রাজ্য মন্ত্রী (আই./সি.) অমসুং এম.ও.ঐচ.য়ু.এ.গী কেন্দ্র মন্ত্রী শ্রী হরদীপ সিংহ পুরিনা ঙসি হায়খিবদা ঐখোয়না এস.বি.এম.-য়ু.গী চহি ৬ ফারকপা অসিগা লোয়ননা ঐখোয় পুম্নমক্না অমত্তা ওইনা স্বচ্ছতম ভারত অমসুং স্বস্থাতম ভারতঃ লু-নানবা অমসুং হকশেল ফবা ভারত অমা ওইহন্নবা লৌখিবা ৱাশক অমা নৌহৌননা লৌবগী মতম ওইরে অমসুং অর্বানগী ভারতকী মীওই খুদিংনা শরুক য়াবা জন অন্দোলনসু নৌহৌননা হৌবগী মতমসু ওইরে হায়খি। স্বচ্ছ ভারত মিসন-অর্বান (এস.বি.এম.-য়ু.)গী চহি ৬ ফারকপগী থৌরম পাঙথোকপগা মরী লৈননা পাঙথোকপা ‘স্বচ্ছতাগী চহি ৬ শুরকপা, বেমিসাল’ মিংথোনবা ৱেবিনারদা মহাক্না ৱা ঙাংখিবদা জন অন্দোলন অমসুং জন ভাগিদারীগী ইথিল-মীয়াম পুন্না থবক তৌমিন্নবগী মতিক অমসুং ফজবা মওংদা চাংয়েংনবগী ইথিল শিজিন্নবা- অসি স্ব্বছ সরবেক্সন হায়রিবা এম.ও.ঐচ.য়ু.এ.গী চহিগী ওইনা লু-নানবগী সর্ভে পাঙথোকপা অসিদা খুদম ওইনা উবা ফংলে হায়খি। এস.এস. ২০২০দা লৈবাক অসিগী মীওই করোর ১২ হেনবনা শরুক য়াখি।

হাউজিং অমসুং অর্বান এফিয়র্স মন্ত্রালয়না শিন্দুনা পাঙথোকখিবা ৱেবিনার অসিদা মিসন অসিনা চহি ৬কী মনুংদা মাই-পাকখিবশিংদা মিৎয়েং চঙদুনা অমসুং রাজ্য অমসুং শহরশিং অমসুং খুৎশম্নবা লুপশিংনা মখোয়না থেংনরকপশিং হায়নদুনা হরাউবা ফোঙদোকখি অমসুং মসিনা মহাত্মা গান্ধীগী চহি ১৫১শুবা মপোক কুমওনসু পালন তৌখি । ৱেবিনার অসিদা রাজ্য মন্ত্রী (আই./সি.) অমসুং এম.ও.ঐচ.য়ু.এ.গী মন্ত্রী শ্রী হরদীপ সিংহ পুরিনা লুচিংগনি অমসুং এম.ও.ঐচ.য়ু.এ.গী সেক্রেতরী শ্রী দুর্গা শঙ্কর মিশ্রা অমসুং এম.ও.ঐচ.য়ু.এ.গী এদিস্নেল সেক্রেতরী শ্রী কমরান রিজবিসু শরুক য়াখি।

থৌরম অসিদা ৱা ঙাংবদা মন্ত্রীনা অসুম্না হায়খি, “প্রধান মন্ত্রীনা ইং ২০১৪দা এস.বি.এম.-য়ু. অসিবু হৌদোকখিবা মতমদা থমখিবা পান্দমদি লৈবাক্কী মপা ওইরিবা মহাত্মা গান্ধীগী ১৫০শুবা মপোক কুমওন তাবা ওক্তোবর ২, ২০১৯ ফাওবগী মনুংদা ‘লু-নানবা’ ভারত অমা ওইহনবা হায়বা অসিনি। ঙসিদি অর্বান ভারতকী মীয়াম পুন্না মঙলান অসিবু মঙফাওনবা হোৎনবা অসি উবদা ঐহাক্না য়াম্না চাউথোকচবা অমসুং নুংঙাইবা ফাওই। মসিগী এস.বি.এম.-য়ু.না ফংলিবা পাক চাউরবা মহৈ অসি লৈবাক্কী মীয়াম অপুনবা, স্বচ্ছতাগী এম্বেসেদর লিশিং কয়া, স্বচ্ছগিরি লাখ কয়া, মাস মীদিয়াগী কেম্পেন ময়াম অমা অমসুং মীয়ামদা হকথেংননা য়ৌহনবগী প্রোগ্রাম কয়া অসিনা অপুনবা ওইনা পাঙথোকখিবা অদুগী মরমনা ফংবনি”। “ঐখোয়গী য়ুম-শাবা অমসুং থুগায়খিবগী ফত্ত-হৌদিশিং নীংথিনা শেন্নবা অমসুং ফত্ত-হৌদি পৈফমশিংবু নীংথিনা শেন্নবগী থৌওংগা লোয়ননা ঐখোয়না ফত্ত-হৌদি প্রোসেস তৌবগী মওংশিং অসি হেন্না ফগৎহন্নবা মিৎয়েং চঙবগী তঙাই ফদবা লৈরে। ঐহাক্না ঙসি লোঞ্চ তৌরিবা ফত্ত-হৌদি শেন্নবগী থৌওংশিংগী কাঙলোনগী লাইরিক মচা অমসুং শিজিন্নবা নুংঙাইবা পোর্তেল অসিনা হীরম অসিগী মতাংদা শহরশিংনা পাঙথোকপা পাক-চাউরবা অনৌবা থৌওংশিংগী মরমদা য়াওরি অমসুং মসিনা এম.ও.ঐচ.য়ু.এ.না য়ু.এল.বি.শিংগী কেপাসিতী বিলদিং তৌবগী থৌওংশিংদা য়াম্না তেংবাংগনি হায়বগী ঐহাক্না থাজবা লৈ”, হায়না মহাক্না ফোঙদোকখি।

মিসন অসিগী মাই-পাকপগী মতাংদা অকুপ্পা ৱারোল কয়া খোমজিন্দুনা লান্থোকখিবা এম.ও.ঐচ.য়ু.এ.গী সেক্রেতরী শ্রী দুর্গা শঙ্কর মিশ্রানা হায়খিবদা, “ইং ২০১৪গী ওক্তোবর ২দা এস.বি.এম.-য়ু. হৌদোকখিবা মতমদা থমখিবা পান্দম অসি অর্বান ভারতপু অহাংবদা অমাংবা তৌবা থৌওংশিংদগী নিং-খা তমহনবগা লোয়ননা লৈবাক অসিগী খনগৎলবা শহর মচাশিংদা অকঙবা ফত্ত-হৌদি শেন্নবগী (এস.দবল্যু.এম.) মপুং ফাবা থৌওং পাঙথোকপা ঙম্বা অসিনি। ঙসিদি ঐখোয়না পান্দমশিং অসি ফংবতা নত্তনা লৈবাক অসিবু তুং কোইনা চত্থগদবা সেনিতেসনগী থবকশিং পাঙথোকপা অমসুং ও.দি.এফ.+ অমসুং ও.দি.এফ.++গুম্বা কাঙলোনশিংগী খুত্থাংদা মপুং ওইবা এস.দবল্যু.এম.গী থৌওং পাঙথোকপা, ফত্ত-হৌদি লৈতবা শহরশিংগী স্তার খায়বা অমসুং অমুক হন্না শক-তাক্ত্রবসু য়ারবা স্বচ্ছ সরবেক্সন হায়রিবা চহিগী ওইবা লু-নানবগী সর্ভে পাঙথোকপগী লম্বীশিংদা নীংথিনা চৎহনবা ঙম্লে। ইং ২০১৪দা ও.দি.এফ. রাজ্য অমসুং শহর অমত্তা লৈরমদবদগী হৌজিক্তি ঐখোয়গী শহর ৯৭%দি ও.দি.এফ. ওইরে। এস.দবল্যু.এম.গী মতাংদনা ইং ২০১৪দা অকংবা ফত্ত-হৌদি ১৮%গী অপিকপা চাংদা প্রোসেস তৌরম্বা অদুদগী হৌজিক্তি চাং অসি ৬৭% য়ৌরে অমসুং অপুনবা ৱার্দ ৭৭%তি ফত্ত-হৌদিগী হৌরকফমদা খায়দোকপগী থৌওং ফাওবা হৌখ্রে। ঐখোয়গী থবকশিং অসি মখা তানা চত্থনবা ঐখোয়না লেপ্লি অমসুং মথংগী চহি খরদা পনখ্রিবা মশিঙশিং অসি হেনগৎহন্নবা কন্না হোৎনরি”।

থৌরম অসিগী হৌদোকপগী সেসন্দা ইং ২০১৪দগী এস.বি.এম.-য়ু. হৌদোকখিবদগী হৌজিক ফাওবগী মনুংদা লাক্লিবা লম্বী অমসুং মসিগী চৈথেংশিংগী মতাংদা “স্বচ্ছতাগী চহি ৬ শুরকপা, বেমিসাল” হায়না মিংথোনবা অতেনবা ফিলম অমসু উৎখি। মিসন অসিগী হৌখিবা চহি ৬ অসিদা স্বচ্ছতা ফংহনবগী মতাংদা মশক থোকপা থৌওং উবা ফংখিবা দিজিতেলগী ওইবা অনৌবা থৌওং কয়া পায়খৎখি। মসিগী মনুংদা পনবা য়াবা মরু ওইবা থৌওংশিংদি স্বচ্ছতা এপ, লু-নানবগী মতাংগী ৱাকৎকা মরী লৈনবা মীয়ামগী ৱাকৎনবগী খুৎলাই, মীয়ামদা গুগল মেপকী খুত্থাংদা খ্বাইদগী নকপদা লৈবা অমাংশঙ থিবা য়াবা গুগল মেপ্তা য়াওবা এস.বি.এম. তোইলেৎ অমসুং স্বচ্ছতাগা মরী লৈনবা থৌওং অমসুং থৌরমশিংগী মতাংদা থৱাই য়াওবা মীওইশিংগী খন্ন-নৈনফম ওইরিবা স্বচ্ছ মঞ্চ অসিনি। তুং কোইনা অমাংশঙ শিজিন্নবা, ফত্ত-হৌদিগী হৌরকফম খায়দোকপা অমসুং য়ূমদা কম্পোস্তিং তৌবগী থৌওং পাঙথোকপগী হীরমশিং মতাংদা পাঙথোকপা অনৌবা মলতিমীদিয়া কেম্পেনশিং অসিনা মসিগী দিজিতেলগী থৌওংশিং অসিদা তেংবাংলি। মিসন অসিবু মীয়ামদা নকশিন্না পুরক্নবা পান্দম থম্লিবা মসিগী থবকশিং অসিনা মীয়াম্বু প্রোগ্রাম অসিদা হকথেংননা শরুক য়াহনবা ঙম্লে অমসুং খ্বাইদগী কোনবা স্বচ্ছ সরবেক্সনগী সর্ভে অসিদা মীওই করোর ১২ হেনবনা শরুক য়াখি, মীওই করোর ৭ হেনবনা প্রধান মন্ত্রীগী অমুক্তং শিজিন্নরগা লোইবা প্লাস্তিকপু ভারত্তগী মাঙহনখিবগী মঙলান অসিগী মখাদা চলায়বা স্বচ্ছতা হি সেবা ২০১৯দা শরুক য়াখি।

থৌরম অসিদা খনগৎলবা রাজ্য অমসুং শহরশিং – মিং ওইনা পল্লবদা উত্তরাখন্দ, কেরলা, ইম্ফাল, দুঙ্গারপুর, খারগোন- কয়া অমনা হৌখিবা চহি ৬তা থেংনখিবা ৱাফম কয়া হায়নদুনা স্বচ্ছতম ভারত অমা ওইহন্নবা মথংগী খোঙথাং অসিগী মতাংদা থৌরাংসু য়াৎখি। এস.বি.এম.-য়ু.গী চাউখৎপগী খুৎশম্ননা চৎমিন্নরিবা খোঙলোয়শিং – য়ুনাইতেদ স্তেৎস এজেন্সী ফোর ইন্তর্নেস্নেল দিবেলপমেন্ত (য়ু.এস.এ.আই.দি.), বিল অমসুং মেলিন্দা গেৎস ফাউন্দেসন (বি.এম.জি.এফ.), জি.আই.জেৎ., য়ুনাইতেদ নেসন্স দিবেলপমেন্ত প্রোগ্রাম (য়ু.এন.দি.পি.) অমসুং য়ুনাইতেদ নেসন্স ইন্দস্ত্রীএল দিবেলপমেন্ত ওর্গনাইজেসন (য়ু.এন.আই.দি.ও.)- অসিনা থেংনরকখিবা থৌওংশিংগী ৱারোল তমখিবশিং অদুবু ৱেবিনার অসিদা শরুক য়ারিবা মীওইশিংনা তানখি। মরু ওইবা চেফোঙ কয়া অমসু মন্ত্রালয়না পুথোকখি। নেস্নেল ফেসেল স্লদজ অমসুং সেপ্তেজ মেনেজমেন্ত এলাএন্স (এন.এফ.এস.এস.এম.)না খোমজিনবা – “নীংহন্নদবা ফ্রন্তলাইনগী ৱারীশিং: ভারতকী সেনিতেসনগী থৌমীশিং” হায়রিবা চেরোল অসিনা লৈবাক শিনবা থুংবগী  সেনিতেসনগী থৌমীশিংগী ইথিল পীনিংঙাই ওইবা ৱারীশিং য়াওখি। নেস্নেল ইন্সতিত্যুৎ ওফ অর্বান এফিয়র্স (এন.আই.য়ু.এ.)না শেম-শাবা ‘ভারতকী শহরশিংনা কোবিদ-১৯ থেংনবগী মওং’ অসিনা কোবিদ-১৯গী লোকদাউনগী অহানবা থা ৪দা ভারতকী শহরশিংনা পায়খৎখিবা খোঙথাংশিংগী মরমদা পনখি অমসুং মসিনা শহর অমা হেক্তনা লায়চৎকী ফিভম অমা থেংননবা শিজিন্না য়াবা রেজিলিএন্ত অর্বান সেনিতেসন রেস্পোন্স (আর.য়ু.এস.আর.) ফ্রেমৱর্ক অমা পীখি।

মসিগা লোয়ননা মন্ত্রীনা “অল্মানাক ওফ ৱেস্ত মেনেজমেন্ত প্রেক্তিস” কৌবা এস.দবল্যু.এম.গী মতাংদা খ্বাইদগী অফবা থৌওং অমসুং অনৌবা থৌওংশিংগী অপুনবা ৱারোল অমা মন্ত্রীনা ফোঙখি। য়ু.এল.বি.গী ওফিসিএলশিং অমসুং স্তাফশিংগী কেপাসিতী বিলদিং তৌবা অসি মিসন অসিগী মরু ওইবা শরুক অমা ওইদুনা লাক্লি। মসিগী থৌওং অসিগী শরুক অমা ওইনা নেস্নেল ইন্সতিত্যুৎ ওফ অর্বান এফিয়র্স (এন.আই.য়ূ.এ.)গী তেংবাংগা লোয়ননা য়ু.এল.বি. ৩২০০গী ওফিসিএল ৬০০০ হেনবনা শরুক য়াবা কেপাসিতী বিলদিং ৱর্কশোপ ১৫০ হেন্না পাঙথোকখ্রে।

এন.আই.য়ু.এ.না শেম-শাবা শিজিন্নবা নুংঙাইবা এস.বি.এম.-য়ু. পোর্তেল অসিদা মসিগী ৱর্কশোপশিং অসিদগী তম্লকপা লৌশিং কয়া য়াওরি। সেনিতেসনগী থৌমীশিংগী তেক্ত কায়দবা, ফ্রান্তলাইন্দা লৈরিবা মিসন অসিগী স্বচ্ছতাগী লান্মীশিং অসি মিসন অসিগী মরু ওইবা মিৎয়েং চঙফম ওইদুনা লাক্লি। মখোয়গী তেক্ত কায়দনবা অমসুং হকপু ঙাক শেন্নবা য়ু.এল.বি.শিংদা নীংথিনা খঙহন্নবা হায়দুনা অর্বান মেনেজমেন্ত সেন্তর (য়ু.এম.সি.)না শেম-শাবা সেনিতেসন থৌমীশিংগী তেক্ত কায়দনবা পাঙথোক্কদবা থৌওংশিংগী চেরোল অমসু মন্ত্রালয়না ফোঙখি। য়ু.এম.সি.না শাবা য়ু.এল.বি.এস.শিংনা মখোয়গী মীয়ামগী অমসুং খুন্নাইগী অমাংশঙ (পি.তি./সি.তি.) ও.দি.এফ.+ শাবদা তেংবাংনবা সেনিতেসন মেপ্পিং তুল অমসু মন্ত্রালয়না লোঞ্চ তৌখি।

মিসন অসিগী তুং লমচৎকী মতাংদা মন্ত্রীনা শম্লপ্না হায়বা ওইনা অসুম্না ফোঙদোকখি, “ঐখোয়না হৌখিবা চহি খরা অসিদা ফংখিবা মাই-পাকপা অসিদা য়াম্না চাউথোকচবা য়ারবসু ঐখোয়গী খোঙচত্তি হৌবতা ঙাইরি। সরকারনা মীয়াম খুদিংদা তুং কোইনা চৎপা সেনিতেসন ফংহনবগী থৌরাং অসিগী মরী লৈননা হৌজিক্কী ওইনা তঙাই ফদবা অসি তুং কোইনা চৎকদবা ফীকেল স্লদজ শেন্নবা, ফত্তবা ঈশিংবু শিজিন্না য়ানবা শিনবা অমসুং নৌনা অমুক হন্না শিজিন্নবা থৌওংগী খুত্থাংদা ঐখোয়গী ঈশিং তুংফমশিং অসিবু ঙাক-শেনবা অসিনি। এস.দবল্যু.এম.গী হীরমদনা ঐখোয়না অমুক্তং শিজিন্নবা প্লাস্তিক শিজিন্নবগী চাং অসি হন্থহন্নবা কন্না হোৎনবা, য়ুম-শাবা অমসুং থুগায়খিবগী ফত্ত-হৌদিশিং নীংথিনা শেন্নবা অমসুং ফত্ত-হৌদি পৈফমশিংবু নীংথিনা শেন্নবগী থৌওংদা মিৎয়েং চঙগনি”। হৌখিবা চহি তরুক অসিদা ফংখিবা মশক-থোকপা মাই-পাকপশিং অসিগা লোয়ননা মিসন অসিনা স্বচ্ছ, স্বস্থ, সশক্ত, সাম্রিধ অমসুং আত্মানির্ভর ভারত ওইবগী লম্বীদা অনৌবা তাঙ্কক অমা ইবা ঙম্লে।

*****