দ নেস্নেল ইন্সতিত্যুৎ ওফ নেচুরোপেথী (এন.আই.এন.), পুনেনা ইনফোর্মেসন অমসুং ব্রোদকাস্তিং মিনিস্ত্রীগী মখাদা লৈবা মহারাস্ত্রা অমসুং গোৱাগী রিজনেল আউতরিস ব্যুরিয়োগা খুৎশম্নদুনা গান্ধী জয়েন্তি (২০২০গী ওক্তোবরগী ২)দগী হৌরগা অমসুং নেচুরোপেথী নুমিৎতা (২০২০গী নবেম্বরগী ১৮)দা লোইগদবা নুমিৎ ৪৮ চুপ্না ৱেবিনার অমা পাংথোক্কদৌরি। ৱেবিনার অসি নুমিৎ খুদিংগী অয়ুক পুং ১১দগী নুমিৎ য়ুংবা ১২ ফওবা পাংথোক্কনি অমসুং হায়রিবা অসি ফেসবুক্তা https://www.facebook.com/punenin উবা ফংগনি। মসি য়েংবদা হান্ননা মিং চন্দ্রবসু য়ারি। থৌরম খর অমদি আয়ুশ ভর্চুএল কনভেনসন সেন্তর (এ.ভি.সি.সি.)দা আয়ুশ মিনিস্ত্রীনা তোঙান্না লাউথোক্তুনা হৌদোক্কনি।

ৱেবিনার অসিগী থীম অসি “মহাত্মা গান্ধী-দ হীল্লর” হায়বা অসিনা ওইগনি অমসুং মসিনা ২১শুবা সেনচুরিদা লৈরিবা মীয়ামগী পুন্সি মহিং অসিদা মহাত্মা গান্ধীজিগী হকশেল অমসুং চিঞ্জাক্কী ৱাখল্লোল অসি মরী লৈননা মীয়ামদা শন্দোকপনি।   

গান্ধীয়নগী ৱাখল্লোল অমসুং নেচুরোপেথী অসিদা মমিং লৈরবা একাদেমিসিয়ান, ক্লিনিসিয়ান, হৈ-শিংলবা কালুপ অমনা থৌরম অসি পায়গনি। মসিদা শক্নাইরবা হায়বদি য়ুনাইতেৎ স্তেত্তগী দাঃ মার্ক লিন্দলি, ওস্ত্রেলিয়াদগী দাঃ গামভী ৱাত, মমিং লৈরবা গান্ধীয়ন হিস্তোরিয়ন দাঃ গীতা ধরমপাল, মেনেজনেন্ত গুরু প্রোফেসর শম্ভু প্রসাদ, পব্লিক হেলথ ফাউন্দেসন ওফ ইন্দিয়া (পি.ঐচ.এফ.আই.)গী দাইরেক্তর প্রোফেসর শ্রীনাথ রেদী, মমিং লৈরবা ওনকোলোজিস্ত দাঃ আর্বিন্দ কুলকার্নি অমসুং আই.এ.এস. শ্রীমতি লীলা মেহেন্দালে হায়রিবাশিং অসিনা থৌরম অসিদা শরুক য়ারি। ৱেবিনার অসিদা গান্ধী কাথা মহাত্মা গান্ধীগী অতাংবা ফিল্ম অসি উৎক্নি।

ৱেবিনার অসিগী অচৌবা পরিং অসিনা মহাত্মা গান্ধীগী পাওজেল অসি ২১শুবা সেনচুরি অসিদা লৈরিবা মীপুম খুদিংদা মশানা মশাবু লাকশিন্নবা হোৎনরি।

মহাত্মা গান্ধীগী ময়াম্না পাংনা খংনদবা অমা হায়রগদি মহাক্না চিঞ্জাক অমসুং ন্যুত্রীসন্দা নৈনবা অসিনি। আয়ুশ মিনিস্ত্রীনা মীয়ামদা আশা থম্লি মদুদি মহাক্কী ৱাখল্লোল অসি থৱায় য়াওনা অমুক হন্না চাকখৎহনবা অসিনি হায়রিবা অসিনা ২০২০গী ওক্তোবরগী ২ গান্ধী জয়েন্তি অসিদগী হৌরদুনা নুমিৎ ৪৮গী ৱেবিনার পরিং অসিদা মহাক্কী মতমগা হৌজিক্কী মতমগা মরী লৈনহনবা অসিনি।

গান্ধীজিগী ১৫০শুবা মপোক কুমোন পাংথোকপা অসিদা লৈবাক অসিনা মহাকপু ইকাই খুম্নবা অমসুং পুক্নিং থৌগৎনা নীংশিংলি। মীওইবা অমা ওইনা তৌগদবা ইথৌদাং হায়বদি থৌনা লৈবা, মীপুম খুদিংবু নুংশি চান্না তৌবা, হিংশা তৌদবা, মহৌশাগী ওইবা পোৎনা ফগৎহনবা, লু-নানবা অমসুং হকচাং ফবা অসি মতম পুম্বদা মরী লৈনহল্লি।

এন.আই.এন. পুনে অসি ভারত সরকারনা ১৯৮৬দা নেচর ক্যুর অসি মপাঙ্গল কনখৎনবা শেমখিবনি হায়রিবা অসি থৌরম কয়া অমা মথং মথং পাংথোক্তুনা ‘সেলফ রিলাইন্স থ্রু সেলফ হেলথ রিলাইন্স’ হায়বা থীম অসিদা চহি কয়া অমা শন্দোক্তুনা লাক্লি। এন.আই.এন.না  মখোয় মশা অসি মহাত্মা গান্ধীগী হকশেল অমসুং চিঞ্জাক্কী মফমদা ইন্সতিত্যুৎ অমনি হায়না লৌরি মসি কেম্পস অসি পুনেদা লৈবনি অদুগা ওল ইন্দিয়া নেচর ক্যুর ফাউন্দেসন থ্রস অসি ১৯৪৫কী নবেম্বর ১৮ দা লিংখৎখিবনি। গান্ধীজিনা সহি তৌবা চে য়াওবা ইন্সতিত্যুসন অসি মফম খর খক্তনি। থ্রস দিদ অসিদা অসিগুলবা কত্থোক্লবা থ্রস অসি নেচর ক্যুরগী সাইন্সতা মীয়ামদা পাউজেল পীবনি। এন.আই.এন. অসি আয়ুশ মিনিস্ত্রী মখাদা লৈবা মরোমদোম লেপচবা বোদি অমনি হায়রিবা অসি ইজুকেসনেল অমসুং হকশেলগী চেকশিন থৌরাংদা পান্দম থম্বনি।

নবেম্বর ১৮ অসি ১৯৪৫তা ভারত সরকারনা নেচুরোপেথীগী নুমিৎ হায়না মহাত্মা গান্ধীনা নেচর ক্যুরগীদমক হোৎনজবা অদুদা লাওথোকখিবনি। নুমিৎ অসি লৈবাক অসিগী মফম খুদিং অমসুং মালেম পুম্বদা লৈরিবা নেচুরোপাথ অমসুং নেচুরোপেথীনা পাংথোক্লি।

******