প্রধানমন্ত্রীগী লোইশঙ

আর্তিফিসিএল ইন্তিলিজেন্সতা অচৌবা ভর্চ্যুএল সম্মিৎ অমা ওইরিবা রেজ ২০২০ প্রধান মন্ত্রীনা হৌদোকখ্রে


ভারত অসি আর্তিফিসিএল ইন্তিলিজেন্সকী মালেমগী হব অমা ওইরগনি: পি.এম.

এ.আই.গী নেস্নেল প্রোগ্রাম খুনাইগী সমস্যাশিং কোকহনবদা শীজিন্নরগনি: পি.এম

Posted On: 05 OCT 2020 8:51PM by PIB Imphal

আর্তিফিসিএল ইন্তিলিজেন্স (এ.আই.)দা অচৌবা ভর্চ্যুএল সম্মিৎ অমা ওইরিবা রেজ ২০২০ প্রধান মন্ত্রী শ্রী নরেন্দ্র মোদীনা ঙসি হৌদোকখ্রে। রেজ ২০২০ অসি খুন্নাইদা অহোংবা পুরক্নবা, পুম্নমকপু কোনশিন্নবা অমসুং হেল্থক্যের, এগ্রিকলচর, এজুকেসন অমসুং স্মার্ত মোবিলিতী অমসুং অতোপ্পা হীরম কয়াদা শক্তি পীনবগীদমক এ.আই. শীজিন্নবগী লম্বী য়াৎনবগীদমক ৱাখল্লোন ফোঙদোক্নগদবা মালেমগী লৌশীং লৈবশিংগী মীফমনি।

প্রধান মন্ত্রীনা শীলি-লাংলিবশিংবু আর্তিফিসিএল ইন্তেলিজেন্সকী মরমদা খন্ন-নৈনবা অসিবু থৌগৎপগীদমক থাগৎখি। মহাক্না হায়খি তেক্নোলোজীনা ঐখোয়গী থবক মফমশিংদা অওনবা পুরক্লে অমসুং কন্নেক্তিবিতী হেনগৎহনখ্রে। মহাক্না খুন্নাইগী ওইবা থৌদাং লৌরিবা অমসুং এ.আই. পুনশিন্নদুনা মীওইবগী মতেংগা লোয়ননা এ.আই. ফগৎহনবা ঙমগনি হায়না আশা তৌরি। মহাক্না হায়খি মীওইবশিংগা লোয়ননা এ.আই.গী. তিমৱার্ক্না ঐখোয়গী গ্রহ অসিদা অঙকপশিং পাংথোকপা ঙমগনি।

মহাক্না হায়খি ভারতনা লৌশিং অমসুং তাকপী-তম্বীবদা মালেমদা মাংজিল থারি অমসুং মখা তানা দিজিতেল ওইনা মাই পাকপা পুরক্তুনা মালেমদা ঙান্থোইবা ঙমগনি।

শ্রী মোদীনা হায়খি তেক্নোলোজীনা ত্রান্সপরেন্সী লৈহনবা অমসুং সর্ভিস দেলিবরী তৌবা হেনগৎহনবদা মতেং করম্না পাঙপগে হায়বা খঙখ্রে।

প্রধান মন্ত্রীনা হায়খি মালেমগী খ্বাইদগী চাউবা য়ুনিক আইদেন্তিতী সিস্তেম-আধার লোয়ননা মালেমগী খ্বাইদগী অনৌবা দিজিতেল পেমেন্ত সিস্তেম –য়ু.পি.আই.না দিজিতেল সর্ভিসশিংগী খুদোংচাবা ফংহল্লি, মসিদা ফাইনান্সিএল সর্ভিসেস, লায়রবা অমসুং শোত্থরবা মীওইশিংগী দাইরেক্ত কেশ ত্রান্সফরশিংগুম্বা অসি য়াওরি। লায়চৎ মনুং অসিদা মসিনা খ্বাইদগী কান্নবা মওংদা মীওই কয়াদা মতম চানা মতেং পাংবা ঙমহনখি।

প্রধান মন্ত্রীনা ভারত অসি এ.আই.গী মালেমগী হব অমা ওইহনবা পাম্মি অমসুং ভারতমচা কয়ানা লাক্কদৌরিবা মতম অসিদা হীরম অসিদা থবক তৌরক্কনি হায়না মহাক্না থাজবা থমখি। মহাক্না হায়খি পান্দম অসিগীদমক লৌখৎলিবা খোঙথাং অসি মরু ওইবা ৱাখল্লোনশিংনা পাঙ্গল হাপ্লি: তিমৱারক, থাজবা, চুংশিন্নবা, থৌদাং লৌবা অমসুং ইনক্লুসিবিতী অসিনি।

প্রধান মন্ত্রীনা হায়খি ভারতনা হন্দক্তা নেস্নেল এজুকেসন পোলিসী ২০২০ চৎনবা হৌখ্রে, মসিনা তেক্নোলোজীদা য়ুম্ফম ওইবা লর্নিং অমসুং স্কিল্লিং অসি এজুকেসনগী মরুওইবা শরুক অমা ওইনা মীয়েং চংলি। মহাক্না মখা তারদুনা হাবখি তোঙান তোঙানবা রিজনেল লোনশিং অমসুং দাইলেক্তশিংদসু ই-কোর্সশিং দিবেলপ তৌগনি। হোৎনরিবা পুম্নমক অসি এ.আই. প্লেৎফোর্মশিংগী নেচরেল লেংগ্বেজ প্রোসেসিং (এন.এল.পি.)দগী কান্নবা ফংগনি। মহাক্না হায়খি ২০২০গী এপ্রিলদা ‘রেস্পোন্সিবল এ.আই. ফোর য়ুথ’ প্রোগ্রাম হৌদোকখ্রে। প্রোগ্রাম অসিগী মখাদা স্কুলশিংদগী মহৈরোয় ১১,০০০ হেনবনা বেসিক কোর্স তম্বা লোইখ্রে। মখোয়না এ.আই. প্রোজেক্তশিং শেমগৎলি।

প্রধান মন্ত্রীনা হায়খি নেস্নেল এজুকেস্নেল তেক্নোলোজী ফোরমনা দিজিতেল ইনফ্রাস্ত্রকচর, দিজিতেল কন্তেন্ত অমসুং কেপাসিতী হেনগৎহন্নবা ই-এজুকেসন অমা শেম্লগনি। মহাক্না হায়খি ভর্চ্যুএল লেবশিং লিংখৎপা, অতল ইন্নোবেসন মিসন হৌদোকপা অসিগুম্বা থোরক্লিবা তেক্নোলোজীশিং অসিগা লোয়ননা খোঙজেল মান্ননা চৎমিন্নবা লৌখৎখিবা খোঙথাংশিংগী মতাংদা ফোঙদোকখি।

মহাক্না হায়খি আর্তিফিসিএল ইন্তেলিজেন্সকী নেস্নেল প্রোগ্রাম অসি খুন্নাইগী সমস্যাশিং কোকহন্নবগীদমক কত্থোক্কনি।

শ্রী মোদীনা এ.আই.না অচৌবা থৌদাং লৌগদবা সেক্তরশিং অদু থমখি - লৌউ-শিংউ, নেক্স জেনরেসন অর্বান ইনফ্রাস্ত্রকচর শেম্বা, সহরগী সমস্যাশিং কোকহনবা: ত্রাফিক জাম হন্থহনবা, সিৱেজ সিস্তেমশিং ফগৎহনবা অমসুং ইনর্জী গ্রিশিং শেম্বা, দিজাস্তর মেনেজমেন্ত সিস্তেম হেন্না মপাঙ্গল কনখৎহনবা অমসুং অঈং-অশাগী অহোংবা লাক্লিবা অসিগী সমস্যা অসি কোকহনবা। মহাক্না এ.আই. শীজিন্নদুনা লোলগী ফাওনদবা অসি লৈহল্লরোই অমসুং লোল অমসুং দাইলেক্ত কয়া য়োখৎলগনি। মহাক্না লৌশিং সিয়র তৌনবগীদমক এ.আই. শীজিন্ননবসু ফোঙদোকখি।

প্রধান মন্ত্রীনা হায়খি অলগোরিথম ত্রান্সপরেন্সী অসি এ.আই. করম্না শীজিন্নগনি হায়বগী থাজবা অদু লৈহনবদা মরু ওই অমসুং থাজবা থম্বা ঙমহনবা হায়বা অসি ঐখোয় পুম্নমক্কী থৌদাংনি।

ঐখোয়না মালেম অসি নন-স্তেৎ এক্তরশিংনা ৱীপনাইজেসন তৌরিবা অসিদগী ঙাকথোক্নবা মহাক্না হায়জখি। মহাক্না হায়খি ঐখোয়না মীওইবগী অনৌবা ৱাখল্লোন পুথোকপা ঙম্বা অমসুং মীওইবগী পুক্নিং-ৱাখল অসিনা ঐখোয়গী খ্বাইদগী কনবা পাঙ্গলনি অমসুং মসিনা মেছিনশিংদগী হেনবা ঐখোয়গী তোপ-তোপ্পা খুদোংচাবনি। মহাক্না মীপুম খুদিংমক্না মসিগী ইন্তেলেকচ্যুএল অসিনা মেছিনশিংদগী হেন্না ফরিবা অসি করম্না লেংদনা লৈহনগনি হায়বা খন্নবা অমসুং এ.আই.দগী মীওইবগী লৌশিংনা হেন্না মাংজিল থাহন্দুনা থম্বা ঙম্নবা হায়জখি। মহাক্না হায়খি ঐখোয়না এ.আই.না মীওইবশিংবু করম্না মতেং পাংদুনা মখোয় মশানা তৌবা ঙমজরিবা অসি হেনগৎহনগনি হায়বগী মতাংদা খনগদবনি।

প্রধান মন্ত্রীনা হায়খি এ.আই.না মীওইবা অমমমগী লৈজরিবা তোপ-তোপ্পা গুনশিং অদু পুথোকপা ঙমগনি অমসুং মখোয়বু থৌনা হাপতুনা খুন্নাইগীদমক হেন্না অফবা মওংদা মতেং পাঙহনগনি। মহাক্না রেজ ২০২০দা শরুক য়ারিবশিংদা ৱাখল্লোনশিং ওন্থোক্নদুনা অমসুং আর্তিফিসিএল ইন্তেলিজেন্স শীজিন্ননবা মান্নবা লম্বী অমদা চংশিনমিন্ননবা ফোঙদোকখি। মহাক্না খন্ন-নৈনবা অসিদগী শেমলকপা মতিক চাবা এ.আই.গী এক্সন রোদমেপ অদুনা পুন্সি কয়া অমসুং মালেমদা লৈরিবা মীওই কয়াগী হিংনবগী পাম্বৈশিংদা অওনবা পুরকপদা মতেং ওইরগনি।

***



(Release ID: 1661940) Visitor Counter : 214