সেপ্তেম্বরগী থা অসি চহি খুদিংগী ওইনা ইং ২০১৮দা হৌদোকখিবা পোশন অভিয়ান (প্রধান মন্ত্রীগী মচি ওইবা চিঞ্জাক মপুং ওইনা ফংহন্নবা স্কিম)গী মখাদা রাস্ত্রীয় পোশন মাহ হায়না পাঙথোকই। সেপ্তেম্বর ১, ২০২০দগী হৌখিবা পোশন মাহগী মনুংদা য়ুথ এফিয়র্স অমসুং স্পোর্ত মন্ত্রালয়না তোঙান তোঙানবা থবক কয়া অমা পাঙথোকখি। পোশন মাহনা ন্যুত্রিসনগী ইন্দিকেতরশিং ফগৎহন্নবা হায়দুনা লৈবাক শিনবা থুংনা থবক পাঙথোকপগী থৌওং কয়া অমা লৈহন্নবা পান্দম থম্লি।

য়ুথ এফিয়র্স বিভাগকী নেহরু য়ুব কেন্দ্র সঙ্গথন (এন.ৱাই.কে.) শিংনা হৌখিবা চহি ২দগী হৌদুনা সেপ্তেম্বর থাদা লৈবাক শিনবা থুংনা নেস্নেল ন্যুত্রিসন মন্থ (রাস্ত্রীয় পোশন মাহ) পাঙথোক্তুনা লাক্লি। “হর ঘর পোশন ত্যোহার”গী ৱারোলসু শন্দোক্লগনি। রাস্ত্রীয় পোশন মাহ পাঙথোকপগী শরুক অমা ওইনা জিলাশিংগী নেহরু য়ুবা কেন্দ্রশিংনা নেস্নেল য়ুথ ভলন্তিয়রশিং (এন.ৱাই.ভি.শিং), য়ুথ ক্লবশিংগী মেম্বরশিং, কোবিদকী ভলন্তিয়রশিং, গঙ্গা দুৎশিং অমসুং অতোপ্পা এন.ৱাই.ভি.শিংবু ইথিল পীদুনা ন্যুত্রিসন নীংথিনা ফংদবা, খোম পীথকপগী কান্নবা, কিৎচন গার্দেনশিং শেমগৎহনবগী থৌওংশিংগী মতাংদা খুঙ্গংগী মীওইশিংদা খঙহন্নবা হায়দুনা জিলাগী লৈঙাক্লোইশিং, অঙ্গনৱারী, আশাগী থৌমীশিংগা লোয়ননা  থবক থৌরম কয়া পাঙথোকখি।

য়ুথ এফিয়র্স অমসুং স্পোর্তকী কেন্দ্র মন্ত্রী শ্রী কিরেন রিজিজুনা হায়খি, “এন.ৱাই.কে.এস. অসি মালেমগী খ্বাইদগী চাউবা নহাশিংগী লুপনি। নহা ওইরিবা ভলন্তিয়রশিংনা হীরম কয়াগী মনুংদগী এজুকেসন, হকশেল অমসুং সেনিতেসন, অকোয়বগী ফিভম, খুন্নাইগী শিংনবা কয়াগী মতাংদা খঙহনবা, নুপীশিংবু মপাঙ্গল হাপ্পা, সিবিক এজুকেসন্নচিংবা লৈবাক শেমগৎ শাগৎপগী হীরম কয়াদা লেপ্তনা শরুক য়াদুনা লাক্লি। সেপ্তেম্বর থা অসিদা ঐখোয়না পোশন মাহ পাঙথোক্তুনা ‘হর ঘর পোশন ত্যোহার’গী ৱারোলসু মীয়ামদা শন্দোক্লি। মসিগী থৌওংশিং অসিনা পুন্সি চুপ্পা নুংঙাইনা লৈবদা হকশেল ফবা অমসুং মচি লৈবা চিঞ্জাক চাবগী তঙাই ফদবগী মতাংদা মীয়ামদা, মরু ওইনা খুঙ্গংগী মীওইশিংদা, খঙহনবগী পান্দম থম্লি”।

পোশন মাহগী মনুং অসিদা হৌজিক ফাওবদা থবক থৌরম ১,০৪,৪২১ পাঙথোকখ্রে অমসুং মসিগী মনুংদা খুঙ্গংগী মীওই অমসুং নহা ৫১,০২,৯১২না শরুক য়াখি। তোঙান তোঙানবা রিসোর্স লৈবা মীওইশিংনা লৌশিংগী ঙাক্লৌ পীদুনা মচি লৈবা চিঞ্জাক চাবা ফংদ্রবা অঙাংশিংদা লায়চৎ অসিগী মনুংদা অমসুং মতুংদা মচি লৈবা চিঞ্জাক ফংহনবা, খ্বাইদগী অফবা থৌওংশিং, মাই পাকপগী ৱারীশিং লিবগী মতাংদা ৱেবিনার কয়া অমসু পাঙথোকখি।

নহাশিং অমসুং খুঙ্গংগী মীওইশিংদা পোশন (ন্যুত্রিসন)গী মপুং ওইবা হীরমশিংগী মতাংদা নীংথিনা খঙহনখি। দিজিতেলগী মওং য়াওনা বেন্নর অমসুং মীয়ামদা ই-পাউ খঙহনবগী পোৎ-চৈ কয়া খুঙ্গং ৭৪,২১৩দা পোশন (ন্যুত্রিসন)গী মনুং ওইবা ৱারোল কয়াদা মিৎয়েং চংদুনা  উৎখি/য়েন্থোকখি।

সোসিএল দিস্তেন্সিংগী কাঙলোন ইন্দুনা নহা ৩৬,২৭৪না মরু ওইবা থৌদাং লৌদুনা মশক নাইরবা মীওইশিংগা ফম্মিন্নবা মীফম ১৮৬২ পাঙথোকখি। ৱাশক লৌবগী থৌরম ২৫,১৬৪ পাঙথোকখি অমসুং মসিদা নহা ৬৫৪৩২০না পোশনগী মতাংদা ৱাশক লৌখি। সোসিএল মীদিয়াগী খুত্থাংদা পোশন মাহগী ৱারোল কয়া অমসু শন্দোকখি অমসুং মসিনা নহা অমসুং খুঙ্গংগী মীওই লাখ ৩৮ হেন্না কান্নবা ফংহনখি।

রেল্লি, লমজেল চেনবা, পদ য়াত্রা, সাইকল য়াত্রা, কলচরগী থৌরমশিং, নুক্কর নাতক, অতেনবা ফিলম উৎপা, একজিবিসন তৌবা, চাঙয়েংনবা (ৱাহং-পাউখুম, লাই-য়েকপা, পোস্তর শেম্বা, এসে অমসুং স্লোগান ইবা, ফক্লাংদা ইবনচিংবা)গী থৌরম ২৯০৫৭সু পাঙথোকখি।

জিলাগী নেহরু য়ুবা কেন্দ্রশিংনা পোশন মাহগী থৌরম পাঙথোক্লিঙৈ মনুংদা নহাশিংনা মাস্ক উপ্পা, খুৎ চাং নাইনা হাম্বা, মশাগী হাইজিন নীংথিনা শেন্নবা, সোসিএল দিস্তেন্সিং ঙাক্না চৎপা অমসুং সরকার অমসুং জিলাগী লৈঙাক্লোইশিংনা পীবা চৎন-কাঙলোন ইনবগী থবকসু শোইদনা পাঙথোকহনখি। মখা তাবা ওইনা, মফম মফমশিংগী ওইনা থোকপা ৱারোলশিংগী মতুং ইন্না অসিগুম্বা থৌরম কয়া অসি পাঙথোকপগী অয়াবা অসি জিলাগী লৈঙাক্লোইশিংদগী লৌগদবনি।

পোশন মাহ ২০২০ পাঙথোকপগী মনুং চনবা থবক-থৌরমশিং-

• সিবিয়র এক্যুৎ মেলন্যুত্রিসন (এস.এ.এম.) লৈবা অঙাংশিং মশক খঙদোকপা অমসুং কিৎচন গার্দেন চাউখৎহন্নবা পাম্বী থাবগী থৌওংশিং
• দিজিতেলগী প্লেৎফোর্মগী খুত্থাংদা খুন্নাইগী সিবিয়রলি মেলনৌরিশ/এস.এ.এম. অঙাংশিং অঙনবা মতমদা মশক খঙদোকপদা এন.ৱাই.এস.কে.গুম্বা নাহশিংগী ভলন্তিয়রশিংগী লাঙলুপশিং শিজিন্নবা
• ‘ফিৎ ইন্দিয়া’ কেম্পেনগা খুৎশম্নদুনা দিজিতেলগী খুত্থাংদা ই-পাউ খঙহনবগী থবক পাঙথোকপা অমসুং এফ.এস.এস.এ.আই.গা পুন্দুনা চিঞ্জাক্কী মগুন হেনগৎহনবগী থৌওং পাঙথোকপা
• অহেনবা অমা ওইনা, ন্যুত্রিসন, সেনিতেসন অমসুং হাইজিনগী অফবা থৌওংশিং, তোঙান তোঙানবা মখলগী চিঞ্জাক চাবগী মরু ওইবগী মতাংদা মীয়ামদা খঙহনবা
• মরী লৈনবা কেম্পস/মফমশিং শিনবা থুংনা ন্যুত্রি-গার্দেন চাউখৎহনবা

*****