মন্ত্রীমন্দল
সাইবরসেক্যুরিতীগী লমদা ভারত অমসুং জপানগী মরক্তা মেমোরেন্দম ওফ কোর্পোরেসন খুৎয়েক পীনবা
Posted On:
07 OCT 2020 4:33PM by PIB Imphal
প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা সাইবরসেক্যুরিতীগী লমদা ভারত অমসুং জপানগী মরক্তা মেমোরেন্দম ওফ কোর্পোরেসন(এম.ও.সি.) অমা খুৎয়েক পীন্নবা সরকারগী অয়াবা পীখ্রে।
এম.ও.সি অসিনা সাইবরস্পেস; মরুওইবা মচাক-মথুমশিং ঙাকশেনবা; অনৌবা তেক্নোলোজিশিং মতেং পাংনবা; সাইবর সেক্যুরিতীগী কিহল্লকপশিং/থৌদোকশিং অমসুং অরানবা সাইবরগী থবকশিংগী মতাংদা ই-পাউ পীথোক-পীশিন তৌনবা; ইনফোর্মেসন কম্মুনিকেস তেক্নোলোজি(আই সি তি)গী মচাক-মথুমশিংদা সাইবরগী শিংনরকশিং ঙাকথোক্নবা মতেং পাংন্নবা অপুনবা থৌরাংশিং শেমগৎপা য়াওনা নাকল অনিনা পাম্না থবকশিংদা মতেং পাংনবা হেনগৎহনগনি।
ভারত অমসুং জপান্না মনিংতম্বা, নাকল অনিমক্তা শীজিন্নবা য়াবা, অফবা, অশোই-অঙাম থোক্তবা অমসুং মতিক চাবা সাইবরস্পেস অমা লৈহনগনি অমসুং অনৌবা পুথোকপা, শেন-থুম অমসুং ললোন-ইতিক চাউখৎহন্নবা ইঞ্জিন অমা ওইনা ইন্তরনেৎ চাউখৎহনগনি অমসুং লৈবাক অনিগী মরুপ-মপাং ওইবা মরীগা লোয়ন্না নাকল অনিগী লৈবাক মনুংগী আইনশিং অমসুং মালেমগী চৎন-কাংলোনশিং ঙাক্কনি।
এম.ও.সি.গী খুৎথাংদা নাকল অনিনা, য়ুনাইতেদ নেসন্স য়াওনা মালেমগী ওইবা থবকশিংদা মতেং পাংগনি; আই.সি.তিগী পোৎথোকশিং ফংহন্নবগী মতাংদা ৱারি শান্নগনি অমসুং লাল্লোংশিং অমসুং খ্বাইদগী ফবা থবকশিং শরুক য়ামিন্নগনি; সরকার মশেল অমসুং ললোন-ইতিক মশেল মতেং পাংনদুনা আই.সি.তিগী মচাক-মথুমশিং ঙাকশেনবগী থবক মপাঙ্গল কনখৎহনগনি; ইন্তরনেৎকী লৈঙাক অমা শেমগৎনবা মখা তানা ৱারি শান্নগনি অমসুং থবক পাংথোক্কনি অমসুং হায়রিবা হিরমশিং অসিদা লৈবাক অনিগী মরী লৈনবশিং শরুক য়াবা হেনগৎহনগনি।
*****
(Release ID: 1662373)
Visitor Counter : 188
Read this release in:
English
,
Urdu
,
Marathi
,
Hindi
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam