গৃহ আৰু নগৰ পৰিক্ৰমা মন্ত্ৰালয়ৰ ৰাজ্যমন্ত্ৰী (স্বতন্ত্ৰ দায়িত্ব) শ্ৰী হৰদীপ সিং পুৰীয়ে কয় যে আজি আমি এছবিএম-ইউৰ ৬বছৰ পূৰ্ণ কৰিলোঁ। এতিয়া আমাৰ এক দৃঢ় সংকল্প লোৱাৰ সময় যাতে আমি সকলোৱে মিলি স্বচ্ছতম ভাৰত-এখন অধিক স্বচ্ছ ভাৰত, অধিক স্বাস্থ্যকৰ ভাৰতৰ বাবে কাম কৰিব পাৰোঁ। এই আন্দোলনক আৰু শক্তিশালী কৰি তুলিবলৈ দেশেৰ নাগৰিকসকলৰ অংশগ্রহণ আৱশ্যকীয়। 'স্বচ্ছ ভাৰত মিশ্যন -নগৰাঞ্চল'ৰ ষষ্ঠ বার্ষিকী উদযাপন উপলক্ষে ‘স্বচ্ছতা কি ৬ ছাল, বেমিছাল’ শীর্ষক ৱেবিনাৰত দিয়া বক্তৃতাত এই কথা উল্লেখ কৰে তেওঁ। শ্রী পুৰীয়ে কয়, জন আন্দোলন আৰু জন অংশীদাৰিত্বৰ জৰিয়তে সাধাৰণ নাগৰিকৰ মাজত স্বচ্ছ ভাৰত অভিযান সম্পর্কে সচেতনতাৰ বার্তা দাঙি ধৰিব লাগিব। এই প্রসংগত তেওঁ স্বচ্ছ সর্বেক্ষণৰ কথাও উল্লেখ কৰে। কেন্দ্রীয় গৃহ আৰু নগৰ  মন্ত্রালয়ৰ বার্ষিক স্বচ্ছতামূলক কর্মসূচী হ’ল – এই স্বচ্ছতা সমীক্ষা। চলিত বৰ্ষত ১২ কোটিৰো অধিক নাগৰিকে এই সমীক্ষাৰ কামত অংশ লয় বুলি তেওঁ জানিবলৈ দিয়ে।

কেন্দ্রীয় গৃহ আৰু নগৰ মন্ত্ৰালয়ে আয়োজন কৰা  ৱেবিনাৰত আজি এই মিছনৰ অধীনত বিগত ৬ বছৰৰ সাফল্য দাঙি ধৰা হয়। লগতে বিভিন্ন ৰাজ্য  আৰু চহৰৰ  একাধিক অভিজ্ঞতাৰ কথাও আদান-প্ৰদান কৰা হয়।  অনুষ্ঠানত মহাত্মা গান্ধীৰ ১৫১তম জন্মজয়ন্তী উদযাপনো কৰা হয়। অনুষ্ঠানত পৌৰোহিত্য কৰে কেন্দ্রীয় গৃহ আৰু নগৰ  মন্ত্রালয়ৰ স্বতন্ত্ৰ দায়িত্বপ্রাপ্ত ৰাজ্যমন্ত্রী শ্রী হৰদীপ সিং পুৰীয়ে। ইয়াৰ উপৰি মন্ত্রালয়ৰ সচিব শ্রী দুর্গাশংকৰ মিশ্র আৰু অতিৰিক্ত সচিব কামৰান ৰিজভি উপস্থিত থাকে।

অনুষ্ঠানত কেন্দ্রীয় মন্ত্রীগৰাকীয়ে আৰু কয়, ২০১৪ চনত মাননীয় প্রধানমন্ত্রীয়ে যেতিয়া 'স্বচ্ছ ভাৰত মিছন – নগৰাঞ্চল' এই অভিযান আৰম্ভ  কৰিছিল, তেতিয়া লক্ষ্য আছিল ২০১৯ চনত জাতিৰ  পিতাৰ জন্মৰ ডেৰশ বছৰীয়া জয়ন্তীত  ‘স্বচ্ছ ভাৰত’ –ৰ  লক্ষ্যত উপনীত হোৱা। তেওঁ কয়, আজি এইয়া জানিব পাৰি অত্যন্ত সুখী হৈছোঁ  যে, ভাৰতৰ  নগৰাঞ্চলৰ  প্রতিগৰাকী  নাগৰিকে এই স্বপ্ন পূৰণ কৰাত একেলগে আগবাঢ়ি  আহিছে। লগতে, হাজাৰ হাজাৰ  স্বেচ্ছাসেৱকৰ অংশগ্রহণ, বিভিন্ন গণমাধ্যমত  প্রচাৰ  আৰু  একাধিক জনকল্যাণমূলক অভিযানে এই লক্ষ্য প্ৰাপ্তিত  সফলতা আনিছে বুলিও তেওঁ  মন্তব্য কৰে । শ্রী পুৰীয়ে  কয়, বর্জ্য পদাৰ্থ ব্যৱস্থাপনা ক্ষেত্রত চৰকাৰে বিশেষ গুৰুত্ব আৰোপ কৰিছে। এতিয়া চহৰাঞ্চলৰ  মানুহৰ অভ্যাসৰ পৰিৱর্তন হৈছে। একেদৰে  চহৰাঞ্চলক  স্বচ্ছ কৰি  তোলাও সম্ভৱ  হৈছে  বুলি  তেওঁ  জনায়।

অনুষ্ঠানত মন্ত্রালয়ৰ সচিব শ্রী দুর্গাশংকৰ মিশ্রই কয়, দেশক উন্মুক্ত স্থানত শৌচকৰ্মৰ পৰা মুক্ত কৰাৰ  লক্ষ্যেৰে ২০১৪ চনত  যি  অভিযানৰ  আৰম্ভ  কৰা  হৈছিল সি  বাস্তৱ  ৰূপ লাভ কৰিছে। তেওঁ কয়, আমি কেৱল  এই লক্ষ্যতে  উপনীত হোৱা নাই, চহৰক আবর্জনামুক্ত কৰিও তুলিছোঁ।

উদ্বোধনী অনুষ্ঠানত  ‘স্বচ্ছতা কি ৬ ছাল, বেমিছাল’ শীর্ষক এখন চুটি চলচ্চিত্র প্রদর্শিত হয়। এই চলচ্চিত্রত ২০১৪ চনত 'স্বচ্ছ ভাৰত মিছন – নগৰাঞ্চল' অভিযানৰ পৰা  বিগত ৬ বছৰৰ সাফল্য তুলি ধৰা হৈছে । একেদৰে, উক্ত  অনুষ্ঠানত  উত্তৰাখণ্ড , কেৰাল, ইম্ফল সহ বিভিন্ন চহৰত স্বচ্ছতাৰ  সন্দৰ্ভত  বিগত ৬ বছৰৰ  অভিজ্ঞতাও তুলি  ধৰা  হয়। লগতে, 'স্বচ্ছ ভাৰত মিছন -নগৰাঞ্চল' অভিযানত অন্তর্ভুক্ত ইউনাইটেড ষ্টেটছ এজেন্সি ফৰ ইন্টাৰনেশ্যনেল ডেভেলপমেন্ট, বিল  এণ্ড  মিলিন্ডা গেটছ ফাউণ্ডেশ্যন, ইউনাইটেড নেশ্যন ইণ্ডাষ্ট্ৰিয়েল ডেভেলপমেন্ট অর্গেনাইজেশ্যন – ৰ  দৰে আন্তর্জাতিক সংস্থায়ো  বিভিন্ন অভিজ্ঞতাৰ কথা জানিবলৈ দিয়ে ।অনুষ্ঠানত স্বচ্ছ ভাৰত মিছন অভিযান বিষয়ক এখন পুস্তিকাও প্রকাশ কৰা হয়। অনুষ্ঠানৰ  শেষত কেন্দ্রীয় মন্ত্রীগৰাকীয়ে কয়, বিগত  ৬ বছৰত যি  সাফল্য অর্জন সম্ভব হৈছে, তাৰ  সৈতে  সামঞ্জস্য বজাই  ৰাখি আগন্তুক দিনত দিনে স্বচ্ছ, স্বাস্থ্য, স্বশক্তি, সমৃদ্ধি  আৰু  আত্মনির্ভৰ  ভাৰত  গঠনৰ  দিশত  আগুৱাই যাব লাগিব।

 *******************************************************

RJ/KG