২০২০গী সেপ্তেম্বর থাদা খোমগৎখিবা অপুনবা জি.এস.তি.গী রিভেন্যু অসি লুপা করোর ৯৫,৪৮০নি মসিগী মনুংদা সি.জি.এস.তি. অসি লুপা করোর ১৭,৭৪১, এস.জি.এস.তি. অসি লুপা করোর ২৩,১৩১, আই.জি.এস.তি. অসি লুপা করোর ৪৭,৪৮৪ (মপালদগী পুশিল্লকপা গুদশিংদগী খোমগৎলকপা লুপা করোর ২২,৪৪২ য়াওরগা) অমসুং সেস অসি লুপা করোর ৭,১২৪ (মপালদগী পুশিল্লকপা গুদশিংদগী খোমগৎলকপা লুপা করোর ৭৮৮ য়াওরগা) ওইখি।

সরকারনা রিগুলর সেতলমেন্ত ওইনা সি.জি.এস.তি.দা লুপা করোর ২১, ২৬০ অমসুং এস.জি.এস.তি.দা লুপা করোর ১৬,৯৯৭ সেতল তৌখি।কেন্দ্র সরকার অমদি রাজ্য সরকারশিংনা ২০২০গী সেপ্তেম্বর থাদা রিগুলর সেতলমেন্ত তৌরবা মতুংদা ফংখিবা অপুনবা রিভেন্যু অসি সি.জি.এস.তি.গী লুপা করোর ৩৯,০০১ অমসুং এস.জি.এস.তি.গী লুপা করোর ৪০,১২৮ ওইখি।

রিভেন্যুশিং অসি হৌখিবা চহিগী থা অসিমক্তদা লাকখিবা জি.এস.তি. রিভেন্যুশিংদগী ৪% হেল্লি। থা অসিগী মনুংদা, মপালদগী পুশিল্লকপা গুদশিংদগী লাকপা রিবেন্যু অমসুং দোমেস্তিক ত্রাঞ্জেক্সনদগী লাকপা রিভেন্যুশিং (মপালদগী পুশিল্লকপা সর্ভিসশিং য়াওরগা) অসি হৌখিবা চহিগী থা অসিমক্তদা সোর্সশিং অসিদগী লাকখিবা রিভেন্যুশিংগী মথং শিৎনা ১০২% অমসুং ১০৫% ওইখি।

চার্ত অসিদা চৎলিবা চহি অসিগী মনুংদা থাগী ওইনা জি.এস.তি. রিভেন্যুশিংগী অপুনবা অদু উৎলি। তেবল অসিনা সেপ্তেম্বর ২০১৯ অমসুং চহি পুলপ অসিগা চাংদম্নবদা সেপ্তেম্বর ২০২০গী থাগী মনুংদা রাজ্য অমমমদগী খোমগৎলকখিবা রাজ্য-রাজ্যগী মশিংশিং অদু উৎলি।

তেবল: সেপ্তেম্বর ২০২০ ফাওবদা রাজ্য-রাজ্যগী ওইবা কলেক্সন*

* পোৎ-চৈশিং ইম্পোর্ত তৌবদা জি.এস.তি. য়াওদে

*****