ঙাকশেল মন্ত্রালয়
দি.আর.দি.ও.না লমদমসিদা শেমগৎচবা এন্তি-রেদিএসন মিসাইল (রুদ্রম) মায় পাক্না ফ্লাইত চাংয়েং তৌখ্রে
Posted On:
09 OCT 2020 3:12PM by PIB Imphal
অনৌবা জেনেরেসনগী এন্তি রেদিএসন মিসাইল (রুদ্রম) ঙসি ওরিসাগী সমুদ্র খোঙবালগী ৱাংমদা লৈবা হ্বীল্লর ইথত্তা লৈবা রেদিএসন তার্গেত অমতা মায় পাক্না ফ্লাইত চাংয়েং তৌখ্রে। মিসাইল অদু এস.য়ু.-৩০ মার্ক১ ফাইতর এয়রক্রাফ্ততগী কাপখিবনি।
রুদ্রম অসি ইন্দিয়ন এয়র ফোর্স (আই.এ.এফ.)কীদমক লৈবাকসিদা দিফেন্স রিছর্চ এন্দ দেভেলপমেন্ত ওর্গনাইজেন্না অহানবা ওইনা শেমগৎচবা এন্তি রেদিএসন মিসাইলনি। মিসাইল অদু এস.য়ু.-৩০ মার্ক১ ফাইতর এয়রক্রাফ্ততা কাপ্পগী ফীভমগী মতুং ইন্না খেন্নবা রেঞ্জকী মতিং লৈবা লোঞ্চ প্লেতফোর্ম অমা ওইনা হাপচিনবনি। মসিদা অরোয়বা লান্দাগীদমক পেসিব হোমিং হেদকা লোয়ননা আই.এন.এস.-জি.পি.এস. নেভিগেসন য়াওরি। রুদ্রম্না রেদিএসন তার্গেত অদুদা মপা চপ চানা পানখি।
পেসিব হোমিং হেদ অদুনা প্রোগ্রাম তৌবগী মতুং ইন্না পাক চাউরবা ফ্রিক্বেন্সীশিংদা লৈবা পান্দমশিং খঙদোকপা, খন্দোকপা অমদি এঙ্গেজ তৌবা ঙম্মী। মিসাইল অসি পাক চাউরবা স্তেন্দ-ওফ রেঞ্জশিংদগী য়েক্নবগী নোংথক্কী ঙাকশেলবু মায় পাক্না নমথবা ঙমগদবা আই.এ.এফ.কী মতিং লৈবা খুৎলায় অমনি।
মসিগা লোয়ননা লৈবাক অসিদা য়েক্নবগী রেদারশিং, কম্ম্যুনিকেসনগী মফমশিং অমসুং অতৈ আর.এফ. থাদোকপা তার্গেতশিং মাঙ তাকহনবা ঙমবা অশাংবা রেঞ্জকী নোংথক্তগী কাপ্পা য়াবা এন্তি রেদিএসন মিসাইল লমদমসিদা শেমগৎপা ঙম্বগী মতিং লৈরে।
**********
(Release ID: 1663105)
Visitor Counter : 244