ইলেক্সন কম্মিসন ওব ইন্দিয়ানা ঙসি লাক্লিবা বিহার লেজিস্লেতিব এসেমব্লী ইলেক্সনশিংগী অমসুং সেপ্তেম্বর ২৫, ২০২০দা অমসুং মতুংদা লাউথোকখিবা রাজ্য অসিদা পাংথোক্কদবা মরক্কী মীখলগীদা ওবজর্বর ওইনা থাগদবশিংগী ব্রীফিং মীতিং অমা পাংথোকখ্রে। মীফম অসি অখন্নবা মওংদা ভর্চুএল অমসুং ফিজিকেল য়ানশিন্নরদুনা জেনরেল পুলিস অমসুং এক্সপেন্দিচর ওবজর্বর ৭০০না লৈবাক অসিগী মফম ১১৯দগী ভর্চুএল ওইনা অমসুং দিল্লীদা লৈবা ওবজর্বর ৪০না মশা ওইনা শরুক য়াখি। ওবজর্বরশিংদা ৱা ঙাংলদুনা, চীফ ইলেক্সন কম্মিসনর শ্রী সুনিল অরোরানা কোবিদ-১৯না মালেমগী মীখলশিংদা পীরিবা চৈথেংগী মরমদা অমসুং ই.সি.আই.না বিহারদা মীখল পাংথোক্নবা ৱারেপ লৌদ্রিঙৈ মমাংদা কুপ্না খন্নখিবা অমসুং য়েংশিনখিবা কয়াগী মতাংদা ফোংদোকখি। মহাক্না মীখল অসি লাইচৎ মনুংদা পাংথোক্কদবা মালেমদা খ্বাইদগী চাউবা মীখল ওইবনা মালেমগী কম্ম্যুনিতীশিংনা য়েংগদৌবনা কা হেন্না চেকশিনবগী তঙাইফদবা লৈরিবসিসু থমখি। ই.সি.আই.না অয়েৎ অপন লৈতনা, কাংলোন চুম্না, মনুং মপান ফাওনা উবা, ইথিকেল ওইবা অমসুং কোবিদতগীসু অশোই অঙাম য়াওদ্রবা মীখল অমা ওইহন্নবা পান্দম থম্লি হায়না ফংদোকখি। মহাক্না হায়খি মদুদি দিমোক্রেসীগী মপাঙ্গল হায়বসি মরুওইবা স্তেকহোল্দরশিং – ভোতরশিংগী মখা পোল্লি। মীখলগী নুমিত্তা ভোতর খুদিংমক্না পোলিং স্তেসন্দা মখোয়গী ভোৎ থাদনবগীদমক লাক্নবা থাজবা পীগদবনি। মহাক্না ওবজর্বরশিংদা লোকেল ইলেক্সন মেকানিজমগী মফমদা মরুপ, ফিলোসোফর অমসুং গাইদ অমগী শক্তম লাংনবা অমসুং মখোয়দা লৈবা চমম্নবশিং কোকপীনবা মতেং লমজিংবীনবা হায়খি। মহাক্না মীখলগী মতমদা প্লেয়িং ফীল্দ অমা ফংবা ঙমহনখিবা মমাংগী অখন্নবা এক্সপেন্দিচর ওবজর্বর খরগী হোৎনজমল অমসুং কত্থোকপশিং থাগৎপা ফোংদোকখি। অসিগুম্বা ওবজর্বরশিং অসি মখোয়দা লৈবা অশেংবা মপাঙ্গল লৈরবা লৌশিং কয়ানা অমসুং ইম্পার্সিএলিতী, থাজবা লৈবনা ঐখোয়গী কন্সতিত্যুসন হৌদোকপীরম্বশিংনা ই.সি.আইবু ইন্সতিত্যুসন অমা ওইহনখি।

ইলেক্সন কম্মিসনর শ্রী সুশিল চন্দ্রনা ওবজর্বরশিংগী মরুওইবশিংগী মতাংদা ঙাংখি। মহাক্না থিন্দুনা তাকখি মদুদি স্পিসিএল এক্সপেন্দিচর ওবজর্বর অনী মাংজৌননা কম্মিসন অসিনা খনখ্রে অমসুং করিগুম্বা তঙাইফদ্রবদি অতোপ্পা স্পিসিএল ওবজর্বরশিং মীখলগী থবক হৌরকপা মতমদা খনবা য়ারি। শ্রী চন্দ্রনা হায়খি মদুদি কম্মিসন অসিনা ওগস্ত ২১, ২০২০দা সি.ই.ও. বিহারগা লোইননা ফোংখিবা মপুং ওইবা চৎনকাংলোনশিং ঙাক্না চৎকদবনি। মহাক্না ওফিসরশিংদা ৱাকৎ লাকপশিংবু মতীক চানা লোইশিন্নবা অমসুং মখোয়গী মথৌ তৌবা মতমদা মীচঙ মীখাই নাইদনবা খঙহনখি।

থৌরম অদুদা ৱা ঙাংলদুনা ইলেক্সন কম্মিসনর শ্রী রজিব কুমারনা ওফিসরশিংগী পুক্নিং চিংশিল্লদুনা হায়খি মদুদি ওবজর্বর ওইনা মখোয়দা ইলেক্সন কম্মিসন ওব ইন্দিয়াগী মহুৎ শিন্দুনা পাংথোক্কদবা থবক খরা লৈ। মহাক্না হায়খি মদুদি ওফিসরশিংনা মতম চুপ্পা ৱাখলদা মখোয় অসি মফমশিংদুদদি ই.সি.আই.গী মাইথোংনি হায়না খনগদবনি। মহাক্না ওফিসরশিংদা নিংশিংখি মদুদি বিহারগী মীখল অসি মালেম অসিদা লৈরিবশিংনা মীখল অসিদা মীৎয়েং থম্নরিবনা মালেমদা খুদম অমা উৎনবা হোৎনগদবনি। মহাক্না হায়খি মদুদি ওবজর্বরশিংনা লমজিংবদা, তাকপী তম্বীবদা অমসুং ফীল্দ তীম্বু পাউতাক পীবগী মরুওইবা থৌদাং লৌরি।

দিল্লী বেজ ওবজর্বরশিং অমসুং অতোপ্পা রাজ্য অমসুং য়ু.তি.শিংগী ওফিসরশিংগীনা ওনলাইন্দা ঙসি পাংথোকখিবা নুমিৎ তংখাই অমা লৌবা মীফম অদু সেক্রেতরী জেনরেল, ই.সি.আই., শ্রী উমেশ সিনহা অমসুং অতোপ্পা দি.ই.সি.শিংনা ৱা ঙাংখি। মীখলগী থৌওংগী ওইবা পেনারোমিক ভ্যু অমা পীরদুনা শ্রী সিনহানা মরুওইনা ওফিসরশিংনা ইলেক্সন প্লান্নিং, এস.ভি.ই.ই.পি. অমসুং মীদিয়াগী হীরমদা ঙাংখি। সেনিয়র দিপুতী ইলেক্সন কম্মিসনর শ্রী ধর্মেন্দ্র শর্মনা ওবজর্বরশিংদা পোলিং পার্সনেলশিংগী মাংজৌননা পাংথোকখ্রবা ত্রেনিং প্রোসেসকী মতাংদা পাউদমখি। দিপুতি ইলেক্সন কম্মিসনর শ্রী সুন্দীপ জৈন্না ওবজর্বরশিংদা ই.ভি.এম. ভি.ভি.পেৎ মেনেজমেন্ত সিস্তেমগী মতাংদা অমসুং ইলেক্তোরেল রোল ইস্যুশিংগী মতাংদা ঙাংখি।

দি.ই.সি. শ্রী চন্দ্র ভুশন কুমার, ই.সি.আই.দা বিহার স্তেৎ ইন-চার্জ ওইরিবা অসিনা লিগেল প্রোবিজন, কোবিদকী ওইরিবা ফিবম অসিদা বিহার মীখলগী মোদেল কোদ ওব কন্দক্তকী সমশ্যাশিংগী মতাংদা শুগাইনা ঙাংখি। দি.ই.সি. শ্রী অশিশ কুন্দ্রানা ওবজর্বরশিংদা অখন্নবা আই.তু. এপ্লিকেসনশিংগী মতাংদা ঙাংখি। দিরেক্তর এক্সপেন্দিচর অমসুং দিরেক্তর মীদিয়ানা ওবজর্বরশিংদা এক্সপেন্দিচর মোনিতরিং অমসুং মীদিয়া সর্তিফিকেৎ অমসুং মোনিতরিং কম্মিতীশিংদা লৈরিবা মখোয়গী থৌদাংশিংগী মতাংদা ঙাংখি।

তাংকক খুদিংমক্তা কোবিদকী ওইনা অশোই অঙাম য়াওদবা মীখল অমা ওইনবগী মাইকৈ খুদিংদা অমসুং কম্মিসন অসিনা হীরম অসিগী মতাংদা পীরিবা চৎন-কাংলোনশিং অমসুং ওবজর্বরশিংনা চৎন-কাংলোনশিং অসিবু ঙাক্নবা হোৎনবদা অমসুং তোঙান-তোঙানবা মাইকৈশিংবু খন্নখিবা পুম্নমক চপ চানা তানবা হোৎননবা মীৎয়েং থমখি।

******