ভারতকী নৌনা নাবা ফবনা অনৌবা কেস মশিংদগী হৌখিবা নুমিৎ মাপন্নি অসিদা থংন-থংননা নুমিৎ কয়ানি হেন্দুনা লাক্লি। নাবা ফখ্রবা অনাবা কয়াগী মশিংসু খম থেংনা হেনগৎলক্লি। চাংচত্তা নোংমখক্তদা নাবা ফখিবগী মশীংসু ৯০,০০০ হেনখ্রে।

হৌখিবা পুং ২৪ অসিদা লৈবাক অসিদা নাবা ফখিবগী মশিং অসি ৯২,০৪৩নি, অদুগা অনৌবা কনফার্ম্দ কেস মশিংনা ৮৮,৬০০নি। মসিগা লোইননা, অপুনবা ওইনা নাবা ফখ্রবগী মশিং অসি লাখ ৫০ য়ৌশিল্লক্লে (৪৯,৪১,৬২৭)। অসুম্না ৱাংখৎলক্লিবা মশিং অসিনা লৈবাক অসিগী নাবা ফখিবগী চাং অসি হৌজিক চাদা ৮২.৪৬ য়ৌরে।

হায়রিবা নোংমগী ফগৎলকপগী অৱাংবা চাং অসিনা ভারতনা মালেমগী ওইনা নাবা ফরবা কেস মশীং খ্বাইদগী য়াম্বশিংগী মরক্তা লুচিংদুনা চৎলি।

অনৌবা কেসতগী নাবা ফরবগী মশিংনা হেল্লদুনা ভারতনা নাবা ফরবগী চাদা পাবা মশিং অমসুং এক্তিব কেসগী চাদা পাবা মশিংগগী মরক্তা লৈরিবা অথাপ্পসি লেপ্পা লৈতনা মেনশিল্লক্লি।

নাবা ফখ্রবা কেসকা এক্তিব কেসকগী মরক্তা লৈরিবা মশিং অসি লাখ ৪০গী ময়ানি (৩৯,৮৫,২২৫)।

এক্তিব ওইবা অনাবশিংগী মশিং অসি নুমিৎ কয়ানিরোম থংন-থংননা লাখ ১০গী মখাদা লৈরি। এক্তিব কেসলোদ অসি অপুনবা পোজিতিব কেসকী চাদা ১৫.৯৬নি অমসুং হায়রিবসি চাং নাইনা হন্থরক্লি।

কেন্দ্র অমসুং রাজ্য/য়ু.তি. সরকারনা অপুনবা ওইনা নকশিন্না, থৱাই য়াওনা, মান্ননা অমসুং কান্নবা ফংনা হোৎনবনা নোংমখক্তদা নাবা ফগৎলকপগী চাং অসি ৱাংহনবা ঙম্লিবনি।

রাজ্য/য়ু.তি. ২১না অনৌবা কেস মশিংদগী নৌনা নাবা ফখিবগী মশিংনা হেন্না ৱাংবগী রিপোর্ত লাকখি।

হায়রিবা ফলশিং অসি হনবা লৈতনা, মমাই য়াম্বা খোংথাং কয়া অমসুং থৌরাং কয়া, কেন্দ্র সরকারনা চাং নাইনা য়েংশিনবদগী ফংবা ঙম্লিবনি। লৈবাক পুম্বা পাক শন্না তেস্ত  তৌথোকপা, ঙন্না য়েংশিলহৌবা অমসুং মগুন লৈবা ক্লিনিকেল কেয়রগা লোইননা ত্রেক্কিং সপ্লিমেন্ত পীদুনা ঙন্না খঙদোকহৌবনা অসিগুম্বা ফলশিং অসিদা মতেং পাংলি।

*****