ইন্দিয়ন এয়র ফোর্সনা ওক্তোবর ৮, ২০২০দা য়াম্না চাউথোকচবগা লোয়ননা মসিগী ৮৮শুবা কুমওন পাঙথোক্কনি। নুমিৎ অসিদা ঘাজিয়াবাদকী এয়র ফোর্স স্তেসন হিন্দান্দা পাঙথোক্কদবা এয়র ফোর্স নুমিৎকী পেরেদ অমসুং ইনবেস্তিচর থৌরম অসিদা তোঙান তোঙানবা এয়রক্রাফৎশিংনা পুক্নিং হুনিংঙাই ওইরবা নোংথক্কী কুমহৈ কয়া উৎকনি। কুমহৈ অসি পাঙথোক্নবা তম্বগী শেম-শাবশিং অসি ওক্তোবর ১, ২০২০ (শগোলশেল)দগী হৌগনি। এয়রক্রাফৎশিং অসিনা নোংথক্তা নেম্না পায়গদৌরিবা লমশিং অদুদি ৱাজিরপুর থোং – করৱালনগর – অফজাল্পুর – হিন্দান; শাম্লি – জিৱানা – চান্দিনগর – হিন্দান; হাপুর – ফিল্কুৱা – ঘাজিয়াবাদ – হিন্দান্নি।

এয়রক্রাফৎনা য়াম্না নেম্না পায়বা মতমদা উচেকশিংনা য়াম্না খুদোংথিবা থোকহনবা য়াই। চানবা পোৎ-চৈ মপান্দা হুন্দোকপা অসিনা উচেকশিংগী পুক্নিং চিংশিল্লি। এয়রক্রাফৎ, পাইলোৎ অমসুং লৈমায়দা লৈরিবা মীওইশিংগী তেক্ত কায়দনবা হায়দুনা ইন্দিয়ন এয়র ফোর্সনা দিল্লী, ঘাজিয়াবাদ অমসুং মসিগী য়ুম্লোন্নবদা লৈরিবা মফমশিংনা চানবা পোৎ-চৈ অমসুং ফত্ত-হৌদিশিং মপান্দা হুন্দোকপীদনবা হায়জরি। মসিদা নত্তনা করিগুম্বা মখোয়না অশিবা শা-ঙা মপান্দা তাদুনা লৈবা থেংনরবদি হীরম অসিগী মতাংদা মনাক নকপদা লৈবা এয়র ফোর্স স্তেসন/পুলিস স্তেসনশিংদা হায়রিবা অসিবু লৌথোকহনখিনবা খুদক্তা পাউ পীগদবনি হায়রি। মসিদা নত্তনা বর্দ হেজার্দ কম্বেৎ তীম (বি.ঐচ.সি.তি.)গী মরী লৈনবা ওফিসারদা সেলঃ নম্বরঃ ৯৫৫৯৮৯৮৯৬৪দা ফোন তৌবা নত্ত্রগা এস.এম.এস. থাগদবনি।

নোংথক্কী কুমহৈ অসি ফাউরবা অকাশ গঙ্গা কাঙলুপ্না নোংথক্তগী ফীরাল পুদুনা চোংথবগী থৌওংনা হৌদোক্কনি। মসিগী কাঙবু অসিনা মখোয়গী মচু শঙলবা কেনোপীশিং শেত্তুনা এন.এন.-৩২ এয়রক্রাফৎতগী পুং ০৮০০দা চোংথগনি।

নোংথক্তা পায়বগী থৌওংশিং অসিদা অরিবা এয়রক্রাফৎ, ত্রান্সপোর্তকী অনৌবা এয়রক্রাফৎ অমসুং ফ্রন্তলাইন ফাইতর এয়রক্রাফৎশিং য়াওগনি। থৌরম অসি পুক্নিং হুরবা নোংথক্তা উৎপা কুমহৈগা লোয়ননা পুং ১০৫২দা লোইশিনগনি

খঙজিনগদবাঃ মসিগী বোক্সতা পীরিবা ৱারোলশিং অসি ‘তেক্ত কায়দনা পায়বগী অকোয়বা’ অমা ওইহন্নবা চানবীদুনা ফোঙবীয়ু।

*****