ସ୍ୱାସ୍ଥ୍ୟ ଓ ପରିବାର ମନ୍ତ୍ରଣାଳୟ
କ୍ରମାଗତ ଭାବେ 11 ଦିନ ପାଇଁ କରୋନା ସକ୍ରିୟ ମାମଲା ସଂଖ୍ୟା 10 ଲକ୍ଷରୁ କମ
● 12 ଦିନରେ ସୁସ୍ଥ ହେଲେ 10 ଲକ୍ଷ ଆକ୍ରାନ୍ତ
Posted On:
02 OCT 2020 12:09PM by PIB Bhubaneshwar
କ୍ରମାଗତ 11 ଦିନ ଧରି ଭାରତରେ କରୋନା ସକ୍ରିୟ ମାମଲା 10 ଲକ୍ଷରୁ କମ ରହିଛି ।
ଆଜି କରୋନା ସକ୍ରିୟ ମାମଲାର ସଂଖ୍ୟା ରହିଛି 9,42,217 ।
ପ୍ରତିଦିନ ଅଧିକରୁ ଅଧିକ ଆକ୍ରାନ୍ତ ସୁସ୍ଥ ହେଉଥିବା ବେଳେ ଗତ 24 ଘଣ୍ଟା ମଧ୍ୟରେ 78,877 ଜଣ ସୁସ୍ଥ ହୋଇଛନ୍ତି । ଏହା କେବଳ ପ୍ରତିଦିନ ଜାତୀୟ ସୁସ୍ଥ ହାର ବୃଦ୍ଧି ପାଉଥିବାରୁ ସମ୍ଭବ ହୋଇପାରିଛି, ଯାହାକି ଏବେ ରହିଛି 83.70% ।
ଆଜି ଦେଶରେ ମୋଟ ସୁସ୍ଥ ସଂଖ୍ୟା ରହିଛି 53,52,078 । ଶେଷ 10 ଲକ୍ଷ ସୁସ୍ଥ କେବଳ 12 ଦିନ ମଧ୍ୟରେ ହୋଇପାରିଛନ୍ତି । ଏହାସହ ଭାରତ ବିଶ୍ୱରେ ସବୁଠାରୁ ଅଧିକ ସୁସ୍ଥ ସଂଖ୍ୟାରେ ନିଜ ସ୍ଥାନ ବଜାୟ ରଖିଛି ।
10ଟି ରାଜ୍ୟ/କେନ୍ଦ୍ରଶାସିତ ଅଞ୍ଚଳରୁ 76.62% ସକ୍ରିୟ ମାମଲା ଆସିଛି । ଏବେ ଦେଶର ମୋଟ ପଜିଟିଭ୍ ମାମଲା ମଧ୍ୟରୁ ମାତ୍ର 14.74% ସକ୍ରିୟ ମାମଲା ରହିଛି । ମହାରାଷ୍ଟ୍ରରେ ସର୍ବାଧିକ 2.5 ଲକ୍ଷ ସକ୍ରିୟ ମାମଲା ଥିବା ବେଳେ ଏହା ପଛକୁ କର୍ଣ୍ଣାଟକରେ ଅଛି 1 ଲକ୍ଷ ସକ୍ରିୟ ମାମଲା ।
14ଟି ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳରେ 5 ହଜାରରୁ କମ୍ ସକ୍ରିୟ ମାମଲା ଅଛି ।
ଗତ 24 ଘଣ୍ଟା ମଧ୍ୟରେ ଦେଶରେ ମୋଟ 81,484ଟି ପଜିଟିଭ୍ ମାମଲା ଚିହ୍ନଟ ହୋଇଛି । 10ଟି ରାଜ୍ୟ/କେନ୍ଦ୍ରଶାସିତ ଅଞ୍ଚଳରୁ ଏଥିରୁ 78.07% ଆସିଛି । ମହାରାଷ୍ଟ୍ରରୁ ସର୍ବାଧିକ 16 ହଜାର ମାମଲା ଆସିଛି । କର୍ଣ୍ଣାଟକରୁ 10 ହଜାର ଏବଂ କେରଳରୁ 8 ହଜାର ମାମଲା ଆସିଛି ।
ନୂତନ ଭାବେ ସୁସ୍ଥ ହୋଇଥିବା ଲୋକଙ୍କ ମଧ୍ୟରୁ 72% 10ଟି ରାଜ୍ୟ/କେନ୍ଦ୍ରଶାସିତ ଅଞ୍ଚଳରୁ ଆସିଛନ୍ତି । ମହାରାଷ୍ଟ୍ରରେ ସବୁଠାରୁ ଅଧିକ ସୁସ୍ଥ ହୋଇଥିବା ବେଳେ ଏହା ପଛକୁ ଆନ୍ଧ୍ର ପ୍ରଦେଶ ଓ କର୍ଣ୍ଣାଟକର ସ୍ଥାନ ରହିଛି ।
ଗତ 24 ଘଣ୍ଟା ମଧ୍ୟରେ ଦେଶରେ 1095 ଜଣ ଆକ୍ରାନ୍ତଙ୍କ ମୃତ୍ୟୁ ହୋଇଛି । ଏଥିରୁ 83.37% ମୃତ୍ୟୁ କେବଳ 10ଟି ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳରୁ ହୋଇଛି । ଗତ 24 ଘଣ୍ଟା ମଧ୍ୟରେ ମହାରାଷ୍ଟ୍ରରେ 36% ମୃତ୍ୟୁ ଅର୍ଥାତ୍ 394 ଜଣ ପ୍ରାଣ ହରାଇଛନ୍ତି । ଏହା ପଛକୁ କର୍ଣ୍ଣାଟକରେ 130 ଜଣଙ୍କ ମୃତ୍ୟୁ ହୋଇଛି ।
**********
(Release ID: 1661089)
Visitor Counter : 143
Read this release in:
English
,
Urdu
,
Hindi
,
Marathi
,
Assamese
,
Manipuri
,
Bengali
,
Punjabi
,
Gujarati
,
Tamil
,
Telugu
,
Malayalam