ਖਰੀਫ਼ ਮਾਰਕੀਟਿੰਗ ਸੀਜ਼ਨ 2020—21 ਲਈ ਫਸਲਾਂ ਹਾਲ ਹੀ ਵਿੱਚ ਬਜ਼ਾਰ ਵਿੱਚ ਆਉਣੀਆਂ ਸ਼ੁਰੂ ਹੋਈਆਂ ਹਨ , ਸਰਕਾਰ ਲਗਾਤਾਰ ਪਿਛਲੇ ਸੀਜ਼ਨਾਂ ਵਾਂਗ ਖਰੀਫ਼ 2020—21 ਦੀਆਂ ਫਸਲਾਂ ਦੀ ਖਰੀਦ ਮੌਜੂਦਾ ਘੱਟੋ ਘੱਟ ਸਮਰਥਨ ਮੁੱਲ ਅਨੁਸਾਰ ਕਰ ਰਹੀ ਹੈ ।
ਸੂਬਿਆਂ ਵੱਲੋਂ ਮਿਲੇ ਪ੍ਰਸਤਾਵਾਂ ਮੁਤਾਬਿਕ , ਸਰਕਾਰ ਨੇ ਤਾਮਿਲਨਾਡੂ , ਕਰਨਾਟਕ , ਮਹਾਰਾਸ਼ਟਰ , ਤੇਲੰਗਾਨਾ ਅਤੇ ਹਰਿਆਣਾ ਸੂਬਿਆਂ ਨੂੰ 14.09 ਲੱਖ ਮੀਟ੍ਰਿਕ ਟਨ ਦਾਲਾਂ ਤੇ ਤੇਲ ਬੀਜ ਖਰੀਦਣ ਲਈ ਮਨਜ਼ੂਰੀ ਦਿੱਤੀ ਹੈ । ਬਾਕੀ ਸੂਬਿਆਂ ਨੂੰ ਉਹਨਾਂ ਵੱਲੋਂ ਪ੍ਰਸਤਾਵ ਮਿਲਣ ਤੋਂ ਬਾਅਦ ਖਰੀਫ ਫਸਲਾਂ , ਦਾਲਾਂ ਤੇ ਤੇਲ ਬੀਜਾਂ ਨੂੰ ਖਰੀਦਣ ਦੀ ਮਨਜ਼ੂਰੀ ਦਿੱਤੀ ਜਾਵੇਗੀ । ਨੋਟੀਫਾਈਡ ਫਸਲ ਕਟਾਈ ਸਮੇਂ ਦੌਰਾਨ ਜੇਕਰ ਮਾਰਕਿਟ ਰੇਟ ਘੱਟੋ ਘੱਟ ਸਮਰਥਨ ਰੇਟ ਹੇਠਾਂ ਜਾਂਦਾ ਹੈ ਤਾਂ ਪ੍ਰਾਈਸ ਸਪੋਰਟ ਸਕੀਮ ਅਨੁਸਾਰ ਐੱਫ ਏ ਕਿਊ ਗਰੇਡ ਰਾਹੀਂ ਖਰੀਦ ਕੀਤੀ ਜਾਵੇਗੀ ।
28/09/2020 ਤੱਕ ਸਰਕਾਰ ਨੇ ਆਪਣੀਆਂ ਨੋਡਲ ਏਜੰਸੀਆਂ ਰਾਹੀਂ ਮੂੰਗ ਦੀ 46.35 ਮੀਟ੍ਰਿਕ ਟਨ ਫਸਲ ਦੀ ਖਰੀਦ ਘੱਟੋ ਘੱਟ ਸਮਰਥਨ ਮੁੱਲ ਦੇ 33 ਲੱਖ ਕੀਮਤ ਵਾਲੀ ਖਰੀਦ ਕੇ 48 ਕਿਸਾਨਾਂ ਨੂੰ ਫਾਇਦਾ ਪਹੁੰਚਾਇਆ ਹੈ । ਇਸੇ ਤਰ੍ਹਾਂ ਹੀ 5,089 ਮੀਟ੍ਰਿਕ ਟਨ ਕੋਪਰਾ ਦੀ ਖਰੀਦ ਕਰਕੇ ਜਿਸ ਦੀ ਘੱਟੋ ਘੱਟ ਸਮਰਥਨ ਮੁੱਲ ਕੀਮਤ 52.40 ਕਰੋੜ ਬਣਦੀ ਹੈ ਦੀ ਖਰੀਦ ਕਰਕੇ ਕਰਨਾਟਕ ਤੇ ਤਾਮਿਲਨਾਡੂ ਦੇ 3,961 ਕਿਸਾਨਾਂ ਨੂੰ ਫਾਇਦਾ ਪਹੁੰਚਿਆ ਹੈ ਜਦਕਿ ਆਂਧਰ ਪ੍ਰਦੇਸ਼ , ਕਰਨਾਟਕ , ਤਾਮਿਲਨਾਡੂ ਤੇ ਕੇਰਲ ਨੂੰ 1.23 ਲੱਖ ਮੀਟ੍ਰਿਕ ਟਨ ਖਰੀਦਣ ਦੀ ਮਨਜ਼ੂਰੀ ਦਿੱਤੀ ਗਈ ਸੀ ।
ਹਰਿਆਣਾ ਤੇ ਪੰਜਾਬ ਵਿੱਚ 26 ਸਤੰਬਰ 2020 ਤੋਂ ਖਰੀਫ ਮਾਰਕੀਟਿੰਗ ਸੀਜ਼ਨ 2020—21 ਦੌਰਾਨ ਝੋਨੇ ਦੀ ਖਰੀਦ ਸ਼ੁਰੂ ਹੋ ਚੁੱਕੀ ਹੈ ਅਤੇ 28/09/2020 ਤੱਕ ਹਰਿਆਣਾ ਵਿੱਚੋਂ 3,164 ਮੀਟ੍ਰਿਕ ਟਨ ਅਤੇ ਪੰਜਾਬ ਵਿੱਚੋਂ 13,256 ਮੀਟ੍ਰਿਕ ਟਨ ਝੋਨਾ ਖਰੀਦਿਆ ਗਿਆ ਹੈ , ਜੋ ਕੁੱਲ 16,420 ਮੀਟ੍ਰਿਕ ਟਨ ਬਣਦਾ ਹੈ ਤੇ ਜਿਸ ਦੀ ਘੱਟੋ ਘੱਟ ਸਮਰਥਨ ਮੁੱਲ ਨਾਲ ਕੀਮਤ 31 ਕਰੋੜ ਰੁਪਏ ਬਣਦੀ ਹੈ । ਪੰਜਾਬ ਤੇ ਹਰਿਆਣਾ ਦੇ 1,443 ਕਿਸਾਨਾਂ ਕੋਲੋਂ ਇਹ ਝੋਨਾ ਘੱਟੋ ਘੱਟ ਸਮਰਥਨ ਮੁੱਲ 1,888 ਪ੍ਰਤੀ ਕੁਅੰਟਲ ਦੇ ਹਿਸਾਬ ਨਾਲ ਖਰੀਦਿਆ ਗਿਆ ਹੈ । ਬਾਕੀ ਸੂਬਿਆਂ ਵਿੱਚ ਝੋਨੇ ਦੀ ਖਰੀਦ 28/09/2020 ਤੋਂ ਸ਼ੁਰੂ ਹੋ ਚੁੱਕੀ ਹੈ ।
ਕਪਾਹ ਦੀ ਸੀਜ਼ਨ 2020—21 ਲਈ ਖਰੀਦ 1 ਅਕਤੂਬਰ ਤੋਂ ਸ਼ੁਰੂ ਹੋਵੇਗੀ ਅਤੇ ਕੋਟਨ ਕਾਰਪੋਰੇਸ਼ਨ ਆਫ ਇੰਡੀਆ 1 ਅਕਤੂਬਰ ਤੋਂ ਐੱਫ ਏ ਕਿਊ ਗਰੇਡ ਕੋਟਨ ਦੀ ਖਰੀਦ ਸ਼ੁਰੂ ਕਰੇਗੀ ।
 

ਏ ਪੀ ਐੱਸ / ਐੱਸ ਜੀ