কোবিদ-১৯ প্রোতোকোল মরম ওইদুনা লেপ্তুনা লৈরুরবা “য়োগা ব্রেক” থৌওংশিং পুখৎনবা অয়ুশ মিনিস্ত্রীনা ঙসিদগী হৌনা অমুক চৎথবা হৌখ্রে। মসিগী মিনিত মঙাগী প্রোতোকোল অসি মীয়াম্বু থবক মফমদা য়োগা তৌনবা পীবনি অমসুং মখোয়বু থবক্তগী ঙাইহাক পোত্থাদুনা মশা তেকখৎপা অমসুং অমুক হন্না থবক্তা চিংশিনগনি।

য়োগা অসি ইন্দিয়াগী থায়নদগী লৈরক্লবা হৌনবী অমনি মসিনা মীওই অমসগী মশা-মউ, ৱাখল, থৱায়গী ওইবা ফগৎহল্লি। থবক্কী মচৎ হোংলকপা মরুওইনা কম্প্যুতর অসিনা মতম কুইনা শাংনা ফম্বনা থবক্তা অৱাবা ফাওহল্লি। মসিনা থবক্তা হেন্না পুক্নিং চংখিদুনা কোন্না মথৌ হন্থরকই।

অয়ুশ মিনিস্ত্রীনা এম.দি.এন.আই.ৱাই.গা লোয়ননা মিনিত মঙাগী য়োগা ব্রেক প্রোতোকোল পীদুনা স্ত্রেস হন্থহনবা, তেকখৎহনবা অমসুং থবক্তা অমুক পুক্নিং চিংশিনহনবা অসি ২০১৯দা থবক মফমশিংদা শেমগৎখি। প্রোতোকোল অসি য়োগাগী লমদা হৈথোইরবা কাংলুপ অমনা শেমগৎপনি মসিদা তারাসানা, কাতি চক্রসানা অসিনচিংবা অমসুং নাদিসোধানা ভ্রামারি প্রানায়ামা অমসুং ধ্যানাসু য়াওরি। প্রোতোকোল অসি ত্রাইয়েল বেসিস ওইনা ২০২০গী জানুৱারিদা শরুক য়ারিবশিংনা পীনরকপা অপাম্বদগী হৌদোকখিবনি।

অয়ুশ মিনিস্ত্রীনা নই দিল্লীদা লৈরিবা অয়ুশ ভবন অমসুং এম.দি.এন.আই.ৱাই.দা ঙসি য়োগা ব্রেক (ৱাই-ব্রেক) প্রোতোকোল মওং উৎপা অমসুং শাজেল তৌবা হান্নগী মফমদা হনজিনখ্রে। হৌজিক লৈরিবা হকশেলগী মওং অসি য়েংলগা মরুওইবা ওইনা লৌরিবা অসি শ্বরগী শাজেল (প্রনায়ামা)অসিনা মসিনা লঙ্গসগী মথৌ কনখৎল্লি। য়োগাগী মওং উৎপা অমসুং শাজেল তৌবা অসি অয়ুশ ভবন্দা নুমিৎ খুদিংগী মিনিত ১০পীগনি অমসুং শরুক য়াগদবশিংনা মফম অসিদা য়াওবা য়াগনি। য়াম্না অচেৎপা নিয়ম থাপ্না লৈনবা সরকারগী চৎন পথাপ চৎনগনি। অয়ুশ মিনিস্ত্রীনা মসিগী খুদোংচাবা অসি নই দিল্লীগী আই.এন.এ.গী জি.পি.ও. কম্প্লেক্সদা লৈরিবা স্তাফ অমসুং ওফিসরশিংদা লাক্লিবা চয়োল অসিদা লেম্না ফংহনগনি।

******