প্রধান মন্ত্রী শ্রী নরেন্দ্র মোদীগী পাউতাক অমসুং মিৎয়েংদী লুচিং মখাদা লৈবাক অসিদা লৈরিবা অঙাংশিংগীদমক অরুবা অমসুং অফবা ঈশিং ফংহন্নবা হোৎনরি, হায়রিবা অসিদা ঙসি জল শক্তিগী য়ুনিয়ন মিনিস্তর শ্রী গাজেন্দ্র সিংহ শেখাৱাৎনা নুমিৎ ১০০গী ওইবা মিসন মোদ কেম্পেন অমা স্কুল অমসুং আঙ্গনৱাদি সেন্তরগী থক্নবা ঈশিং পুবা পাইপ য়েন্নবগী থৌরম অমা হৌদোকখ্রে। হায়রিবা মিসন অসি প্রধান মন্ত্রীনা ২০২০গী সেপ্তেম্বর ২৯দা গ্রাম পনচায়ৎকী ‘মার্গদার্শিকা’ অমসুং জল জিবন মিসন শিজিন্নবা পানি সামিতিস হৌদোকপদা মাংজৌননা থমখিবনি। প্রধান মন্ত্রীনা ২০২০গী ওক্তোবরগী ২দা ‘নুমিৎ ১০০নিগী কেম্পেন’ হৌদোকপদা হায় মদুদি লৈবাক অসিতা লৈরিবা স্কুল অমসুং আঙ্গনৱাদি সেন্তরশিংদা অফবা ঈশিং পুবা পাইপ শোইদনা পীরগনি হায়না হায়খি। মহাক্না স্তেত খুদিংদা কেম্পেন অসিনা থক্নবা ঈশিং পুবা পাইপ য়েন্নবগী থৌরম অসি মীয়ামদা ফহন্নবা হায়রি। অফবা ঈশিং অঙাংশিংদা পীবা হায়বসি খ্বাইদগী মরু ওইনা লৌগদবনি মরমদি ঈশিংদগী পোক্লকপা লায়না অয়াম্বা মখোয়দা হান্না থেংনৈ মরম অদুনা জল জিবন মিসনগী মখাদা অফবা ঈশিং অসি তেপ ৱাতর কনেকসনগী খুত্থাংদা স্কুলশিং, আঙ্গনৱাদি সেন্তরশিং, হকশেলগী চেকশিন থৌরাংগী সেন্তরশিংদা পীনবা থৌরাং লৈরে।

কেম্পেন অসিগী মনুংদা নেস্নেল জল জিবন মিসন অসি  স্তেত//য়ু.তি.শিংদা য়ৌহন্দুনা থাজবা পীরি, গ্রাম সভানা মীফম ফমদুনা নুমিৎ ১০০নিগী মনুংদা স্কুলশিং, আঙ্গনৱাদি সেন্তরশিং অমসুং পব্লিক ইন্সতিত্যুসনশিংদা অফবা থক্নবা ঈশিং ফংহন্নবা অথুবা মতমদা ৱারেপ অমা পাস তৌরগনি। মসিগী খুদোংচাবা অসি গ্রাম পনচায়েৎ অমসুং মসিগী সব-কম্মিতি হায়বদি ভিলেজ ৱাতর অমসুং সেনিতেসন কম্মিতি নত্ত্রগা পানি সামিতিনা থবক অসি তৌগনি অমসুং য়েংশিনগনি। হায়রিবা কেম্পেন অসিনা ঐখোয়গী অঙাংশিংদা মতম শাংনা অফবা ঈশিং ফংহন্দুনা মখোয়বু মশা মউ ফনা থম্বা অমসুং মাইকৈ পুম্বদা চাওখৎপা ওইরনি।মসিনা ‘ফাদর ওফ দ নেসন’ মহাত্মা গান্ধীগী মহাক্কী ১৫১শুবা মপোক কুমোন্দা চাননা ইকাই খুম্নবনি।

জল জিবন মিসন (জে.জে.এম.) অসিনা ২০২৪ ফাওবদা খুঙ্গংদা লৈরিবা য়ুমথোং খুদিংদা তেপ ৱাতর কনেকসন ফংহন্নবা পান্দম থম্লি। মিসন অসিগী মখাদা মরুওইনা নুপী অমসুং অঙাংদা মিৎয়েং থম্লি। অফবা ঈশিং অঙাংশিংদা পীবা হায়বসি খ্বাইদগী মরু ওইনা লৌগদবনি মরমদি ঈশিংদগী পোক্লকপা লায়না অয়াম্বা হায়বদি দাইরিয়া, দাইসেন্ত্রী, কোলেরা, তাইফোইদ অসিনাচিংবা অসিনি। ফত্তবা ঈশিং থকপদগী হনজিন হনজিন নাহনবনা মখোয়বু চাওজিন থিবা ওইহল্লি। হায়রিবা ফিবম অসি মফম খর হায়বদি আর্সেনিক, ফ্লোরাইদ, হেভী মেতেল অসিনচিংবা অসি য়াম্না য়াওবা অমসুং মতম কুইনা অসিগুম্বা ঈশিং থকপনা লায়না কয়া থোকহন্দুনা য়াম্না শাথিবা হকচাংগী ফিবম ওইহল্লি। মসিগী মিসন অসিনা অসিগুম্বা থৌদোক অসি থোক্তনবা অমসুং গ্রাম পানচায়ৎ অমসুং মসিগী সব-কম্মিতি পুম্বা শরুক য়াদুনা মিসন অসি পাক্নবা হোৎনগদবনি।

*****