হকশেল অমসুং য়াইফ-য়ুম্বাল মন্ত্রালয়
রাজ্য/য়ু.তি. ৩৫না নোঙমদা তেস্ত/নুমিত/মিলিয়ন ১৪০ হেন্না পাঙথোক্লি
রাজ্য/য়ু.তি. ২২না লৈবাক্কী চাংচত্তগী নেম্বা পোজিতিব ওইবগী চাং লৈরি
১৭শুবা নুমিৎ ওইনা এক্তিব কেসকী মশিং অসি মিলিয়ন ১দগী তানা লৈরি
Posted On:
08 OCT 2020 11:20AM by PIB Imphal
জনুৱারী ২০২০দগী হৌদুনা ভারতনা কোবিদ-১৯ তেস্ত তৌবা মশিং য়াম্না হেনগৎপগী ফিভম উৎলি। লৈবাক অসিগী তেস্ত তৌবা ঙম্বগী মতিক অসি য়াম্না হেনগৎলে। হৌজিক্তি নোঙমদা সেম্পল লাখ ১৫ হেন্না তেস্ত তৌবা ঙম্লে।
ভারতনা দবল্যু.ঐচ.ও.না হায়রিবা তেস্ত/নুমিত/মীশিং মিলিয়ন ১৪০ পাঙথোকপা হায়বগী থৌওং অসি নীংথিনা ইন্দুনা চৎলি। “পব্লিক হেল্থ ক্রাইতেরিয়া তু এদজস্ত পব্লিক হেল্থ অমসুং সোসিএল মীজর ইন দি কন্তেক্সত ওফ কোবিদ-১৯” হায়রিবা কাঙলোন অসিদা দবল্যু.ঐচ.ও.না চিংনবা কেসশিংগী নীংথিনা অমসুং পাক-শন্না সর্বেলিএন্স তৌবগী মতাংদা পল্লি।
মাই পাকপগী অতোপ্পা থৌওং অমা ওইনা রাজ্য/য়ু.তি. ৩৫না পাঙথোক্কদবা তেস্ত মশিংদগী হেনবা ঙম্লে। নোঙমদা মীশিং মিলিয়নগী ওইবা তেস্ত পাঙথোকপগী চাংচৎ অসি হৌজিক ৮৬৫ লৈরি।
![WhatsApp Image 2020-10-08 at 10.19.20 AM.jpeg](https://static.pib.gov.in/WriteReadData/userfiles/image/image001EHVO.jpg)
লৈবাক অসিদা হৌখিবা পুং ২৪দা চাউরাক্না তেস্ত লাখ ১২ পাঙথোকখি। মমাংগী পুং ২৪দা তেস্ত ১১,৯৪,৩২১ পাঙথোকখিবা অদুগা লোয়ননা অপুনবা তেস্ত তৌবা মশিং অসি করোর ৮.৩৪ (৮,৩৪,৬৫,৯৭৫ হেনখ্রে।
ঐখোয়না উবা খুদমশিংগী মতুং ইন্না চাং নাইনা তেস্ত য়াম্না তৌবা ঙম্বা অসিনা পোজিতিব ওইবগী চাং নেমথহনবা ঙম্লে। লৈবাক অসিগী অপুনবা পোজিতিব ওইবগী চাং য়াম্না হন্থরকপা অসিনা লায়চৎ অসি শন্দোকপগী খোঙজেল অসি তপথরে হায়বা তাক্লি।
মফম খুদিংদা তেস্ত তৌবগী মশিং হেনগৎপা অসিনা পোজিতিব কেস ঙন্না খঙদোকপা ঙম্বা, নীংথিনা পাঙথোকপা সর্বেলিএন্স অমসুং ত্রেসিংগী খুত্থাংদা মতম চানা ত্রেক্কিং তৌবা অমসুং অরুবা কেসকীনা হোস্পিতালদা অমসুং অতোপ্পা কেসশিংনা য়ুমদা নীংথিনা অমসুং মতম চানা লায়েংবা ঙমহল্লে। মসিগী থৌওং অসি চাং নাইনা অমসুং মতম চানা পাঙথোকপা অসিনা মী শিবগী চাংসু হনথহল্লে।
![WhatsApp Image 2020-10-08 at 10.40.52 AM.jpeg](https://static.pib.gov.in/WriteReadData/userfiles/image/image002ADAW.jpg)
রাজ্য/য়ু.তি. ৭না পোজিতিব ওইবগী চাং অসি ৫%দগী তাথনা লৈরি।
মসিগী থৌওং অসি কেন্দ্র সরকারনা হৌদোকপা অমসুং রাজ্য/য়ু.তি.শিংনা নীংথিনা ইল্লিবা তেস্ত, ত্রেক, ত্রেস, ত্রীত অমসুং তেক্নোলোজীগী থৌরাং অসিগী মরম্না ওইবা ঙম্লিবনি।
![WhatsApp Image 2020-10-08 at 10.27.03 AM.jpeg](https://static.pib.gov.in/WriteReadData/userfiles/image/image003D709.jpg)
রাজ্য/য়ু.তি. ২২না লৈবাক্কী চাংচত্তগী নেম্বা পোজিতিব ওইবগী চাং লৈরি । অপুনবগী ওইনা পোজিতিব ওইবগী চাং অসি ৮.১৯% ওইরি অমসুং লেপ্তনা তাথরক্লি।
![WhatsApp Image 2020-10-08 at 10.32.25 AM.jpeg](https://static.pib.gov.in/WriteReadData/userfiles/image/image004EOII.jpg)
অনৌবা কনফর্ম কেস মশিংদগী নাবা ফবগী চাংনা হেনবগী থৌওং লেপ্তনা চত্থরি অমসুং হৌখিবা পুং ২৪দা অনৌবা কনফর্ম কেস ৭৮,৫২৪ লাকপদা নাবা ফবগী মশিংনা ৮৩,০১১ ওইখি। নাবা ফবগী অপুনবা মশিং অসি ৫৮,২৭,৭০৪ ওইরি। নাবা ফবগী মশিং অমসুং এক্তিব কেসকী মশিংদা খেন্নবা অসি লাখ ৪৯ (৪৯,২৫,২৭৯) হেনখ্রে।
নুমিৎ ১৭নি থংন থংননা এক্তিব কেসকী মশিং অসি লাখ ১০দগী হেন্না তাথরি। হৌজিক্কী ওইনা অপুনবা পোজিতিব কেসকী ওইনা এক্তিব কেসনা ৯,০২,৪২৫ ওইদুনা শুপ্নগী ১৩.২০%গী চাংদা লৈরি।
নাবা ফবগী চাং হেনগৎলকপা অসিনা লৈবাক্কী নাবা ফবগী চাং অসি ৮৫.২৫%দা হেন্না ফগৎহনখ্রে।
অনৌবা নাবা ফবগী ৭৫% অসি রাজ্য/য়ু.তি. ১০দগী লাকখি। মহারাস্ত্রানা নোঙমদা ১৬,০০০ হেন্না নাবা ফদুনা খ্বাইদগী য়াম্বা ওইরি।
![WhatsApp Image 2020-10-08 at 9.56.01 AM.jpeg](https://static.pib.gov.in/WriteReadData/userfiles/image/image005XV6O.jpg)
হৌখিবা পুং ২৪দা অনৌবা কেস ৭৮,৫২৪ লাকখি।
অনৌবা কেসকী ৭৯% অসি রাজ্য/য়ু.তি. ১০দগী লাকখি। মহারাস্ত্রানা অনৌবা কেস ১৪,০০০ হেন্না মশিং য়াম্লবা কেস লাক্তুনা মাংজিল থারি অমসুং করনাতকানা কেস ১১,০০০তগী হেন্না লাক্তুনা তুং ইন্নরি।
![WhatsApp Image 2020-10-08 at 9.56.00 AM (1).jpeg](https://static.pib.gov.in/WriteReadData/userfiles/image/image006HKMN.jpg)
হৌখিবা পুং ২৪দা মীওই ৯৭১ লৈখিদবগী পাউ লাকখি।
মসিগী মনুংদগী চাউরাক্না ৮২%দি রাজ্য/য়ু.তি. ১০, মহারাস্ত্রা, করনাতকা, তমিল নাদু, নোংচুপ বেঙ্গোল, উত্তর প্রদেশ, আন্ধ্র প্রদেশ, পঞ্জাব, ছতিসগর, দিল্লী অমসুং মধ্য প্রদেশতগী লাকপনি।
অনৌবা লৈখিদবা মীওইগী ৩৬% হেনবা অসি (৩৫৫) অসি মহারাস্ত্রাদগী লাকপনি।
![WhatsApp Image 2020-10-08 at 9.56.00 AM.jpeg](https://static.pib.gov.in/WriteReadData/userfiles/image/image0079CTF.jpg)
****
(Release ID: 1662652)
Visitor Counter : 163