লৌউ-শিংউ অমসুং লৌউবশিংগী য়াইফ য়ুম্বাল মন্ত্রালয় অমসুং কেন্দ্র সরকারনা মীসন প্রোগ্রামশিং অমসুং ফ্লেগশিপ স্কিমশিংবু মাই পাক্নহন্নবা থৌওং খুদিংমক পাঙথোক্তুনা হোৎনরি। ভারত সরকারনা হীরম অসিদা চঙগদবা লৌরোক থানবা মরু, তিলহাৎ হিদাক, হার, খুৎশু-খুৎলাই অমসুং শেলগী তেংবাংশিং মাংজৌননা ফংহনবগী থৌওং অসিনা লায়চৎ অসিগী লোকদাউনগী মনুংদা ফাওবা পাক চাউরবা লম কয়াদা অমদা লৌরোক থাবা য়াহল্লিবনি। ঙসি ফাওবগী ওইনা খরিফকী লৌরোক থানবা লমগী পাক চাউবা কয়া হেনগৎহন্নবা হোৎনবদা কোবিদ-১৯গী চৈথেং অমত্তা ফংবা উদ্রি। মসিগী মরু ওইবা মহৈদি মতম চানা থবক পাঙথোক্লিবা, তেক্নোলোজী শিজিন্নরিবা অমসুং সরকারগী স্কিমশিংগী খুদোংচাবা কয়া লৌরিবা লৌউবশিংনা ফংগনি।

মমাং চহিগী মান্নবা মতমদা লৌরোক থাখিবা হেক্ত্যার লাখ ১০৬৬.০৬ অদুগা চাংদম্নবদা হন্দক্কী চহিগী ওইনা অপুনবা লমগী পাক চাউবা অসি ঐচ.এ. লাখ ১১১৬.৮৮নি। খরিফ কুমগী ওইনা লৌরোক থাবগী অরোইবা মশিং অসি ওক্তোবর ১, ২০২০দা লোইশিল্লগনি হায়বগী থাজবা লৈরি।

চেঙঃ চেঙ থাবগী ওইনা মমাং চহিগী মান্নবা মতমদা ঐচ.এ. লাখ ৩৮৫.৭১ ওইখিবা অদুগা চাংদম্নবদা হন্দক্কী চহিদা অপুনবা লম ঐচ.এ. লাখ ৪০৭.১৪ ওইখি, হায়বদি লম কোনশিনবগী পাক চাউবা অসি ৫.৫৬% হেনগৎলে।

হৱাইঃ মমাং চহিগী মান্নবা মতমদা ঐচ.এ. লাখ ১৩৩.৯৪দা হৱাই থাখিবদা হন্দক্কী চহিদা ঐচ.এ. লাখ ১৩৯.৩৬তা থাখি, হায়বদি লম কোনশিনবগী চাং অসি ৪.০৫%দা হেনগৎলে।

অপৌবা সিরিএলঃ অপৌবা সিরিএল থাবগী ওইনা মমাং চহিগী মান্নবা মতমদা ঐচ.এ. লাখ ১৮০.৩৫ ওইখিবা অদুগা চাংদম্নবদা হন্দক্কী চহিদা অপুনবা লম ঐচ.এ. লাখ ১৮৩.০১ ওইখি, হায়বদি লম কোনশিনবগী পাক চাউবা অসি ১.৪৭% হেনগৎলে।

ওইলসীদঃ মমাং চহিগী মান্নবা মতমদা ঐচ.এ. লাখ ১৭৯.৬৩দা ওইলসীদ থাখিবদা হন্দক্কী চহিদা ঐচ.এ. লাখ ১৯৭.১৮দা থাখি, হায়বদি লম কোনশিনবগী চাং অসি ৯.৭৭%দা হেনগৎলে।

চুঃ মমাং চহিগী মান্নবা মতমদা ঐচ.এ. লাখ ৫১.৮৯দা চু থাখিবদা হন্দক্কী চহিদা ঐচ.এ. লাখ ৫২.৮৪দা থাখি, হায়বদি লম কোনশিনবগী চাং অসি ১.৮৩%দা হেনগৎলে।

লশিং: মমাং চহিগী মান্নবা মতমদা ঐচ.এ. লাখ ১২৭.৬৭দা লশিং থাখিবদা হন্দক্কী চহিদা ঐচ.এ. লাখ ১৩০.৩৭তা থাখি, হায়বদি লম কোনশিনবগী চাং অসি ২.১১%দা হেনগৎলে।

লিমোন অমসুং মেস্তা: মমাং চহিগী মান্নবা মতমদা ঐচ.এ. লাখ ৬.৮৬দা লিমোন অমসুং মেস্তা থাখিবদা হন্দক্কী চহিদা ঐচ.এ. লাখ ৬.৯৮দা থাখি, হায়বদি লৈবাক অসিদা লম কোনশিনবগী চাং অসি ১.৭৮%দা হেনগৎলে।

খরিফ কুমগী লৌরোক থাবগী ২৫/৯/২০২০ ফাওবগী মনুংদা লম কোনখিবগী চাংগী ফিভম

লৈবাক অসিদা ২৪/৯/২০২০ ফাওবগী মনুংদা নোং তাখিবা অসি মহৌশাগী ওইনা এম.এম. ৮৫৪.৭ ওইখিবা, হায়বদি ১/৬/২০২০দগী ২৪/৯/২০২০ ফাওবদা (+)৯% খেৎনদুনা, অসিগা চাংদম্নবদা তসেংনা এম.এম. ৯২৮.৮ ওইখি। সেন্ত্রেল ৱাতর কম্মিসন্না ২৪/৯/২০২০ ফাওবগী মনুংদা পাউদম্বা অসিগী মতুং ইন্না লৈবাক অসিগী ঈশিং তুংফম ১২৩ অসিদা ঈশিং লৈবগী চাং অসি মমাং চহিগা চাংদম্নবদা হন্দক্না ৯৯%গী চাংদা লৈরি অমসুং মমাংগী চহি তরাগী চাংচৎকা চাংদম্নবদনা ১১৫%গী চাংদা ঈশিং লৈরি।

খরিফ লৌরোক্কী ওইনা ২৫/৯/২০২০ ফাওবগী মনুংদা লৌ-খাউবগী ফিভম (লমগী পাক-চাউবনা ঐচ.এ. লাখতা)

* ইকোনোমিক্স অমসুং স্তেতিস্তিক্স দাইরেক্তোরেৎ

অকুপ্পা ৱারোলগীদমক্তা মফম অসিদা নম্বীয়ু

****