(মসিদা হৌখিবা পুং ২৪ দা থোকখিবা কোবিদ -১৯গা মরী লৈনবা চেফোংশিং, ফিল্দ ওফিসশিংদগী ফংবা পাউশিং, অমসুং পি.আই.বি.না লৌখৎপা ফেক্ত চেকশিং য়াওরি )

• এক্তিক কেসকী মশিংনা অপুনবা কেশ মশিংগী ১৩.৭৫% খক্তমক ওইরি
• নাবা ফবগী অনৌবা কেসশিংগী ৭৪%দি রাজ্য/য়ু.তি. ১০দগীনি
• অনৌবা নাবা ফবগী মশিংনা রাজ্য/য়ু.তি. ২৫গী অনৌবা কনফর্ম কেস মশিংদগী হেল্লি
• হৌখিবা পুং ২৪দা মীওই ৭৫,৭৮৭ নাবা ফখি অমসুং দিসচার্জ তৌখি অমদি অনৌবা কেস ৬১,২৬৭ লাকখি
• দোক্তর হর্ষ বর্ধন্না কোবিদ-১৯ মেনেজ তৌননবা অয়ুর্বেদ অমসুং য়োগদা য়ুম্ফম ওইবা নেসনেল ক্লিনিকেল মেনেজমেন্ত প্রোতোকোল ফোঙখ্রে
• শ্রী প্রকাশ জাবাদেকরনা ফিল্ম একজিবিসনগী এস.ও.পি. ফোঙখ্রে

ভারতকী এক্তিব কেস মশিং হন্থবগী %গী চাং তাথরক্লি, এক্তিক কেসকী মশিংনা অপুনবা কেশ মশিংগী ১৩.৭৫% খক্তমক ওইরি, নাবা ফবগী অনৌবা কেসশিংগী ৭৪%দি রাজ্য/য়ু.তি. ১০দগীনি, অনৌবা নাবা ফবগী মশিংনা রাজ্য/য়ু.তি. ২৫গী অনৌবা কনফর্ম কেস মশিংদগী হেল্লি

অপুনবা পোজিতিব কেসকী চাদা ওইবা মশিংগা চাংদম্নবদা এক্তিব কেসকী মশিং লেংদনা হন্থরকপগী ফিভম অসি ভারত্তা উবা ফংলি। হৌজিক হৌজিক্কী ওইনা এক্তিব কেসকী মশিং অসি অপুনবা পোজিতিব কেসকী মশিংগা চাংদম্নবদা ৯,১৯,০২৩ ওইদুনা শুপ্নগী ১৩.৭৫%গী চাংদা লৈরি। এক্তিব কেসকী চাদা ওইবা মশিংনা হন্থরকপগী মওং অসি নাবা ফবগী চাদা ওইবা মশিংনা হেনগৎলকপা অসিনা মতিক চানা শৌগৎলি। অপুনবা নাবা ফবগী মশিং অসি ৫৬,৬২,৪৯০ লৈরি। নাবা ফবা অমসুং এক্তিব কেসকী মশিংগী মরক্তা লৈরিবা খেৎনবা অসি লাখ ৪৭নি (৪৭,৪৩,৪৬৭)। নাবা ফবগী মশিংনা হেনগৎলকপগী মতুংদা খেৎনবা অসিসু হেনগৎলক্লি। নাবা ফবগী মশিং হেনগৎলকপা অসিনা লৈবাক্কী নাবা ফবগী চাং অসি ৮৪.৭০%দা ফগৎহল্লে। হৌখিবা পুং ২৪দা মীওই ৭৫,৭৮৭ নাবা ফখি অমসুং অনৌবা কেস ৬১,২৬৭ লাকখি। অনৌবা নাবা ফবগী মশিংনা রাজ্য/য়ু.তি. ২৫দা অনৌবা লাকপা কেস মশিংদগী হেনখি। অনৌবা নাবা ফবগী ৭৪% অসি রাজ্য/য়ু.তি. ১০দগী লাকখি – মহারাস্ত্রা, আন্ধ্র প্রদেশ, করনাতকা, তমিল নাদু, কেরলা, উত্তর প্রদেশ, ওরিশা, দিল্লী, ছতিসগর অমসুং নোংচুপ বেঙ্গোলনি। হৌখিবা পুং ২৪দা অনৌবা কেস ৬১,২৬৭ লাকখি। অনৌবা কেসকী ৭৫% অসি রাজ্য/য়ু.তি. ১০দগী লাকখি। মহারাস্ত্রানা অনৌবা কেস ১০,০০০ হেন্না মশিং য়াম্লবা কেস লাক্তুনা মাংজিল থারি অমসুং করনাতকানা কেস ৭,০০০তগী হেন্না লাক্তুনা তুং ইন্নরি। হৌখিবা পুং ২৪দা মীওই ৮৮৪ লৈখিদবগী পাউ লাকখি। মসিগী মনুংদগী চাউরাক্না ৮০%দি রাজ্য/য়ু.তি. ১০, মহারাস্ত্রা, করনাতকা, উত্তর প্রদেশ, তমিল নাদু, নোংচুপ বেঙ্গোল, আন্ধ্র প্রদেশ, পঞ্জাব, ছতিসগর, দিল্লী অমসুং মধ্য প্রদেশতগী লাকপনি। অনৌবা লৈখিদবা মীওইগী ২৯% (২৬৩) অসি মহারাস্ত্রাদগী লাকপনি।

অকুপ্পা ৱারোলগীদমক:

দোক্তর হর্ষ বর্ধন্না কোবিদ-১৯ মেনেজ তৌননবা অয়ুর্বেদ অমসুং য়োগদা য়ুম্ফম ওইবা নেসনেল ক্লিনিকেল মেনেজমেন্ত প্রোতোকোল ফোঙখ্রে

হকশেল অমসুং য়াইফ-য়ুম্বালগী কেন্দ্র মন্ত্রী দোক্তর হর্ষ বর্ধন্না কোবিদ-১৯ মেনেজ তৌনবা অয়ুর্বেদ অমসুং য়োগদা য়ুম্ফম ওইবা নেসনেল ক্লিনিকেল মেনেজমেন্ত প্রোতোকোল ঙসি অয়ুসকী রাজঞ মন্ত্রী (ইন্দিপেন্দেন্ত চার্জ) শ্রী শ্রীপদ য়েস্সো নাইকনা ভর্চুএল ওইনা শরুক য়াদুনা ফোঙদোকখ্রে‍। নিতি অয়োগ ভাইস চেয়রমেন দোক্তর রাজিব কুমার অমসুং নিতি অয়োগ মেম্বর (হকশেল) দোক্তর ভি.কে. পোলসু থৌরমদুদা ভর্চুএল ওইনা শরুক য়াখি‍। আই.সি.এম.আর.গী হান্নগী দাইরেক্তর জেনেরেল দোক্তর ভি.এম. কাতোচনা চেয়র তৌবা ‘নেসনেল ক্লিনিকেল মেনেজমেন্ত প্রোতোকোল: কোবিদ-১৯’দা অয়ুর্বেদ অমসুং য়োগ ইন্তরভেন্সন পুনশিন্নবা শেমবা ইন্তরদিসিপ্লিনরী কম্মিতী অমা অমদি হীরমসিদা খঙ-হৈরবা এক্সপর্তশিংগী গ্রুপশিংনা রিপোর্ত অদু শেম্লগা ময়াম্না য়াগদবা চাংয়েং অমসুং লায়েংবদা শীজিন্নবগী দেতাদা য়ুম্ফম ওইবা রিকমেন্দেসন থাগৎখিবনি‍। হিদাকশিং অসিগী কান্নবশিং অমসুং শাফগদবা ফীভমশিং তাকপা ফাইন্দিংশিং অদু নেসনেল তাস্ক ফোর্স ওন কোবিদ-১৯ অমসুং জোইন্ত মোনিতরিং গ্রুপতা লানখত্তুনা নিতি অয়োগকী রিকমেন্দেসনগী মতুং ইন্না প্রোতোকোল ওইনা শেমখিবনি‍। মীয়ামগী মশা মউ ফনা থম্নবগীদমক পীরিবা পাউতাকশিং অসি য়াম্না পাম্নবা ওইরকপসিদা অয়ুস মন্ত্রালয়না ফংলিবা এচীভমেন্ত অদুবু থাগৎলদুনা, দোক্তর হর্ষ বর্ধন্না হায়খিও “প্রধান মন্ত্রী শ্রী নরেন্দ্র মোদী জীনা কোবিদ-১৯ মেনেজ তৌননবা অয়ুসকী পাউতাকশিং অসি ইন্দুনা চৎনবা ৱাফম থমখি‍। ঙাকথোক্ননবা অমদি চেকশিনৱা ওইনা শীজিন্নরিবা প্রোতোকোল অসিনা কোবিদ মেনেজ তৌবদা নত্তনা অনৌবা মতমগী খুদোংচাদবা ৱাফমশিংগী ৱারোইশিন পুরক্নবগী মরী লৈনবা ত্রেদিসনেল ওইবা ৱাখল লৌশিংগী লমদা শিংথানিংঙাই ওইরবা খোঙথাঙ অমা ওইরি‍।” লইনা ফংবা অয়ুর্বেদকী মনা মশিংশিং য়াওহনবা অমদি লাইওং উত্তবা অমদি ইচম চমবা লাইওং উৎপা কোবিদ কেসশিং লায়েংনবগীদমক গুদুচি, অস্বগন্ধ, অয়ুস-৬৪গুম্বা হিদাক লাংথকশিং শেমবদা মহাক্না অপেনবা ফোঙদোকখি‍।

অকুপ্পা ৱারোলগীদমক:

দবল্যু.ঐচ.ও. একজিক্যুতিব বোর্দতা দা.হর্শ বর্ধননা ৫শুবা অখন্নবা সেসন অদুগী থৌরম মপু ওইখ্রে

হকশেল অমসুং য়াইফ য়ুম্বালগী কেন্দ্রগী মন্ত্রী দা.হর্শ বর্ধননা একজিক্যুতিব বোর্দকী ব্যুরোগী মঙাশুবা অখন্নবা সেসন অদুদা ভর্চুয়েল্লী ওইনা ৱল্দ হেল্থ ওর্গনাইজেসন(দবল্যু.ঐচ.ও.)গী একজিক্যুতিব বোর্দকী চিয়রমেন ওইনা থৌরম মপু ওইখ্রে৷ দবল্যু.ঐচ.ও. ময়াইলোইশঙগী ওবজর্ভর পার্তিসিপেন্তশিং অমসুং সেনিয়র ওফিসিয়েলশিংনা থৌরম অদুদা শরুক য়াখি৷ কোবিদ-১৯ রেস্পোন্সতা দবল্যু.ঐচ.এ.৭৩.১ রিজোলুসনগী তর্মশিং অদু মপুং ফানা অমসুং মশক থোক্না চৎন্নবগীদমক তঙাই ফদনা লৌখৎকদবা খোংথাংশিংদা মীৎয়েং থম্বা অসিসু মীফম অদুগী এজেন্দাগী শরুক অমা ওইখি৷ কোবিদ-১৯ রেস্পোন্স হায়না মমিং থোনবা দবল্যু.ঐচ.এ.৭৩.১ রিজোলুসন অসি লৈবাক ১৩০ হেন্না পুন্না স্পোন্সর তৌখি অমসুং ভাইরস অসি থেংন্নবা দরকার লৈরিবা মরু ওইবা হেল্থ তেক্নোলোজীশিং অমসুং প্রদকশিং চাং চপ মান্ননা য়েন্থোক্নবা অমসুং লাইনা-লাইচৎ অসি লাকশিন্নবা হোৎনরিবশিং অসি কা হেন্না থৱাই য়াওনা হোৎন্নবা হায়খ্রে৷ লাইনা-লাইচৎ অসিনা থোকহল্লিবা গ্লোবেল ক্রাইসিস অদু নিংশিংলদুনা মহাক্না অসুম্না ফোংদোকখ্রে, “ ঙসি ঐখোয় পুম্নমক ভর্চুয়েল্লী ওইনা ফিভম অসিনা মরম ওইদুনা নমফুদা উন্নহল্লে৷ খুদোং থীবশিং, রিসর্স, মেনুফেকচরিং অমসুং দিস্ত্রিব্যুসন অদুদা শেল পীন্নবগীদমক সরকারশিং, ইন্দস্ত্রী অমসুং ফিলানথ্রোপীনা রিসোর্সশিং অদু শিজিন্নগদবনি অদুবু মীপুং খুদিংমক্তা পীগদৌরিবা রিৱার্দশিং অদু মখোয়না মফম কদাইৱাইদগী শেম-শারক্লিবনো হায়বা থিদনা পীগদবনি৷” হিরম অসিগী মতাংদা পব্লিক হেল্থ ওব্লিগেসনশিং ইফিসিয়েন্ত, ইফেক্তিব অমসুং রেস্পোন্সিব ওইনা পাংথোক্ননবগীদমক পার্তনরশিংগী গ্লোবেল কম্মুনিতীগা পুন্না চৎমিন্নদুনা থবক তৌমিন্ননবগীদমক দবল্যু.ঐচ.ও. মেম্বরশিংদা দা. হর্শ বর্ধননা হায়জখ্রে৷

অকুপ্পা ৱারোলগীদমক:

কোবিদ-১৯ ভেক্সিন চাংয়েং তৌন্নবা দি.বি.তি.-তি.ঐচ.এস.তি.আই.বু গ্লোবেল বাইওএসে লেবোরেতরী অমা ওইনা সেপিনা শকখঙখ্রে

দিপার্তমেন্ত ওফ বাইওতেক্নোলোজীগী ওতোনোমস ইন্সতিত্যুসন অমা ওইরিবা ত্রান্সলেসনেল হেল্থ সাইন্স এন্দ তেক্নোলোজী ইন্সতিত্যুত অসি কোবিদ-১৯ ভেক্সিনগী সেন্ত্রেলাইজ ওইনা চাংয়েং তৌনবা গ্লোবেল নেতৱর্ক ওফ লেবোরেতরীশিংগী মনুংদা অমনি হায়না হৌজিক্তি সেপিনা শকখঙখ্রে৷ সেপি নেতৱর্ক অসি হৌরকপা মতমদদি লেব তরুক খক্তমক লৈরম্মী, কেনদা, ব্রিতেন, ইতালি, নেদরলেন্দস, বঙ্গলাদেশ অমসুং ভারততা অমমম লৈরম্মী৷ সেপি গ্লোবেল নেতৱর্ক অসিগী মখাদা লেবোরেতরী অসিনা চপ মান্নবা রিএজেন্ত শিজিন্নরগনি অমসুং দিভেলপমেন্ত অমসুং ত্রাইয়েল তৌদুনা লৈরিবা তোঙান তোঙানবা ভেক্সিন কেন্দিদেতশিংগী ইম্যুইন রেস্পোন্স অদু ওন্ননবগীদমক প্রোতোকোলগী কম্মন ওইবা সেত অমা ইল্লগনি৷ মসিনা ভেক্সিন চাংয়েং তৌবগী থৌওং অদু হেন্না ফহল্লগনি অমসুং তোঙান তোঙানবা ভেক্সিন কেন্দিদেতশিং চাংদম্নবা য়াহল্লগনি অমসুং খ্বাইদগী ফরবা কেন্দিদেত খন্দোকপগী খোঙজেল য়াংহল্লগনি৷

অকুপ্পা ৱারোলগীদমক:

আর্তিফিসিএল ইন্তিলিজেন্সতা অচৌবা ভর্চ্যুএল সম্মিৎ অমা ওইরিবা রেজ ২০২০ প্রধান মন্ত্রীনা হৌদোকখ্রে

আর্তিফিসিএল ইন্তিলিজেন্স (এ.আই.)দা অচৌবা ভর্চ্যুএল সম্মিৎ অমা ওইরিবা রেজ ২০২০ প্রধান মন্ত্রী শ্রী নরেন্দ্র মোদীনা ঙরাং হৌদোকখ্রে। রেজ ২০২০ অসি খুন্নাইদা অহোংবা পুরক্নবা, পুম্নমকপু কোনশিন্নবা অমসুং হেল্থক্যের, এগ্রিকলচর, এজুকেসন অমসুং স্মার্ত মোবিলিতী অমসুং অতোপ্পা হীরম কয়াদা শক্তি পীনবগীদমক এ.আই. শীজিন্নবগী লম্বী য়াৎনবগীদমক ৱাখল্লোন ফোঙদোক্নগদবা মালেমগী লৌশীং লৈবশিংগী মীফমনি। প্রধান মন্ত্রীনা শীলি-লাংলিবশিংবু আর্তিফিসিএল ইন্তেলিজেন্সকী মরমদা খন্ন-নৈনবা অসিবু থৌগৎপগীদমক থাগৎখি। মহাক্না হায়খি তেক্নোলোজীনা ঐখোয়গী থবক মফমশিংদা অওনবা পুরক্লে অমসুং কন্নেক্তিবিতী হেনগৎহনখ্রে। মহাক্না খুন্নাইগী ওইবা থৌদাং লৌরিবা অমসুং এ.আই. পুনশিন্নদুনা মীওইবগী মতেংগা লোয়ননা এ.আই. ফগৎহনবা ঙমগনি হায়না আশা তৌরি। মহাক্না হায়খি মীওইবশিংগা লোয়ননা এ.আই.গী. তিমৱার্ক্না ঐখোয়গী গ্রহ অসিদা অঙকপশিং পাংথোকপা ঙমগনি। মহাক্না হায়খি ভারতনা লৌশিং অমসুং তাকপী-তম্বীবদা মালেমদা মাংজিল থারি অমসুং মখা তানা দিজিতেল ওইনা মাই পাকপা পুরক্তুনা মালেমদা ঙান্থোইবা ঙমগনি। শ্রী মোদীনা হায়খি তেক্নোলোজীনা ত্রান্সপরেন্সী লৈহনবা অমসুং সর্ভিস দেলিবরী তৌবা হেনগৎহনবদা মতেং করম্না পাঙপগে হায়বা খঙখ্রে। প্রধান মন্ত্রীনা হায়খি মালেমগী খ্বাইদগী চাউবা য়ুনিক আইদেন্তিতী সিস্তেম-আধার লোয়ননা মালেমগী খ্বাইদগী অনৌবা দিজিতেল পেমেন্ত সিস্তেম –য়ু.পি.আই.না দিজিতেল সর্ভিসশিংগী খুদোংচাবা ফংহল্লি, মসিদা ফাইনান্সিএল সর্ভিসেস, লায়রবা অমসুং শোত্থরবা মীওইশিংগী দাইরেক্ত কেশ ত্রান্সফরশিংগুম্বা অসি য়াওরি। লায়চৎ মনুং অসিদা মসিনা খ্বাইদগী কান্নবা মওংদা মীওই কয়াদা মতম চানা মতেং পাংবা ঙমহনখি।

প্রধান মন্ত্রীনা ভারত অসি এ.আই.গী মালেমগী হব অমা ওইহনবা পাম্মি অমসুং ভারতমচা কয়ানা লাক্কদৌরিবা মতম অসিদা হীরম অসিদা থবক তৌরক্কনি হায়না মহাক্না থাজবা থমখি। মহাক্না হায়খি পান্দম অসিগীদমক লৌখৎলিবা খোঙথাং অসি মরু ওইবা ৱাখল্লোনশিংনা পাঙ্গল হাপ্লি: তিমৱারক, থাজবা, চুংশিন্নবা, থৌদাং লৌবা অমসুং ইনক্লুসিবিতী অসিনি।

অকুপ্পা ৱারোলগীদমক:

‘রেস্পোন্সিবল এ.আই. ফোর সোসিএল এমপৱারমেন্ত ২০২০’ হৌদোকপদা পি.এম.না পীখিবা ৱারোল

অকুপ্পা ৱারোলগীদমক:

প্রধান মন্ত্রী শ্রী নরেন্দ্র মোদী অমসুং ইজরেলগী প্রধান মন্ত্রী ঐচ.ই. মিস্তর বেঞ্জামিন নেতন্যাহুগী মরক্তা ফোন্দা ৱারী শাখ্রে

ঙরাং প্রধান মন্ত্রী শ্রী নরেন্দ্র মোদীগা লোয়ননা ইজরেলগী প্রধান মন্ত্রী ঐচ.ই. মিস্তর বেঞ্জামিন নেতন্যাহুগা ৱারী শানখ্রে। প্রধান মন্ত্রী মোদীনা প্রধান মন্ত্রী নেতন্যাহু অমসুং ইজরেলগী মীয়ামদা জুৱিশকী চহি হৌবা নুমিৎ অমসুং জুৱিশকী কুম্মৈ সুক্কোৎনা লাকপদা য়াইফ পাউজেল পীখি। লুচিংবশিংনা কোবিদ-১৯ লায়চৎকা মরী লৈননা মরু ওইনা রিসর্চকী লমশিং, দাইগনোস্তিক খুৎলাইশিং অমসুং বেক্সিন পুথোক্নবগী ত্রাইএলশিংগী লমশিংগী মতাংদা বাইলেতরেল কোওপরেসন অসিগী মখাদা লৌখৎলিবা থবক থৌরমশিং য়েংশিনখি। হায়রিবা মরু ওইবা লমশিং অসিদা পুন্না খুৎশম্নদুনা হোৎনবা মরু ওই হায়না য়ান্নখি মসিনা লৈবাক অনিগী মীওইশিংগী কান্নবা খক্তা নত্তনা মীওইবা জাতিদা চাউনা কান্নবা ফংহনগনি। মখোয়না হৌজিক খুৎশম্ননা চত্থরিবা ঈশিং অমসুং লৌউ-শিংউ, হকশেল, ললোন-ইতিক অমসুং স্তার্তঅপ অমসুং ইন্নোবেসনগী লমশিং য়েংশিনখি অমসুং মসিদা মখা তানা মরী ফগৎহন্নবসু খন্নখি।

অকুপ্পা ৱারোলগীদমক:

শ্রী প্রকাশ জাবাদেকরনা ফিল্ম একজিবিসনগী এস.ও.পি. ফোঙখ্রে, সিনেমা হোলশিং সীতিং কেপাসিতী ৫০%গা লোয়ননা হাংবা য়ারে

ইনফোর্মেসন অমসুং বোর্দকাস্তিংগী কেন্দ্রগী মন্ত্রী শ্রী প্রাকশ জাবাদেকরনা ঙসি ফিল্ম একজিবিসনগী স্তেন্দর্দ ওপরেতিং প্রোসিজরশিং (এস.ও.পি.) ফোঙখ্রে। ফিল্ম একজিবিসনগী চেকশিল থৌরাংগী এস.ও.পি. অসি হকশেল অমসুং য়াইফ য়ুম্বাল মন্ত্রালয়গা লোয়ননা তান্নদুনা শেমখিবনি। এস.ও.পি. অসি ফোঙলদুনা মন্ত্রীনা হায়খি গৃহ মন্ত্রালয়গী য়াথং মতুং ইন্না ওক্তোবর ১৫, ২০২০দগী সিনেমা হোলশিং হাংবা য়ারগনি অমসুং হীরম অসিদা আই অমসুং বি মন্ত্রালয়না এস.ও.পি. শেম্লে। মসিদা ঙাক্না চৎকদবা কাঙলোনশিং অসিদা হকশেল অমসুং য়াইফ য়ুম্বাল মন্ত্রালয়না পীবা জেনরেল প্রিন্সিপলশিং য়াওরি, হায়রিবা অসিদা বিজিতরশিং/স্তাফশিং থর্মেল স্ক্রীনিং তৌবা, ফিজিকেল দিস্তেন্সিং মরাং কায়না থম্বা, ফেস-কভর/মাস্কশিং শীজিন্নবা, তোয়না খুৎশা হাম্বা, হেন্দ সেনিতাইজর অসিনচিংবা ফংহনবা অমসুং ফিল্ম একজিবিসন অসিগা মরী লৈননা মরু ওইনা লোক খুবা হাকথি খনবগী কাঙলোনশিং য়াওরি। মন্ত্রালয় অসিগী জেনরেল এস.ও.পি. অসি ফিজিকেল দিস্তেন্সিং তৌবা, পরেংদা লেপ্নবা য়েক্তুনা থম্বা চংফম অমসুং থোকফমগী মওং, স্তাফকী শাফনবা থৌরাং, শোক্না শম্নবা হন্থহনবা য়াওনা সেক্তর অসিদা লৈরিবা ইন্তরনেস্নেলগী কাঙলোনশিংদা য়ুম্ফম ওইরগা শেমখি। ফমফমগী মওং অসি সীতিং কেপাসিতীগী ৫০% খক্তমক ওইগদবনি। শোগী মতমশিং চপ মান্ননা তাশিনমিন্নদনবা মল্তিপ্লেক্স শোগী মতমশিং অসি কান্নগদবনি। তেম্পরেচরগী সেত্তিং অসি ২৪°-৩০°সিগী চাংদা লৈহনগদবনি। ঙাক্না চৎকদবা কাঙলোনশিং অমসুং এস.ও.পি. অসি রাজ্য পুম্নমক অমসুং অতোপ্পা স্তেকহোল্দরশিং অমসুং রাজ্য সরকারশিংনা ফিল্মশিংগী একজিবিসন হৌবা মতমদা শীজিন্নবা য়াগনি।

অকুপ্পা ৱারোলগীদমক:

পি.আই.বি. ফিল্দ ওফিসশিংদগী ফংবা পাউ

•           মহারাস্ত্র: ইন্দসত্রী অসিনা মহারাস্ত্রদা ওক্তোবর ৫দগী রেস্তোরেন্তশিং, ইতরীশিং অমসুং বারশিং হাংদোকপা য়ারবসু হৌজিক ফাওবদা মাইপাক্না থবক ওইনা পাংথোকপদি ঙমখিদে। মুম্বাইদা রেস্তোরেন্ত ১৪,০০০গী ২৫-৩০% খক্তমক লৈরিবা দিমান্দ, স্তাফ পুথোক-পুশিন তৌবদা থেংনরিবা অৱাবা অমসুং মখোয়গী একোমোদেশন্নাচিংবশিংগী মতাংদা লৈরিবা অৱাৎপশিং অদু পল্লদুনা মখোয়গী শত্তরশিং অদু হাংখি। নিংথৌকাবা নুমিত্তা রাজ্য অসিদা অনৌবা কেস ১০,২৪৪ অমসুং ১২,৯৮২ ফগৎখিবা থেংনখি।

•           গুজরাত: গুজরাত্তা কোবিদকী মশিং অসি নিংথৌকাবা নুমিত্তা অহেনবা অনৌবা কেস ১,৩২৭ থেংনখিবগা লোইননা লাখ ১.৪৪ য়ৌখ্রে, অদুগা পেসেন্ত ১,৪০৫ ফগৎলক্তুনা দিসচার্জ তৌখ্রে। সুরত্তা অনৌবা কেস ২৭৬ থেংনখি, হায়রিবা অসি গুজরাত্তা জিলা অমদা খ্বাইদগী ৱাংবা ওইখি, মথংদা এহমদাবাদনা (১৮৭) ওইখি। রাজ্য অসিনা ফগৎলকপগী চাং চাদা ৮৫.৯৪ ওইখি। 

•           রাজস্থান: রাজস্থানগী ভিলৱারাগী সহারা কন্সতিত্বেন্সীদগী কোংগ্রেস লিজিসলেতর, কৈলাশ ত্রিৱেদি, লৈবাকপোকপা অয়ুক্তা উরুগ্রামদা লৈবা লানাইগী হোসপিতাল অমদা পোস্ত-কোবিস-১৯ কমপ্লিকেশন্না মরম ওইরগা লৈখিদ্রে। মহাক চহি ৫৬ শুখি। হৌজিক ফাওবদা রাজ্য অসিদা কোরোনা ভাইরস ইনফেক্সন্না মরম ওইরগা পুন্না মীওই ১,৫৫৯ শিখ্রে অদুগা ২১,২১৫না লাইয়েংদুনা লৈরি।

•           ছত্তিসগর: অনৌবা কেস ২,৬৮১ অমসুং ৩৬ অমুক শিখিবগা লোইননা ছত্তিসগরদা অপুনবা মশিং অদু নিংথৌকাবা নুমিত্তা ১,২৬,০০৫ য়ৌখ্রে অমসুং শিখিবশিংগী অপুনবা মশিং অদুনা ১,০৮১ শুখ্রে। রায়পুর জিলাদা লাইচৎ অসিনা খআইদগী হেন্না শোকহনখি অমসুং অনৌবা কেস ২৭০ থেংনদুনা রাজ্য অসিদা কোরোনাভাইরসকী লিস্ততা মকোক থংবদা লৈরি, মসিনা অপুনবা মশিং অদু ৩৫,৪৬৭ য়ৌহনখ্রে। জিলা অসিনা হৌজিক ফাওবদা ৪৫৫ শিখিবা থেংনখি।

•           গোৱা: গোৱাদা হোম আইসোলেশন তৌদুনা লৈরিবা অসীম্তমেতিক পেসেন্তশিংগীদমক্তা  কোবিদ-১৯ কিতশিং য়েন্থোকপা অদু ঙসিদগী হৌরগনি। কিতশিং অসিদা দিসপোজল মাস্ক, এন-৯৫ মাস্ক, পল্স ওক্সিমীতর, দিজিতল থর্মোমীতর, অমসুং ভিতামিনশিং য়াওনা হিদাক-লাংথকশিং য়াওগনি।

•           কেরলা: মুখ্য মন্ত্রী, পিনারায়ি ৱিজয়ন্না হায়খি মদুদি চেকশিন-থৌরাংশিং লৌখৎপদা অহাংবা লৈখিবনা রাজ্য অসিদা কোবিদ ত্রান্সমিশন লৈখিবনি। করিগুম্বা পেসেন্তশিংগী মশিং হেনগৎলবদি, শিবগী মশিং ৱাংখৎলগনি অমসুং ঐখোয় পুম্নমক্না মসি থোকহন্দনবা য়াম্না কন্না হোৎনগদবনি। কেরলাদা ঙরাং কোবিদ-১৯গী অনৌবা কেস ৫,০৪২ লৈখি। পেসেন্ত ৮৪,৮৭৩ লাইয়েদুনা লৈরি অমসুং জিলা কয়া অমদা মীওই লাখ ২.৫৮ ওবজার্ভেশন তৌদুনা লৈরি। কোবিদনা মরম ওইরগা শিখিবশিংগী মশিং অসি ৮৫৯ য়ৌখ্রে।

•           তামিল নাদু: মুখ্য মন্ত্রী, এদাপ্পাদি কে. পলানিস্বামি অমসুং মহাক্কী কেবিনেত কলীগ অহুম্না কোবিদ-১৯গী লৈরিবা ফিভম, মেদিকেল এদমিশন্দা এন.ই.ই.তি. ক্বালিফাই তৌরবা সরকারগী স্কুলশিংগী মহৈরোইশিংগীদমক্তা হোরাইজোন্তেল রিজার্ভেশন পীনবা বিল অমসুং অন্না য়ুনিভর্সিতীগী বাইফর্কেশনগী মতাংদা খন্ননবা নিংথৌকাবা নুমিত্তা রাজ ভাৱনদা গোভর্নর বনৱারিলাল পুরোহিত্তা হায়খ্রে। ক্লাস X, XI অমসুং  XIIকী মহৈরোইশিংগীদমক্তা ওনলাইন কআলসশিং লৌরিবা ওজাশিংনা হন্থহল্লবা সীলেবস অদু য়াম্না থুনা থাদোক্নবা স্কুল এজুকেশন দিপার্তমেন্ত্তা তকশিনখ্রে।; মখোয়না হায়খি মদুদি মতম চানা নৌনা শেমদোক্লবা সীলেবসশিং অদু খঙহনবনা মহৈরোইশিংদা একজামিনেশনগীদমক্তা মাংজৌননা শেম-শাবদা মতেং পাংগনি।

•           কর্নাতকা: হেনগৎলক্লিবা কোবিদ কেসশিং অসি য়েংলগা, মুখ্য মন্ত্রীনা মিনিস্তরশিং, পার্লিয়ামেন্তকী মেম্বরশিংগী মীফম অমা হায়েং কৌখ্রে; শগোলশেল নুমিত্তা জিলাগী কমিশনরশিং অমসুং এস.পি.শিংগী মীফম অমসু কৌখ্রে। মেদিকেল এজুকেশন মন্ত্রী, দা. কে. সুধারনা হেল্থ দিপার্তমেন্ততা ওক্তোবর ১৫গী মতুংদা স্কুলশিং অমুক হন্না হাংবগী মতাংদা সুজেসশনশিং পীনবা হায়জখ্রে। রাজ্য সরকারনা নিংথৌকাবা নুমিত্তা চত্থরিবা স্ত্রাইক অসিদা কোবিদ-১৯ দ্যুতী পুরিবা হেল্থ ৱার্করশিংদা অথিংবা থম্লদুনা ওর্দর অমা থোকখ্রে। হাইকোর্তনা বেঙ্গলোরদা পব্লিক তোইলেতশিং পীনবা বি.বি.এম.পি.দা হায়খ্রে।

•           অন্ধ্র প্রদেশ: ৱইশাখাপতনম কিং জোর্জ হোসপিতাল (কে.জি.ঐচ.)না কোরোনাভাইরস ভেক্সিন কোভিশীলদগীদমক্তা চাংয়েল তৌবগী মতাংদা শিথংনীংঙাই ওইবা খোংথাং লৌখৎখ্রে। থা অনি মখাই হেল্লবা মতুংদা নোংমদা লৈখিবা কোবিদ-১৯গী মশিং অসি রাজ্য অসিদা নিংথৌকাবা নুমিত্তা কেস ৫,০০০গী মখাদা লৈখি। রাজ্য অসিদা মমাংদা অরোইবা ওইনা কেস ৫,০০০ লৈখিবা অসি জুলাইগী ২১দা ওইখি, মসিদা সেমপল ৩৭,০০০ তেস্ত তৌখিবদা ৪,৯৪৪ পোজিতিব ওইখি। অদুবু রাজ্য অসিদা ৩৮ শিখিবগা লোিননা কোবিদকী মশিং অসি ৬,০০০ হেনখ্রে।

 •          তেলঙ্গানা: হৌখিবা পুং ২৪গী মনুংদা অনৌবা কেস ১৯৮৩ থেংনখি, ২৩৮১ ফখ্রে অমসুং ১০ শিখিবগী পাউ লৈখ্রে; কেস ১৯৮৩গী মনুংদা জি.ঐচ.এম.সি.দগী লেস ২৯২ থেংনখি। অপুনবা কেসশিং: ২,০২,৫৯৪; এক্তিব কেসশিং: ২৬,৬৪৪; শিখিবশিং: ১১৮১; দিসচার্জ তৌখিবশিং: ১,৭৪,৭৬৯। স্তেত ইলেক্সন কমিশনর, সি. পার্থাসারথিনা হায়খি মদুদি মসিগী ৱারেপ অসি কোবিদ-১৯গী লাইচৎ, মুন্না খন্থরবা মতুংদা, লৈরিবা মতম অঞসুং পোলিতিকেল পার্তীশিংনা ফোংদোরকপা ৱাফমশিং অদু নীংথিনা খল্লবা মতুংদা ৱারেপ অসি লৌখিবনি।

•           অরুনাচল: ঙরাং কোবিদ-১৯গী অনৌবা পোজিতিব কেস ২৩৫ থেংনখি। রাজ্য অসিদা এক্তিব কেসশিংগী অপুনবা মশিং অদু ৩০০০ শুখ্রে। ঙরাং পেসেন্ত অমমুক লৈখিদ্রে অমসুং শিখিবশিংগী অপুনবা মশিং অদু ১৯ শুখ্রে।

•           মনিপুর: রাজ্য অসিদা কোবিদ-১৯গী অনৌবা পোজিতিব কেস ২৫০ থেংনখি। মীওই অমা অমুক লাইনা অসিনা মরম ওইরগা লৈখিদ্রে, মসিনা মরম ওইরগা অপুনবা মশিং অদু ৭৫ শুহনখ্রে। রাজ্য অসিদা ফগৎলকপগী চাং অসি চাদা ৭৭নি।

•           মঘালয়া: রাজ্য অসিদা কোবিদ-১৯ এক্তিব কেসশিংগী অপুনবা মশিং অসি ২২১৭ য়ৌখ্রে। মখোয়শিং অদুগী মনুংদা ১২৩দি বি.এস.এফ. অমসুং আর্মদ ফোর্সশিংদগী ওইখি। হৌজিক ফাওবদা মীওই ৪৪৯১ ফগৎখ্রে।

•           মিজোরাম: মিজোরামদা ঙরাং কোবিদ-১৯ অনৌবা কেস নিপান কনফর্ম তৌখ্রে। রাজ্য অসিদা অপুনবা কেসশিংগী মশিং অদু ২১২৮ য়ৌখ্রে। মখোয়শিং অদুগী মনুংদা কেস ২৯১দি এক্তিব ওইখি।

•           নাগালেন্দ: নাগালেন্দদা নিংথৌকাবা নুমিত্তা থেংনখিবা কোবিদ-১৯গী অনৌবা কেস ৪২গী মনুংদা দিমাপুরদগী ৩০, মোনদগী ৮ অমসুং কোহিমাদগী ৪ থেংনখি।

ফেক্ত চেক

*****