প্রধানমন্ত্রী শ্রী নরেন্দ্র মোদীনা সেপ্তেম্বর ২৯, ২০২০ থাবা চেপাও অমদা জল জীবন মিশন(জে.জে.এম.)অসি হেন্না নিংথিনা নিংথিনা থবক পাংথোকহন্নবা ৱাফম অসি  লৈবাক অসিগী সর্পঞ্চশিং/গ্রাম পঞ্চায়েৎশিংদা য়ৌহনখ্রে। মিশন অসিগী পান্দম ওইরিবা-য়ুম খুদিংদা ঈশিং হায়বা অসি সর্পঞ্চশিং/গ্রাম পঞ্চায়েৎশিং/খুঙ্গংগী খুল্লাকপশিং অসিনা মসি থবক পাংথোকহনবদা মরুওইবা থৌদাং লৌবনা মখোয় পুম্নমক্কী মতেংনা মপুং ফানা খংহনবা ঙমগনি।   প্রধানমন্ত্রীনা মতৌ করম্না মীয়াম্না থৌদাং লৌদুনা মিশনশিং অসি মায় পাকপা অসি পুৱারী অমা শেম্লি হায়না পনখি।  মিশন অসিদগী ঈশিংগী খুদোংচাদবা অসি খংহনবদা নত্তনা কোলেরা, ইতোন ফাইবা, দাইরিয়া, এন্সেফেলাইতিস, তাইফোইদনচিংবা ঈশিংদগী থোরকপা লায়নাশিং অসি তেক্কল তৌবদা মতেং ওইরগনি।অদুগা শা-শনশিংদা অফবা অমদি অরুবা ঈশিং অসি ফংহনবা তারবদি মখোয়গী মশা ফহনবদা নত্তনা পোত্থোক হেনগৎহনবদসু মরুওইবা থৌদাং লৌদুনা ইমুংশিংগী চাগা হেনগৎহনগনি। প্রধানমন্ত্রীনা মীয়াম অমসুং গ্রাম পঞ্চায়েৎশিংদা জল জীবন মিশন অসি ময়ামগী ইহৌ ওইহন্নবা হায়খ্রে।

লৈবাক পুম্বনা অঙম্বা থাদুনা কোরোনা লায়চৎ অসি লান্থেংনরিঙৈগী মরক অসিদা চেপাও অসিগী মতম অসিগী ওইনা মরুওই অমদি মসিগা লোয়ননা মীপাল তাংদনা হিংবা ঙম্বা ওইহন্নবগীদমক্তা ‘মীপাল তাংদবা ভারত’ অমা তশেংনা ওইবা ওইহন্নবা পুৱারীগী ওইবা খোংথাংশিং পায়খৎলি।  চেপাও অসিদা কেন্দ্র সরকারনা হৌখিবা চহি তরুকসিদা লম্বি, য়ুম শাবা, অমাংশঙ, গ্যাস কনেক্সন, মৈ, বেঙ্ক একাউন্ত অমসুং মীপুম খুদিংমকপু পেন্সন ফংহন্নবা কেন্দ্র সরকারনা হোৎনখিবশিং অদু পনখি। অফবা অমদি মতিক চানা থক্নবা ঈশিং ফংহনবগী মরুওইবা অসি তশেংনা মথৌ তাবা অমনি হায়বসিদা অকনবা মিৎয়েং থম্লদুনা জে.জে.এম. অসি মতৌ করম্না মসিগী থৌরম মখল অমা ওইনা থৌরাং তৌবা, থবক পাংথোকহনবা, থবক তৌহনবা অমদি য়েংশিন্নবগী থৌদাং অসি খুঙ্গংগী মীওই কাংলুপশিংগা লোয়ননা য়ুম খুদিংদা ঈশিং ফংহন্নবা তৌখিবগে হায়বসি প্রধানমন্ত্রীনা ফোংদোক্তুনা খংহনখি।

মহাক্কী চেপাও অদুদা প্রধানমন্ত্রী শ্রী নরেন্দ্র মোদীনা ঈশিং কাংবনা নুপী-অঙাংশিংদা শাথিনা চৈথেং পীরিবা অসিবু খংহনখি। কেন্দ্র অমদি রাজ্য সরকারনা খুঙ্গংগী থাক্তা থক্নবা ঈশিং ফংহনবগী থৌরাংদা নুপীশিং অসি য়াওবা মরম্না নুপীশিংনা ঈশিংনা ঈশিংগী থবকশিং অসি মকোক থংলবদি মসি নুপীশিংনা খ্বাইদগী ফবা মওংদা পাংথোকপা ঙমগনি হায়খি। জল জীবন মিশন অসি খুঙ্গংগী মফমশিংদা থবক থোরকহন্নবগী পাম্বৈ অমসুনি।  কোরোনা ভাইরসকী লায়চৎ অসিনা ময়ুম-ময়ুমদা হল্লকখিবা মাইগ্রেন্তশিংগীদমক্তা 'গরীব কল্যান য়োজনা'গী মখাদা মিশন অসি মরুওইনা তৌগদবা থবক ওইহনখি।

প্রধান মন্ত্রী শ্রী নরেন্দ্র মোদীনা খুঙ্গংগী সর্পঞ্চশিং অমসুং গ্রাম পঞ্চায়েৎশিংদা খুঙ্গংশিংদা লৈরিবা য়ুম খুদিংদা মরুওইনা লাইরবা কাংলুপশিং অমসুং লাইরবগী পনখৈগী মখাদা লৈবা মীশিং অলসি পুন্সি হোংহনবা ঙম্বা মিশন অসিগী মখাদা তোতী ঈশিং ফংহন্নবা জল জীবন মিশন অসি মথৌ পাংথোকহন্নবা মখা তানা কন্না হোৎননবা হায়খ্রে।

সর্পঞ্চশিং অমসুং প্রধানশিংনা মখোয় মশা অমদি সরকার অনিমক্কী ওইনা ৱাফমশিং পীরক্নবসু হায়খ্রে। গ্রাম পঞ্চায়েৎকী মীহুৎ খুদিংদা কোরোনা ভাইরসনা নাদনবা অমদি ফুৎ তরুক লাপ্না লৈনবা অমদি শোইদনা মাস্ক উপ্নবগীদমক্তা খুঙ্গংগী সর্পঞ্চশিংনা পাংথোকপা য়াবা থবক তৌরক্কনি হায়বগী থাজবা থম্বগী ৱাফম ফোংদোকখি। প্রধানমন্ত্রীনা মীপুম খুদিংমক হকচাং ফনা অমদি তেক্ত-কাইদনা লৈনবা হায়খি। পঞ্চায়েৎশিং/ভিলেজ ৱাতর সপ্লাই অমসুং সেনিতেসন কমিতী/পানী সমিতীশিংনা পুন্সি হোংহনবা ঙম্বা মিশন ওইরিবা ‘জল জীবন মিশন’ অমসিগী মখাদা শোইদবা মওংদা ঈশিং ফংহন্নবগী ওইনা প্রধানমন্ত্রীনা ‘মার্গদর্শিকা’ (Click here to view the ‘Margdarshika’)সু ফোংখি।  জল জীবন মিশনগী ‘লোগো’সু মাইখুম হাংদোকখি। জল জীবন মিশন অসি লৈবাক অসিদা ২০২৪ ফাওবদা খুঙ্গংগী ইমুং খুদিংদা থক্নবা ঈশিং ফংহন্নবগী পান্দমদা রাজ্যশিংগা খুৎশম্নবগী মখাদা থবক পাংথোকহনবনি। হৌখিবা চহি অমসিদা লৈবাক অসিগী ইমুং করোর ২.৩০দা হান্ননা তোতী ঈশিং কনেক্সন ফংহনখ্রে।    হৌজিক ফাওবদা ইমুং করোর ৫.৫০না মখোয়গ য়ুমদা তোতী ঈশিং পুশিল্লে হায়বদি অপুনবা খুঙ্গংগী ইমুং মশিংগী চাদা ৩০দা ফংহল্লে।

*****