(মসিদা হৌখিবা পুং ২৪ দা থোকখিবা কোবিদ -১৯গা মরী লৈনবা চেফোংশিং, ফিল্দ ওফিসশিংদগী ফংবা পাউশিং, অমসুং পি.আই.বি.না লৌখৎপা ফেক্ত চেকশিং য়াওরি )

• এক্তিব কেস অসি হপ্তা অনি থংননা লেপ্পা লৈতনা লাখ ১০গী মখাদা লেঙদনা থম্লি
• হৌখিবা পুং ২৪ অসিদা লৈবাক অসিগী ওইনা অনাবা ফগৎলকপা ৭৬,৭৩৭গী রজিস্তর তৌখি অদুগা অনৌবা কেসশিং ৭৪,৪৪২ লৈখি
• লৈবাক্কী ওইনা নাবা ফরকপা অসিনা ৮৪.৩৪% চাংদা থম্বা ঙম্লি
• ভারত্তাএক্তিব কেস অসি ৯,৩৪,৪২৭নি
• আয়ুশ সেক্তরগী ইনখৎলক্লিবা য়াংলেন শরু ওইরিবা আয়ুশ গ্রিদনা থবক তৌবগী মতাংদা নেস্নেল দিজিতেল হেল্থ মিসনগা পুল্লগনি

ইন্দিয়ানা মশক থোকপা মফম য়ৌখ্রে, এক্তিব কেস অসি চয়োল অনি লেপ্পা লৈতনা লাখ ১০গী মখাদা লৈরি

ইন্দিয়ানা মশক থোকপা মফম য়ৌখ্রে। এক্তিব কেস অসি নুমিৎ ১৪ লেপ্পা লৈতনা লাখ ১০গী মখাদা লেঙদনা থম্লি। ঙসিফাওবদা চয়োল অনি থংন-থংননা এক্তিব কেস অসি মিলিয়ন (লাখ ১০)অমগী মখাদা লৈরি। কেন্দ্রনা লুচিংবা লালোংদা “তেস্ত ত্রেক ত্রেস ত্রীৎ তেক্নোলোজি” স্তেত/য়ু.তি. সরকারনা ইন্দুনা সরকার পুম্বগী ওইনা চংশিল্লি। য়াম্না কুপ্না য়েংশিন্দুনা অঙন্বা মতমদা লায়না খংদোকপা অমসুং খোঙথাং কয়া লৌখৎতুনা লৈবাক পুম্বা তেস্ত তৌবা অমসুং য়াম্না কুপ্না ত্রেসিং অমসুং ত্রেসিং তৌবনা ফল অসি ফংবনি। সেন্তরনা স্তেনদার্দ ত্রীৎমেন্ত প্রোতোকোল পীদুনা লায়েংবদা মওং মরিল চুম্না ফগৎলকপা অসিনা মখল কয়াগী হোস্পিতাল অমসুং হকশেলগী খুদোংচাবা পীবা মীয়ামগী অমসুং মরনাইগী ওইরি। হৌখিবা পুং ২৪ অসিদা লৈবাক অসিগী ওইনা অনাবা ফগৎলকপা ৭৬,৭৩৭গী রজিস্তর তৌখি অদুগা অনৌবা কেসশিং ৭৪,৪৪২ লৈখি। হৌখিবা নুমিৎ খর অসিদা অনাবা ফগৎলকপনা অনৌবা কেসতগী হেন্দুনা লৈরি। ঙসিফাওবদা ইন্দিয়াগী অনাবা ফখিবা অসি ৫৫,৮৬,৭০৩ ওইরি। নোংমগী ওইনা নাবা ফরকপা অসিনা লৈবাক্কী ওইনা ৮৪.৩৪% চাংদা থম্বা ঙম্লি। স্তেত/য়ু.তি. ১০ গী ওইনা ৭৫% অনৌবা অনাবা ফগৎলক্লি। মহারাস্ত্রা খক্তনা ১৫,০০০ অনৌবা অনাবা ফগৎলক্লি হায়রিবা অসিগী মতুংদা কর্নাতকা অমসুং অন্দ্র প্রদেশনা ৭,০০০ কেস ওইদুনা চৎলি। ইন্দিয়াদা লৈরিবা এক্তিব কেস অসি ৯,৩৪,৪২৭নি। নুমিৎ অসিদা লৈবাক অসিদা পোজিতিব কেসলোদ অসি ১৪.১১% নি। মসিনা মশিং হন্থবরোম্দা লাক্লি। স্তেত/য়ু.তি. ১০ গী ওইনা ৭৭% এক্তিব কেসনি। লৈবাক অসিদা পুং ২৪ অসিদা অনৌবা কেস পুন্না ৭৪,৪৪২গী পাউদম লৈরি। স্তেত/য়ু.তি. ১০ গী ওইনা ৭৮% অনৌবা কেস ওইরি। মহারাস্ত্রা খক্তনা ১২,০০০ অনৌবা কেস ওইরি। হায়রিবা অসিগী মতুংদা কর্নাতকা ১,০০০ কেস ওইদুনা চৎলি। পুং ২৪ অসিগী মনুংদা স্তেত/য়ু.তি. ১০দা শিখিবা মশিং ৯০৩ রেজিস্তর তৌরি। স্তেত/য়ু.তি. ১০ গী ওইনা ৮২% অশিবগী পাউদম লৈরি। ৩২৬ শিদুনা মহারাস্ত্রা খক্তনা ৩৬% শিবগী পাউ লৈরি অসিগী মতুংদা কর্নাতকাদা অশিবা ৬৭নি।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1661689

দা. হর্শ বর্ধন্না মোতিলাল নেহরু মেদিকেল কোলেজ, প্রয়াগরাজকী সুপর স্পেসিএলিতী ব্লোক অসি দেদিকেতেদ কোবিদ হোস্পিতাল অমা ওইনা শঙ্গাখ্রে

হকশেল অমসুং য়াইফ য়ুম্বালগী কেন্দ্রগী মন্ত্রী দা হর্শ বর্ধন্না উত্তর প্রদেশকী মুখ্য মন্ত্রী শ্রী য়োগী অদিত্যনাথকা লোয়ননা মোতিলাল নেহরু মেদিকেল কোলেজ, প্রয়াগরাজকী সুপর স্পেসিএলিতী ব্লোক (এস.এস.বি.) অসি দেদিকেতেদ কোবিদ হোস্পিতাল অমা ওইনা দিজিতেলগী থোংদা শঙ্গাখ্রে। ফমুং ২২০ থাবা ফেসিলিতী অসি জাতিদা কোবিদ হোস্পিতাল (দি.সি.ঐচ.) অমা ওইনা কত্থোকখ্রে। আই.সি.এম.আর.না ইনস্তোল তৌখিবা মখোয়গী রেজিনেলগী কোবিদ তেস্তিং লালোং হেনগৎহন্নবা উত্তর প্রদেশতা অহানবা হায় থ্রুপুৎ কোবাস ৬৮০০ মেছিন কেন্দ্রগী হকশেল মন্ত্রীনা দিজিতেল ওইনা শঙ্গাখি। প্রধান মন্ত্রী স্বাস্থ্যা সুরক্ষা য়োজনাগী (পি.এম.এস.এস.ৱাই.) মখাদা লুপা করোর ১৫০ থাদদুনা সুপর স্পেসিএলিতী ব্লোক অসি শাখি। মসিদা ন্যুরোলোজী, ন্যুরোসর্জরী, নেফ্রোলোজী, য়ুরোলোজী, প্লাস্তিক সর্জরী, এন্দোক্রিনোলোজী, সর্জিকেল ওনকোলোজী, কারদিওথোরাসিক অমসুং বাস্কুলর সর্জরীগী দিপার্তমেন্তশিং লৈরি। কোবাস ৬৮০০ হায় থ্রুপুৎ মেছিন লোঞ্চ তৌবদা, দা হর্শ বর্ধন্না হায়খি “মপুং ফানা ওতোমেতেদ, হায় এন্দ মেছিন ওইরিবা কোবাস ৬৮০০ অসিনা কোবিদ১৯গী রিএল তাইম পি.সি.আর. তেস্তিং পাঙথোক্নবগীদমক পুং ২৪দা সেম্পল ১২০০রোমগী হায় থ্রুপুৎকা লোয়ননা অফবা, হায়-ভোল্যুম তেস্ত তৌহনবা ঙম্লগনি। কোবাস ৬৮০০না ভাইরেল হেপাতাইতিস বি অমসুং সি, ঐচ.আই.ভি., এম.তি.বি. (রিফামপিসিন অমসুং আইসোনিয়াজাইদ রেজিস্তেন্স অনিমক), পাপিলোমা, সাইতোমেগালোভাইরস, ক্লমিদিয়া, নাইসেরিয়া অসিনচিংবা অতোপ্পা পেথোজেনশিংসু খঙদোকপা ঙমগনি।” মসি রিমোৎনা চল্লাইগনি অমসুং মীওইবগী মথৌ কয়া তারোই হায়না মহাক্না ফোঙদোকখি।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1661723

সন্দে সমবাদ-৪ মনুংদা দা. হর্শ বর্ধন্না সোসিএল মীদিয়া য়ুজরশিংগা লোয়ননা ৱারী ৱাতাই শাখ্রে

হকশেল অমসুং য়াইফ য়ুম্বালগী কেন্দ্রগী মন্ত্রী দা. হর্শ বর্ধন্না সন্দে সমবাদকী মরিশুবা তাঙ্কক্তা মহাক্কী সোসিএল মীদিয়াদা ৱারী ৱাতাই শারিবা মীওইশিংনা পোস্ত তৌরকপা ৱাহংশিংগী পাউখুম পীখি। তাঙ্কক অসিদা ৱাহংশিং হংবা পাম্লিবশিংনা মখোয়গী ৱাখলদা কোবিদকী বেক্সিনগী মতাং অসিনা খ্বাইদগী মরু ওইবা হীরম অমা ওইখি। মহাক্না কোবিদতা প্লাজমা থেরপী শীজিন্নবা, কোবিদ লায়চৎ অসিগী লৈরক অসিদা ২০২৫ ফাওবগী মনুংদা তি.বি. মপুং ফানা মুত্থৎপা অমসুং ভারতকী স্কুলশিং হাংবা অসিগুম্বা মরী লৈনবা হীরমশিং অসিগী মতাংদা মচাখাইনা থমখি। বেক্সিনশিং য়েন্থোকপদা অহানবা খুদোংচাবা পীবগী মতাংদা হংলকখিবা ৱাহংশিংগী মতাংদা, দা. হর্শ বর্ধন্না পাউখুম পীরদুনা হায়খি হকশেল মন্ত্রালয়না হৌজিক রাজ্যশিংনা বেক্সিন অসি হান্না ফংহনগদবা মীওইশিং মরু ওইনা কোবিদ-১৯ লাকশিন্নবা থবক তৌরিবা হেল্থ ৱার্করশিংগী লিস্তশিং পীখৎলক্নবা ফোর্মেৎ অমা শেম্লি। মাংজিল থারিবা হেল্থ ৱার্করশিংগী লিস্ত অসিদা সরকারগী অমদি লনাই সেক্তর অনিমক্তগী দোক্তরশিং, নর্সশিং, পেরামেদিক্স, সেনিতরী স্তাফ, আশা ৱার্করশিং, সর্ভিলেন্স ওফিসরশিং অমসুং ত্রেসিং, তেস্ততিং তৌবা অমদি অনাবশিং লায়েংবগী অতোপ্পা লমশিংদা থবক তৌরিবা কাংলুপশিং য়াওগনি। থবক অসি ওক্তোবরগী অরোইবা শরুক ফাওবদা মপুং ফাহন্নবা পান্দম থম্লি অমসুং রাজ্যশিংনা কোল্দ চেন ফেসিলিতীশিং অমসুং ব্লোক্কী থাক্তা মথৌ তাবা অতোপ্পা মরী লৈনবা ইনফ্রাস্ত্রকচরগী অকুপ্পা ৱারোলশিং পীখৎলক্নবা চেকশিন্না লমজিং-লমতাক্লি। কোবিদ-১৯গী ইমর্জেন্সীগী ওইবা থৌরাংশিং ইমপ্লিমেন্ত তৌনবা সরকারনা ফাইনান্সিং এজেন্সীশিংদগী ফিস্কেল কন্সিদরেসনগা মরী লৈনহল্লোই। বেক্সিনেসনগী মতুংদা থোরকপশিং অসি মহৌশানি হায়না দা হর্শ বর্ধন্না ফোঙদোক্লদুনা মহাক্না হায় বেক্সিনেসনগী মতুংদা থোকরকপা নুংঙাইদবশিংদা ইঞ্জেক্সন থিনবা মফমদা নারকপা, লাইহৌ তৌবা অমসুং ঙাংখৎলকপা অসিগুম্বা অনাবা, হুমাং কাংখৎপা, সীনকোপ নত্রগা ৱান্থবা অসিগুম্বা নুংঙাইদবা য়াওরি অমসুং হায়রিবশিং অসি মতম খরখক্তগীনি অমসুং বেক্সিন অসিনা ঙাকথোকপা ঙম্বগী মপাঙ্গলদা অকায়বা থোক্লোই। ক্লিনিকেল ত্রাইএলশিং মপুং ফানা মাই পাকখ্রবা বেক্সিনশিং অসিনা খুদোংথিবা থোহন্দনবা অমসুং নোবেল কোরোনাভাইরসকী ময়োক্তা মপুং ফানা লান্থেংনবা ঙম্নবা ভারতনা থবক কন্না চত্থরি। হ্যুমেন চেলেঞ্জ স্তদীশিং অসি পাঙথোকপা মতমদা চেকশিল থৌরাংশিং অমসুং থোরকপা য়াবা অদু কুপনা কন্থবা মথৌ তাই। মসিদগী ফংলক্কদবা কান্নবশিং অসিনা মীওইবদা খুদোংথিবা থোকহল্লোই হায়বগী মরম ময়েক শেংনা পীগদবনি হায়না মহাক্না ফোঙদোকখি।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1661531

আয়ুশ সেক্তরগী ইনখৎলক্লিবা য়াংলেন শরু ওইরিবা আয়ুশ গ্রিদনা থবক তৌবগী মতাংদা নেস্নেল দিজিতেল হেল্থ মিসনগা পুল্লগনি

আয়ুশ সেক্তরগী ইনখৎলক্লিবা য়াংলেন শরু ওইরিবা আয়ুশ গ্রিদনা থবক তৌবগী মতাংদা নেস্নেল দিজিতেল হেল্থ মিসন (এন.দি.ঐচ.এম.)গা পুনবগী ৱাহৌদোক অসি আয়ুশ মন্ত্রালয়গী সেক্রেতরী ভাইদ্যা রাজেশ কোতেচানা লুচিংদুনা হন্দক্তা ফমখিবা মীফমদা শৌগৎখি। আয়ুশ গ্রিদ তীম অমসুং এন.দি.ঐচ.এম.না ৱারী খন্নবগী তাঙ্কক কয়া পাঙথোক্লবা মতুংদা চৎনগদবা কাঙলোনশিংগী মতাংদা য়ানবা পুরকখিবনি। মসিগী পুনবগী থৌওং অসিনা তোঙান তোঙানবা হকশেলগী তঙাই ফদবা লৈবা মীওইশিংদা য়াম্না কান্নগনি। মসিগী থৌওং অসিনা আয়ুশকী লায়েংবগী থৌওংবু মীয়াম পুনবনা শিজিন্নহনবদা খুমাং চাউশিলহনগনি। আয়ুশকী সেক্রেতরীনা আয়ূশ গ্রিদ প্রোজেক্তকী মখাদা পাঙথোক্লিবা আই.তি.গী থৌওংশিংগী হৌজিক্কী ওইবা ফিভমশিংসু য়েংশিনখি। হৌখিবা চহি অনিদা প্রোজেক্ত অসিনা আয়ুশ সেক্তরগী মনুংদা লৈরিবা দিজিতেলগী ওইবা অহাংবা শম্নহনবা অমসুং আই.তি.গী মরু ওইবা হেল্থকেয়র প্রোজেক্তশিং পাঙথোকপদসু য়াম্না তেংবাংখি হায়বসি খঙবা ঙমখি। আয়ুশ সেক্তর অপুনববু দিজিতাইজেসন তৌবা অসিনা রিসর্চ, এজুকেসন, তোঙানব তোঙানবা হকশেলগী প্রোগ্রামশিং অমসুং দ্রগকী কাঙলোনশিং য়াওনা থাক খুদিংদা হেল্থ কেয়র পীবগী মতাংদা শেমদোকপা কয়া অমা পুরকপা ঙমগনি। মসিনা লৈবাক অসিদা লৈরিবা মীয়ামশিং য়াওনা স্তেকহোলদরশিংদা কান্নবা পীবতা নত্তনা হেল্থ কেয়রগী মতাংদা লৈবাক্কী অমসুং মালেমগী ওইবা পান্দম কয়া অমসু ফংহনবা ঙমগনি।

অকুপ্পা ৱারোলগীদমক: https://www.pib.gov.in/PressReleasePage.aspx?PRID=1660936

য়ুমদগী কোরোনাগী লায়েং ফংহন্নবা তেলিমেদিসিন আই.আই.তি. খরগপুরনা পুথোকখ্রে

মতম হৌখিবগা লোয়ননা বেক্সিনশিং পুথোরক্তবা অসিনা হেল্থক্যের সিস্তেমদা আশা থম্বদি হেনগৎলক্লি অমরোমদা হেল্থক্যের ৱার্করশিংনা লায়না অসি নারকপা য়াবগী ফীভমদা মখা তানা লৈরি। সমস্যা অসি কোকহন্নবা, আই.আই.তি. খরগপুরগী কম্প্যুতর সাইন্স অমসুং ইঞ্জিনীয়রিং বিভাগকী রিসর্চরশিংনা আইমেদিএক্স কৌবা তেলিমেদিসিন সিস্তেম অমা পুথোকখ্রে। সিস্তেম অসিদা হোমক্যের লোয়ননা হোস্পিতালগী হেল্থক্যের সর্ভিসশিং পুনশিল্লি। লায়চৎ অসিনা মরম ওইরগা অথুবদা মথৌ তারিবশিং অসি য়েংলগা, ফিজিসিয়ন অমগা লাপনা কনসল্তেসন তৌবগী খুত্ধাংদা অনাবা মীওইশিংদা মখোয়গী য়ুমদা ক্রিতিকেল হেল্থ ক্যের সপ্পোর্তকী খুদোংচাবশিং সিস্তেম অসিনা ফংহল্লি। সিস্তেম অসি স্তেন্দর্দ ব্রাউজর অমা হেক্তনা অমদি মোবাইল দিবাইজতগী একসেস তৌবা য়াগনি। সিস্তেম অসিদা অনাবা মীওই অমনা মহাক্কী ইমেল আই.দি. নত্রগা মোবাইল নম্বর পীদুনা একাউন্ত অমদা সাইন-অপ তৌগনি। মতুংদা অনাবা মীওই অসিনা হোস্পিতাল অদুগী বিভাগ অমা খন্দুনা, মরু ওইনা নুংঙাইত্রিবা অদু হাপতুনা অমসুং মথৌ তাবা মেদিকেল রেকোর্দশিং স্কেন তৌদুনা অপলোদ তৌরগা কনসল্তেসন তৌনবা রিক্বেস্ত অমা তৌবা য়াগনি। হোস্পিতালগী এদমিনিস্ত্রেসন্না রিক্বেস্ত অসি প্রোসেস তৌরগা দোক্তর অমা এসাইন তৌগনি। দোক্তর অদুনা লোগ ইন তৌরগা অনাবা মীওই অদুগী এপ্পোইন্তমেন্তগী তাং অমসুং মতম অমা পীরক্কনি অমসুং সিস্তেম অসিনা মরোলশিং অসি অনাবা মীওই অদুগী ইমেল অমসুং এস.এম.এস.তা খঙহল্লক্কনি। ভিজিৎকী নুমিৎ অদুদা দোক্তরনা অনাবা মীওই অদুগা ভিদিও কনফরেন্সিং শীজিন্নদুনা লায়েংগনি অমসুং অনাবা মীওই অদুদা প্রেসক্রিপসন অমা ইদুনা ইমেলদা থাগনি। অনাবা মীওই অদুনা মহাক্কী একাউন্তদগী প্রেসক্রিপসন অদু দাউনলোদ তৌবা য়াগনি।

অকুপ্পা ৱারোলগীদমক: https://www.pib.gov.in/PressReleasePage.aspx?PRID=1661053

প্রধান মন্ত্রীনা অতল তনেল জাতিদা কত্থোকখ্রে

প্রধান মন্ত্রী শ্রী নরেন্দ্র মোদীনা ঙসি মনালিগী সাউথ পোর্তেলদা লৈবা মালেমগী ওইনা খ্বাইদগী শাংবা হায়ৱে তনেল – অতল তনেল অসি জাতিগীদমক কত্থোকখ্রে। কি.মি. ৯.০২ শাংবা তনেল অসিনা চহী চুপ্পা মনালিদগী লহাউল-স্পিতি তম্পাক ফাওবা শম্নহল্লি‍। মমাংদা তম্পাক অসি চহী খুদিংগী থা ৬ উন কন্না তাবনা মরম ওইরগা শম্নদনা লৈরমখি‍। তনেল অসি হিমালয়াগী পির পঞ্জাল চীংশাংদা মীন সী লৈভেল (এম.এস.এল.)দগী মিতর ৩০০০ (ফুৎ ১০,০০০) ৱাংবা মফমদা অল্ত্রা-মোদর্ন স্পেসিফিকেসন শীজিন্নদুনা শাবনি‍। তনেল অসিনা মনালি অমসুং লেহগী মরক্কী লম্বীগী অশাংবা কি.মি. ৪৬ অমদি চৎপগী মতমনা পুং ৪ দগী ৫ ফাওবগী চাংদা হন্থহল্লে‍। প্রধান মন্ত্রী শ্রী মোদীনা তনেল অসিগী সাউথ পোর্তেলদগী নোর্থ পোর্তেল ফাওবা চৎখি অমসুং মেন তনেল অসিমক্তদা য়াওরিআ ইমর্জেন্সী ইগ্রেস তনেল অদুসু য়েংশিনখি। মহাক্না থৌরম অসিদা “দি মেকিং ওফ অতল তনেল”গী পোক্তোরিএল একজিবিসন অমসু মীৎয়েং তাবা ফংখি। মহাক্কী ৱারোলদা, প্রধান মন্ত্রীনা হায়খি নুমিৎ অসি ইতিহাসিক ওই মরমদি মসিনা হান্নগী প্রধান মন্ত্রী অতল বিহারী বাচপেয়ীগী মঙলান অদু মহৈ য়ানহনবতা নত্তনা লম অসিগী মীওই করোর কয়ানা চহি কয়া মঙজরকপা মঙলানসু ওইথোকহনবা ঙম্লে। মহাক্না হায়খি অতল তনেলনা হিমাচল প্রদেশ লোয়ননা অনৌবা য়ুনিয়ন তেরিতরী ওইরিবা লেহ-লদাক্কী চাউরবা শরুক্কী লাইফলাইন ওইরগনি অমসুং মসিনা মনালি অমসুং কীলোংগী মরক্তা লৈরিবা অরাপ্পা অদু পুং ৩-৪ হন্থহনবা ঙম্লগনি। মহাক্না মখা তারদুনা হায়খি হিমাচল প্রদেশ অমসুং লেহ-লদাক্কী শরুকশিং অসি লৈবাক্কী লেমহৌরিবা শরুকশিংগা হৌজিক শম্নরগনি অমসুং মসিনা শেন্মীলোন খুমাং চাউশিনহনবা ঙম্লগনি।

অকুপ্পা ৱারোলগীদমক: https://www.pib.gov.in/PressReleasePage.aspx?PRID=1661260

হিমাচল প্রদেশকী রোহতংদা লৈবা অতল তনেল শঙ্গাবগী থৌরমদা পি.এম.না পীখিবা ৱারোল

অকুপ্পা ৱারোলগীদমক: https://www.pib.gov.in/PressReleasePage.aspx?PRID=1661271

আই.সি.সি.আর.না শীনবা তেক্সতাইলগী চৎনবীশিংগী ইন্তরনেস্নেল ৱেবিনারদা প্রধান মন্ত্রী ৱা ঙাংখ্রে

থাংজা নুমিৎতা আই.সি.সি.আর.না শীনবা তেক্সতাইলগী চৎনবীশিংগী ইন্তরনেস্নেল ৱেবিনারদা প্রধান মন্ত্রী শ্রী নরেন্দ্র মোদী ৱা ঙাংখ্রে। থৌরম অদুদা ৱা ঙাংবদা প্রধান মন্ত্রীনা হায়খি তেক্সতাইলগী থবকশিংদা কনাগুম্বা অমনা ঐখোয়গী পুৱারি, খেন্নবশিং অমসুং খুদোংচাবশিং উবা ফংগনি। প্রধান মন্ত্রীনা হায়খি গান্ধীজিগী ১৫০সুবা মপোক কুমওনগা মরী লৈন্না থৌরম অসি পাংথোকপনি। ফি শাবগী থবক অমসুং খুন্নাইগী ফিবম ফগৎহনবা অনিগী মরক্তা লৈনরিবা অচেৎপা মরী অদু মহাত্মা গান্ধীনা উখি অমসুং ভারতকী নিংতম্বগী ইহৌদা অচম্বা তরেং অসি মরুওইবা খুদম অমা ওইহনখি। চক্রনা ঐখোয় লৈবাক অমদা অমতা ওইনা পুনশিনখি। প্রধান মন্ত্রীনা হায়খি অত্মানির্ভর ভারত নৎত্রগা মশাগী ওক্নবা পুথোকপা ভারত অমা শেমগৎনবা তেক্সতাইল সেক্তরনা মরুওইবা সেক্তর অমা ওইনা মতেং পাংগনি। হিরম অসিদা হৈশিংবা হেনগৎহনবা, শেন-থুমগী মতেং পাংনবা অমসুং খ্বাইদগী নৌবা তেক্নোলোজিশিং ফংহন্নবা সরকারনা মরুওইবা মিৎয়েং থম্লি। ঐখোয়গী ফিশাবা মীওইশিংনা মালেম থাক্কী পোৎথোকশিং পুথোক্নবদা মতেং পাংনবা, মালেমগী খ্বাইদগী অফবা থবকশিং তম্বা ঐখোয়না পাম্মি। ৱেবিনার অসিদা ৱাখল্লোলশিং পীথোক-পীশিন তৌনবা অমসুং খ্বাইদগী ফবা থবকশিং শরুক য়ামিন্নবা অসিনা মতেং পাংনবগী অনৌবা মফমশিং শেম্লগনি। প্রধান মন্ত্রীনা হায়খি মালেম শীনবা থুংনা তেক্সতাইল সেক্তরনা নুপী কয়া থবক ফংহল্লে। অসুম্না, তেক্সতাইলগী থবকশিং ফগৎহনবনা নুপীশিং শক্তি পীবদা মতেং পাংগনি।

অকুপ্পা ৱারোলগীদমক: https://www.pib.gov.in/PressReleseDetail.aspx?PRID=1661376

আই.সি.সি.আর. অমসুং য়ু.পি.আই.দি.না শিনখিবা ৱেবিনারদা ভারতকী তেক্সতাইলগী লৈরিবা চৎনবী অসিগী মতাংদা পি.এম.গী ৱারোল

অকুপ্পা ৱারোলগীদমক : https://www.pib.gov.in/PressReleseDetail.aspx?PRID=1661385

প্রধান মন্ত্রীনা বৈভব ২০২০ সম্মিৎতা থৌরম হৌদোকপগী ৱারোল পীখ্রে

“হৌগৎলক্লিবা নহাশিংদা সাইন্সতা পুক্নিং চিংশিনবা অসি তানফম অসিদা খ্বাইদগী তঙাই ফদবা অমা ওইরি। মসিগীদমক ঐখোয়না ইতিহাসকী লৈরিবা সাইন্স অমসুং সাইন্সকী লৈরিবা ইতিহাসঅসি মমুৎ তাবা খঙবা তাই”, হায়না প্রধান মন্ত্রী শ্রী নরেন্দ্র মোদীনা ঙসি মীরৈবাক্কী অমসুং ভারত্তা লৈরিবা রিসর্সরশিং অমসুং একাদেমিসিয়নশিংগী ওইবা গ্লোবেল ভর্চ্যুএল সম্মিৎ অমা ওইরিবা বৈসবিক ভার্তিয়া বৈগ্যানিক (বৈভব) হৌদোকপদা ফোঙদোকখি। “বৈভব ২০২০ সম্মিৎতা ভারত অমসুং মালেমগী লৈরিবা সাইন্স অমসুং ইন্নোবেসন অসি পাল্লন তৌরি। ঐহাক্না মসি লৌশিং লৈবা কয়াগী অশেংবা সঙ্গম নত্রগা মীফম অমনি হায়না লৌরি, মীফম অসিগী খুত্থাংদা ঐখোয়না পুন্না ফমদুনা ভারত অমসুং গ্রহ অসি ফগৎহন্নবগীদমক লোয়নাইদ্রবা মরী অসি থম্নবা হোৎনরি”, হায়না মহাক্না ফোঙদোকখি। শ্রী নরেন্দ্র মোদীনা হায়খি, ভারত সরকারনা সাইন্তিফিক রিসর্স অমসুং ইন্নোবেসন খুমাং চাউশিন্নবা খোঙথাং কয়া লৌখৎখ্রে মরমদি সোসিও-ইকনোমিক্কী ওইবা অওনবশিং পুরক্নবা ঐখোয়না হোৎনরিবশিং অসিদা সাইন্স অসি মরু ওইবা অমা ওইরি। প্রধান মন্ত্রীনা বেক্সিনশিং পুথোকপা অমসুং বেক্সিনেসন প্রোগ্রাম পাঙথোকপদা ভারতনা কন্না হোৎনরি হায়না ফোঙদোকখি। মহাক্না হায়, ২০১৪দা বেক্সিন পুথোকপদা কুইনা লেপলুবা অসি হৌজিক মখা চত্থরে। ঐখোয়গী ইম্ম্যুনাইজেসন প্রোগ্রামদা অনৌবা বেক্সিন মরি হাপচিনখ্রে। মসিদা লৈবাক অসিদা শাজবা রোতাভাইরস বেক্সিন য়াওরি। শ্রী নরেন্দ্র মোদীনা চহি কুনথ্রাগী মতুংদা লৈবাক পুম্বদা কুপ্না খন্নরবা মতুংদা পুরকখিবা নেস্নেল এজুকেসন পোলিসি ২০২০গী মতাংদা পাউদমখি। পোলিসী অসিনা সাইন্সতা লৈরিবা খঙনীংবা-হৈনীংবগী থৌনা হাপতুনা মসিনা সাইন্তিফিক রিসর্স হেনগৎহন্নবদা মথৌ তাবা থৌনাঅদু পীরগনি। মসিনা নহা ওইরিবা তেলেন্তপু য়োকখৎনবা অচৌবা অমসুং অফবা মফম অমা ওইহনবা ঙম্লগনি।

অকুপ্পা ৱারোলগীদমক: https://www.pib.gov.in/PressReleasePage.aspx?PRID=1661131

বৈশ্বিক ভারতীয়া বৈগ্যনিক (বৈভব) সম্মিৎ ২০২০দা পীখিবা প্রধান মন্ত্রীগী ৱারোল

অকুপ্পা ৱারোলগীদমক: https://www.pib.gov.in/PressReleasePage.aspx?PRID=1661163

হিন্দুস্তান চেম্বর ওফ কম্মর্সকী ৭৪শুবা চহীগী ওইবা সেসন অদুদা শ্রী পিয়ুশ গোয়লনা ৱা ঙাংখ্রে

হিন্দুস্তান চেম্বর ওফ কম্মর্সকী ৭৪শুবা চহীগী ওইবা সেসন অদুদা কম্মর্স অমসুং ইন্দস্ত্রী অমসুং রেলৱেগী কেন্দ্রগী মন্ত্রী শ্রী পিয়ুশ গোয়লনা ঙসি ভর্চুয়েল্লি ওইনা ৱা ঙাংখ্রে৷ হিন্দুস্তান চেম্বর ওফ কম্মর্সনা লাইনা-লাইচৎ অসিগী মনুং অসিদা কান্নবা মরু ওইবশিং মশক খঙহল্লিবা য়াম্না চান্নবা হিরম অমা ওইরিবা কম্মর্সকী চেম্বরশিংগী থৌদাংদা অমসুং তেক্নোলোজীগী মরু ওইবশিংদা মীৎয়েং থমদুনা চহীগী ওইবা সেসন অসি পাংথোকপনি হায়না মহাক্না ফোংদোকখি৷ চেম্বর ওফ কম্মর্সকী থৌদাং অসি নুংতি নুমিৎ খুদিংগী হেন্না মরু ওইবা হেল্লক্লি হায়দুনা মন্ত্রী অদুনা ফোংদোকখ্রে৷ চেম্বর অসিনা পাইখৎলিবা ইনিসিয়েতিবশিং অসিনা মখোয়না পাংথোকপা ঙমগদবা থবকশিং মদু ময়েক শেংনা উৎলে হায়দুনা মহাক্না ফোংদোকখি৷ চেম্বরশিং অসিনা সরকার অসিগা মরী লৈনবা থবকশিং, ব্যুজিনেস প্রোব্লেমশিং থেংন্নবা ইন্নোভেতিব সোলুসনশিং অমসুং কোবিদ অসি থেংনবদা সেঙ্কতিতী কাইহন্দনা থমবদা চেম্বরশিং অসিনা য়াম্না মরু ওইবা থৌদাং লৌখ্রে৷ ভারত ব্যুজিনেসকী অশেংবা রিসাইলেন্স অদু চাংয়েং তৌনবগীদমক মসিনা খ্বাইদগী মতিক চারবা মতমনি হায়না মন্ত্রী অদুনা ফোংদোকখি৷ ঐখোয়না পি.পি.ই.শিং, মাক্সশিং, ভেন্তিলেতরশিং অমসুং হিদাক-লাংথকশিং খ্বাইদগী য়াম্না পুথোকপা লৈবাক অমা খক্তা নত্তনা পোত্থোকশিং অদুবুসু মপানদা থাদোকপা ঙম্লি হায়দুনা মহাক্না ফোংদোকখি৷ য়াম্না চেকশিন্না চৎথরিবা লোক দাউনগী মতম অসিগী মনুং ফাওবদা ঐখোয়গী পোত্থোকশিং মপান লৈবাক্তা লেপ্পা লৈতনা থাদোকপা অসিনা ভারত অসি চৎমিন্নবা য়াবা পার্তনর অমনি হায়না মালেমদা উৎখ্রে৷ হৌজিক্তি মালেম অসিনা ভারতপু থাজবা য়াবা, গ্লোবেল সপ্লাই চেন্দা চৎমিন্নবা য়াবা পার্তনর অমনি হায়না খনখ্রে৷ “লাইনা-লাইচৎ অসিগী মাইয়োক্তা ভারতনা তৌরিবা থবকশিং অমসুং ঐখোয়গী ফবগী চাং য়াম্না ৱাংবা অসিনা ভারতপু মালেম পুম্বা অসিনা মশক খঙলে৷ সেল্ফ-রিলাইন ওইনবা, ওপরেসনগী স্কেল চাওথোক্নবা, অফবা মেনুফেকচরিং প্রেক্তিসশিং পুথোকপদা ভারতকী তৌবা ঙম্বশিং পুম্নমক মালেম অসিনা মশক খঙখ্রে৷ ঐখোয়গী ইন্দস্ত্রী অসি ভারতকী মীয়ামশিংগী অশা অদুগী মতুং ইন্না ফগৎলকলে হায়না ঐনা চাওথোক্না হায়বা ঙম্মি”, হায়না মহাক্না ফোংদোকখি৷

অকুপ্পা ৱারোলগীদমক: https://www.pib.gov.in/PressReleasePage.aspx?PRID=1661390

কোবিদকী অকিবা লৈনরিঙৈ মরক্তা খাদি ইন্দিয়াগী ফ্লেগশিপ আউৎলেৎনা গান্ধী জয়ন্তি নুমিত্তা মশক থোকপা মওংদা লুপা করোর ১.০২গী পোৎ য়োনখ্রে

খাদি পাম্বশিংগী থৱাই য়াওবগী চাংনা হেনখিদুনা হন্দক্কী গান্ধী জয়ন্তি অসিদা দিল্লীগী কননাউৎ প্লেস্তা লৈবা খাদি ইন্দিয়াগী আউৎলেৎনা মশক থোকপা ওইনা লুপা করোর ১দগী হেনবগী পোৎ য়োনখি। হৌজিক্কী ওইরিবা কোরোনাগী ইরাং মরক অসিদা ওক্তোবর ২, ২০২০ (ইরাই) নুমিত্তা খাদি য়োনবগী শেনফম অসি য়াম্না ৱাংবা ওইনা লুপা ১,০২,১৯,৪৯৬কী পোত্থোক য়োনখি।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1661516

নই দিল্লীদা ইন্তিগ্রেতিব হেল্থকেয়র অমসুং কম্মুনিকেসনগী মতাংদা পাংথোকখিবা গ্লোবেল কনফরেন্সতা কেন্দ্রগী মন্ত্রী দা.জিতেন্দ্র সিংহনা ৱা ঙাংখ্রে

ইন্তিগ্রেতেদ হেল্থকেয়র অমসুং কম্মুনিকেসনগী মতাংদা মালেম অসিগী তোঙান তোঙানবা লৈবাকশিংগী এক্সপর্তশিংনা শরুক য়াদুনা পাংথোকখিবা গ্লোবেল কনফরেন্স অদুদা কোবিদনা মেদিকেল ফ্রাতরনিতীদা পুক্নিং চংলম্বা অদু ইন্তিগ্রেতেদ হেল্থকেয়রদা মাই ওনশিলহনখ্রে অমসুং মালেম অসিগী ফিজিসিয়নশিংনা মেদিকেল মেনেজমেন্তগী তোঙান তোঙানবা স্ত্রিমশিংগী মনুংদা ওপ্তিমম সিনরজিসমগীদমক হেন্না য়েংশিল্লি হায়দুনা কেন্দ্রগী মন্ত্রী দা.জিতেন্দ্র সিংহনা ফোংদোকখ্রে৷ ৱেবিনর অদুদা শরুক য়াখিবা অতোপ্পা মশক নাইবশিং অদুদি কেলিফোর্নিয়া য়ুনিভর্সিতীগী প্রোফেসর ইলিসা ইপেল, হার্ভার্দতগী দা.পিতর ৱেইন, লেতিন এমেরিকাদগী দা. সুসন বৱর ৱু, হার্ভার্দতগী প্রোফেসর ভিক্রম পতেল অমসুং অতোপ্পা মীওইশিংনা থৌরম অদুদা শরুক য়াখি৷ কোবিদ লাইনা-লাইচৎ অসিগী মনুং অসিদা তোঙান তোঙানবা এলোপেথিক মেদিকেল প্রোফেস্নেলশিংনা অয়ুশতগী অমসুং হোমিয়োপেথিক্তগী শেমলক্লিবা ইম্ম্যুল কনখৎনবা হিদাকশিং অমসুং রেসিস্তেন্স বুস্তরশিং অদু পামজবগী মতৌ উৎলকখ্রে হায়দুনা দা.জিতেন্দ্র সিংহনা ফোংদোকখ্রে৷

অকুপ্পা ৱারোলগীদমক: https://www.pib.gov.in/PressReleseDetail.aspx?PRID=1661387

সাইনা কোবিদ-১৯ ওইরবা হাই পার্ফোর্মেন্স এথলেৎশিংগী "গ্রেজুএতেদ রিতর্ন তু প্লে" (জি.আর.তি.পি.)গী এস.ও.পি. থোকখ্রে
এথলেৎ খুদিংমক্কী হকচাং ফনা থমগদবনি হায়বা পান্দম অসিদা স্পোর্তস ওথোরিতী ওব ইন্দিয়া (সাই)না সাই সেন্তরশিংদা লৈরিবা অমসুং কোবিদ ১৯ ভাইরস পোজিতিব ওইরবা হাই পার্ফোর্মেন্স এথলেৎশিংগী চৎন-কাংলোন (এস.ও.পি.) থোকখ্রে। "গ্রেজুএতেদ রিতর্ন তু প্লে" (জি.আর.তি.পি.) হায়না খঙনবা অনৌবা চৎন-কাংলোনশিং অসিগী মখাদা সাইগী ওফিসিএল অমসুং সেন্তর খুদিংমক্না কোবিদ-১৯ পোজিতিব ওইরবা অমসুং সাই ফেসিলিতীদা ত্রেনিং তৌদুনা লৈরিবা এথলেৎশিংগী ফিবম ফগৎলকপগী য়েংশিন্নবা হায়খ্রে। এস.ও.পি. অসি কোবিদ-১৯ কেস্তা য়ুম্ফম ওইদুনা কাংলুপ অহুম থোক্না খায়দোক্লি। অনৌবা চৎন-কাংলোনশিং অসিগী মনুংদা, সাই ওফিসিএল খুদিংমক্তা অকনবা পাউতাক পীখি অমসুং কোবিদ-১৯ ভাইরস পোজিতিব ওইরবা এথলেৎশিংবু ত্রেনিং পীবগী মতাংদা অহেনবা মথৌ হাপখি। সাইনা মেদিকেল অমসুং পেরামেদিকেল এক্সপর্তশিং সেন্তর খুদিংমক্তা এথলেৎশিংদা কোবিদ-১৯ শন্দোক্লকপা য়েংনবগী ক্লিনিকেল এসেস্মেন্ত তৌনবা অমসুং এস.ও.পি. অসিদা তাক্লিবা চৎন-কাংলোনশিং অসি মপুং ফানা ইন্নবা হায়রি। মখা তানা, কোচশিংনা নুমিৎ ৭নি লাইওং উত্ত্রবা কোবিদ-১৯গী শেল্ফ লিমিতিং কোর্স তৌরিবা মশা ফবা অনাবশিংদা মহৌশাগী চাংদগী চাদা ৫০দা শাজেল তৌনবগী প্লান অমা য়াৎনবা খঙহনখি।

অকুপ্পা ৱারোলগীদমক: https://www.pib.gov.in/PressReleasePage.aspx?PRID=1661278

পি.আই.বি. ফিল্দ ওফিসশিংদগী ফংবা পাউ

•           কেরলা: কেরলাদা নুমিৎ ১৫নিদা জিলা মরিদা কোবিদ-১৯গী কেস ১০,০০০গী মথক্তা হেনগৎলকপা থেংনখিবদা পাখৎপা ফোংদোকখি; থিরুৱানন্থাপুরম, মলাপুরম, কোঝিকোদে অমসুং এর্নাক্যুলমদা নোংমদা লেপ্তনা হেনগৎলকপা থেংনখি। অনৌবা কেস ৮,৫৫৩ থেংনখিবগা লোইননা কোবিদ ত্রান্সমিশন তৌবা লেপ্তনা হেনগৎলক্লবা ফোংবদা রাজ্য অসিনা নোংমাইজিং নুমিত্তা ৪,৮৫১ ফগৎখি, হায়রিবা অসি হোজিক ফাওবদা নোংমদা খ্বাইদগী ৱাংবা ওইখি।

•          তামিল নাদু: কোইম্বাতোরদা ই.এস.আই. হোসপিতালদা  ওক্সিজেন সপ্লাই ৱাৎপদগী হন্দক্তা কোবিদ-১৯ পেসেন্ত তরা শিখিবগী মতাংদা এলিগেশনশিং লৈখিবগী মতাংদা, হোসপিতালগী দীন, এ. নির্মলানা ৱাফম অদু শেংদোকখি অমসুং আয়খি মদুদি শিখিবা অদু ভাইরস অদু শাথিবনা মরম ওইরগা থোকখিবনি হায়খি। রাজ্য অসিদা নোংমাইজিং নুমিত্তা সেন্তর ৩০০গী মথক্তা সিভিল সার্বিস প্রিলিমস একজামগীদমক্তা কেন্দিদেত ৫০,০০০গী মথক্তা শরুক য়াখি; একজাম অসি তশেংনদি মে ৩১দা তৌগদবনি অদুবু লাইচৎ অসিনা মরম ওইরগা য়ৈথোকখিবনি। 

•          কর্নাতকা: বেঙ্গলোরদা অনৌবা ওবিদ কেস ৪৩৪০ লৈখিবগা লোইননা সিতী অসিদা পোজিতিব কেসশিংগী মশিং অদু লাখ ২.৫ হেনখ্রে। কর্নাতকাদা ঙরাং চয়োল অমদা অহুমশুবা ওইবা অনৌবা কোবিদ কেস ১০,০০০গী মথক্তা থেংনখি। হৌজিক হৌজিক লাইয়েংলিবা কোবিদ-১৯ পেসেন্তশিংগী মশিং অদু হোসপিতালশিং নত্রগা হোম আইসোলেশন্দা কোবিদ-১৯ পোজিতিব ওইবা মীওই ১,১৫,৫৭৪ লৈখিবগা লোইননা কর্নাতকাদা খ্বাইদগী হেন্না ৱাংবা ওইখি।  হান্নগী মাইসুরু রোয়ল ফেমিলীনা  মাইসুরুদা কোবিদ-১৯ কেস য়াম্না য়াংনা হেনগৎলক্লিবা অসি য়েংলগা ইমুং মনুংশিং, ভিজিতরশিং অমসুং মীদিয়া শরুক য়াহন্দনা নত্রগা য়াওহন্দনা পেলেসতা লাক্লিবা নৱরাত্রি ফেস্তিভল অসি পাংথোক্নবা ৱারেপ লৌখ্রে।

•          অন্ধ্রা প্রদেশ: এ.পি.না কেন্দ্র সরকারগী গাইদলাইনশিং অদুগী মতুং ইন্না অনলোক ৫.০গী গাইদলাইনশিং থাদোকখ্রে। ওক্তোবর ১৫দগী  সীতশিং অদুগী চাদা ৫০ ওইহন্দুনা থিয়েতরশিং হাংদোক্নবা অয়াবা পীখ্রে অমসুং এন্তরতেনমেন্ত পার্কশিং, প্লায়রশিংনা প্রক্তিস তৌননবগীদমক্তা স্বিমিং পুলশিং হাদোকপগী অয়াবা পীখ্রে। মহৈরোইশিংনা মখৌয়গী পেরেন্তশিংগী অয়াবা য়াওরগা স্কুলশিংদা চৎপাগী অয়াবা পীখরে অমসুং ওনলাইন ক্লাসশিংদনা হেন্না মরু ওইবা পীখি। জর্নল সাইন্সতা ফোংখিবা পেপর অমদা হায়খি মদুদি স্তেত দিজাস্তর মেনেজমেন্ত ওথোরিতীনা শেমখিবা ‘কোবিদ এলর্ত ত্রেকিং সীস্তেম’ অসিনা সরকারদা মতেং পাংখি মরমদি য়াম্না হনেন্না খুমাং চাউশিল্লবা সীস্তেম অসিনা মতম অমুক্তদা মীওই ২৫,০০০ য়েংশিনবগী মতিক লৈ। 

•          তেলঙ্গানা: হৌখিবা পুং ২৪দা অনৌবা কেস ১৩৩৫ থেংনখি, ২১৭৬ ফগৎখি অমসুং ০৮ শিবগী পাউ লৈখি; কেস ১৩৩৫কী মনুংদা জি.ঐচ.এম.সি.দগী কেস ২৯১ থেংনখি। অপুনবা কেসশিং: ২,০০,৬১১; এক্তিব কেসশিং: ২৭,০৫২; শিখিবশিং: ১১৭১; দিসচার্জ তৌখিবশিং: ১,৭২,৩৮৮। হাইদ্রবাদতা লৈবা ভেক্সিন পুথোকপা ভারত বায়োতেকনা হ্যুমেন ত্রায়লগীদমক্তা অয়াবা ফংলবা নোভেল কোরোনাভাইরস ভেক্সিন কোভেক্সিন অসিনা ইম্যুন সীস্তেম কনখৎহন্নবা অমসুং মতম কুইনা ইম্যুনিতী লৈহন্নবা এদজুভেন্ত অলহাইদ্রক্সিক্বিম-II শিজিন্নগনি। মসিগী তেক্নোলোজী অসি কেন্সাসতা লৈবা ভাইরোভেক্সকা লোইননা লাইসেন্সিং এগ্রীমেন্তকী মখাদা শিজিন্নখি।

•          মহারাস্ত্র: মহারাস্ত্রদা থা তরুক হেল্লবা মতুংদা চাদা ৫০গী কেপাসিতীগা লোইননা রেস্তোরেন্ত, বার, অমসুং হোতেল লাখ ৪০০গী মথক্তা হাংবগী অয়াবা পীখ্রে। মখোয়শিং অসিনা তঙাইফদনা কোবিদকা মরী লৈনবা গাইদলাইনশিং ঙাক্না চৎপগী মথৌ তাগনি। বার অমসুং রেস্তোরেন্ত লাখ ৪ ময়া নক্লিবা অসিগী মনুংদা চাউরাক্না ১৪,০০০দি মুম্বাই খক্তদগিনি, চাউরাক্না ৩০-৪০%দি হাংদোক্লগনি, অদুগা অতোপ্পশিং অদুনা চয়োল অমদি ঙাইদুনা য়েংবা পাম্লি। মহারাস্ত্রগী হকশেল মন্ত্রী, রাজেশ তোপেনা নোংমাইজিং নুমিত্তা হায়খি মদুদি রাজ্য অসিদা কোবিদ-১৯ ফগৎলকপগী চাং অসি ফগৎলক্লে অমসুং লাইয়েবগী প্রোতোকোলদা অহোংবা পুরকপনা মরম ওইরগা শিবগী চাংশু হন্থরে। থাংজা নুমিত্তা রাজ্য অসিদা অনৌবা কেস ১৪,০০০ ময়া নক্না থেংনখি অদুগা লাইনা অসিদগী পেসেন্ত ১৯.০০০গী মথক্তা ফখ্রে হায়না মহাক্না হায়খি।

•          গুজরাত: নুমিৎ ১৮৭ নত্রগা থা তরুক হেল্লবা মতুংদা কোবিদ-১৯গী মতাংদা গুজরাতকীদমক্তা নুমিৎ কয়ানিগী মতুংদা খ্বাইদগী হেন্না নেমখি, মসিদা নোংমদা শিখিবগী মশিং অদু সিঙ্গল দিজিত্তা ওইখিদুনা মাপলদা লৈখি। নুমিৎ ২৬তা খ্বাইদগী হেন্না নেমখিদুনা নোংমগী অপুনবা কেসশিংগী মশিং অদু ১,৩০২ ওইখি। তেস্ত ৫৬,৮০০ তৌদুনা নুমিৎ ৪৯দা রাজ্য অসিদা কোবিদ-১৯গীদমক্তা নোংমগী ওইনা তেস্ত তৌবদা খ্বাইদগী হেন্না নেমখি। অমরোমদনা গুজরাত্তা এক্তিব কেসশিংগী মশিং অসি হৌজিক ফাওবদা খ্বাইদগী হেন্না ৱাংদুনা ১৬,৮৩৬দা লৈখি।

•          রাজস্থান: জয়পুর সিতীদা হৌখিবা নুমিৎ তরেতনিদা লেপ্তনা নুমিৎ খুদিংগী কেস ৪০০গী মথক্তা থেংনখি অমসুং কোবিদ-১৯গী খ্বাইদগী শাথিবা মওংদা শন্দোরকপা থেংনখি। নোংমাইজিং নুমিত্তা ভাইরস অসিগীদমক্তা মীওই ৪২১ পোজিতিব ওইবা থেংনখি। ২৩,০০০গী তাঙ্কক অসি হেন্দোক্তুনা সিতী অপুনবা কেসশিংগী মশিং অদু ২৩,১৭৯ য়ৌখ্রে। মার্চতা সিতী অসিদা অহানবা মীওই অমা নাবা থেংনখিবা অদুগী মতুংদগী থেংনখিবা অপুনবা কেসশিং অদুগী ১৩%গীদমক্তা মরম ওইরিবা কেস ২,৯৬৫ অসি সিতী অসিদা হৌখিবা নুমিৎ তরেতনিদা থেংনখি।

•          মধ্য প্রদেশ: মধ্য প্রদেশতা হৌখিবা পুং ২৪দা অনৌবা কেস ১,৭২০ থেংনখ্রবা মতুংদা রাজ্য আসিদা কোবিদ-১৯ কেসশিংগী মশিং অদু লাখ ১.৩৫ হেনখ্রে। পেসেন্ত ৩৫ ইনফেক্সন তৌদুনা লৈখিদ্রববদা, শিখিবশিংগী মশিং অদু ২,৪৩৪ য়ৌখ্রে।মধ্য প্রদেশতা হৌজিক এক্তিব কেস লিশিং ১৯গা ৩৭২ লৈরি।

•          ছততইসগর: ছত্তিসগরদা, “কোরোনা ইন্তেন্সিভ কম্যুনিতী সর্ভে কেমপেন” চত্থরি। মসিগী কেপেন অসিগী মখাদা ওক্তোবর ১২ ফাওবদা রাজ্য অসিগী রুরল অমসুং অর্বান এরিয়াশিংদা কোরোনা ইনফেক্সনগী শিম্তমশিং লৈবা পেসেন্তশিং মশক খঙদোক্নবা য়ুমথোং-য়ুমথোংগী ওইবা সর্ভে অমা পাংথোক্লি।

•           অসাম: অসামদা ঙরাং পেসেন্ত ১,৩৫১ দিসচার্জ তৌখ্রে। দিসচার্জ তৌখিবা পেসেন্তশিংগী অপুনবা মশিং অদু ১,৫২,১২৪নি অমসুং এক্তিব পেসেন্তশিংনা ৩৩,৩২৪নি।

•          মনিপুর: মনিপুরদা কোবিদ-১৯গী অনৌবা পোজিতিব কেস ২০৬ থেংনখি। মীওই ৭৪ অমুক লাইনা অসিদা লৈখিদ্রে, মসিনা অপুনবা মশিং অদু ৭৪ য়ৌহনখ্রে। রাজ্য অসিদা ফগৎলকপগী চাং অসি চাদা ৭৭নি।

•          মেঘালয়া: মেঘালয়াগী কোবিদ-১৯ এক্তিব কেসশিংগী অপুনবা মশিং ২২০৯, বি.এস.এফ. অমসুং আর্মদ ফোর্সশিংগী অপুনবা মশিং ১২৭, অতোপ্পশিংগী অপুনবা মশিং ২,০৮২ অমসুং ফগৎখিবশিংগী অপুনবা মশিং ৪,৩৯৩।

•          মিজোরাম: মিজোরামদা অনৌবা কেস অমত্তা থেংনখিদে, অপুনবা কেস ২,২১০, এক্তিব কেস ৩১৩। মিজোরামদা ফগৎলকপগী চাং অসি চাদা ৮৫ ওইখি, হায়রিবা অসি লৈবাক অসিগী নত্রগা মালেমগী ফগৎলকপগী চাংদগী হেল্লি আয়না ওফিসিয়েলনা হায়খি।

•          নাগালেন্দ: নাগালেন্দদা পুন্না ৬,৫৫২গী মনুংদা কেস ৩,১০১ লৈখিবগা লোইননা ৪৭%দা সেক্যুরিতী ফোর্সশিংনা কোবিদ-১৯ তেবলদা মখাতানা মাংজিল থাদুনা চৎলি। হল্লকখিবশিং অমসুং ত্রেস তৌখিবা কন্তেক্তশিংনা অপুনবগী ওইনা অমমম্না  ২৪% ওইখি অদুগা ফ্রন্তলাইন ৱার্করশিংনা ৫% ওইখি। অপুনবা মশিং ৬,৫৫২ য়ৌক্রে, ফগৎখিবশিংনা ৫,২৫৮ ওইখি অমসুং এক্তিব কেসনা ১,২২১ ওইখি।

•          সিক্কিম: কোবিদনা মরম ওইরগা অনি অমুক শিখিবগা লোইননা সিক্কিমগী শিবগী মশিং অসি ৪৫ য়ৌখ্রে। সিক্কিমগী কোবিদ-১৯ কনফর্ম তৌরবা কেসশিংগী মশিং অসি হৌখিবা পুং ২৪দা নোভেল কোরোনাভাইরসকী অনৌবা কেস ৪৩ থেংনখিবগা লোইননা ৩,০৯৩ য়ৌখ্রে।

ফেক্ত চেক

*****