পেত্রোলিয়ম অমসুং নেচরেল গ্যাস অমদি স্তীলগী কেন্দ্রগী মন্ত্রী শ্রী ধর্মেন্দ্র প্রধান্না ঙসি হায়খি ইকাইখুমনরবা প্রধান মন্ত্রী শ্রী নরেন্দ্র মোদীগী আত্মনির্ভর ভারতকী অপাম্বা অসিনা লৈবাক অসিদা মপুং ফাবা ইনর্জী সেক্যুরিতীগী আর্কিতেকচর অমা পুরক্নবা ঐখোয়না হোৎনরিশিং অসিদা মতেং পাংলগনি। গ্লোবেল কাউন্তর তেরোরিজম কাউন্সিলনা শিনবা ‘জি.সি.তি.সি. ইনর্জী সেক্যুরিতী কনফরেন্স ২০২০দ’দা পীখিবা মহাক্কী মরু ওইবা ৱারোলদা, মহাক্না হায়খি, হৌখিবা চহি তরুক অসিদা লেপ্তনা ইনর্জী পোলিসীশিং শেগৎতুনা অমসুং কোবিদ-১৯না থোকহল্লিবা খুদোংচাদবশিং অসি কোকহন্নবা অওনবা পুরক্লি। মহাক্না হায়খি, “ঐখোয়না ইনর্জী সিস্তেম অসি মরা চেৎশিন্নবা, অফবা ওইনবা, মপাঙ্গল কনখৎনবা অমসুং প্রজা মীয়ামগী মথৌ তাবশিং অদু ফংহনবা ঙম্নবা কোবিদ-১৯গী মতুংদা তারকপদা কন্না হোৎনগনি। ঐহাক্না থাজৈ, ভারতকী ইনর্জী কম্পনীশিং অসি কোবিদ-১০গী খুত্থাংদা মপাঙ্গল কনখৎহনখ্রে অমদি ইন্নোবেসনগী খুত্থাংদা অমুক হন্না হিংগৎহন্দুনা আত্মনির্ভর ভারত ওইহন্নবা হোৎনগনি।”

শ্রী প্রধান্না হায়খি, ইনর্জী সেক্তরদা আত্মানির্ভর ভারতকী থৌরাং অসি ইমপ্লিমেন্ত তৌনবা অমসুং ইকাইখুমনরবা প্রধান মন্ত্রীগী ইনর্জী ফংহন্নবা, কুইনা শাংনা চৎহন্নবা  অমসুং অহোংবা মমলদা ফংহন্নবা ইনর্জীগী মঙলান অসি ওইথোক্নবা সরকারনা পাম্বৈ পুম্নমক লৌখৎলি।

মন্ত্রীনা হায়খি ইনর্জী য়াম্না শীজিন্নবা মন্ত্রালয় খরনা ইনর্জী শীজিন্নবা হন্থহন্নবা পান্দম থম্লি মসিদা ইন্দিয়ন রেলৱেজনা ২০২৩ ফাওবদা ইন্দিয়ন রেলৱেগী রুৎশিং ১০০% ইলেক্ত্রিফিকেসন তৌনবা, এম.এন.আর.ই.গী কিসান উর্জা ইভাম উত্থান মহাভিয়ানগী মখাদা স্তেন্দএলোন সোলর পুম্প লাখ ১৫গী মথক্তা ইনস্তোল তৌনবা পান্দম, অতোপ্পা ফ্যুল ওইনা হাইদ্রোজেন য়াওবা সি,এন.জি. শীজিন্ননবা রোদ ত্রান্সপোর্ত মন্ত্রালয়না শৌগৎলি, কোইলাগী গ্যাসিফিকেসন প্রোজরক্তশিং শেমগৎতুনা ক্লিন কোয়ল তেক্নোলোজীশিং হেনগৎহনবা অমসুং শিপ্পিং মন্ত্রালয়গী গ্রীন পোর্তকী থৌরাংশিং য়াওরি।

শ্রী প্রধান্না হায়খি মপাল লমদগী ক্রুদ ওইল পুশিল্লকপা হন্থহন্নবা ঐখোয়গী হীরম মঙাগী অপুনবা লালোং অসিনা লমদম অসিদা থাও অমসুং গ্যাস পুথোকপা হেনগৎহনবা, বাইও ফ্যুল্শিং অমসুং রিন্যুএবলশিং শীজিন্নহনবা, ইনর্জী তুংশিনবা, রিফাইনরীগী থবক থৌরম ফগৎহনবা অমসুং মহুৎ শীনবা য়াবা পুথোকপা য়াওরি, মসিনা অচৌবা কান্নবা অমদি ওইরি।

শ্রী পর্ধান্না হায়খি, “মমাংঙৈদা ইনর্জী সেক্যুরিতী অসি পাম্বৈ য়াম্না শীজিন্নরমদে মসিনা অয়াম্বনা সপ্লাই মেনেজ তৌবদা পান্দম থম্লি। ঐখোয়গী সরকারনা ইনর্জী সেক্যুরিতীগী লম অসি চাউথোক্তুনা হেন্না ইনক্লুসিব ওইহল্লি অমসুং জিও-পোলিতিকেল, ইকোনোমিক, সোসিএল অমসুং এনভাইর্নমেন্তগী দাইমেনসনশিং য়াওহল্লি।ভারতকী ইনর্জীগী দিপ্লোমেসী অমসুং মখোয়গা মরী লৈনবা ঐখোয়গী ফোরেন পিলিসী অসিনা হৌখিবা চহি তরুক অসিদা কান্নরবা ফলশিং ফংহল্লি। ঐখোয়না মালেমগী মরু ওইবা ইনর্জী প্লেয়রশিংগা থবক তৌমিন্নদুনা অমসুং রুসিয়া, য়ু.এস., সাউদি অরাবিয়া অমসুং য়ু.এ.ই.গুম্বা পুথোক্লিবা লৈবাকশিংগা লোয়ননা কান্নরবা অমদি অচৌবা লালোং কয়া লৌখৎমিন্নরি অমসুং জপান অমসুং সাউথ কোরিয়াগুম্বা শীজিন্নরিবা লৈবাকশিংগসু থবক তৌমিন্নরি।”

কোবিদ-১৯না পীরিবা চৈথেংগী মতাংদা ৱা ঙাংলদুনা শ্রী প্রধান্না হায়খি মালেমগী ওইবা লয়চৎ অসিনা হকশেল অমসুং শেন্মিৎলোনগী লমশিংদা চাউনা চৈথেং পীরি। মহাক্না হায়খি হৌজিক লৈরিবা ইনর্জীগী ফ্রেমৱার্কশিং অসিদা মমাংদা থোকখিদ্রিবা মওংদা অহোংবা উবা ফংলে। মহাক্না হায়খি, “কোবিদ-১৯ মতুংগী ওইরক্কদবা ফীভম অসিদা শাফবা ঐখোয়না হৌজিক ইনর্জীগী ওইরিবা খুদোংচাদবশিং অসি মপুং ফানা য়েংশিনবা হায়বা অসি তঙাই ফদবা অমা ওইরি। মালেমগী ইনর্জী খ্বাইদগী য়াম্না শীজিন্নবা লৈবাকশিংগী মরক্তা অহুমশুবদা লৈদুনা, ভারত্তা চৈথেং পীবদা নত্তনা মালেমগী ইনর্জীগী মওং অসি করি ফীভমদা লাক্কনি হায়বা অদু তাক্লি। মে ২০২০ ফাওবা কোবিদ-১৯গী হোগৎলকপগী শরুক ফাওবদা ঐখোয়গী ইনর্জী সেক্তর মরু ওইনা ওইল অমসুং গ্যাস সেক্তরদা চাউনা চৈথেং পীখি। জুলাইদগী হৌনা প্রি-কোবিদকী থাকশিংদা তোঙান তোঙানবা পেত্রোলিয়মগী প্রদক্তশিং  শীজিন্নবগী চাং অসি হান্নগুম্না ওইরকপা উবা ফংখি।”  মন্ত্রীনা হায়খি চৎলিবা শেনবা চহি অসিদা ওইল অমসুং গ্যাস সেক্তরগী পি.এস.য়ু.শিং খক্তনা প্রোজেক্ত/শেন্মিৎলোনগী থবক থৌরম ৮৩৬৩দা কেপেক্স লুপা করোর লাখ ১.২ চাদিং তৌরি, অমসুং ইনর্জী সেক্তরদা লৈরিবা অতোপ্পা মন্ত্রালয়শিংনসু মসিগা মান্নবা প্রোজেক্তশিংদা অচৌবা কেপেক্স চাদিং তৌদুনা থবক পীবা হেনগৎহনবা অমসুং শেন্মীৎলোন হেনগৎহনবদা মতেং পাংলি। ভারতকী ইনর্জী সেক্তর অসিনা কোবিদ-১৯ লায়চৎ অসিগী মপাঙ্গল কয়াম কনবগে হায়বা উৎপগা লোয়ননা মালেমগী শেল-থুমগী অমদি পোৎলম-চৈরমগী কৈথেলশিংদা অৱাবা তারবসু সপ্লাইশিং হেনগৎহনখি।

ইনর্জীগী লৈরিবা অৱাৎপা অসি কোকহনবা মথৌ তাবগী মতাংদা শ্রী প্রধান্না হায়খি মালেমগী লৈরিবা মীশিংগী ১৬% ওইবগা লোয়ননা হৌজিক ঐখোয়না মালেগী প্রাইমরী ইনর্জীগী শরুক ৬% খক্তা শীজিন্নরি। মহাক্না লৈবাক অসিদা ওইথোকপা য়াবা অমদি মতমগা চান্নবা ইনর্জী ইনফ্রাস্ত্রকচর অমা শেমগৎপা মথৌ তারে হায়না পুক্নিং চিংশিনখি। মন্ত্রীনা হায়খি মালেমগী লৈরিবা ইনর্জীগী চাংচৎ অসিগী শরুক অহুম থোকপগী অমগী পর কেপিতা কঞ্জুম্পসন তৌবগা লোয়ননা ভারতনা মখা তানা ওইথোকোপা য়াবা ইনর্জী দোর্সশিং পুথোক্তুনা ইনর্জীগী অৱাৎপা ফংহন্নবা হোৎনগনি অমরোমদনা সস্তেনেবিলিতীগী লমশিং কায়দনবা চৎকনি।“ভারতকী ইনর্জীগী লম অসি মমাংদা ওইখিদ্রিবা মওংদা চাউখৎলক্লি। ঐখোয়গী সরকারনা লৈবাক অসিদা ওইরক্লিবা ইনর্জীগী অওনবা অসি কুপ্না য়েংশিল্লি।”, হায়না মহাক্না মখা তাখি।

শ্রী প্রধান্না হায়খি ভারতনা মপুং ফাবা ইনর্জীগী অওনবা পুরক্নবগীদমক শেন্মীৎলোন, শেল-থুমগী ফীভম, চৎন-পথাপ অমসুং ইনফ্রাস্ত্রকচরদা মপাঙ্গল কল্লি উৎখি।ৱার্ল্দ ইকোনোমিক ফোরমগী মতুং ইন্না হৌখিবা চহি তরুক অসিদা ইনর্জীদা অওনবা পুরক্নবা লেপ্তনা অমদি অচৌবা খোঙথাংশিং লৌখৎলিবা লৈবাকশিং খনগৎপদা ভারতসু য়াওরে হায়না মহাক্না ফোঙদোকখি।মহাক্না হায়খি “হৌখিবা চহি অসিদা মিদল-ইস্ত অমসুং ক্রুদ এক্সপোর্ত তৌবদা অখন্নবা অথিংবশিং লৈরিবা লৈবাকশিংদা জিও-পোলিতিকেলগী উংখৎনবা হেনগৎলকপা মতমদা ঐখোয়গী ক্রুদ ওইল অমসুং এল.এন.জি.গী সপ্লাই মৱাং কাইনা লৈখি।মসি হৌখিবা চহি তরুক অসিদা হাইদ্রোকারবোনশিংগী সোর্সশিং খঙদোক্নবা হোৎনখিবা ঐখোয়গী পোলিসী অদুগী মহৈ অমনি। ঐখোয়গী ওইল মার্কেতিং কম্পনীশিংনা হৌজিক অফ্রিকা, নোর্থ অমসুং সাউথ অমেরিকা লোয়ননা সাউথইস্ত এসিয়া য়াওনা লৈবাক ৩০গী মথক্তগী ক্রুদ ওইল পুশিল্লক্লি। ঐখোয়গী কম্পনীশিংনা য়ু.এস., রুসিয়া অমসুং অঙ্গোলাদা লৈরিবা মখোয়গা মান্নবা কম্পনীশিংগা লোয়ননা অনৌবা লোং-তর্ম কন্ত্রেক্তশিংদা ইনরি।ঐখোয়গী এল.এন.জি. ইমপোর্তশিং অসিদু হান্নগী সপ্লাইয়র কতারদগী য়ু.এস, ওস্ত্রেলিয়া অমসুং রুসিয়াদা চাউথোকহনবা ঙমখ্রে।”

ক্রুদ ওইলগী মমলগী মতাংদা শ্রী প্রধাননা অফবা অমসুং অরাইবা মমল লেপ্নবা মেকানিজম অমা শেমখ্রে। মহাক্না হায়খি, “.ইনর্জী মন্ত্রীশিংগী লোয়ননা ও.পি.ই.সি. অমসুং ইন্তরনেস্নেল ইনর্জী ফোরম (আই.ই.এফ.) য়াওনা অতোপ্পা ইন্তরনেস্নেল ফোরমশিংগা লোয়ননা জি২০ ইমর্জেন্সী মীফমদা, ভারতনা হীরম অসি পুথোকখি অমদি হীরম অসিদা ঐখোয়না লৌখৎলিবা খোঙথাং অসি য়াম্না থাগৎনরকখি।”

শ্রী প্রধান্না হায়খি ঐখোয়না হাইদ্রোকার্বোনশিংগীদমক মীপান তাংদনবা সেক্তরশিং অসিদা অপুনবগী ওইনা কান্নবা পীগদবা খোঙথাং লৌখৎলি।  “২০২০গী এপ্রিল অমসুং মেদা ক্রুদ ওইলগী মমল হন্থরকপগী খুদোংচাবা লৌদুনা, ঐখোয়না হৌজিক লৈরিবা পেত্রোলিয়মগী রিজর্বশিং ক্রুদ ওইল বেরেল মিলিয়ন ১৬গা লোয়ননা থলহনখি, মসিনা সরকারনা লুপা করোর ৫০০০ চাদিং তৌগদবা অদু তুংশিনবা ঙমহৌখি”, হায়না মহাক্না মখা তাখি।

হাইদ্রোকার্বোনশিংগী সেক্তরদা ইনর্জী সেক্যুরিতী হেনগৎহন্নবগী মতাংদা ৱা ঙাংলদুনা শ্রী প্রধান্না হায়খি ঐখোয়না লৈবাক অসিনা শীজিন্নবগী হৌজিক ওইবা নুমিৎ ৭৪গী চাং অসিদগী নুমিৎ ৯০দা হেনগৎহন্দুনা ক্রুদ অমসুং পেত্রোলিয়ম প্রক্তশিংগী স্তোরেজ কেপাসিতী তপ্না তপ্না হেনগৎহল্লি। মথংগী কম্মর্সিএল-কম-স্ত্রেতেজিক রিজর্ব প্রোগ্রামদা চান্দিকোল অমসুং পদুরদা এম.এম.তি. ৬.৫কী ক্রুদ স্তোরেজ কেপাসিতী শেমগৎপদা কম্পনীশিং শরুক য়াবিনবা মহাক্না বর্তন তৌখি। “ঐখোয়না য়ু.এস. অমসুং অতোপ্পা মফমশিংদা ক্রুদ স্তোরেজ ফেসিলিতীশিং থিরি”, হায়না মহাক্না মখা তাখি।

শ্রী প্রধান্না হায়খি লমদম অসিদা থাও অমসুং গ্যাস পুথোকপা হেনগৎহন্নবা, অনৌবা পোলিসীগী অহোংবশিং পুরক্নবা থবক চত্থরি – হাইদ্রোকার্বোন এক্সপ্লোরেসন এন্দ লাইসেন্সিং পোলিসী (হেল্প), দিসকোভর স্মোল ফিল্দ (দি.এস.এফ.) পোলিসী, ওপন এক্তিএজ লাইসেন্সিং পোলিসী (ও.এ.এল.পি.) অমসুং অনকনবেন্সনেল হাইদ্রোকার্বোনশিং থিদোকপা য়াওনা। মহাক্না ‘রিভেন্যু’দগী ‘প্রদক্সন’ হেনগৎহনবদা মীয়েং থম্বা, তোঙান তোঙানবা মফমশিংদগী পুথোকপা গ্যাসকী মমল লেপচবা য়াওনা মার্কেতিং অমসুং হৌখীবগা চহিগী মার্চতঈ অনৌবা পুথোকপা লোয়ননা সি.বি.এম.গ্যাস য়াওনা পোলিসীদা অহোংবা পুরকপগী মতাংদা ৱা ঙাংখি। “ঐখোয়না অতোপ্পা মালেমগী থাও পুথোক্লিবশিংনা মখোয়গী দোমেস্তিক ওইল অমসুং গ্যাস এক্সপ্লোরেসন হেনগৎহন্নবা থবকশিং লৌখৎলি”, হায়না মহাক্না ফোঙদোকখি।

কন্ফরেন্সকী হীরম ইনর্জী সিক্যুরিতী তোৱার্দস অত্মানির্ভর ভারতকী মতাংদা ৱা ঙাংলদুনা শ্রী প্রধান্না হায় থাওদা মীপান তাংবা হন্থহনবগা লোয়ননা সস্তেনেবল ইনর্জী গ্রোথ ফংনবা অমসুং অত্মানির্ভর ভারতকা লোয়ননা চৎনবা মখল কয়া য়াওরবা পাম্বৈশিং ঐখোয়না শিজিন্নরি। ঐখোয়না ইথানোল, সেকেন্দ জেনেরেসন ইথানোল, কম্প্রেস বাইও গ্যাস (সি.বি.জি.) অমসুং বাওদিজলশিংগা লোয়ননা লৈবাক অসিনা ইম্পোর্ততা মীপান তাংবা হন্থহনবদা মতেং পাংনবা ত্রান্সফোর্মেতিব চেঞ্জগী মথংগী ৱেব ওইনা অতোপ্পা ফ্যুলশিং দিবেলপ তৌরি। মহাক্না হায় “ওইল মার্কেতিং কম্পনীশিংনা লুপা করোর ১৪,০০০গা লোয়ননা ২জি বাইও- রিফাইনরী তরানিথোই লিংখৎনবা থবক পায়খৎলি। ঐখোয়না ২০৩০ ফাওবদা পেত্রোলদা ইথানোল ২০% য়ানশিন্নবা অমসুং দিজলদা বাইও-দিজল ৫% য়ানশিন্নবা পান্দম অদু ফংনবা ঐখোয়না থবক ফজনা পাইখৎলি”। 

শ্রী প্রধান্না হায় ২০৩০ ফাওবদা প্রিমরী ইনর্জীদা গ্যস সিয়র ১৫% হেনগৎনবা গ্যাস ইনফ্রাস্ত্রকচরশিং শেমগৎপগা লোয়ননা সিনক্রোনাইজেসনআ ফ্রী গ্যাস মার্কেৎশিং প্রমোৎ তৌদুনা ফংগদবা গ্যাস-বেজ ইকোনোমীগী মাইকৈদা চৎনবা সরকারনা মীৎয়েংশিং থম্লি। মহাক্না হায় প্রধান মন্ত্রীগী ‘ৱান নেসন ৱান গ্যাস গ্রিদ’ দেবেলপ তৌনবা মীয়েং অসিনা লৈবাক অসিদা গ্যাস ইনফ্রাস্ত্রকচর পাকথোক চাওথোকপদা ঐখোয়বু লমজিংলি। “পাইপলাইনশিং, সিতী গ্যাস দিস্ত্রিব্যুসন অমসুং এল.এন.জি. রি-গ্যাসিফিকেসন তর্মিনেলশিং য়াওনা গ্যাস ইনফ্রাস্ত্রকচরশিং শেমগৎনবা য়ু.এস. বিলিয়ন ৬০গী অপুনবা ইনভেস্তমেন্ত অমা থাদনবা লৈরে। লৈবাক অসিদা ইফিসেন্ত অমসুং রোবস্ত গ্যাস মার্কেৎ অমা প্রমোৎ তৌনবা অমসুং হিংগৎহন্নবা অমসুং গ্যাস ত্রেদিং য়োখৎনবা ঐখোয়না ভারতকী অহানবা ওতোমেতদ নেস্নেল-লেভেল গ্যাস ত্রেদিং প্লেৎফোর্ম অমা লোঞ্চ তৌখ্রে” হায়না মহাক্না মখা তাখি।

দোমেস্তিক সেক্তরগী মথৌ তাবশিং ফংহন্নবা অমসুং আত্মানির্ভর ভারত অভিয়ান্দা মতেং পাংনবা দোমেস্তিক গ্যস পীনবা পান্দমদা লৌখৎলিবা খোঙথাং কয়ামরুমগী মতাংদা মন্ত্রীনা পনখি। মহাক্না হায় মখোয়শিং অদুগী মরক্তা শিংথানীংঙাই ওইরবা অমদি লেপ্পা লৈতনা চাউথোরক্লিবা সিতী গ্যাস দিস্ত্রিব্যুতর (সি.জি.দি.)নি। রাজ্য অমসুং য়ুনিয়ন তেরিতোরী ২৮দা লৈবাক শিনবা থুংনা খুন্দারিবা মীওই ৭০% হেনবদা থুনা ফংহল্লগনি। পি.এন.জি. কন্নেক্সন অসি লাখ ৬০দগী করোর ৪দা হেনগৎখ্রে। এল.এন.জি. অসি এক্সপ্রেসৱেশিং, ইন্দস্ত্রীএল কোরিদোরশিং অমসুং মাইনিং এরিয়াগী মনুংশিংগা লোয়ননা লমশাং থৌবা ত্রকশিংদা ত্রান্সপোর্ত ফ্যুল ওইনা শিজিন্ননবা প্রমোৎ তৌখ্রে। লৈবাক অসিগী তোঙান তোঙানবা ৱেস্ত/বাইওমাস সোর্সশিংদগী কম্প্রেস তৌরবা বাইও গ্যাস পুথোক্নবা ইকোসিস্তেম অমা শেমগৎনবা সস্তেনেবল অল্তর্নেতিব তোৱার্দস এফোর্দেবল ত্রান্সপোর্তেসন (এস.এ.তি.এ.তি.) লোঞ্চ তৌখ্রে। “ওইল পি.এস.য়ু.শিংগী সি.বি.জি. ওফ-তেক প্রাইস অমগা লোয়ননা প্রদক্সন অমসুং সপ্লাই তৌনবা ই.ও.আই.না পোতেন্সিএল ওন্তপ্রিনোরশিং কৌখ্রে। ঐখোয়না ২০৩০ ফাওবদা সি.বি.জি. প্লান্ত ৫০০০ লিংখৎনবা শেম শারে। হৌজিক ফাওদা এল.ও.আই. ৫৭৮ ইসু তৌখ্রে হায়না মহাক্না মখা তাখি”।

মন্ত্রীনা হায় ভারতকী ওইল অমসুং গ্যাস কম্পনীশিং মশিং য়াম্না মসিগী ক্লিন ইনর্জী ত্রান্সমিসন অমসুং মখোয়বু মশা মতোমতা ইনর্জী কম্পনীশিং ওইনা ওন্থোকপদা এক্তিব ওইনা শরুক য়ারি। মহাক্না হায় কার্বোন ফুৎপ্রিন্তশিং হন্থহন্নবা মসিগী কম্পনীশিং অসিনা রিন্যুৱেবলশিং, বাইওফ্যুলশিং অমসুং হাইদ্রোজেন্দা মাংলোমদা চংশিন্নবা গ্রীন ইনর্জী ইনবেস্তমেন্তশিংদা অহেনবা মীৎয়েংশিং চংলি। কোর্পোরেৎ পার্তনরশিং ওইনা সস্তেনেবল ক্লাইমেৎ এক্সনগী ইন্তরনেস্নেল সোলার এলাইন্স কোলিসন্দা য়াওখিবা ওইল অমসুং গ্যাস পি.এস.য়ু. মঙা মহাক্না পনখি।

শ্রী প্রধান্না হায় জাতিগী থাক্তা ভারতনা ২০২২ ফাওবদা রিন্যুৱেবল কেপাসিতী জি.দবল্যু. ১৭৫ শাদুনা অমসুং ২০৩০ ফাওবদা জি.দবল্যু. ৪৫০ শাদুনা ইনর্জী সেক্তরদা অচৌবা অহোংবশিং পুরক্নবা হোৎনরি। ভারতকী ইনর্জী পোলিসী অসি পুম্নমক য়াওবা মওং অমদা পাংথোক্লি। মহাক্না হায় “২০১৮দা য়ু.এন. জেনেরেল সেক্রেতরীনা প্রধান মন্ত্রী মোদীবু “চেম্পিয়ন ওফ আর্থ” হায়না এৱার্দ পীখিবা অসি মসিগী অনৌবা ইনর্জী সোর্স অসি ফংহন্নবা ভারতকী শিংথানিংঙাই ওইরবা লুচিংবগী অতোপ্পা মশক তাকপা অমনি”।

শ্রী প্রধান্না হায় ওইল অমসুং গ্যাস ইন্দস্ত্রীদা ভোকেল ফোর লোকেল ওইহন্নবা অচৌবা খোঙথাং অমা লৌখৎলি। অত্মানির্ভর ভারত প্রমোৎ তৌনবা ওইল অমসুং গ্যাস সেক্তরগী প্রোক্যুরমেন্তশিংগী লোকেলাইজেসন হেনগৎহন্নবা অচৌবা থবক অমা পাইখৎখ্রে। মহাক্না হায় ভারত অসি প্রোদক্সন বেজ ওইনবা, স্তার্তঅপশিং হেনগৎহন্নবা অমসুং ওইল অমসুং গ্যাস সেক্তরগী মালেমগী ভেল্যু চেন্দা ভারত অসি মরুওইবা অমা ওইহন্নবা ও.ই.এম.শিং পুক্নিং থৌগৎলি।

শ্রী প্রধান্না হায় ঐখোয়গী ইনর্জীগী মাই পাকপা অসি অহোংবা মমলদা সেক্সন অমসুং সেক্তর খুদিংমক্তা ইনর্জী ফংহনগদবা ‘এ’ মরিগী ফ্রেমৱার্ক: এবাইলেবিলিতী, এক্সেসিবিলিতী, এফোর্দেবিলিতী অমসুং এক্সেপ্তেবিলিতীগী মখাদা মথৌ তৌগনি।

***