মশিং মেনখৎপদা রেসিদেন্তশিং মতেং পাংনবা সরকারগী ওইবা অহানবা ভোইস য়ুজর ইন্তরফেস (ভি.য়ু.আই.) অদু তামিলদা দিবেলপ তৌনবগী অপাম্বা ফোংদোরকখি।

•          কর্নাতকা: বেঙ্গলোর অর্বাননা ঙরাং কেস ৫১২১ থেংনখিবগা লোইননা নোংমদা খ্বাইদগী ৱাংবা থেংনখি। জিলা ১২দা এক্তিব কেস হন্থখ্রে অমসুং অতোপ্পা জিলাশিংদা অয়াম্বনা লেপ্তনা হেনগৎলকপা থেংনখি। ওপোজিশন লীদর সিদারামায়ানা এজুকেশন মন্ত্রী, এস. সুরেশ কুমারদা চিথি অমা ইখি অমসুং কোবিদকী লৈরিবা ফিভম অসি লাকশিন্দ্রিবা ফাওবা স্কুলশিং হাংদনবা হায়খ্রে।

•          অন্ধ্র প্রদেশ: মাস্ক উপ্পা, ফিজিকেল দিস্তেন্সিং ঙাক্না চৎপা অমসুং হেন্দ আইজিন ঙাক্না চৎপগী মরু ওইবা পাউজেল অহুম অদু শন্দোক্লদুনা সরকার অমসুং পি.এস.য়ু.শিংগী ওফিস কয়া অমনা ভাইরস অসি শন্দোরকপদগী থিংনবা চৎনা–কাংলোনশিং ঙাক্না চৎনবা ৱাশক লৌখি। তি.দি.পি. প্রসিদেন্ত এন.চন্দ্রবাবু নাইদুনা ৱা ঙাংবদা ঙাকথোক্নবগী পাম্বৈশিং লৌখৎপগী মতাংদা অমসুং অনিশুবা কোবিদ ৱেবকী খুদোংথিবা লাকপগী ওইথোকপা লৈবনা মীয়ামগী পুন্সি কন্নবা রাজ্যনা হকচিন্না হোৎনবগী মথৌ তাবা অদু মরু ওইনা পনখি।

•          তেলঙ্গানা: হৌখিবা পুং ২৪দা অনৌবা কেস ১৮৯১ থেংনখি, ১৮৭৮ ফগৎখি অমসুং ৭ শিখিবগী পাউ লৈখি; কেস ১৮৯১গী মনুংদা জি.ঐচ.এম.সি.দগী কেস ২৮৫ থেংনখি। অপুনবা কেস: ২,০৮,৫৩৫; এক্তিব কেসশিং: ২৬,৩৭৪; শিখিবশিং: ১২০৮; দিসচার্জ তৌখিবশিং: ১,৮০,৯৫৩। মরু ওইবা খোংথাং অমদা, ওর্গান ত্রান্সপ্লান্তেশনশিং তৌবা অসি সরকারগী হোসপিতালশিংদা লৈম্না তৌরগনি।

•          মহারাস্ত্র: তোপ-তোপ্পা এসোসিয়েশন অমদা, ব্রিহানমুম্বাই মুনিসিপাল কোরপোরেশন অমসুং গুগলনা গুগল মেপশিংদা সিতীদা লৈরিবা কন্তেনমেন্ত জোনশিং মার্ক তৌনবা খুৎশম্নখ্রে। গুগল মেপশিংদা মসিগী ইনফোর্মেশনশিং অসি ফংহনবনা চৎথো-চৎশিন তৌবা মতমদা মুম্বাইকরশিংদা মসিনা মখাতানা য়াম্না কোম্না ক্লিক অমদা এক্সেস তৌবা ঙমহনগনি। কোবিদ-১৯গী মতাংদা তৌরিবা এৱেয়রনেস কেমপেন অসিনা জন আন্দোলনগী মওংদা ওইরকপনা, য়াম্না মশক নাইবা অমুবা অমসুং নুপু মচুগী তেক্সিশিংগী দ্রাইভরশিসু মসিগী খোংচৎ অসিগী শরুক অমা ওইখি।

•          গুজরাত: গুজরাত্তা, রাজ্য সরকারনা রেপিদ এন্তিবোদী তেস্তশিং পাংথোক্নবা লনাইগী লেবোরেতরীশিংদা অয়াবা পীনবা ৱারেপ লৌখ্রে। গুজরাত সরকারনা লনাইগী হোসপিতালশিংদা ই.এল.আই.এস. অমসুং সি.এল.আই.এ. এন্তিবোদী তেস্তশিং পাংথোক্নবগী অয়াবা পীনবা ৱারেপ লৌখ্রে। গুজরাত্তা এক্তিব কোবিদ কেস ১৬,৪৮৭ লৈরি।

•          মথ্য প্রদেশ: মধ্য প্রদেশতা, য়ুনিয়ন হোম মিনিস্ত্রীনা থোকপা কোবিদ-১৯ অনৌবা গাইদলাইনশিং অদুগী মতুং ইন্না, রাজ্য সরকারনসু পোলিতিকেল রেলীশিংদা মী ১০০ মথক্তা পুনবদা অথিংবা থম্বা অদু কোমথোকখ্রে। তৌইগুম্বসুং, ফিজিকেল দিস্তেন্সিং মতিক চানা চৎনহন্নবা ওর্গনাইজরশিংগীদমক্তা তঙাইফদনা ইনগদবা ওইগনি।

•          ছত্তিসগর: ছত্তিসগর সরকারনা অতোপ্পা রাজ্যশিংদগী ছত্তিসগরদা লাকপা মীওইশিংগীদমক্তা তঙাইফদনা ক্বারন্তিন তৌবগী মথৌ তাবা অদু লৌথোকখ্রে। রাজ্য সরকারনা রাজ্য অসিদা কোরোনাভাইরস শন্দোরকপনা মরম ওইরগা লৈরিবা ফিভম অসি য়েংলগা হৌজিক্কী ওইনদি স্কুলশিং হাংদোক্তনবসু ৱারেপ লৌখ্রে। হায়রিবা ৱারেপ অসি শগোলশেল নুমিত্তা পাংথোকখিবা রাজ্যগী কেবিনেতকী মীফম অদুদা লৌখিবনি।

•          অসাম: অসামদা ঙরাং কোবিদ-১৯গীদমক্তা মীওই ১১৮৮ অমুক পোজিতিব ওইখি অমসুং পেসেন্ত ২১৯৮ দিসচার্জ তৌখ্রে। অপুনবা কেসকী মশিং ১৯১৩৯৭দা হেনগৎখ্রে, এক্তিব ৩০৭৬৭ লৈরি অমসুং শিখিবশিংগী মশিংনা ৭৯৪নি।

•          মেঘালয়া: মঘালয়াদা, অপুনবা এক্তিব কেস অসি ২৩৬৯নি অমসুং ফগৎখিবশিংনা ৪৮৩২নি।

•          নাগালেন্দ: নাগালেন্দদা কোবিদ-১৯গীদমক্তা মীওই ২১ অমুক পোজিতিব ওইবা থেংনখি।

ফেক্ত চেক

*****