খরিফকী পোৎ লৈবগী কুম ২০২০-২১ লাকপা অসিগা লোয়ননা সরকারনা মমাংগী কুমদা তৌখিবগুম হৌজিক চৎনরিবা এম.এস.পি. স্কিমগী মতুং ইন্না লৌউবশিংদগী খরিফ ২০২০-২১গী পোত্থোকশিং এম.এস.পি.দা লৈবগী থবক লেপ্তনা চত্থরি।

রাজ্যশিংদা হায়রকপদা য়ুম্ফম ওইদুনা তমিল নাদু, করনাতকা, মহারাস্ত্রা, তেলঙ্গানা অমসুনহ হরয়ানাগী রাজ্যশিংগী ওইনা কে.এম.এস. ২০২০-২১গী ওইনা হৱাই অমসুং ওইলসীদ এল.এম.তি. ১৪.০৯ লৈবগী অয়াবা পীখ্রে। অতোপ্পা রাজ্য/য়ু.তীশিংগী ওইনসু মখোয়না খরিফকী হৱাই অমসুং ওইলসীদকী মতাংদা হৌদোরকপগী ৱাফম ফংলবা মতুংদা অয়াবা পীগনি অমসুং খঙহনখিবা লৌরোকপগী মতমগী মনুংদা কৈথেলগী মমল অসিনা এম.এস.পি.দগী তাখিবা থোক্লগদি এফ.এ.ক্যু.  গ্রেদকী পোত্থোকশিং অসি প্রাইস সপ্পোর্ত স্কিম (পি.এস.এস.)গী মতুং ইন্না লৈগনি।

২৮/৯/২০২০ ফাওবগী মনুংদা সরকারনা মসিগী নোদেল এজেন্সীশিংগী খুত্থাংদা তমিল নাদুগী লৌউবা ৪৮দা কান্নবা ফংহন্দুনা এম.এস.পি.গী মমলদা অপুনবা শেনফম লুপা লাখ ৩৩ তাদুনা এম.তি. ৪৬.৩৫গী মুং লৈখি। মসিগা মান্নবা ওইনা, আন্ধ্র প্রদেশ, করনাতকা, তমিল নাদু অমসুং কেরলাদা অয়াবা পীখিবা এল.এম.তি. ১.২৩গী মনুংদগী করনাতকা অমসুং তমিল নাদুগী লৌউবা ৩৯৬১দা কান্নবা ফংহন্দুনা লুপা করোর ৫২.৪০গী এম.এস.পি.গী শেনফমদা এম.তি. ৫০৮৯গী কোপ্রা (পেরেনিএল ক্রোপ) লৈখি।

হরয়ানা অমসুং পঞ্জাবকী ওইনা খরিফকী পোত্থোক লৈবগী কুম -২০২০-২১গী মনুংদা ফৌ লৈবগী থবকশিংসু সেপ্তেম্বর ২৬, ২০২০দগী হৌখ্রে। ২৮/৯/২০২০ ফাওবগী মনুংদা হরয়ানা অমসুং পঞ্জাবতগী মথংশিৎনা ফৌগী এম.তি. ৩১৬৪ অমসুং ১৩২৫৬ ওইদুনা পুন্না এম.তি. ১৬৪২০ অসি ক্বিন্তল অমদা লুপা ১৮৮৮গী চাংদা এম.এস.পি.গী অপুনবা শেম্ফম লুপা করোর ৩১ ওইদুনা রাজ্য অনি অসিগী লৌউবা ১৪৪৩দগী লৈখ্রে । অতোপ্পা রাজ্যশিংগী ওইনা ফৌ লৈবগী থবক অসি ২৮/৯/২০২০দগী হৌখিবতা ঙাইরি।

ইং ২০২০-২১গী কুমগী লশিং লৈবগী থবক অসি ওক্তোবর ১, ২০২০দা হৌগনি অমসুং কত্তন কোর্পোরেসন ওফ ইন্দিয়ানা (সি.সি.আই.) এফ.এ.ক্যু. গ্রেদ কত্তনশিং অসি ওক্তোবর ১, ২০২০দগী লৈবা হৌগনি।

****