(মসিদা হৌখিবা পুং ২৪ দা থোকখিবা কোবিদ -১৯গা মরী লৈনবা চেফোংশিং, ফিল্দ ওফিসশিংদগী ফংবা পাউশিং, অমসুং পি.আই.বি.না লৌখৎপা ফেক্ত চেকশিং য়াওরি )

• ভারতকী নাবা ফবগী চাং চাদা ৮৩ লানখ্রে
• নাবা ফবগী কেসনা এক্তিব কেসতগী লাখ ৪১.৫ হেন্না হেনখ্রে
• হৌখিবা পুং ২৪ অসিদা লৈবাকসিগী নাবা ফরবা মশিং ৮৪,৮৭৭ লাকখি, অদুগা অনৌবা কনফার্ম্দ কেসনা ৭০,৫৮৯ লাকখি
• লৈবাক অসিগী এক্তিব কেসলোদ অসি অপুনবা পোজিতিব কেসকী চাদা ১৫.৪২ খক্তমক ওইরি
• ঐখোয়না ইনর্জী সিস্তেম অসি মরা চেৎশিন্নবা, অফবা ওইনবা, মপাঙ্গল কনখৎনবা অমসুং প্রজা মীয়ামগী মথৌ তাবশিং অদু ফংহনবা ঙম্নবা কোবিদ-১৯গী মতুংদা তারকপদা কন্না হোৎনগনি হায়না শ্রী ধর্মেন্দ্র প্রধান্না হায়খ্রে
• “ইন্দস্ত্রীশিংগী থবক তৌফমদা কোবিদ-১৯দগী তেক্ত কায়দনা লৈনবা কাঙলোন” কৌবা চেফোঙ ফোঙখ্রে

ভারতকী নাবা ফবগী চাং চাদা ৮৩ লানখ্রে, নাবা ফবগী কেসনা এক্তিব কেসতগী লাখ ৪১.৫ হেন্না হেনখ্রে

ভারত্তা মখা তানা মশিং ৱাংনা নাবা ফগৎলক্লি। নাবা ফবগী কেসনা অনৌবা কনফার্ম্দ কেসতগী অমুক্কা হন্না হৌখিবা পুং ২৪ অসিদা হেনখ্রে। মসিগা লোইননা ভারতকী নাবা ফবগী চাং অসি ঙসি চাদা ৮৩ লানখ্রে। হৌখিবা পুং ২৪ অসিদা লৈবাকসিগী নাবা ফরবা মশিং ৮৪,৮৭৭ লাকখি, অদুগা অনৌবা কনফার্ম্দ কেসনা ৭০,৫৮৯ লাকখি। অপুনবা নাবা ফরবগী মশিং ৫১,০১,৩৯৭ শুখ্রে। অনৌবা নাবা ফরবা কেসকী চাদা ৭৩না রাজ্য তরা হায়বদি মহারাস্ত্রা, কর্নাতাকা, অন্ধ্র প্রদেশ, তমিল নাদু, উত্তর প্রদেশ, দিল্লী ওরিশা, কেরলা, নোংচুপ বেঙ্গাল অমসুং মধ্য প্রদেশতগী লাকখি। মহারাস্ত্রনা ময়ামসিদগী নাবা ফরবা মশিং ২০,০০০ লাক্তুনা মকোক্তা লৈরি অদুগা কর্নাতাকা অমসুং অন্ধ্র প্রদেশনা মথং শিৎনা নোংমগী মনুংদা ৭,০০০ নাবা ফখি। চাং কাইদনা নাবা ফবগী চাং ৱাংখৎলকপনা এক্তিব অমসুং রিকোবর্দ কেসকী মরক্তা লৈবা অহাংবা হেনগৎলক্লি। নাবা ফরবা কেসনা এক্তিব কেসত (৯,৪৭,৫৭৬)তগী লাখ ৪১.৫ (৪১,৫৩,৮৩১) হেনখ্রে। নাবা ফরবা কেস অসি এক্তিব কেসতগী শরুক ৫.৩৮ হেন্দুনা লেপ্পা লৈতনা নাবা ফগৎলক্লি হায়বা তাক্লি। লৈবাক অসিগী এক্তিব কেসলোদ অসি অপুনবা পোজিতিব কেসকী চাদা ১৫.৪২ খক্তমক ওইরি অমসুং মসিসু লেপ্পা লৈতনা হন্থরক্লি। মখাদা পীরিবা গ্রাফ অনী অসিনা রাজ্য তরাদা সেপ্তেম্বর ২৩ অমসুং ২৯দা লৈখিবা অহোংবগী খুদম তাক্লি। অপুনবা ওইনা অনৌবা কেস ৭০,৫৮৯ লৈবাক অসিদা হৌখিবা পুং ২৪ অসিদা লাকখি। রাজ্য/য়ু.তি. ১০না অনৌবা কনফার্ম্দ কেসকী চাদা ৭৩ লৈরি। মহারাস্ত্রনা মসিগী মথক্তা লৈরি। মসিনা ১১,০০০ হেন্না হাপচিল্লি, মতুংদা কর্নাতাকানা কেস ৬,০০০ হাপ্লি। হৌখিবা পুং ২৪ অসিদা মীওই ৭৭৬ লৈখিদ্রে। রাজ্য/য়ু.তি. ১০না হৌখিবা পুং ২৪ অসিদা কোবিদনা মরম ওইদুনা লৈখিদবগী চাদা ৭৮ হাপ্লি। নৌনা লৈখিদ্রবশিং অসিগী মনুংদগী, মহারাস্ত্রদা মীওই ১৮০ লৈখিদবগা লোইননা চাদা ২৩ লৈখিদ্রে, মসিগী মতুংদা তমিল নাদুদা মীওই ৭০ লৈখিদ্রে।

অকুপ্পা ৱারোলগীদমক :

দাঃ হর্শ বর্ধন অমসুং শ্রী সান্তোশ কুমার গাংৱারনা “ইন্দস্ত্রীশিংগী থবক তৌফমদা কোবিদ-১৯দগী তেক্ত কায়দনা লৈনবা কাঙলোন” কৌবা চেফোঙ অমা পুথোকখ্রে

হকশেল অমসুং য়াইফ য়ুম্বাল, সাইন্স অমসুং তেক্নোলোজী অমসুং আর্থ সাইন্সেসকী কেন্দ্র মন্ত্রী দাঃ হর্শ বর্ধন অমসুং রাজ্য মন্ত্রী (ইন্দিপেন্দেন্ত চার্জ), লেবর অমসুং ইমপ্লোয়মেন্তকী কেন্দ্র মন্ত্রী শ্রী সান্তোশ কুমার গাংৱারনা নিতি আয়োগকী মেম্বর (হেল্থ) দাঃ ভি.কে. পাউলগী মমাংদা বর্চুএলগী খুত্থাংদা “ইন্দস্ত্রীশিংগী থবক তৌফমদা কোবিদ-১৯দগী তেক্ত কায়দনা লৈনবা কাঙলোন” কৌবা চেফোঙ অমা ফোঙখ্রে। চেফোঙ অসিবু ফোঙবদা হরাওবা ফোঙদোক্লদুনা দাঃ হর্শ বর্ধন্না হায়খি, “মসিগী কাঙলোনশিং অসি য়াম্না থাগৎনিংঙাইনি অমসুং মতম য়াম্না চাবা ওই। মসিনা ইন্দস্ত্রীগী থৌমীশিংগী য়াইফবদা তেংবাংগনি। মসিগী কাঙলোনশিং অসিনা থৌমীশিং অমসুং থবক পীবা মীওইশিংদা মশাগী থবক তৌফমশিংদা কোবিদ-১৯গী খুদোংথীবগী চাং খঙদোকপা অমসুং মসিগী মতুং ইন্না চেকশিন থৌরাং লৌখৎপদা তেংবাংগনি”। মসিগী কাঙলোনশিং অসিনা নিংশা হোনবগী হাইজিন, খুৎ তোয়না হাম্বা, সোসিএল দিস্তেন্সিং তৌবা অমসুং থবক তৌফমশিংবু তোয়না সেনিতাইজেসন তৌদুনা লায়না অসিবু থেংনবগী থৌওংদা য়ুম্ফম ওইদুনা থবক তৌফমশিং অসিবু তেক্ত কায়দনা লৈহন্নবা পাঙথোকপা য়াবা মরু ওইবা থবকশিংগী মরমদা পল্লি। শ্রী সান্তোশ কুমার গাংৱারনা হায়খি, “মসিগী ইন্দস্ত্রীগী থৌমীশিংবু তেক্ত কায়দনা থম্নবা কাঙলোনশিং অসিনা মীয়ামগী পুক্নিং থৌগৎকনি। হৌজিক থেংনরিবা ইরাং অসিগী মতাংদা ৱাখলবু নীংথিনা শেম-শাদুনা লৈবা অমসুং কোবিদকা চান্নবা থৌওংশিং ইন্দুনা চৎপা হায়বসি য়াম্না মরু ওইবনি”।

অকুপ্পা ৱারোলগীদমক :

নেচুরোপেথীদা ৱেবিনারগী পরিং অমা গান্ধী জায়েন্তিগী থৌরমদা শিনগদৌরি

অয়ুশ মিনিস্ত্রীগী মখাদা নেস্নেস ইন্সতিত্যুৎ ওফ নেচুরোপেথী (এন.আই.এন.)না ৱেবিনার পরিং অমা গান্ধীগী ৱাখল্লোল ইশানা ইশাগী হকচাং ফবদগী খংবা হায়বা অসিদা মহাত্মা গান্ধীগী ১৫০শুবা মপোক কুমোন ২০২০গী ওক্তোবরগী ২ অমসুং নেস্নেস নেচুরোপেথী দে মদুদি ২০২০গী নবেম্বরগী ১৮ ফাওবা শিনগদৌরি। ৱেবিনার পরিং অসিনা মীয়ামদা মশানা মশাবু চেকশিনজদুনা ইচম চম্বা নেচুরোপেথী অসি শিজিন্নদুনা মশা ফনবগী পাওজেল পীরি। থৌরম অসিগী পান্দমদি নেচুরোপেথী অসিগী উৎতুনা ময়ামদা খংহনবা অসিনি। মসিগী মখা তারকপা পাউখুম অসি লাইব ওইবা চাত অমসুং প্রাক্তিসনরশিংগা ৱা খন্নবা অসিনি। হায়রিবা ভর্চুএল ওইবা থৌরম অসি ফিজিকেল বাউন্দরি অমসুং থৌরম অসিদা শরুক য়াগদৌরিবা অসি লৈবাক অসিগী মফম কয়াদগী অমসুং মদুগী মপালদগী য়াওগনি। হায়রিবা অসিদা গান্ধীজিগী ৱাখল্লোল হকচাং ফবা হায়বদি হৌজিক ওইরিবা কোবিদ-১৯ অসিগী মওংদা লৌদুনা ময়ামদা শন্দোক্কনি। গান্ধীজিনা ইশা ফনবা হোৎনবা অসি ইশাগী তৌফম থোকপনি হায়না কন্না হায়খি।

অকুপ্পা ৱারোলগীদমক :

প্রধান মন্ত্রীনা গঙ্গা তুরেলবু নির্মল অমসুং অভিরাল ওইহন্নবগীদমক উত্তরাখন্দদা মরুওইবা প্রোজেক্ত তরুক  হৌদোকখ্রে

প্রধান মন্ত্রী শ্রী নরেন্দ্র মোদীনা নমামি গঙ্গে মিসনগী মখাদা উত্তরাখন্দদা মরুওইবা প্রোজেক্ত তরুক ভিদিও কনফরেন্সকী থোংদা হৌদোকখি। শ্রী মোদীনা হরিদ্বারদা গঙ্গা তুরেলগী মতাংদা অহানবা ওইনা গংগা অভালোকান ম্যুজিয়ম হৌদোকখি। মহাক্না 'রোইং দাউন দি গঙ্গেজ' হায়বা লাইরিক অমা অমসুং জল জীবন মিসনগী অনৌবা লোগো অমা হৌদোকখি। প্রধান মন্ত্রীনা থৌরম অদুদা 'গ্রাম পঞ্চায়ৎশিংগী মার্গাদর্শিকা অমসুং পানি সমিতিশিং জল জীবন মিসনগী মখাদা' (ভিলেজ পঞ্চায়ৎ অমসুং ৱাতর কম্মিতীশিংগী চৎন-কাংলোন) মাইখুম হাংখি। থৌরম অদুদা ৱা ঙাংলদুনা প্রধান মন্ত্রীনা হায়খি মদুদি জল জীবন মিসন্না লৈবাক অসিদা লৈরিবা খুঙ্গংগী ইমুং খুদিংদা পাইপকী ঈশিং পীনবা পান্দম থম্লি। শ্রী মোদীনা হায়খি মদুদি মিসন অসিগী অনৌবা লোগো অসিনা ঈশিং মরিক খুদিংমক কন্নবগী ইথিল পীরগনি। মার্গদর্শিকা পল্লদুনা প্রধান মন্ত্রীনা হায়খি মদুদি মখোয়সু চপ মান্ননা গ্রাম পঞ্চায়ৎনা খুঙ্গগী লমশিংদা লৈরিবা মীয়ামতা নত্তনা সরকারগী মেচিনরীশিংগীদমক মরু ওই। শ্রী মোদীনা গঙ্গা তুরেলনা উত্তরাখন্দদগী হৌরক্তুনা নোংচুপ বেঙ্গালফাওবদা লৈরিবা লৈবাক অসিগী মীওই চাদা ৫০ রোমগী পুন্সিদা অচৌবা থৌদাং অমা লৌবনা মসিবু লু-নান্না থম্বগী তঙাইফদবা লৈরিবামসিগী মরমদা হায়খি। মাহাক্না নমামি গঙ্গে মিসনবু গঙ্গা তুরেল লু-নালহন্নবদা নত্তনা তুরেল সিবু মথৌ মতীক চানা তৌহন্নবা হোৎনরিবা অপুনবা কন্নবগী খ্বাইদগী চাওবা মিসন অমনি। প্রধান মন্ত্রীনা হায়খি মদুদি মসিগী অনৌবা ৱাখল্লোন অমসুং অনৌবা খোঙথাং অসিনা গঙ্গা তুরেলবু হান্নগী পুন্সিদা হঞ্জিলহনবা ঙমহল্লে। করিগুম্বা অরিবা থৌওংশিংদু অদুম্মক তৌদুনা লৈরম্লবদি ফিবম অসি ঙসিসু অদুম্মক চাদনা লৈরমগনি। অরিবা থৌওংশিংদা মীয়াম শরুক য়াহনবা অমসুং মাংজিল থানা য়েংবা য়াওদে।

অকুপ্পা ৱারোলগীদমক:

উত্তরাখন্দদা নমামি গঙ্গেগী মখাদা অচৌবা প্রোজেক্ত তরুক শঙ্গাবদা প্রধান মন্ত্রীনা পীখিবা ৱারোল

অকুপ্পা ৱারোলগীদমক :

ভারত-দেনমার্ক গ্রীন স্ত্রেতজিক পার্ত্নরসিপগী অপুনবা ৱারোল

কিংদম ওফ দেনমার্ককী প্রধান মন্ত্রী হর এক্সেলেন্সী মিস মেতে ফ্রেদেরিকসেন অমসুং রিপব্লিক ওফ ইন্দিয়াগী প্রধান মন্ত্রী হিস এক্সেলেন্সী মিস্তর মরেন্দ্র মোদী অনীনা থৌরম মপু ওইদুনা সেপ্তেম্বর ঙরাং ভারত অমসুং দেনমার্ককী মরক্তা ভর্চুএল সম্মিত অমা পাঙথোকখ্রে‍। প্রধান মন্ত্রী মোদী অমসুং প্রধান মন্ত্রী ফ্রেদেরিকসেন অনীনা নাকল অনিগী ওইবা তরাম তরামবা মরুপ মপাঙ ওইবগী মীৎয়েঙ ৱাখল্লোন মমুৎ তানা ফোঙদোক্নখি অমদি অইং অশা হোংলকপা অমসুং গ্রীন ত্রাঞ্জিসন য়াওনা কোবিদ-১৯ লাইচৎ অমসুং নাকল অনিগী ওইবা ইন্তরেস্ততা লৈবা মালেমগী ৱাফমশিং খন্নদুনা তুং কোইবা য়াবা শেন্মিৎলোন অমসুং খুন্নাইগী ফীভম পুরক্ননবা মীৎয়েঙদা য়ানবা ৱাফমশিং পুরকখি‍। নাকল অনিনা হকশেলগী লমদা ৱারী ৱাতায় শানবা অমদি মতেং পাংনবগী ফীভম মপাঙ্গল কনখৎহন্নবা ওইথোকপা য়াবশিং অমসুং মখোয়না পাম্নরিবা ৱাফমশিংদা অহেনবা মীৎয়েঙ চঙনখি‍। লাইচৎ অমসুং ভেক্সিন, মরুওইনা কোবিদ-১৯ অমসুং তুংগী লাইচৎশিং য়াওনা হকশেলগী থৌরাংগী লৈরিবা ইসুশিংগী মতাঙদা তাথোক তাশিন তৌননবা অমদি খ্বাইদগী ফবা ফীভম তানমিন্ননবা মখোয়গী অপাম্বশিং লৈখায় তানখি‍। মখোয়না রিসর্চ কোলাবোরেসন য়াওনা লাইফ সাইন্স সেক্তরদা হেন্না ফবা ফীভম অমা শেমগত্তুনা বিজিনেসশিংগী লল্লোন ইতিক্কী খুদোংচাবা পাকথোক চাউথোকহন্নবা থবক পায়খৎমিন্ননবা য়ানখি‍।

অকুপ্পা ৱারোলগীদমক :

শ্রী ধর্মেন্দ্র প্রধান্না হায়রি আত্মনির্ভর ভারতনা লৈবাক অসিদা মপুং ফাবা ইনর্জী সেক্যুরিতীগী আর্কিতেকচর অমা পুরক্নবা ঐখোয়না হোৎনরিশিং অসিদা মতেং পাংলগনি

পেত্রোলিয়ম অমসুং নেচরেল গ্যাস অমদি স্তীলগী কেন্দ্রগী মন্ত্রী শ্রী ধর্মেন্দ্র প্রধান্না ঙসি হায়খি ইকাইখুমনরবা প্রধান মন্ত্রী শ্রী নরেন্দ্র মোদীগী আত্মনির্ভর ভারতকী অপাম্বা অসিনা লৈবাক অসিদা মপুং ফাবা ইনর্জী সেক্যুরিতীগী আর্কিতেকচর অমা পুরক্নবা ঐখোয়না হোৎনরিশিং অসিদা মতেং পাংলগনি। গ্লোবেল কাউন্তর তেরোরিজম কাউন্সিলনা শিনবা ‘জি.সি.তি.সি. ইনর্জী সেক্যুরিতী কনফরেন্স ২০২০দ’দা পীখিবা মহাক্কী মরু ওইবা ৱারোলদা, মহাক্না হায়খি, হৌখিবা চহি তরুক অসিদা লেপ্তনা ইনর্জী পোলিসীশিং শেগৎতুনা অমসুং কোবিদ-১৯না থোকহল্লিবা খুদোংচাদবশিং অসি কোকহন্নবা অওনবা পুরক্লি। মহাক্না হায়খি, “ঐখোয়না ইনর্জী সিস্তেম অসি মরা চেৎশিন্নবা, অফবা ওইনবা, মপাঙ্গল কনখৎনবা অমসুং প্রজা মীয়ামগী মথৌ তাবশিং অদু ফংহনবা ঙম্নবা কোবিদ-১৯গী মতুংদা তারকপদা কন্না হোৎনগনি। ঐহাক্না থাজৈ, ভারতকী ইনর্জী কম্পনীশিং অসি কোবিদ-১৯গী খুত্থাংদা মপাঙ্গল কনখৎহনখ্রে অমদি ইন্নোবেসনগী খুত্থাংদা অমুক হন্না হিংগৎহন্দুনা আত্মনির্ভর ভারত ওইহন্নবা হোৎনগনি।” শ্রী প্রধান্না হায়খি, ইনর্জী সেক্তরদা আত্মানির্ভর ভারতকী থৌরাং অসি ইমপ্লিমেন্ত তৌনবা অমসুং ইকাইখুমনরবা প্রধান মন্ত্রীগী ইনর্জী ফংহন্নবা, কুইনা শাংনা চৎহন্নবা অমসুং অহোংবা মমলদা ফংহন্নবা ইনর্জীগী মঙলান অসি ওইথোক্নবা সরকারনা পাম্বৈ পুম্নমক লৌখৎলি।

অকুপ্পা ৱারোলগীদমক :

কে.এম.এস. ২০২০-২১গী ওইনা তামিল নাদু, কর্নাতাকা, মহারাস্ত্রা, তেলঙ্গানা অমসুং হরিয়ানা রাজ্যশিংদগী হৱাই অমসুং থাও থোকপা মরু মেত্রিক তন লাখ ১৩.৭৭ লৈবগী অয়াবা পীরে

খারিফ মার্কেত্তিং সিজন-২০২০-২১ হৌরে অমসুং মমাংগী মতমদা পাংথোকখিবা অদুগুম্না হৌজিক চৎনরিবা এম.এস.পি স্কিমগী মতুংইন্না লৌমীশিংদগী এম.এস.পিদা সরকারনা কালেন লৌরোক-২০২০-২১গী পোৎথোকশিং লৈবা হৌরে। রাজ্যশিংনা পুখৎলকপা ৱাফমশিংদা য়ুম্ফম ওইরগা, খারিফ মার্কেত্তিং সিজন-২০২০-২১গী ওইনা তামিল নাদু, কর্নাতাকা, মহারাস্ত্রা, তেলঙ্গানা অমসুং হরিয়ানা রাজ্যশিংগী হৱাই অমসুং থাও থোকপা মরু মেত্রিক তন লাখ ১৩.৭৭ লৈবগী অয়াবা পীরে। অতোপ্পা রাজ্যশিং/য়ু.তিশিংগী ওইনা, করিগুম্বা কৈথেলগী মমল অসি এম.এস.পিগী মখাদা লৈরবদি, কালেনগী হৱাইশিং অমসুং থাও থোকপা মরুশিং প্রাইজ সপোর্ত স্কিম(পি এস এস)গী মতুংইন্না লৈগনি। ২০২০গী সেপ্তেম্বর ২৪ ফাওবদা, সরকারনা মসিগী নোদেল এজেন্সিশিংগী খুৎথাংদা মুং মেত্রিক তন ৩৪.২০ লৈদুনা তামিলি নাদুগী লৌমী ৪০ দা এম.এস.পিগী লুপা লাখ ২৫ ফংহনখ্রে। মসিগা চপ মান্ননা, এম.এস.পিদা লুপা করোর ৫২.৪০গী কোপ্রা মেত্রিক তন ৫০৮৯ লৈদুনা কর্নাতাকা অমসুং তামিল নাদুগী লৌমী ৩৯৬১ কান্নবা ফংহনখ্রে।মসি অন্ধ্র প্রদেস, কর্নাতাকা, তামিল নাদু অমসুং কেরলাদগী লৈগদবা এল.এম.তি ৯৫.৭৫ অদুগী মথক্তনি।

অকুপ্পা ৱারোলগীদমক:

কেন্দ্রগী মন্ত্রী দা.জিতেন্দ্র সিংহগী খুৎথাংদা বি.ভি.পি.না পি.এম.কেয়র্স ফন্দদা লুপা কোতি ২.১১গী শেনফম খায়নদুনা পীখ্রে

দিভেলপমেন্ত ওফ নোর্থ ইস্ত্রন রিজন(দোনর), এম.ও.এস. পি.এম.ও., পর্সোনেল, পব্লিক গ্রিভেন্স, পেন্সন্স, এতোমিক ইনর্জী অমসুং ইস্পেসকী রাজ্যগী কেন্দ্রগী মন্ত্রী(ইন্দিপেন্দেন্ত চার্জ) দা.জিতেন্দ্র সিংহগী খুৎথাংদা নন-প্রোফিৎ সোসিয়েল ওর্গনাইজেসন অমা ওইরিবা ভারত ভিকাস পরিশদ (বি.ভি.পি.)না পি.এম.কেয়র্স ফন্দগীদমক লুপা কোতি ২.১১গী শেনফম খায়নদুনা পীখ্রে৷ শেনফম অদু পীবা মতমদা দা.জিতেন্দ্র সিংহনা অসুম্না ফোংদোকখ্রে মদুদি প্রধান মন্ত্রী নরেন্দ্র মোদীনা লৈবাক মীয়াম অসিদা য়াম্না চাওনা থাজবা থম্লি অমসুং মসিনা মরম ওইরগা করিগুম্বা মতমদা হিরম অমনা মরম ওইরগা থোকলকপা ইহৌ অমদা খঙহৌদনা ইহৌ অদুবু অচৌবা ইহৌ অমা ওন্থোকই৷ হায়রিবা ময়াম অসি মহাক্না স্বচ ভারত মিসন, তোইলেত শাবগী, গ্যাস সবসিদী পীবগী অমসুং কোবিদ লাইনা-লাইচৎ অসিগী মতুং ইন্না মাংজৌননা তৌরিবা লোকদাউন অমসুং অতোপ্পা গাইদলাইনশিং অসিদা ঐখোয়না ময়েক শেংনা উবা ফংলে৷ “পি.এম.কেয়র্স ফন্দ”গী মখাদা এক্সক্লুসিফ ফন্দ শেগৎপদা পুক্নিং থৌগৎলিবা প্রধান মন্ত্রীগী অশানবা মীৎয়েং অসিবু দা.জিতেন্দ্র সিংহনা থাগৎখ্রে৷ তেল্লবা মতম অসিদা পীরক্লিবা রেস্পোন্স অসি অসুক্কী মতিক নুংঙাইবা ফাওই হায়দুনা মহাক্না ফোংদোকখ্রে, অমরোমদনা ফিলানথ্রোপিস্তশিং অমসুং অচৌবা ব্যুজিনেস হাউসশিংনা মতেং পাংন্নবগীদমক চংশিল্লকখ্রে অদুগা অমরোমদনা অপীকপা অঙাংশিংনা মখোয় মখোয়গী তুংশিঞ্জনা পৈশা অদু খায়নদুনা মতেং পাংবা য়াওখ্রে৷

অকুপ্পা ৱারোলগীদমক :

পি.আই.বি. ফিল্দ ওফিসশিংদগী ফংবা পাউ

•           পঞ্জাব: পঞ্জাবকী চীফ সেক্রেতরীনা কোবিদ-১৯ পেসেন্তশিংদা এরেঞ্জমেন্তশিং অদু য়েংশিন্নবা অমসুং অঙম্বা খ্বাইদগী হেন্না ফবা কেয়র পীনবা মখোয়গী মশা-মশাগী জিলাশিংদা লৈরিবা হোসপিতালশিংদা য়াম্না তোইনা চৎনবা দিপ্যুতী কমিশনরশিংদা খঙহনখ্রে। মহাক্না হায়খি মদুদি রাজ্য সরকার অসিনা পেসেন্তশিং ত্রকিং তৌদুনা জিলাগী থাক্তা খুৎশম্ননা থবক তৌবা অমসুং অথুবা মতমদা থবক পাংথোক্নবা কোবিদ পেসেন্ত ত্রেকিং ওফিসরস (সি.পি.তি.ও.শিং) এপোইন্ত তৌখ্রে।

•          হিমাচল প্রদেশ: মুখ্য মন্ত্রীনা ফেসিলতীশিং খুদম ওইনা ৱার্দ ক্লিনলিনেস, পেসেন্তশিংদা চৎলিবা লিচৎ, চানা-থক্নবগী ক্বালিতী, অমসুং মখোয়গী হোসপিতালশিংদা লৈরিবা তোইলেতশিংগী ফিভমশিং য়েংশিন্নবা নোংমদা  য়ামদ্রবদা রাউন্দ অনি শোইদনা য়েংশিন্নবা রাজ্য অসিদা লৈরিবামেদিকেল কোলেজশিং অমসুং মরু ওইবা জোনল হোসপিতালশিংগি মেদিকে সুপরিন্তেন্দেন্তশিংদা খঙহল্লকখ্রে। মহাক্না হায়খি মদুদি পেসেন্তশিংনা অৱাবা অমত্তা মায়োক্নদনবা মথৌ তারবদি ওক্সিজেন সীলেন্দরশিং পীগদবনি। মহাক্না হায়খি মদুদি কোবিদ-১৯ পেসেন্তশিং অমসুং মখোয়গী ইমুং মনুংশিংগী মরক্তা পাউ-ই ফাওননবগীদমক্তা ওইবা মেকানিজম অমা পুথোকপদা নত্তনা পেসেন্তশিংদা অশাবা ঈশিং, কদা অমসুং মচি কাগদবা চিঞ্জাক ফংহনগদবনি হায়খ্রে।

•          অরুনাচল প্রদেশ: অরুনাচল প্রদেশনা ঙরাং নোংমদা খ্বাইদগী ৱাংবা কোবিদ-১৯ কেস ৩২৯ থেংনখি। ইতানাগর কেপিতল রিজন্দা পোজিতিব কেস ১১৭ থেংনখি। অরুনাচল সরকারনা নেগেতিব ওইবা অদুবু সীম্তমেতিক ওইবশিংবু আর.তি.-পি.সি.আর. তেস্ত পাংথোক্নবা ৱারেপ লৌখ্রে। মসিদা চংবা শেল অদু রাজ্য সরকারনা পুথোক্কনি।

•          অসাম: অসামদা হৌখিবা পুং ২৪গী মনুংদা ফরবা মতুংদা কোবিদ-১৯ পেসেন্ত ২৩২০ দিসচার্জ তৌখ্রে। রাজ্য অসিদা কোবিদ-১৯গী অপুনবা মশিং অদু ১৭৩৬২৯ য়ৌখ্রে। মখোয়শিং অসিগী মনুংদা ৩০৬৬২দি এক্তিব কেসশিংনি অমসুং ১৪২২৯৭দি দিসচার্জ তৌখ্রে।

•          মনিপুর: মনিপুরদা কোবিদ-১৯গী অনৌবা পোজিতিব কেস ১৭৮ থেংনখ্রে। মসিনা কোবিদ-১৯গী অপুনবা কেস অদু ১০,৪৭৭ য়ৌহনখ্রে। ফগৎলকপগী চাং চাদা ৭৬ ওইবগা লোইননা এক্তিব কেসশিংগী মশিং অসি ২৪৩১ লৈরি।

•          মঘালয়া: মঘালয়াদা ঙসি মীওই ৮৯ কোরোনাভাইরসতগী ফগৎখ্রে। রাজ্য অসিদা অপুনবা এক্তিব কেসশিংগী মশিং অদু ১৪৪৮ য়ৌখ্রে। মসিগী মনুংদা ৯২দি বি.এস.এফ. অমসুং আর্মদ ফোর্সতগীনি।

•          মিজোরাম: মিজোরামদা ঙরাং কোবিদ-১৯গী অনৌবা কেস ৫০ কনফর্ম তৌখ্রে। এক্তিব কেস ৪৯৯ থেংনখিবগা লোইননা কোবিদ-১৯গী অপুনবা মশিং অদু ১৯৫৮ য়ৌখ্রে।

•          নাগালেন্দ: নাগালেন্দগী কোবিদ-১৯গী কনফর্ম তৌরবা কেস ৫৯৫৭গী মনুংদা আর্মদ ফোর্সশিংদগী কেস ২৮০১, হল্লকখিবশিংদগী কেস  ১৪৮২, ত্রেস তৌখিবা কন্তেক্তশিং ১৩৩৪ অমসুং ফ্রন্তলাইন ৱার্করশিং ৩৪০।

•          কেরলা: কেরলা মেদিকেল এসোসিয়েশন্না হ্দক কোবিদ-১৯ কেসশিং বাম্না ৱাংনা হেনগৎলকপা অসিনা মরম ওইরগা রাজ্য অসিদা হেল্থ ইমর্জেন্সী লাউথোক্নবা দিমান্দ তৌখ্রে। হৌখিবা নুমিৎ ২৮দা রাজ্য অসিদা কোবিদ কেস লাখ অমা  থেংনখি হায়রদুনা, আই.এম.এ.না ্য়খি লাইনা অসি হেল্থ ৱার্করশিং অমসুং মীচম প্রজাশিংগী মরক্তা শন্দোরকপা থেংনখি। কেরলাদা ঙরাং কোবিদ-১৯গী অনৌবা কেস ৪,৫৩৮ থেংনকি। হৌজিক পেসেন্ত ৫৭,৮৭৯ লাইয়েংদুনা লৈরি অমসুং মীওই ২.৩২ ক্বারন্তিন তৌদুনা লৈরি। ঙসি মীওই ৫ অমুক শিখিবগা লোইননা কোবিদনা শিখিবগী মশিং অসি ৭০২ য়ৌখ্রে।

•          তামিল নাদু: তি.এন.দা লৈরিবা লনাইগী অমসুং সরকারগী স্কুলগী মেনেজমেন্তনা ওক্তোবর ১দগী ক্লাস ১০,১১ অমসুং ১২কীদমক্তা স্কুলশিং হাংদোক্নবগী অয়াবা ঙাইদুনা লৈরি। এ.আই.এ.দি.এম.কে.না লুপা করো ২৩,৭৬৩গী জি.এস.তি. থাদোক্নবা অমসুং কোবিদ লাইচৎকী ঙাকথোক্নবা অমসুং রিলীফকী ওইবা থবকশিংগীদমক্তা মতিক চাবা ফন্দশিং থাদোক্নবা

কর্নাতকা: রাজ্য সরকারনা কোরোনাভাইরস লাইচৎ অসিগী মনুংদা স্কুলশিং হাংবগী মতাংদা ৱারেপ অমত্তা লৌদ্রি, হায়না রাজ্য  এজুকেশনগী মন্ত্রী, এস. সুরেশ কুমার আয়খি। মাইসুরুগী জে.এস.এস. হোসপিতালনা, নোভাভাক্স, কোবিদ-১৯ ভেক্সিন কেন্দিদেতকী ২ অমসুং ৩শুবা ফেস ত্রায়লশিংগী হৌরবা য়ানা লৈরি।  হাই কোর্তনা রাজ্যদা রুরল অমসুং অর্বান হোসপিতালশিংদা কোবিদ পেসেন্তশিংগী ওক্সিজেন লৈবগী মতাংদা রিপোর্ত অমা পীখৎলক্নবা হায়খ্রে।

•          অন্ধ্র প্রদেশ: রাজ্য সরকারনা ওক্তিবর ৫দগী রাজ্য অসিদা স্কুলশিং অমুক হন্না হাংদোক্নবগী হান্নগী ৱাংরেপ অদু য়ৈথোকখ্রে। মুখ্য মন্ত্রীনা দিস্ত্রক্ত কলেক্তরশিংগা লোইননা পাংথোকখিবা রিভ্যু মীতিং অমদা লৈরিবা কোবিদ-১৯গী ফিভম অসি য়েংলগা নোবেম্বর ২ ফাওবা য়েথোক্নবা ৱারেপ লৌখ্রে। স্পেসিয়ল চীফ সেক্রেতরী, দা. কে.এস. জৱাহর রেদ্দী (হকশেল অমসুং য়াইফ য়ুম্বাল)গী মতুং ইন্না  থেংনখিবা কোবিদ-১৯না মরম ওইরগা শিখিবশিং, অনৌবা কেসশিং অমসুং এক্তিব কেসশিং অদু য়াম্না হন্থখ্রে। মহাক্না হায়খি মদুদি পোজিতিব ওইবগী চাং অসি জুলাইদা চাদা ১২.০৭ ওইখি, মসি চাদা ৮.৩দা হন্থখ্রে। তৌইগুম্বসুং, রাজ্য অসিদা কোবিদ-১৯ রিপ্রোদক্সন রেত অসি চাদা ০.৯৪ ওইদুনা য়াম্না ৱাংঙি অদুবু মসিগী আইদিবল রেত অসি ০.৫ নত্রগা ০.৬নি।

•          তেলঙ্গানা: হৌখিবা পুং ২৪দা অনৌবা কেস ২০৭২ থেংনখি, ২২৫৯ ফখি অমসুং ৯ শিখিবগী পাউ লৈখি; কেস ২০৭২গী মনুংদা কেস ২৮৩দি জি.ঐচ.এম.সি.দগী থেংনখি। অপুনবা কেসশিং: ১,৮৯,২৮৩; এক্তিব কেসশিং: ২৯,৪৭৭; শিখিবশিং: ১১১৬; দিসচার্জ তৌখিবশিং: ১,৫৮,৬৯০। লাক্কদবা নিজামাবাদ লোকল ওথোরিতিস কন্সতিত্বেন্সী (এম.আল.সি.) ইলেক্সন্দা মখোয়গী ফ্রাঞ্চাইজ অদু চৎনহন্নবা ভোতরশিংগীদমক্তা কোবিদ-১৯ তেস্ত অসি তঙাইফদে। নোবেম্বর ৩দা পাংথোক্কদবা দুবাক্কা বাই-ইলেক্সন; সেদ্যুল অসিগী মতুং ইন্না, বাইপোলগী নোতিফিকেশন অদু  কন্তেস্তেন্তশিং অদুদগী ওক্তোবর ৯ ফাওবদা কৌরগনি।

•          মহারাস্ত্র: মহারাস্ত্রদা এক্তিব কোরোনা ভাইরস দোজিজ (কোবিদ-১৯)গী কেস অসি হৌখিবা নুমিৎ খরদা লেপ্পা লৈতনা হন্থরক্লি। এক্তিব ভাইরল কেসলোদ অসি নিংথৌকাবা ফাওবদা ২,৬৫,০৩৩দা হন্থরকখ্রে। হৌখিবা নুমিৎ ১১দা কোবিদ-১৯গী কেস অসি ৩৬,৭১৯দা হন্থখ্রে, মসিগী রেকোর্দ অসি চাউরাক্না থা তেতকী মমাংদা লৈবাক অসিগী খ্বাইদগী হেন্না শোকহল্লবা রাজ্যদা থেংনখ্রবা মতুংদা থেংনখি।

•          গুজরাত: এহমদাবাদ মুনিসিপাল কোর্পোরেশন (এ.এম.সি.)না সিতী অসিগী মফম ২৭তা নাইত কর্ফ্যু থম্নবা ওর্দর থোকখ্রে। এ.এম.সি.না কোবিদ-১৯গী অনৌবা কেসশিং য়াম্না য়াংনা হেনগৎলকপা অমসুং অখন্নবা লোকেললিতীশিংগী রেসিদেন্তশিংনা নোর্মশিং থুগাইরকপা অদু য়েলগা সিতী অসিদা য়াম্না চিনবা লম্বি ২৭তা নুমিদাংগী পুং ১০গী মতুংদা দুকানসিং লোন্নবা ওর্দর থোকখ্রে। অতোপ্পা অনৌবা পাউ অমদা, হান্নগী মুখ্য মন্ত্রী, কেশুভাই পতেল (৯২) কোবিদ-১৯দগী ফগৎলবা মতুংদা হোসপিতালদগী দিসচার্জ তৌখ্রে। 

•          রাজস্থান: রাজস্থান্দা হৌখিবা পুং ২৪ অসিগী মনুংদা কোবিদকী অনৌবা কেস ২,১১২ লৈখি, মসিনা রাজ্য অসিদা কোবিদকী মশিং অসি লাখ ১.৩০ হেনখি। নিংথৌকাবা নুমিত্তা খ্বাইদগী য়াম্বা কেসশিং অদু জয়পুরদগী ওইখি (অনৌবা কেস ৪৪৪), মথংদা জোথপুর (কেস ৩৬১) অমসুং পালি (কেস ১২৭)। মরক অসিদা পেসেন্ত লাখ ১.০৮ ফগৎখ্রে অমসুং এক্তিব কেসশিংগী মশিং অদু ২০,০৪৩ ওইখি। 

•          মধ্য প্রদেশ: ইন্দোরদা কোবিদ-১৯না মরম ওইরগা শিখিবশিংগী মীওই অহুমগী মনুংদা অমদি ‘প্রোদক্তিব এজ গ্রুপ’তগী ওইখি, মসিনা শিখিবশিং অদুগী চহি খাংলুপশিং অদুগী মতাংদা উৎলি। সেপ্তেম্বর ২৪ ফাওবদা জিলা অসিদা ইনফেক্সন্না মরম ওইরগা শিখিবা পেসেন্তশিংগী ৩৪.৮৩%দি চহি ৪১-৬০গী কাংলুপ্তা চনখি। জিলা অসিদা চহি ৪১-৬০গী কাংলুপ্তা লৈবা মীওই চাউরাক্না ১৮৫ কোবিদ-১৯না মরম ওইরগা লৈখিদে। মধ্য প্রদেশতা নিংথৌকাবা নুমিততা কোবিদকী অনৌবা কেস ১,৯৫৭ থেংনখি, মসিনা অপুনবা মশিং অদু লাখ ১.২৪ হেলহনখ্রে। অপুনবা এক্তিব কেসশিংগী মশিং অসি ২১,৯১২নি।

•          ছত্তিসগর: ছত্তিসগরগী রায়পুর, বিলাসপুর, সর্গুজান্দ, জাশপুর জিলাশিংদা লোকদাউন থন্বা অদু নিংথৌকাবা নুমিদাংদা লোইশিনখ্রে। দুকানশিং অমসুং বিজনেস এস্তাব্লিশমেন্তশিংনা নুমিদাংগী পুং ৮ ফাওবা হাংবা য়ারগনি। তৌইগুম্বসুং লোকদাউন অসি লৌথোকপা নুমিত্তা রাজ্য অসিদা কোবিদ-১৯গী অনৌবা কেস ৩,৭২৫ থেংনখি অমসুং ১৩ শিখিবা লৈখি, মসিনা অপুনবা মশিং অদু ১,০৮,৪৫৮ য়ৌহনখি অমসুং শিখিবশিংগী মশিং অদু ৮৭৭ ওইখি। রাজ্য অসিদা এক্তিব কেসশিংগী মশিং অদু ৩৩,০০০ হেনখ্রে। থেংনখিবা কেসশিং অদুগী ৬৫%দি সেপ্তেম্বরদা থেংনখিবা ওইখি।

ফেক্ত চেক

*****